上海真真豆漿大王 (已結業)

然之後紅磡區其實仲有好多上海野上海真真豆漿大王就應該係新蒲崗前米芝蓮豆漿大王既屋企老店呢間係蕪湖街三間入面最遲收就係呢間8月尾就會搬過去勇記果邊新舖入面比起上海飽餃店同滿堂樂大d但都係唔多位耐唔耐就要等位呢間食物就介乎上海飽餃店同滿堂樂之間無咁多點心麵食都唔少不過就再多左菜飯粢飯當然係必點名物話晒豆漿大王都淨係得粢飯好食呢舊粢飯係勁多料同埋油炸鬼都OK飯都夠黏口老婆話佢由細食到大都係呢種味道真係同豆漿大王一樣無擔擔麵可以揀所以只可以叫上海排骨麵個麵同豆漿大王一樣都係唔需要提但係排骨就脆好多唔會好乾同淋其實真係同豆漿大王有d似就係煎炸類小食都唔錯既煎鍋貼仲有炸雞全翼同炸零吞熱氣到痴線所以叫番杯豆漿都幾好飲甜度都夠埋單總其139蚊平均每人70蚊價錢比起豆漿大王貴些少咁就真係食情懷比較多舊區環境都係差唔多污糟唔知搬左新舖會唔會好D…查看更多

一向都喜歡食上海粉麵, 但香港啲上海老式粉麵店買少見少, 好彩紅磡仲有幾間, 趁得閒, 走去食碗麵先.📍上海真真豆漿大王之前响红磡返工都會嚟食午餐, 但多數响秋天或冬天嚟, 因唔近公司, 一來一回巳身水身汗, 但因啲麵好啱胃口, 所以冇响紅磡返工都會返嚟食. 🌸上海雲吞配雪菜上海雲吞完全唔同廣東雲吞, 外型大隻啲, 餡料係素菜或菜肉, 唔同廣東雲吞, 好少配蝦, 餃皮比較厚, 所以個皮的質素好重要. 有時店家會自己搓麵粉壓皮自己造餃皮. 這店啲餃皮好, 煙軔度夠, 啲菜肉餡份量足比例好, 唔會好滯. …查看更多

十年前係紅磡工作時時常幫襯佢買豆漿粢飯～換咗新工作之後就冇幫襯過佢～今日行過見佢剛開門～仲有兩三個人排隊就買咗個豆漿粢飯食～但收錢個姐姐唔知係咪剛剛開舖嘅原因～啲態度好似唔係咁友善～攞咗嘢食之後就即刻喺架車𥚃面開餐～發現豆漿冇乜豆味～冇以前咁好飲～粢飯簡直失望～一打開就好似美式熱狗咁打開咗個口～一咬啲料散晒出嚟～搞到我成車都係肉鬆～油條又唔脆～超級失望～可能又換咗老細～啲質素跌晒～又可以揀少一間～…查看更多

【九龍城區】【上海真真豆漿大王】去到蕪湖街呢邊，其實都幾有盡頭 feel，我所講嘅盡頭係講緊 1am紅館 系列同紅館十五分鐘腳程嘅盡頭，我自己親自測試過，的確係行 15 分鐘先到紅館。所以如果係食完飯過去睇 Show 嗰隻，就真係自己諗諗喇。之前同大家介紹過附近嘅滿堂樂，印象相當好，大家睇過嗰篇嘅話，應該都會喺字裡行間感受到嗰份喜悅。所以見到呢邊都有上海嘢，誠然都幾期待。加上睇咗啲資料話佢都算老字號，更加令我覺得要試吓。去到都幾多人，要攝攝吓先搵到個位。主菜就叫個「雙拼上海麵」C 餐，有兩個餸，配上海麵。我揀咗「上海燻魚」同埋「五香牛肉」，前者冇汁真係好乾，食落亦都非常一般。後者其實係牛腱嚟，食落都唔錯，可能食燻魚先，覺得呢個都算 okay，配埋「雪菜」先 $45，算係咁。嚟食上海嘢唔知點解覺得硬係要配返杯「凍豆漿」先安樂，質素都 okay，不過吹到係「大王」又覺得好似未到呢個 level，$12 嘅價錢唔算平。而我一場嚟到當然唔會就咁走，搵一碗好好食嘅「鹹豆漿」一直係我嘅任務，可惜 $16 嘅呢碗唔算係。食完以上嘅嘢之後，其實仲有空間食嘢，我覺得自己未必會再嚟，所以叫多樣嘢睇睇佢啦。諗咗陣先決定叫「即煎鍋貼」三隻，$20 嘅價錢睇吓佢咩料。啲餡都幾足，肉感幾滿，而個皮都算脆，味道上唔差。估唔到，最後都食返樣唔錯嘅嘢。平時一條友食上海嘢當然唔會食到 $93 咁多，不過我肩負住認真試嘢嘅重任，冇計。雖然我已經說服咗自己去食一次一樣嘢都可以出 post，但係而家講緊係討好美女嘅 1am紅館 系列，又點可以得過且過、因陋就簡咁就得呢，所以個分別就喺度。。。（地址：紅磡蕪湖街48號地下）#1amfoodie #foodie #hkfoodie #thatfoodiething #hkfood #food #instafood #yummy #1ambackup #1am0520 #foodies #tasty #globaleats #tastyfood #foodpics #followforfollowback #love #eat #1am九龍城區 #紅磡 #1am紅館 #上海真真豆漿大王 #上海真真 #豆漿大王 #上海菜 #鹹豆漿 #凍豆漿 #即煎鍋貼 #上海燻魚 #五香牛肉…查看更多

