上州一頭和牛

清酒煮蜆一入口便一口沙，叫了的飲品遲遲未到，唯有用麵豉湯漱口！其中一人的湯因為張白色拍子簿單跌左入去，直到埋單都沒補回來，真差勁！雖說食牛，但其他的餐點及服務亦很重要！不會再光顧，失望極了！…查看更多

餐廳有各個牛嘅部位可以選擇，可以揀用燒肉、壽喜燒或者涮涮鍋嘅方式享用，除咗和牛拼盤之外，仲可以單點一個部位🥰🥩日本上州A5日本和牛胸腹拼盤 (320g) $698依個牛胸腹拼盤可以食到9個部位，包括：牛肋肉、牛五花、牛外腹、牛側腹、牛中腹、牛下腹、內裙肉、腰脊心、腹脅肉🤩每個部位都有3-4塊，份量啱啱好，一次過試到每款肉嘅味道之餘又唔會過飽👍整體嚟講油脂都偏重，不過牛味亦都十分重肉質嫩滑，入口即溶😋比較推介腰脊心同埋內裙肉，牛味好濃帶有少少咬口🥳🌟 Lamlam脷指數 😋😋😋😋 (4/5)🐮日本上州A5 和牛上後腿肉 (100g) $188後腿肉肉味比較突出，油脂較少，牛味偏清香，食落唔會乾👍🌟 Lamlam脷指數 😋😋😋😋 (4/5)🌟整體評價: 餐廳座位好闊落，估唔到food court都有咁好味嘅燒肉食，好多稀有嘅部位都可以係依到搵到🥰🌟 Encore指數 ⭐️⭐️⭐️⭐️ (4/5)…查看更多

其實我地一向都比較少食燒肉，因為市面上好多燒肉都唔係用網底，我地對於燒肉用網燒有一份執著，見到呢間燒肉店用網燒，二話不說，衝啊🏃🏻‍♂️🏃🏻‍♂️🏃🏻‍♂️A5極上和牛拼盤 $598內後腿肉食落口肉質有啲靭，但肉味好濃，始終係屬於赤肉級，食落一啲都唔油😛頸脊肉質極度鬆軟，食落帶有少少油香，肉味相對較香濃，燒完都有肉汁，而且佢呢款肉有做輕微嘅調味醃製👍🏻👍🏻牛臀肉蓋呢款食落口已經油脂爆發，味道香濃，但肉味就會相對地淡啲啲喇和牛肩甲屬於赤肉同霜降嘅中間，味道都幾平均，油香同牛味都食到，兩者都唔會好濃，肉質食落就爽爽地嘅😆牛小排我仲以為佢比咗幾嚿拖羅我地😂 呢款最重油脂，屬入口即溶級別，油脂香氣四溢，充斥住成個口腔，佢呢款吸哂啲燒烤味，所以食落濃味，但唔係牛味😂，有無人明我講咩😂 啱哂鍾意滿口油脂香嘅朋友仔😌牛舌 $78我地叫嘅係厚切版本，口感一流，我地燒到啱啱好🤣，爽口又軟鬆👍🏻👍🏻香煎和牛餃子 $68/5隻餃子煎至香脆，皮薄，餡料偏少🤨 咬落有肉汁，餡料嘅和牛唔算好重牛味同唔算好油😗總括嚟講，呢個價錢食到呢種質素嘅和牛，真係超高CP值呀！👍🏻👍🏻…查看更多

