上海婆婆336 (iSQUARE國際廣場)

营业中

休息中

同朋友食飯，有時都唔知想食乜嘢好時就靠啲app 幫忙，見到這間都好多人推介，反正大家都冇意見就係咁就選了這裡，餐廳座位闊落舒適，望望餐牌，有套餐同單點，計落套餐都幾抵食，口味大家都喜歡，就點了份4位商務套餐，最快就係四小拼，內有小排骨、烤麩、肴肉、油炆小竹荀等四款特色小食。接住就係336上海小龍包，皮薄內裡充滿肉汁，加埋個醋汁，味道更濃郁！其中一個主角砂鍋雲吞雞，雲吞皮薄之餘，餡料十足！加埋個湯同埋爽口小白菜，口感清新，而雞肉都十分嫩滑。而宮保雞丁都炒得十分出色，帶點辣，入口雞肉香嫩，加上香脆花生，送飯一流螺絲椒炒咸肉，以口感較辣，肉質鮮美嘅螺絲椒配上肥美咸肉炒，上枱時陣陣椒香，入口惹美黑醋排骨入口感覺嫩滑，帶點酸甜十分開胃醒神，喜歡上海口味都係必食推介！最後還有豆沙鍋餅，咬開內裡足料豆沙餡料，皮脆煎香後入口十分滋味！以一個價錢能滿足到這樣豐富嘅美食絕對滿足！

如果我們想吃上海菜，大多數都會嚟呢間，因為佢近地鐵站，是傳統的上海菜館，地方很大，環境舒適而且服務很好。我們點了花雕醉雞，鎮江餚肉，黃金河蝦仁，上海炒年糕，嫩雞煨麵和黑糖冰粉。最欣賞他的花雕醉雞，泡在花雕酒裏，香濃撲鼻，用杞子點綴，十分吸引，雞皮爽，肉質嫩滑，酒味香濃，每次必點。其他餸菜也很有水準，很滿意。

今日同媽咪去尖沙咀shopping，晚飯時間媽咪想食上海嘢，於是帶佢嚟咗呢間餐廳度開餐。水晶肴肉$78 晶瑩通透，口感爽彈， 入口溶化，入口都是肉鮮甜精華，感覺清爽，天氣熱時食感覺舒服。小籠包（4隻） $46 皮薄，好多湯汁，肉餡肉味香濃，沾上薑絲同香醋食，一個接一個，食唔停口。上海大雲吞（6隻） $62 正如其名，夠大，而且餡料豐富，雲吞皮薄餡靚，每人三隻都好足夠。上海粗炒$85 炒得好有鑊氣，瘦肉絲冬菇同椰菜絲比例合適，麵條好有咬口，口感啱啱好，掛晒汁，好唔錯，如果再乾身少少，就更好。高力豆沙球（4隻） $58 炸得顏色好均勻，脹卜卜，內𥚃紅豆沙夠多，食落好香甜，外脆內軟，軟綿綿，甜品做得好好味。豆漿$18食完飲返杯香濃嘅豆漿，好滿足。

星期六晚去完iSquare睇戲，之後就去左六樓嘅「上海婆婆336」食晚飯，真係好正呀！餐廳空間好寬闊，坐位都好舒服，最緊要係佢嘅菜式係正宗上海菜，好味又抵食，性價比都好高，十分滿足✨我哋叫咗嫩雞煨麵，真係好滑好嫩！個湯底熬得好濃郁，雞肉又咁嫩，配埋啲煨得軟嘅麵條，真係一碗暖心又暖胃嘅麵食！🍜😍仲叫咗小排骨擔擔麵，真係一級棒！麵條彈牙有嚼勁，搭配埋啲香辣擔擔醬同埋香噴噴嘅小排骨，真心好味道👍🏻，辣辣地又滋味！🌶️😋唔可以錯過嘅當然係上海小籠包啦！叫咗336上海小籠包，真係好鮮美！皮薄餡多，一口咬落去就嚟個鮮湯嘅快感！啲肉餡又鮮又多汁，食過返尋味，一籠四隻唔夠食，我一口氣食咗好幾個！🥟😍上海粗炒都係一道經典菜，味道醇厚又香口，仲有啲肉絲同埋蔬菜一齊炒出嚟嘅滋味真係好。🥦🍤😄而豆沙鍋餅係我最愛嘅甜品之一！餅皮煎得金黃酥脆，餡料入口即化，甜甜嘅豆沙味道真係無得輸！食完甜品令人開心！🥮😋最後，我地食埋芝麻糊芋圓，真係一個完美嘅結束！芝麻糊濃郁香滑，仲有啲有咬口既芋圓，兩種味道結合得天衣無縫！食完之後，整個心情都輕鬆幸福！🍶😍總括而言，「上海婆婆」係一間好正嘅上海菜餐廳，環境舒適，菜式多樣化，每一款