原本想食另一間餐廳, 輾轉幾間都排大隊, 最後係蕪湖街見到就不如食吓久違嘅咸豆漿同粢飯, 上次食咸豆漿已經係幾年前係上海咸豆漿加雞蛋 - 咸豆漿呢味野唔係人人接受, 廣東人多飲甜豆漿食豆花, 如果當佢係上海版豆乳湯可能會易理解D, 入面有蔥花、油炸鬼、蝦米、榨菜, 另外有加生雞蛋係底, 靠豆漿餘溫變做雞花, 綿滑中帶D鹹香, 油炸鬼又有D咬口粢飯 - 即叫即做熱騰騰, 少飯但糯米粒粒分明煙韌, 多肉鬆多榨菜夾住脆卜卜油炸鬼, 滿意酸辣雲吞麵- 酸辣湯足料, 調味偏酸, 上海雲吞正宗皮偏厚但夠大舊肉夠juicy…查看更多

呢間真真已開咗超過20年， 以前讀Poly嘅應該都有食過。今次專登過嚟食咸豆漿同粢飯。粢飯肥嘟嘟，可惜料唔夠豐富，飯又太大舊。幸好只叫一舊，否則都食唔落其他嘢。咸豆漿唔錯，夠晒熱辣辣，油炸鬼舖滿面。可惜無咩蝦皮。獅子球菜飯 - 菜飯好食，菜無變黃，亦唔會太油。但獅子球只係牛丸咁嘅size, 仲要成粒炸完無再炆，完全乾爭爭，敗筆！炸菜肉雲吞，夠香口，外脆內軟，又夠熱總結報告，如果想食嘅可再翻兜、但未去到非食不可嘅。…查看更多

e排突然想食咸豆漿粢飯，兩星期前去大埔食咗間怪怪的，琴日，我同老婆都話好耐未食過真•粢飯同豆漿，於是我就再次上openrice 搜尋，結果發現原來香港已經得返好少有粢飯豆漿賣嘅上海鋪，最後，我哋選擇咗真真.....雖然外賣，但有20年前的味道，雖未有100分，但也有80分左右。去到鋪頭，見到三位姐姐係廚面，好有做仔嘅時候上海麵鋪的風格，見到其中一位阿姐負責整粢飯，一位做麵廚熱食，另一位收銀同支援兩位及出菜，各施其職......講食物啦，我哋叫外賣，一個咸豆漿，兩個粢飯（一個正常同一個走肉鬆），我接受我order嘅食物，同埋我會回頭嘅！其實，邊度有100分嘅粢飯架，當你肚餓，又或者專登去尋覓你想食嘅食物時，控制自己嘅expectation, 岩胃口又稱心嘅食物，就會在附近。…查看更多

#紅磡#上海真真入去前見到評語好一般，有啲猶豫。之前粢飯關注組有人話呢間好食，所以去試吓。鹹豆漿$16，好濃，唔鹹，不過個人唔係好習慣食鹹豆漿。粢飯$22 ，即叫即包，份量足。脹卜卜，以為有好多餡，原來裏面有兩條油條，佔據咗大部份空間，可惜唔脆。榨菜和肉鬆薄薄一層，少得可憐，味道淡。成個粢飯一齊咬，感覺似喺度食白飯。單以粢飯來講，呢間仲衰過附近嘅滿堂樂，滿堂樂雖然白飯硬，起碼啲餡夠多；上海珍珍榨菜 & 肉鬆少得可憐，食完個口好淡，浪費咗一個早餐嘅quota 😢…查看更多