旺角本身就唔算多嚟，次次出親嚟大多數都喺有嘢想買，而位處旺角東站上蓋嘅「新世紀廣場」就更少，因為覺得有少少吊腳，不過，依家有東鐵延線，收工過嚟真喺方便咗。故此，相約位老死出嚟一聚，試試日式燒肉，佢同我都話好耐未食過日式燒肉，選址就晌「食代館」裡面嘅「上州」，因見其風評不俗，價位又唔太高。雖然話晌「食代館」美食廣場內，但其實都喺獨立一個鋪位經營，所以，裝修都幾「骨子」，更擺放咗好多瓷器、清酒，更具和風感。L形兩邊座位，設有唔少卡位，非常闊落好坐，雖然抽風系統用上抽式，但效果佳，食完唔會一身油煙味。睇到門面嘅菜式推介，不其然以為佢哋只賣日式燒肉，其實仲有壽喜燒，晌美食廣場內有呢一類中高檔餐廳都算少有。而點解佢哋店名叫「一頭和牛」呢？餐牌面頁就有解釋，因為佢哋嚴選A5上州和牛為主食材，仲要喺一整頭牛咁買番嚟，再分割唔同部位。睇番主餐牌，又其實唔止得燒肉、壽喜燒嘅，仲有沙律、小食、燒物、刺身、壽司、丼飯……等等。而燒肉、壽喜燒可以單點，亦有套餐供應，更可追加食材。飲品方面，除蜜飲、汽水、梳打特飲之外，更有啤酒、清酒以供選擇。你想慳少少呢，亦有得俾你揀，就喺晚餐，A-K共10款，有唔同嘅丼飯或刺丼，定價$68-$288，包味噌湯，另可以優惠價加配飲品，正所謂豐儉由人。更標明外賣自取免收加一，當然，喺想做多啲外賣生意，此外，出面就喺美食廣場，可以買咗晌出面食，一樣舒舒服服，唔使拎到返屋企先嘆。我哋嘅攻略就喺點一份燒肉拼盤，再加一份晚餐墊肚，可以用一個加配飲品嘅優惠，再點份小食。正所謂工欲善其事，必先利其器，落好單，就送上圍裙、燒肉夾及蘸汁（燒肉汁同酸汁）。熱情果菠蘿梳打 +$18（跟晚餐加配）今晚食嘅嘢都喺味濃，又加上喺燒肉，點都要搵杯冰涼嘅凍飲襯一襯，梳打類中首選喺呢個特飲，貪佢熱情果酸酸咪咪夠清爽，又可以清新一下口腔，裡面仲有啲菠蘿肉食吓，喺嫌得幾片少咗啲啫，哈哈。荔枝西柚梳打 $32（散點價）老死就揀另一款口味，以荔枝糖漿做嘅梳打，加入西柚果肉，同樣好清爽，配燒肉就啱晒。香煎和牛餃子 $68未食燒肉前，先嗌份小食過吓口癮，豬肉餡做嘅餃子就食得多，和牛喎！真喺第一次食，呢個喺店長推介我哋試，一來用上和牛，二來自家每日包製，保證新鮮。的確，煎得外皮很香脆，亦好薄身，咬落去，好爆汁，仲有一份油香感，啲肉亦搓得鬆化，喺跟平常嘅餃子有啲分別。特上燒肉拼盤 $328今日嘅主角卒之登場，餐牌就標示有320g，包括5款肉：日本A5上州和牛、澳洲M7腰脊心、美國頂級牛小排、美國安格斯西冷及牛舌，每款有4-5件，擺盤非常靚，啲肉嘅色澤又好，每款肉亦附有名牌，唔怕唔知邊款打邊款。仲附有一粒「牛油」（牛脂）俾你起鍋減少黐底。美國頂級牛小排牛小排油花睇都睇到唔會好多，主要都喺食佢哋嘅肉味，燒過之後，焫香兩面就已經OK，入口非常軟腍，甚具肉香，又富肉汁，果然喺夠頂級呀。澳洲M7腰脊心試完美國嘢，跟住試試澳洲貨色，腰脊心就真喺唔多識咩部位，不過，外觀一樣咁靚。食落去，跟牛小排有啲相似，肉味重，沾上酸汁真喺令人回味。美國安格斯西冷西冷就唔使多介紹，大家食扒時經會食到，西冷薄切少少，口感一流。而入口非常嫩滑，既有肉香，又有油香，改用枱上備有嘅即磨黑椒嚟調和，風味更好。日本上州A5和牛肩胛重中之重，粉嫩嘅上州和牛華麗登場，睇樣就知啲油花有幾重，並且平均分布。食落唔會話一口油，卻充滿脂香，確喺有少少入口即化嘅感覺，一人兩片，唔太多，啱啱好。牛舌本身都幾鍾意食牛舌，不時西餐有燴牛脷嘅菜式，都會選上，因為口感、味道都好獨特。厚切嘅牛舌，口感十足，柔韌帶點彈牙，味道則有種牛舌獨有嘅羶香，呢個一定沾燒肉汁啦。西班牙黑豚叉燒烏冬 $88食咗咁多燒肉，所以，再晌晚餐度揀咗一款烏冬，一來有個主食墊吓肚，二來食啲濕濕哋嘅嘢，又有啖湯飲，感覺個人無咁乾。隨餐附送味噌湯，我就無試，由老死包辦，佢就話幾唔錯，好有麵豉香，濃淡恰到好處。講番個烏冬，真喺幾好食，啲烏冬口感好滑溜，食到「𐽌𐽌聲」；最鍾意喺啲叉燒，用上西班牙黑豚心理上都贏咗先，入口鬆化而少脂肪，啱我多啲，且有好多片，仲伴有唔少配菜；論到個湯頭，奶白嘅湯頭嗒落喺魚湯，頗鮮香，無欺場。枱旁有壺茶，初時以為只喺熱水，原來喺玄米茶，整體招呼幾好，不時清走已食完嘅碗碟，侍應都好有禮。好難得同老死舒舒服服食餐日式燒肉，大家講到將來，都喺吃喝玩樂咁啦，哈哈！…查看更多