位於尖沙咀國際廣場的一家傳統滬菜的中菜館，餐廳以工業風設計再融合了中式元素，營造出一種型格的氛圍，茶館座位繁多，適合朋友聚餐和家庭用餐。話梅花雕醉雞雞肉嫩滑入味，雞皮爽滑，花雕酒香濃撲鼻，濃濃的酒香已滲入雞肉當中，每啖都充滿花雕醇香，必點！上海小籠包 招牌必食！小籠包皮薄餡多，肉汁鮮美濃郁，餡料豬肉肉味香濃而不油膩，湯汁滿滿，令人齒頰留香。彩麻柚子蝦以柚子入饌，混入柚子醬和柚子肉，清新輕盈，蝦肉肥美厚實且非常鮮甜彈牙，令人一試難忘松子魚滬菜名菜，將黄魚裹上粉漿後油炸至金黃香脆，配以甜酸汁和松子仁一同食用，口感豐富酥化，黃魚肉質鮮甜細滑，松子仁香口，味道循序漸進，令人垂涎欲滴。上海婆婆336📍尖沙咀彌敦道63號iSQUARE國際廣場6樓605-606號舖

隔一段時間就會好想食上海菜，呢日好得我心，無論係小籠包、手製拉麵、酸辣湯雲吞、黃金四季豆等等都係我最愛😋黃金四季豆又係每次去上海婆婆食野，都會想叫既野食😂雖然佢其實只係咸蛋黃炒，但香味十足，係一碟充滿魔力嘅餸菜❣️酸菜魚記得一定要配油炸鬼，要嚟點湯食好食到你唔信😁亦非常足料，有薯仔、萵筍、芽菜、薯粉、蓮藕等等👍🏻酸辣湯雲吞，粒粒雲吞都好大粒好飽滿，菜肉雲吞皮薄餡多，滿足滿足😆蟹粉小籠包，蟹粉未雖然唔濃郁，但包汁關係，可接受啦😝餐廳環境闊落舒適，服務不錯👍🏻

話梅花雕醉雞一道中國傳統的菜餚，以其獨特的風味和製作方法而聞名，雞肉浸泡在花雕酒中，非常鮮嫩入味上海小籠包上海小籠包是中國菜餚中的經典之一，也是上海地區的特色點心。湯汁豐富，小籠包的外皮薄而有彈性，內部包裹著鮮嫩的豬肉餡和美味的湯汁。品嚐時，湯汁慢慢流出，豬肉餡鮮嫩多汁，美味。鱔糊拌麵鱔糊無骨，啖啖肉，鱔魚糊的質地濃稠而滑順，魚味濃郁，麵條彈牙，沾上醬汁非常惹味，口感層次豐富紅糖糍耙爆漿惹味！糍粑炸至外脆內軟綿，質感軟糯，爆漿紅糖甜到適中，配上黃豆粉，味道層次豐富高力豆沙傳統中式美點，外層炸至金黃，面層灑上砂糖，內裏是豆沙餡料，非常滋味

今日帶屋企人去尖沙咀食上海菜地方高檔 店舖佔地超大晚飯時間都唔駛等好耐位野生椒魚皮 $68麻辣味拌魚皮 好刺激魚皮冰涼爽脆 冇魚腥味 食完胃口大開🤣韭黃炒鱔糊 $118鱔絲大條 肉厚口感軟腍 啖啖肉韭黃勁香😍味道濃香惹味 但唔會太鹹酸辣湯拉麵 $72嗌呢個麵就可以一次過食到酸辣湯同湯麵☺材料豐富 有木耳 筍絲 冬菇 豆腐 蛋花飽足感強高力豆沙 $58第一眼望落勁似梳乎里勁蓬鬆軟綿綿！糖粉同豆沙餡增添左甜味 同有蛋香嘅外皮夾埋啱啱好上海婆婆336 (iSQUARE國際廣場)尖沙咀彌敦道63號iSQUARE國際廣場6樓605-606號舖

