上海姥姥 (馬鞍山廣場)

冇諗到呢間連鎖食店嘅姨姨服務態度咁好！一入座就有熱情嘅服務員主動招呼，笑容滿面，態度親切到好似去咗老友嘅飯肆咁。點餐時，姨姨好有耐性咁同我哋講解每道菜嘅特色，仲會問吓我哋有冇特別喜好，真係好貼心。野食上菜速度快到爆，全部熱辣辣咁送到枱面！叫咗蟹少小籠包，皮薄餡靚，咬落去湯汁濃郁，蟹香四溢；蟹粉伴豆腐口感嫩滑，蟹粉鮮味同豆腐嘅軟糯完美融合，每啖都好滿足；啫啫雞煲煲到啫啫出汁，雞肉鮮嫩多汁，啖啖肉香；黃金炒飯粒粒分明，金黃誘人。特別要讚下個組合！將蟹粉撈落黃金炒飯，哇！個味道真係正到爆！蟹香同炒飯嘅焦香互相襯托，食落去層次豐富，令人停唔到筷。整餐飯食得幾滿意，環境都乾淨舒適，CP值超高！下次一定會再嚟，強烈推介大家試吓呢間店！…查看更多

以前食咁多次都知道淨係要加一，出面宣傳都冇提過要收茶位。掃qr code落單，明明都淨係話要加一，冇顯示要收茶位。最後比錢，仲要收多我$9茶位。食一個$56麵，最後要比多$14佢服務費同茶位，勁伏。個麵份量仲要比以前細左，食完都唔飽…查看更多

上星期剛剛吃完尖沙咀xx 豐。無比較無傷害。食物質素上海姥姥高幾班！淨係小籠包都贏幾條街！湯汁豐富，肉餡鮮甜。鼎xx 果個又厚皮。d 肉鞋烚烚。難食到爆！叫左個上海粗炒，味道剛好。推介！另外叫左魚羹、豬手、皮蛋豆腐。甜品叫左雷沙湯圓、豆沙包。熱辣辣！好食！ 唯一不推介食物係酸辣湯。味道太酸。而家有飲品優惠。茉莉花茶買一送一。 總括而言，成餐飯都幾好食，值得推介。不過眼見七點後需要排隊，如果唔想排隊就最好六點食啦。…查看更多

今日晚餐選擇咗上海菜。夜晚八點左右到，四個人唔使等位即入，最近佢做緊一個夏日美食嘅推廣。我哋叫咗夏日特飲：鮮果茉莉茶配荔枝味爆爆珠，而家有買一送一嘅優惠，都幾抵幾好飲。食物方面叫咗兩籠小籠包，醉雞，酸辣湯，上海雲吞拉麵。佢最近賣緊一個$500嘅coupon，我哋買咗，所以即場送返一個蟹肉蘑菇炒時蔬俾我哋。呢個雖然係送嘅菜式，但係味道唔錯，個芡汁做得好出色，蟹肉都唔少。比較清淡嘅拉麵，但係佢幾粒雲吞都幾好食。啖啖肉，花雕酒係嚟到先淋喺面，唔算太入味，不過唔太鍾意酒味嘅，我反而覺得啱啱好。皮薄多汁，新鮮出爐。整體嘅調味/味道/份量都適中，唔會難食，小籠包嘅水準同其他知名連鎖上海菜差唔多，覺得亦都對得住佢哋嘅價錢。…查看更多

叫咗小籠包，湯麵，正正常常，今次再試佢一個成都香鍋，一睇之下真係完全不能忍受😡😡😡，成個餸，最值錢就係四片午餐肉，四隻超迷你型半骨雞翼（瘦過我隻手指尾），再加埋其他配菜，例如洋蔥，辣椒，蒜頭，香蔥，土豆片，椰菜花，老鼠耳，竟然夠膽收我$138😡😡😡 雖然附送一杯檸檬茶，但係都感覺超伏👎🏻👎🏻👎🏻冇下次😡😡…查看更多