最近很流行吃日本的sukiyaki，而一般高級餐廳的壽喜燒會用A5 和牛，今次第一次黎，先試下美國牛set $488，都好唔錯，性價比十分高，下次可以再試高級的和牛。店家先奉上我喜歡的玄米茶。清酒煮蜆($68)新鮮，煮得剛好，帶微香的酒味。套餐有牛油果柚子沙律，很有份量。極上三色和牛壽司有驚喜，鹽燒黑松露和牛，汁燒葱花和牛，原味薑蓉生和牛，牛味香濃，每一款都在口溶化，很幸福。美國安格斯西冷320g 有十片，份量十足。店員細心介紹有兩種食法，可以先試關西風sukiyaki，先刷牛脂肪，再放牛肉，先燒一邊。再加少少汁，翻轉，再拖幾下吸收汁。然後放入已發勻的日本雞蛋蛋漿，蘸上蛋漿令牛肉質感更嫩滑。野菜拼盤新鮮又豐富。第二個食法就係涮涮鍋shabu shabu，帶甜味的鍋好食到停唔到口，想加個白飯添。最後，食埋吸收晒湯汁的精華的稻庭手打烏冬，完美的結束。…查看更多

Tried this bargaining yakiniku lunch set in MOKO! The wagyu meats were not only fresh and flavourful, the marbled fats on the meat tasted really buttery as well 😍 one hack that I prefer over the sauce is salt and pepper to go with your meats. Trust me, such simple seasoning is enough to elevate the cuts of meat! Very much recommended!簡單去新世紀廣場食個特上燒肉set，午市有8折，包左和牛拼盤、野菜籃、清酒蜆、泡菜同白飯。和牛建議只配椒鹽，更加帶出肉味同油香👍…查看更多

今日嚟到旺角MoKo餐廳位於美食廣場入面嘅一間餐廳～～上洲一頭和牛今日嚟到呢間日式餐廳食定食套餐☺️見到都有燒肉飯炸雞飯同埋其他定食套餐💛Lunch Set幾高質🤩～～學生仲有9折～～但唔係幾多選擇🙈因為佢主要係食日式燒肉嘅，～-🥩蒜香薄燒安格斯牛丼 $68呢個牛肉飯入邊有好多洋蔥💛牛肉都好入味好正嘅😌入口即溶～～🍥鹽燒鯖魚定食 $78呢個定食套餐係我每次都會必食💛因為佢真係燒到好正🥲🥲同埋午市套餐會包埋麵豉湯同埋嘢飲所以都幾好嘅…查看更多

