上海綠楊邨酒家 (已結業)

這店歷史悠久，也是常到的商務飯堂，聞說快要關門，所以約了些同事食餐好啲，四位套餐尤其抵食。頭盤是5小碟的小排骨有糖醋香，醉雞有好香酒味，海哲勁彈牙，肴肉和烤麩也有水準。紅燒魚塊也的魚肉也很嫩滑。獅子頭的豬肉相信是手剁的，口感跟機攪的真有分別，味道也是上佳的。大蝦用酒糟做汁，酸酸甜甜相當惹味，白色的鰂魚湯，也很鮮甜。小籠包皮薄，肉汁鎖在包內，不點醋也很好味。最後是酒釀丸子，丸子煙韌唔會硬，也不甜。整體也很有水準。…查看更多

周末订了位来同家人和亲戚来食晚饭，点菜后，主菜仲上得快过前菜，全无先后次序！前菜的燻蛋和燻鱼还算不错，海参窝巴就好一般，水汪汪的，清炒虾仁，蜜汁火腿都好食，但银丝卷就好差，点了一蒸一炸，里面个心都是未熟或硬的，应该是从冰箱里拿出来解冻的吧！或是面粉本来就做得不好，都退了。服务也是一般，以前都有来这里食晚饭，因为餐厅环境是不错的，坐得舒服，但我觉得现在食物的质素下降了不小，比以前失色，所以日后应该会减小来了。…查看更多

今日同同事慶生，訂左位又來幫襯綠楊邨。雖然綠楊邨係中上格調的酒家，價錢比一般酒樓略貴，但物有所值，所以我們都很喜歡來這裡。位於world trade 11樓，大玻璃窗令到人一入到黎會覺得好光猛，又有海景睇，配合典雅的裝修，沒有一般酒樓的嘈雜聲，所以感覺就是與別不同。有次坐過裡面一個私隱度極高又唔係包房的位置，也是不錯的。今次一行5人，就叫了一個四人餐，這裡的午市套餐係幾抵食，所以我們通常也會叫這些餐。今次選了「招牌商務套餐」($698)。首先有自選五併盤，我們選了花彫醉雞、水晶餚肉、四鮮烤麩、蔥油海蜇同脆皮素鵝。每樣小小，全部都好好味！前菜就揀了鍋鎉玉帶子，四人餐當然得四粒，大大粒帶子煎香外皮再配以西蘭花！湯今次就揀木瓜燒大魚頭湯，侍應自動幫我們分成5碗，十分鮮甜！湯渣今次我無食。小菜方面，我地揀了招牌東坡肉及扁尖油荳腐津白。以往我都好怕食東坡肉，覺得好肥，但呢度既東坡肉真係食過番尋味！肥瘦比例剛好！個汁又調較得好好！總之就正！扁尖油荳腐津白就無咩特別。還有一籠四個的綠楊素菜包，清清地都唔錯。最後還有甜品香煎八寶飯，我本身唔係特別鍾意呢個甜品，但呢度都整得OK的，煙煙un un咁，唔會好甜，可以自行加砂糖，細細舊淺嚐幾好。由於其中一個同事係熟客仔，所以經理仲送我地每人一碗合桃露添！好開心呀！每次來都覺得呢度D嘢好好味的！今次四人餐五個人分都OK飽！下次唔知幾時黎呢？…查看更多

豬年新春開年午餐！正月初七「人日」！老闆請所有同事到世貿中心上海綠楊邨酒家大吃一餐。食過開年飯，大家事事順利，萬事如意！🙂🙂酒家位於世貿中心11樓，地方尚算乾淨，座位亦有足夠空間。只是上去的電梯有點麻煩。酒家於春節其間推出了限定套餐。我們挑選了1480的「金玉滿堂宴」。再另外加了幾款小菜，份量很夠，個個都食到飽飽。「自選三冷盤」· 脆皮素鵝外皮唔會太厚，餡料份量十足，好味！😋「自選三冷盤」· 白切肉粉皮這個有點遜色，如果醬油調味略為濃一點會比較好。「自選三冷盤」· 蔥油海蜇宮爆明蝦球雖然好明顯唔係新鮮蝦，但係肉質都好彈牙，唔錯！松鼠魚糖醋排骨扁尖油豆腐燒津白炒鱔片系出邊食嘅通常都係炒鱔糊，已到大大片，夠晒口感！椒鹽豬手蝦仁炒飯個炒飯好好味，夠乾身，未食聞到已經好香。…查看更多