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝐻𝓊𝓃𝑔 𝐻𝑜𝓂上星期係紅磡行街，突然好想食粢飯，本身想去果間休息。男友話附近仲有另一間，所以一試，呢間同九龍灣果間一樣又係叫做豆漿大王😂🌟 粢飯（$22）見到店內有個姐姐係咁包，諗住一定係新鮮整好啦！？落完單好快就有， 可以幫你切開埋一半，粢飯個𝘴𝘪𝘻𝘦都幾大，望內餡料都幾足。但一咬落去就發現油炸鬼唔係脆😔應該係包定一批放係道😭焗耐左所以少少淋。不過除左油炸鬼之外，粢飯、花生、肉鬆、榨菜等等嘅配菜都配搭得好好👍🏻個比例做得好啱🥰但未超越到心中粢飯最愛九龍灣豆漿大王🌟 酸辣湯麵（$32）酸辣湯麵係上海麵，可以轉米線，麵體偏粉。酸辣湯底顏色有啲似碗仔翅，唔係偏紅嗰種，食落有微微嘅辣味，入面用料好足！有我最鍾意嘅筍絲、木耳、豆腐、竟然有豬紅！味道夠酸微辣，做得好味好有驚喜☺️最後加左杯🥛凍豆漿（$12）作結🤣簡簡單單既野食，食得好滿足☺️📍上海真真豆漿大王紅磡蕪湖街48號地下…查看更多

因為之前係紅磡返工，所以都成日食他的黐飯同豆漿。中午就會食酸辣湯麵。離開紅磡工作後都會間唔中掛住佢返去食，我一般都係叫外賣，我好欣賞他，夠均真，叫酸辣湯麵佢啲酸辣湯落唔晒落去個面度，就會用另外一個外賣盒裝起大半盒湯。通常就係我老公食個酸辣湯麵我就飲另外嗰個外賣盒嘅湯。點知今日去叫外賣，個廚師同以往一樣都有分湯，但係去到包食物嘅時候，嗰位同事就同個廚師講環保呀，將多出嚟嘅湯倒落佢個湯面度，佢已經倒到流出黎都裝唔晒，就同我講環保呀。我同佢講我都係鍾意以前嘅做法，佢話下次比番你啦，其實佢咁樣做法我拎到返屋企又漏咗出去個袋度，我又少咗酸辣湯，我覺得佢個做法真係唔係咁好。我仲有買咗佢嘅黐飯返去食，佢今次嘅黐飯少咗榨菜之餘，油炸鬼仲係唔夠脆。好失望。我都會俾多次機會佢如果下次都係咁就唔會再去了。令我懷疑佢係咪換咗老細。…查看更多

外賣買咗個排骨菜飯排骨炸得好乾好香菜飯都唔錯唯一美中不足可能食開嘅菜飯都希望有少少甜甜地。有啲糖醋味嘅汁呢度真係比較乾身係好食嘅但係好健康沒汁以前成日食嗰啲鹹豆漿同炸雞翼其實都唔錯仲有粢飯不過而家貴咗好多啦成廿蚊個粢飯情願畀多少少要盒飯…查看更多

好鍾意呢度嘅咸豆漿配粢飯咸豆漿飲落暖笠笠好啱朝早每一啖都會食到配料口感好豐富豆味濃郁又唔會好油膩配埋粢飯一齊食絕對會飽到去中午粢飯好紮實份量啱啱好每啖都食到榨菜肉鬆油炸鬼…查看更多

趁星期六日放假，就周圍行周圍搵食今次行到紅磡蕪湖街，見到依間聞名已久嘅街坊小店，決定入去坐低食番幾味！係網上見到唔少人都話必食餈飯，一上枱確實俾佢嘅size吸引咗真係大件夾抵食！用糯米包住肉鬆、榨菜、油炸鬼，鹹鹹甜甜。足料程度，食一半已經好飽肚！豆漿大家嘅認知係甜為主，不過咸豆漿都相當有風味。熱焫焫嘅店豆漿，大大碗之餘豆味夠濃夠香，配埋餈飯可以幫手解膩。窩貼煎得香口，加埋餐廳秘製辣醬更加惹味！一咬開啲肉汁就滴出嚟，而且足料大大隻！雖然紅磡較僻，唔算係非常交通方便，不過可以係紅磡做足咁多年就知肯定有番咁上下。而且紅磡區一向都多隱世美食，下次可以再搵朋友一齊去行下食下！…查看更多

試咗幾樣 差評三星糖醋排骨不倫不類 冇甜酸醋味卻非常油膩 炸獅子頭 非常細粒 冇傳統獅子頭配料 就係一粒粒油炸肉丸 且完全冇去腥 難食到嘔燻魚冇落蜜汁 非常乾身油炸小饅頭勉強可以下嚥 但完全唔係上海嘢特色一句話講 完全低劣水準 唔推薦…查看更多

放少了食物，還說沒有，商譽有問题，真的不會再光顧，不知是員工自身的問題，還是店主家屬故意為之，請各位外賣自取多家留意，不希望各下成為下一個受害者。少給食圽的是一位二十多的女孩，如是她執拾食物，千万小心…查看更多