沒分可评,街舖食碗淨面回值得多!燒汁牛舌,改名薄牛筋可也!星期六行过见无須等位便入座,见有汁燒牛舌定食便点了一个,上歺时嚇了一驚,薄薄碎碎的点睇都唔似牛舌,嚐了一塊OMG靭如鞋底,肉是温的飯是熱的,问了服務員你们的牛舌是这样的吗?回答说我们牛舌是切較薄的xyz, 淡无味兼靭过乜, 另州一份吞拿魚餸飯吃。以後也不见了!…查看更多

侍應態度和藹親切 幫我哋影相 連去洗手間都有十足指示我哋2個人去食 唸左陣食澳牛定日本牛侍應就介紹我哋食澳洲和牛佢話淋身啲 牛味了啲日本牛就爽身啲事關我中意淋身所以揀咗澳洲和牛2人餐先黎泡菜 酸甜開胃再來味增湯 正常好味白飯如果係日本米就好了上煮蜆 伴下碟都可以重點來了一開始會比粒「牛油」你燒鍋牛既色澤都唔錯侍應教燒到變色就ok食落真係淋身 牛味都幾出👍🏽腰脊、頸肉好正配一客雜菜 慢慢燒 粟米好甜☺️驚喜有配紫薯😀甜食幾好！…查看更多

見到大家都開始飛日本而我冇得飛真係好傷心💔 放工去旺角MOKO睇戲，吃晚餐時間，朋友提議去 food opera，但我就想坐得舒服啲，一邊行一邊睇行到最後有一間與眾不同高級的，「上州一頭和牛」食日本和牛燒肉，一間日本上州和牛極上燒肉壽喜燒專門店。室內裝修新淨，日本和式路線，重點係 食材。上州一頭和牛 Jyoushu Ittou Wagyu 以 A5上州和牛為 主打，menu 仲有和牛的不同及稀有部位，睇見都流口水，有位即刻坐低。燒日本鱈魚乾叫咗一個惹味小食，燒得好脆口的日本鱈魚乾，酥脆佐酒一流。特上燒肉拼盤 (320g） $328Premium Beef Platter 可以一次過試到幾種唔同嘅靚牛肉，陣容非常豐富，賣相又靚。日本A5上州和牛，澳洲M7腰脊心，美國頂級牛小排，美國安格斯西冷，牛舌；急不及待開爐燒肉。拼盤裏面多款牛肉，好細心地旁邊都有一個 tag 寫上正確名稱，一次試到唔同部位， 啱晒選擇困難症嘅我哋！日本A5上州和牛：肉質鮮美，脂肪就比較平均，肉汁仲好juicy ，食落唔覺太肥，有驚喜！澳洲M7腰脊心：入口感覺牛味比較香濃，加上特製醬汁，味道層次更加豐富。美國頂級牛小排：脂肪牛油雪花比較多少少，燒烤把油脂迫了出來，香氣四溢，肉汁非常豐富， 好 juicy 美味可口，好好味。美國安格斯西冷：鐘意食肥美安格斯西冷，肉質嫩滑，鮮甜可口，好好味呢！一口接一口停唔到好想食！牛舌：厚切口感十足， 肉質爽口彈牙，味道濃郁!和牛燒肉之外，仲有多款日式丼飯的晚餐，我哋都叫咗兩個嚟share。照燒雞扒丼照燒雞扒肥美肉嫩，惹味豐富，好味得來份量夠大，飽肚暖胃。鐵火丼材料豐富，吞拿魚、牛油果，清新的組合，刺身新鮮濕潤，味道鮮甜，配搭壽司飯酸酸甜甜好開胃。薄荷青檸檬梳打冰涼提神，食完熱辣辣嘅飲，醉好爽！總括質素高，無論是燒肉或丼飯都深受食客歡迎，日本上州和牛一試難忘，有機會還會再來！…查看更多

因為之後去home bake整蛋糕，所以同朋友見到呢間個價錢好抵食，所以就即刻入左去。 叫咗個日式咖喱炸雞飯，60幾蚊包湯包沙律，喺呢個場真係好少見。 炸雞仲要熱辣辣，食得出係即時炸，完全feel到誠意🙌🏻…查看更多