老友記生日設宴於世貿中心，綠楊邨餸菜水準高又穩定，銅鑼灣交通和地點都方便，所以佢幾乎年年都响呢度擺。場面熱熱鬧鬧的獨立房，先來個八福齊賀壽，招牌丁香雞、油炆小竹筍、五香燻魚、脆皮素鵝、涼拌小象拔、蔥油海蜇頭、水晶餚肉、煙燻滷蛋丁香雞已去骨，雞肉嫩滑惹味。油炆小竹筍可口有點咸五香燻魚炸透又夠味，甜度低些更好。脆皮素鵝新鮮製作，外皮脆卜卜，餡料有不同菇類，口感爽滑，好吃。涼拌小象拔，薄得嚟又爽口，配有清新粉皮和醬汁，鮮！海蜇本是由水母用鹽醃製，食用前泡水浸發恢復厚度，材料只有口感沒有味道，隨後的調味處理好重要，食材被蔥油添上靈魂，咸淡適中加上爽彈口感，海蜇頭部分夠厚有嚼勁，是最喜愛的前菜之一。水晶餚肉一般好吃。煙燻滷蛋開邊放在醬汁上，橙黃色的溏心蛋黃好吸引，蛋白外皮帶有微微煙燻味，食味唔錯。鮮百合炒河蝦仁粉紅色的小蝦仁好吸引，河蝦比海蝦味道清淡些，口感爽脆加上鮮百合清甜，想吃不停添呢！宋嫂桂花魚羹好足料，除了桂花魚絲，加埋金菇、冬菇和木耳絲，仲有芫西增添香氣和辟鯹，點止湯羹咁簡單，正！醬炒肉蟹年糕這個超級好吃，蟹肉結實肥美鮮甜，加上醬汁食完舔舔脷，連毛豆和年糕也好吃，好想再食啊！原條糟溜桂花魚魚片嫩滑無鯹味，連埋雲耳一起放入口，出乎意料夾的說。當紅炸子雞和椒鹽排骨，每款吃了一件，印象不深，ok啦。蒜子干貝黃帝菜只吃到一箸，好吃，轉一圈已經給搶光了。香煎三鮮鍋貼鍋貼屁股煎得脆脆的，飽滿的肉餡十分juicy，好好食。綠楊素菜包平常這個時候已不想吃了，聽說是朋友最愛的也嚐嚐，包子熱呼呼又鬆軟，餡料有菇有菜很清新，不知不覺整個包吃完，好吃，下次要再吃。祝壽蟠桃是豆沙餡，甜度剛好包鬆軟。棗泥鍋餅皮脆餡滑，還帶有元肉在內，同桌說是罕有的做法，很推薦呢！鮮磨腰果露湯圓入口幼滑無渣，可以encore，沒有湯圓在碗內。合時鮮果拼盤據說水果都是現切，沒泡鹽水的，哈蜜瓜最甜。呢餐好開心好滿足！…查看更多

我都好喜歡吃上海菜，過開海做野都會黎世貿上海新綠楊嘆茶因為呢度又有靚view，食我至鐘意嘅干燒明大蝦，與別不同在個汁，酸酸甜甜，個味道喺出面食嘅上海菜係冇撞過架，所以次次黎親都叫兩隻~$7O一隻，值得一試…查看更多

趁著帶毛孩過海梳洗的機會，午飯時間walk-in來綠楊村，人竟然不多，可以吃個有靚境有味道的上海菜。不用等位之餘，還剛好有窗口位坐，一流！點了三個菜，小刀骨在一點半已經賣畢，後改了燻魚。先來的薰魚有四、五件，五香醃得咸度適中，像東坡肉汁。鯇魚腩質地像瘦肉，帶趙口。窩貼煎來脆得不刮嘴，三鮮肉餡雖然分不到是哪三鮮，不過肉餡飽滿，味道不錯。粗炒入口比其他餐廳的油膩，愛麻油香的會十分喜歡。麵條粗幼不一，因此軟硬也不一。份量有四小碗，兩口子吃畢格外飽肚。替內子多點她的最愛甜品：桂花酒釀丸子。桂花香，酒味淡而不酸，微暖的，清甜的，愜意。…查看更多