今天去開馬鞍山又想食小籠包所以就去上海姥姥，之前去過現在再去質素已經大不如前。其實價錢唔算平但每款食物都不合水準👎小竉包- 即叫即蒸，上菜熱辣辣可惜冇湯汁鍋貼🥟一點唔夠五分鐘即上，心諗有冇咁快呀，點知真係中伏👎咬落口是微暖同埋D肉有怪味😓生煎包，雞絲粉皮- 不過不失，普普通通排骨擔擔麵，排骨見粉紅，湯底不夠熱上海粗炒- 味道唔夠😌面質好稔唯一可以接受係蝦仁炒飯，起碼D飯粒粒分明，有D口感☺️總括而言，不會再去…查看更多

份量與價錢不成正比排骨麵：個麵份量少，炸排骨比較硬又唔脆鷄煨麵：有一束麵係痴埋一舊，似未煮熟甘葱油鷄：極普通，份量得1/4隻，收我$88小籠包：正常豆沙鍋餅：味道OK，切到8件尺寸不一，d餡分佈不平均…查看更多

星期六晏晝大約十二點幾，六人(五大一細)， 見唔使等位就入去食。被 安排坐半邊梳化位置， 座位排得比較迫夾， 寸金尺土。我哋嗌咗個蟹粉寶盒套餐， 手工捲餅皮 ，小籠包 ， 雪菜魚湯拉麵，蝦仁黃金蝦仁炒飯， 鎮江肴肉 ，五香牛肉拉麵， 五香紅油 牛肉拌麵 配菜肉雲吞 ，仲有個炒腩肉。 蟹粉套餐完全食唔出有蟹嘅味道， 令人頗為失望， 五香紅油牛肉拌麵，辣到傻，唔多食辣嘅朋友，就唔好嗌啦 ~埋單總共七百幾蚊，cp值一般， 同埋啲服務員堅持收走啲碟，叫佢擺低都好似萬不願意咁， 令人費解😒😒😒 ，但係又唔係趕住 還枱，因為仲有其他吉嘅枱， 我哋又冇超時🤐。…查看更多

有時諗唔到食咩，就會屋企人嚟呢度食，醉雞、齋菜、蟹肉魚扒時菜都必叫，醉雞味道濃，雞肉嫩滑，齋菜偏少許甜，入口口感唔錯，幾開胃👍🏻👍🏻而且有份量有分輕盈同標準，可以叫輕盈版當一個開胃菜唔想食炒麵/飯，就叫左個豆腐帶子羹，味道唔錯😋😋銀絲卷/生煎包都不錯😋上菜速度快👍🏻…查看更多

今日路過見到上海姥姥做緊下午茶餐，好耐冇食過上海嘢，就坐低試吓。下午茶餐有一份主食、一份小食同一杯飲品。價錢就取決於主菜嘅選擇。今次我就試咗姥姥家鄉粗炒+香蒜手工豬肉蒸餃+凍豆漿。姥姥家鄉粗炒比較油膩，餸唔多，味道都香嘅。香蒜手工豬肉蒸餃味道一般，個人覺得過咸餐廳環境都算舒服，員工服務都算唔錯。價錢方面，姥姥家鄉粗炒下午茶餐$78，加一後再加$8茶錢就$93.8 。個人覺得平日下午茶時間呢個價錢，性價比就有啲低啦…查看更多

今日心思思想食點地道小食，行到上海姥姥，揀咗幾款我覺得好食嘅野。開餐啦，先嚟係皮薄餡美嘅小籠包，一啖一個咬落去，肉汁四射，真係話咁滋味😋，唔係講大話！跟住試嗰個香煎素鵝，外皮香脆裡面又嫩，老實講，個煎功嘅確唔錯。擔擔麵嘅麻麻辣辣好過癮，又唔會太攰，正過六合彩👍！點都少不得嗰個豆沙鍋餅，甜甜地，過口癮就正！生煎鍋貼外酥內嫩，啖啖肉感，相信我，一於一流。今次來食，唔止係填飽肚，仲有種探索美味嘅小確幸😍，每一樣野食都有佢獨特嘅味道。下次有朋友聚會，一定再帶佢哋黎上海姥姥，一齊分享呢啲美味。就算唔飛上海，食味道都可以遊埋一轉，食好西，心情都跟住好起來！🥢🍜🍲…查看更多