第一次食，點了一中價燒肉套餐，服務員態度一般，遞上餐具水壼乒乒嘭嘭，燒肉賣相算ok, 套餐白飯和湯都係冷的，單點枝豆都係溫溫的，似乎全部都預先盛載好等上枱，整體很差，沒有下次了…查看更多

今日約咗朋友去旺角嘅「上州一頭和牛」食烤肉、叫咗《特上燒肉拼盤套餐》，套餐材料豐富，包括有日本上州A5和牛，澳洲M7牛腰脊心，美國頂級牛小排、美國安格斯西冷&牛舌。仲有野菜拼盤、清酒煮蜆、自家製泡菜、白飯同味噌湯，真係份量十足，兩個人食到鮑鮑了。 肥美嘅《清酒煮蜆》， 大大隻，啖啖肉，鮮甜可口！慶州豬五花肉，脂肪就比較雖然多少少，經過燒烤，油脂少了大半，食落又唔覺太肥，反而肉汁非常豐富， 好juicy ，好好味。 特上燒肉拼盤，肉類包咗幾種肉， 咁就可以試到唔同部位， 啱晒貪心嘅我！ 而我自己鐘意食牛舌& A5 日本和牛。 朋友就比較鍾意小排有驚喜&西冷，佢覺得牛味比較香濃。牛舌厚切， 口感十足， 肉質爽口彈牙，味道濃郁，諗起都再想食呀！ A5日本和牛，脂肪就比較平均，起超。 雖然脂肪比例多少少，經過一燒，油脂少了不少，肉質嫩滑，肉汁仲好juicy ，好好味喎。 燒烤必叫飲品， 配韓燒一流啦！ …查看更多

Moko food court入邊幾百蚊就食到和牛燒肉拼盤我同朋友就叫咗一個燒肉拼盤拼盤入邊有日本A5上州和牛、澳洲M7腰脊心、美國頂級牛小排、美國安格斯西冷，牛舌個人覺得牛肩胛既肉質好軟腰脊心牛味較重牛舌厚切 好有口感.牛油果沙律60幾蚊但係份量都幾多最驚喜嘅係好似切咗一個牛油果俾我咁多菜新鮮唔錯.個叉燒烏冬好足料，大大份叉燒好入味炸雞5大件，味道不過不失價錢親民，除咗牛肉之外其實仲有好多選擇可以再返嚟試其他嘢…查看更多

旺角MOKO 通常都喺入去行街 甚少去food court食野今次黎到MOKO走咗入food court覓食見到有間燒肉餐廳 鐘意燒肉既緊喺唔放過((平時一話食燒肉就首選牛角 可以食新野🫢))呢間餐廳除咗燒肉 仲有刺身 壽司 壽喜燒 涮涮鍋...好多選擇❗️牛肉既總類都多 想試多幾種建議嗌套餐-🎏特上燒肉拼盤 320g 💰$468✨((日本A5上州和牛+澳洲M7腰脊心+美國頂級牛小排+美國安格斯西冷+牛舌+野菜拼盤+清酒煮蜆+泡菜+白飯x2+味噌湯x2))有時燒肉就喺唔知自己食緊邊款 呢到啲肉前會放個牌仔 比大家知自己食緊咩😂如果好食都知道可以叫番邊款 唔會出現”呢塊好好食但邊款黎”既情況最滿意喺牛肩胛 有入口即溶既口感🤤🤤牛舌喺厚身戈隻 爽口彈牙 但平時食開薄牛舌 所以就有啲難知熟未-💁🏿‍♀️泡菜以為細細碟 無諗過喺成座小山丘咁多 即刻心心眼😻 唔洗慳住食-💁🏿‍♀️野菜拼盤蔬菜我真喺唔識燒 用黎食壽喜燒/ 涮涮鍋 應該會好啲-💁🏿‍♀️清酒煮蜆大隻肥美 酒味唔算重 幾清甜略為有少少沙粒仔不過唔影響整體-🎏香煎和牛餃子 $68✨✨餃子熱辣辣 皮薄煎到香脆又唔易散開 連埋醋食好開胃-我覺得呢個套餐好抵食 包既野太多埋單$500幾 兩個人食到勁飽.......…查看更多