上海婆婆出咗名好耐☺️間唔中都會過嚟食，每次都覺得唔錯，可以再返嚟食。佢哋嘅小菜炒得好香，啱晒一家人聚會食。韭黃炒鱔糊我最鍾意嘅上海菜，新鮮韭黃炒熱配上韭菜鱔糊，魚肉都幾大條份量夠幾多人食。醬汁方面唔會太鹹，甜甜地個個都啱食。尖椒牛仔肉比想像辣少少，炒得好靚有鑊氣，牛仔肉大大片醃製得幾軟身。因為辣辣地好惹味餸飯會好正！小籠包啲皮好薄好多汁☺️可以用筷子輕易夾起都未穿，落少少黑醋更加好食。話梅花雕醉雞佢哋嘅花雕酒好香濃，未食已經聞到酒香，份量都幾多，用來做前菜非常唔錯。

行完街係尖沙咀附近搵野食鐘意上海菜嘅媽媽揀左呢間上海婆婆336呢度鋪位大 地方闊落卡位坐得好舒服👍食完仲可以慢慢傾下計添 油炆小竹筍 $58先黎個冷盤 第一次食呢道菜小竹筍好嫩 咬落爽口冇渣味道鹹鹹甜甜 幾好食喎 336上海小籠包(4隻) $46小籠包一定要趁熱食皮夠薄 要好小心咁夾😆入面包住鮮美嘅湯汁同肉餡 砂鍋雲吞雞(例) $198好清嘅雞湯味 淺淺一層金黃色雞油好香飲一啖熱湯 身心都被療癒🥰雞肉好鬆軟 鮮肉雲吞飽滿有6大粒一鍋有齊雲吞、肉、菜真係好滿足 婆婆擔擔麵 $62揀左小辣 辣度啱啱好😌麻醬味濃 花生碎 芝麻 豬肉碎 都炒到好香😍細滑嘅麵條裏滿湯汁 超正

位於尖沙咀Isquare嘅上海婆婆餐廳，貪佢位置夠方便，當諗唔到食咩好，又或者想食吓comfort food，自自然然就會揀咗佢。餐廳面積算大，座位多，就算冇book位都唔使等好耐。砂鍋雲吞雞（$62）- 由於想點多啲其他食物，所以兩個人share 一盅。入邊有兩粒雲吞同埋一大件雞肉，仲有蔬菜。湯底好鮮甜，雲吞足料，味道唔錯。 336上海小籠包($46) - 每次嚟到必食，佢嘅小籠包整得唔錯，皮唔會太厚，一嗒咬落去，入面有少少湯，好滋味。麻婆豆腐（$75）- 睇賣相已經相當吸引，入邊嘅肉碎配埋軟滑嘅豆腐，少少辣，呢個送飯一流。黃金炒飯（$88）- 飯炒得夠香，粒粒分明。由於落咗咸蛋，入口特別香口惹味。材料唔算太複雜，主要有蝦仁、火腿，但勝在炒得香口好食。高力豆沙（$58）- 一客有四件，大大粒，炸得圓碌碌。入口軟綿綿，點少少糖霜，再加埋入邊嘅豆沙餡料，呢個亦係我嘅必食之選。

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷 上海婆婆336 (iSQUARE國際廣場) (尖沙咀)@xiaxianon💁🏻 4位商務套餐 HK$ 608四小拼（小排骨、烤麸、肴肉、小竹筍）砂鍋雲吞雞（例）、上海小籠包 （4隻）宮保雞丁、黑醋排骨、魚湯蒜子BB棠菜白飯、菜飯跟餐+$5、凍鮮豆漿跟餐+$6豆沙鍋餅商務套餐夠抵食，前菜醃製得啱啱好，肴肉晶瑩剔透不可不吃小籠包，入口爆汁，點啲醋夠嘢味宮保雞丁就咁睇落較多花生，少少辣，送飯一流砂鍋雲吞雞由於有蓋蓋住，所以放左一陣都仲勁熱，雞湯好鮮味，好足料，足足有半隻雞響入邊😋😋💁🏻綠茶芋泥餅 $28💁🏻蔥油餅 (1件）*有豬肉 $28兩款小食不過不失，蔥油餅係一圈圈，賣相夠趣致是否推薦↩️？✅ys, 必食雲吞雞，超足料，大人細路都岩食