今日一行七人到綠楊邨和2位同事興祝生日，平時間唔中都會幫襯，因午市套餐真係抵食又好食，今日叫左2個lunch set, 份量好大好夠食首先來個冷盤: 有餚肉，醉雞，海哲，糖醋小排骨和素鵝，全部都係我好喜愛的冷盤小吃，醉雞夠酒味又滑，海哲爽脆，糖醋小排骨夠入味，素鹅有煙燻味，餚肉有咬口，好正宮爆明蝦球~ 蝦球又新鮮又大隻，蝦肉好爽脆，加埋 酸甜汁真係好好味酸辣湯唔夠酸辣，料就好足，味道唔夠，有些失望糟溜魚片~好滑好嫩律白~加埋D金華火腿，好味砂鍋獅子頭~2個大大的獅子頭和小棠菜，獅子頭肉有些實，如果鬆一些更好，但味道唔錯椒鹽排骨~炸得老火左，有D實，肉有D孩上海粗炒~不油膩，麵條煙韌雞火蝦仁炒飯~炒飯粒粒分明，蝦仁好新鮮好爽小籠包~皮薄餡靚, 小籠包一定要趁熱吃，同埋要好小心拎起，因為一唔心D湯汁就漏哂出黎，加埋鎮江醋一起吃好正仲有豆漿和冬瓜水，好健康真係食到捧住個肚走，仲要食唔哂包走，綠楊邨一向質素好穩定，服務又好，所以想食上海菜的話，可以來試一試…查看更多

母親節常在，慈愛永流轉，子女多陪伴，孝行是優先。每年的五月第二個星期日便是母親節。當日各個食店都有哈哈之聲伴隨着不同年齡的母親。但香港人工作繁忙，中年男、女在自身崗位團團轉，年青人為事業打拼，小孩的腦袋子不停存入保養品，大家為的是將來。而各位老媽所需要的又是什麽呢？今天到❝上海綠楊邨❞午餐就知道，老媽們需要的是家人歡笑聲。大堂內加了枱，原本細枱位置改為大枱，為的是容納多些開心歡笑聲！冷盤之中的最愛❛ 海蜇頭 ❜，每次到訪也不會失望的菜餚，而它是没有味道的材料，主要係厨師的手藝令到它活潑起來，它爽脆、充滿着麻油和醬的香味。淨食或配搭上小黃瓜也是無械可擊。夏天是蓮藕的季節，有爽有粉，而❛ 醬燒蓮藕 ❜正合時了，它的醬汁黏附在蓮藕每一點上，口感與味蕾同時高興着。❛清燉揚州獅子頭❜ 肉湯清香，當飲到肚子後，濃厚的味道仍留在咀裏不離開。但❛獅子頭❜所用豬肉的肥、瘦比例是否最好，就見人見智了。我就兩人食一份啊。❛浦江梅菜包❜使用甜味梅菜，又飽肚，又可作甜品，又其實係咸點，真真得意。溫馨提示：星期一至五要食午餐，可以想到就光顧，但其他日子便要致電訂枱喔。而且其中一個大堂向維多利亞港，並且在中午十二點正，可以聽到怡和集團的午炮報時響聲。…查看更多

幾個朋友食飯,起初有一個朋友話帶埋個三兩歲既小朋友出黎,所以就搵左間中菜既,小朋友岩食啲啦,又想間野坐得舒服啲,起馬唔好迫既, 咁就揀咗呢間啦, 最終個小朋友就冇到嘅, 我哋四個大人就坐咗一張細圓枱, 呢啲嘢食都叫不過不失啦, 都係嗰句有圖有真相,未齊人時,嗌左個拍青瓜, 無咩味,應該係話唔入味以上三樣野係一個餸黎既, 金華火腿唔知咩夾包咁, 好食呀呢個,估佢唔到!呢個一般到不得了,可以話大排檔好食過佢餃子, 真係食完都無印像湯浸菜,無話好唔好食呢個特別,臭豆腐,都幾臭下!小籠包,好多老舖好食好多所有野都真係一般,唔難食既,但一般,價錢都係一般四個人,一人三百幾…查看更多

之前都嚟過好多次，地點方便老字號。食物水準高，傳統食肆招呼不過不失。最正係有臭豆腐！而家好難搵，街邊個啲好多時候都唔好食，大陸嗰啲就唔敢食。呢度就夠晒『香』又乾淨，好！文思豆腐羹刀功一流。冬天又有上海特色菜式提供，好多都未聽過。…查看更多