伏……伏……伏……直升機正在降落～快餐質素(上菜速度)、菜館飯店收費。上海X姥幫襯過兩次，食品水平覺得一般般，不過住附近方便又想食上海菜先至幫襯，不過今晚去食發現左一個懷疑情況，上海X姥嘅菜品可能係天意菜(一切都係整定)，事情是咁的……今晚同女朋友去用餐，用手提電話掃QR code落單點左生煎包$41、上海粗炒$82、黑醋排骨$95、醉雞$78另加買一送一西柚茶$26，落完單唔够兩分鐘侍應姐姐就送左一碟上海粗炒上枱，見到碟粗炒蒸氣騰騰咁，但係我就奇怪炒麵點解會咁快炒到出黎，夾左一條食落口，點知條麵個心係唔熱嘅，頂～好明顯令人懷疑(頭盔已戴)係天意菜～然後微波爐叮两分鐘加熱就上枱，真係估唔到洗左$82(未計加一)都懷疑(戴多頂頭盔先)食唔到即炒粗炒，睇住呢碟平時街市收25蚊嘅整定粗炒不期然感慨香港地生意成本高所以所有嘢都應慳則慳，知道左粗炒可能係整定微波爐加熱後，再仔細觀察其他菜品，原來都好令人懷疑係天意菜，所以啲雞口感一般，排骨唔知係唔係即炸，生煎包裡面無乜汁呢啲嘢都係唔洗再講咁多……再上網查返上海X姥原來係「大X樂集團」旗下飲食公司，即時豁然開朗一切都明白曬，完全對得起咁嘅質素咁嘅價錢，同一價位只有上海三X九飯店可以比美，唔知道上海X六九飯店炒菜係唔係即炒唔係天意微波爐菜嘅呢？伏……伏……伏……直升機要起飛嘞～…查看更多

今午,馬鞍山上海姥姥食個午餐.四川松花皮蛋(輕盈)+姥姥手製厚切排骨麵+熱豆漿.四川松花皮蛋(輕盈), 黎咗4隻小鳥蛋.味道都似皮蛋.姥姥手製厚切排骨麵,排骨冇味,可能適合姥姥.麵算正常.豆漿,都是正常.下次,寧可試下其他食店.…查看更多

下午茶份量雖然唔多，$68蚊呢個價位我以為味道應該有d水準？但好失望，味道真係普通到懷疑人生，唔難食，但絕對唔值呢個價錢。埋單收我茶位錢，再加10%服務費，但張檯你搵紙巾都冇，叫店員拎，佢勁冇禮貌咁拎左一張比我，你冇睇錯，係一張...m記閒閒地都比一疊比你啦...加加埋埋d茶位服務費埋單$80真係笑左，唔講以為自己食左個晚餐…查看更多

整完牙想食埋晚餐才回家， 即興到上海姥姥，位於馬鞍山西沙路608號馬鞍山廣場2樓269-271B號舖。 餐廳主打上海菜，但種類不算多，點了招牌小籠包$43、 爆汁鮮肉鍋貼$41、 蔥油餅$43、 紅油五香牛肉拌麵配菜肉雲吞湯$72、 家鄉回鍋肉$88、 凍豆漿$19和熱豆漿$19。🥢▫️🥢▫️ ▫️招牌小籠包🫓 ～ 賣相唔算好飽滿，但即叫即蒸，湯汁豐富，幾新鮮。 ▫️爆汁鮮肉鍋貼🥟 ～ 鍋貼的底部好燶，外皮好硬。 ▫️蔥油餅🥠 ～ 香酥美味，做得好清爽。 ▫️紅油五香牛肉拌麵配菜肉雲吞湯🍜 ～ 拌麵都幾辣， 五香牛肉薄切份量多， 配上兩粒菜肉雲吞， 可以中和拌麵的辣度。 ▫️家鄉回鍋肉🥘 ～ 回鍋肉發揮得中規中矩， 唔夠惹味。 ▫️凍豆漿和熱豆漿🥛 ～ 豆漿味道正常。 整體味道普通，但價錢親民😉。 🏷️溫馨提示～ 整個用餐體驗均屬個人分享意見， 只作參考😊。 …查看更多