同事鍾意食上海菜，想約尖沙咀，iSQUARE國際廣場 地點方便，就喺港鐵站上面就算落大雨都唔會濕身，上海婆婆336 食新派上海菜，有驚喜！餐廳價錢親民，有套餐有散叫，佈置裝潢工業風， 環境舒適，人氣旺盛，必食推介～ 小籠包 、 砂鍋雲吞雞、 四小拼等，喜歡上海菜的粉絲唔好錯過。四小拼四小拼一次過食到四種特色冷盤，拼盤有小排骨、烤麩、肴肉、小竹荀。4款都係經典上海前菜， 我最鍾意食肴肉，鎮江醋配搭肴肉特別好食，炎炎夏天食一個涼盤作前菜，啫喱狀切成薄片透心涼，好彈牙，肉又唔會太肥膩。小排骨味道濃郁，酸酸甜甜唔油解，好開胃。烤麩是傳統滬菜好有特色，要珍惜。336上海小籠包鄙薄餡靚，非常飽滿，薄皮包著滿滿的豬肉餡和湯汁，小心一咬就爆汁。滿滿嘅肉汁配搭姜絲，皮唔太厚唔太薄，恰到好處。砂窩雲吞雞我們一向都喜歡吃雞， 雞肉新鮮，好滑嫩， 散發濃郁香氣。雞肉、雲吞、小棠菜、仲有少少粉絲，湯底非常清甜，雲吞好大粒，咬一啖好實在，小棠菜鮮味健康，好有口感。黑醋排骨黑醋排骨我由細食到大，滬菜名菜，排骨色澤金黃香脆，淋上黑醋汁，甜酸惹味。排骨香軟增加口感，黑醋汁焦脆，排骨軟嫩多汁，鮮美肉汁有彈性。宮保雞丁少少

原來336上海話意思指謝謝儂🤣 餐廳主打對面上海傳統經典菜式，堅持少油、少鹽、不含味精三大原則烹調，令人感覺安心又健康～ 環境闊落，座位舒適，價錢合理，適合同家人共享美食嘅好地方👍🏻點心選擇眾多，款款各有千秋，全部即叫即整，上枱時熱辣辣，冒曬煙咁，一定要趁熱食～ 生煎包係餐廳嘅招牌菜，要等20分鐘左右，外層上半部分皮薄，底皮厚，煎至脆身，咬落爆汁，滿滿驚喜～ 素菜包同樣出色，包皮軟熟，內餡飽滿！必點之選當然唔少得小籠包，皮薄餡靚又多汁，肉夠鮮甜，好想叫多幾盤🥹 生煎鍋貼超級大粒，底皮焦黃，外皮軟糯，外脆內嫩、素菜蒸餃餡料飽滿，外層有淡淡嘅麵粉香氣，感覺更加健康～ 生磨豆漿無粉，原汁原味，香濃幼滑，推😋上海粗炒被視為上海菜嘅代表，份量正常，醬汁入味但唔會過鹹，麵條軟淋但未到爛，搭配冬菇、雜菜等令到整體口感更加豐富～ 甜點有綠茶芋泥餅，呢款比較少見，出面脆脆地，綠茶味唔算好出，內裏軟糯，芋泥餡香甜但唔膩👍🏻

👉🏻4位商務套餐HK$ 608四小拼（小排骨-烤麸-肴肉-小竹筍-）豐富的小吃組合，烤麩、小排骨、肴肉和小竹筍，口感豐富。砂鍋雲吞雞（例）濃郁的湯底，雲吞鮮嫩，雞肉滑嫩好吃。 3336上海小籠包（4隻）四個小籠包，皮薄餡多，鮮美可口。豆沙鍋餅（叫起)外酥內軟，豆沙香甜，口感絕佳宫保雞丁(辣,花生）辣味十足，搭配花生，香口可口黑醋排骨酸甜口味，排骨肉質鮮嫩多汁魚湯蒜子BB棠菜清爽的魚湯，蒜子增添風味，棠菜爽脆可口白飯（跟小菜出）+菜飯（跟小菜出）HK$ 10+凍鮮豆漿 $6👉🏻綠茶芋泥餅HK$ 28綠茶和芋泥的結合，香甜可口 👉🏻蔥油餅(1件）HK$ 28帶有豬肉的蔥油餅，外酥內軟，美味可口。外形超搞笑 唔係一般酒樓既蔥油餅外形 已係炸左既麵皮包住蔥油豬肉 更似炸餃子 但又有蔥油餅味 不錯不錯