上海姥姥 (馬鞍山廣場)

冇谂到呢间连锁食店嘅姨姨服务态度咁好！一入座就有热情嘅服务员主动招呼，笑容满面，态度亲切到好似去咗老友嘅饭肆咁。点餐时，姨姨好有耐性咁同我哋讲解每道菜嘅特色，仲会问吓我哋有冇特别喜好，真系好贴心。野食上菜速度快到爆，全部热辣辣咁送到枱面！叫咗蟹少小笼包，皮薄馅靓，咬落去汤汁浓郁，蟹香四溢；蟹粉伴豆腐口感嫩滑，蟹粉鲜味同豆腐嘅软糯完美融合，每啖都好满足；啫啫鸡煲煲到啫啫出汁，鸡肉鲜嫩多汁，啖啖肉香；黄金炒饭粒粒分明，金黄诱人。特别要赞下个组合！将蟹粉捞落黄金炒饭，哇！个味道真系正到爆！蟹香同炒饭嘅焦香互相衬托，食落去层次丰富，令人停唔到筷。整餐饭食得几满意，环境都干净舒适，CP值超高！下次一定会再嚟，强烈推介大家试吓呢间店！…查看更多

以前食咁多次都知道净系要加一，出面宣传都冇提过要收茶位。扫qr code落单，明明都净系话要加一，冇显示要收茶位。最后比钱，仲要收多我$9茶位。食一个$56面，最后要比多$14佢服务费同茶位，劲伏。个面份量仲要比以前细左，食完都唔饱…查看更多

上星期刚刚吃完尖沙咀xx 丰。无比较无伤害。食物质素上海姥姥高几班！净系小笼包都赢几条街！汤汁丰富，肉馅鲜甜。鼎xx 果个又厚皮。d 肉鞋烚烚。难食到爆！叫左个上海粗炒，味道刚好。推介！另外叫左鱼羹、猪手、皮蛋豆腐。甜品叫左雷沙汤圆、豆沙包。热辣辣！好食！ 唯一不推介食物系酸辣汤。味道太酸。而家有饮品优惠。茉莉花茶买一送一。 总括而言，成餐饭都几好食，值得推介。不过眼见七点后需要排队，如果唔想排队就最好六点食啦。…查看更多

今日晚餐选择咗上海菜。夜晚八点左右到，四个人唔使等位即入，最近佢做紧一个夏日美食嘅推广。我哋叫咗夏日特饮：鲜果茉莉茶配荔枝味爆爆珠，而家有买一送一嘅优惠，都几抵几好饮。食物方面叫咗两笼小笼包，醉鸡，酸辣汤，上海云吞拉面。佢最近卖紧一个$500嘅coupon，我哋买咗，所以即场送返一个蟹肉蘑菇炒时蔬俾我哋。呢个虽然系送嘅菜式，但系味道唔错，个芡汁做得好出色，蟹肉都唔少。比较清淡嘅拉面，但系佢几粒云吞都几好食。啖啖肉，花雕酒系嚟到先淋喺面，唔算太入味，不过唔太钟意酒味嘅，我反而觉得啱啱好。皮薄多汁，新鲜出炉。整体嘅调味/味道/份量都适中，唔会难食，小笼包嘅水准同其他知名连锁上海菜差唔多，觉得亦都对得住佢哋嘅价钱。…查看更多

叫咗小笼包，汤面，正正常常，今次再试佢一个成都香锅，一睇之下真系完全不能忍受😡😡😡，成个𩠌，最值钱就系四片午餐肉，四只超迷你型半骨鸡翼（瘦过我只手指尾），再加埋其他配菜，例如洋葱，辣椒，蒜头，香葱，土豆片，椰菜花，老鼠耳，竟然够胆收我$138😡😡😡 虽然附送一杯柠檬茶，但系都感觉超伏👎🏻👎🏻👎🏻冇下次😡😡…查看更多