田園青菜煨麵試過好多間上海菜餐廳 暫時未有一間既青菜煨麵係比得上綠楊邨😭❤️性價比極高!!! 💸💸個湯飲落有好香濃既雞味🐥而且仲夾雜陣陣金華火腿咸香😗(唔係味精湯既咸味) 白菜夠嫩 所以食落唔會有渣😋最重要係用左肥妹最愛既上海麵☺麵質偏軟淋正常既 唔係點叫煨麵呀?😏份量又剛剛好 每次黎都一人一碗嫁😍超推介❤️❤️❤️…查看更多

星期五晚與家人及朋友4位進餐，驚喜地喺繁忙難搵位嘅銅鑼灣都有得book 枱唔洗等位好耐無食葱油撈麵，哩碗真係好值得推介唔太油唔太乾，個醬汁真係落得恰到好處！而且蝦米大大粒，好足料！百頁卷配上馬蘭頭菜，係一個最傳統食法，味道清香，好味食上海嘢邊嗌小籠包，果然無失望！好耐無食到咁高質嘅小籠包！名符其實的皮薄餡靚，入面嘅肉汁好多，好juicy 奶白色嘅腌篤鮮湯配上大大舊金華火腿，味道濃得黎唔會太重口味，4個人嗌分到5碗，碗碗都足料，推介！津白味道就中規中矩吧，這個味道配這個價錢就稍為偏貴了薰蛋嘅薰味還好，有點兒偏咸，而且影出黎都睇到，煮得熟左啲，溏心嘅效果就自然無咁好了這碟的這個味道跟質素，價錢就比較太overpriced 了，糖醋味偏甜，但唔入味，魚塊食落都有腥，唔新鮮豆沙鍋餅太油了，仲要食到最後果塊有條頭髮不過算了，都食到最後果舊，唔食就好了晚飯還好吧，食物要好好挑選避免中伏…查看更多

套餐真係勁抵食份量又大佢哋最正就係上海粗炒同小籠包仲有松子炒飯好好食辣子雞夠曬辣夠刺激可惜大部分餸都有啲過油希望下次輕手啲前菜有 非常多唔同種類雖然食完印象唔深其實因為唔係特別好食其中有個大蝦粉薄大蝦彈牙其實酸辣湯都好有料服務唔算體貼舉手五分鐘都冇人理我…查看更多

唔知點解好多酒樓一到特別節日d菜式就會唔同哂所以相對質素都比較差。。。今日父親節來食環境好逼呀！應該係加枱所以坐得好唔舒服。。。不過我地一枱8人都係剛剛好一張中枱無計啦節日硬食有小菜兩碟麻麻地但唔食都要比錢😅香脆素鵝味道不錯而且食得出係新鮮炸入邊有好多香菇，脆卜卜都幾開胃點左一個前菜係熏魚價錢都偏貴不過份量就算係多嘅都起碼有八件左右一人一件剛剛好味道偏重口味而且有細骨，小朋友食就要小心喇！葱油餅係一隻隻計，好奇怪叫左一隻有8塊😂😂😂唔知點解係一隻😝好香脆，味道都不錯😋😋😋東坡肉呢到嘅招牌菜之一，會有個蠟燭點住火上枱，不過過火係用嚟裝飾所以唔會太熱東坡肉住得都幾入味今晚最失敗之作。。。葱爆牛肉😤😤😤真係好想退貨 d牛肉炒到好似牛肉乾又無味。。。唔係新鮮牛似打邊爐嘅瘦肉😒😒😒又咸。。。。係節日問題嗎？因為湯一客例係4碗所以點左酸辣湯同宋嫂魚羹酸辣湯味道幾好不過料唔夠多，反而宋嫂魚羹好足料不過有強烈芫西味我就麻麻lu 魚肉都幾滑松鼠魚😂😂😂menu 係咁寫架明明係松子魚 叫左條細嘅味道不錯 係338有d貴😅😅😅雞火炒飯。。。好油好硬不好食津白就。。。份量小同比較咸小籠包係最遲黎。。。不過係最好食😂😂😂好多湯好鮮味，不過要吹左兩次先有今日好爆場，個個店員都好忙食唔到質素 。。。有機會再試啦…查看更多