三郎。燒肉

营业中

休息中

在香港吃燒肉, 肉質好一點也要七八百元, 甚至過千, 相比起Yen紙低水的日本, 性價比更見距離. 和汽油一樣, 就算兌率再平也甚少減價, 但加價則超前和牛的漲價, 所以當和牛薈有任食和牛燒烤, 而牛肉的質素相當不錯的時候, 我是蠻欣賞的, 可惜結業了. 牛角也有提供比較高質素的燒肉, 但等候的人太多, 我沒有這樣的耐性呢!三郎位置的H Zentre, 是尖沙咀區最新的醫生樓, 也就是說大部份租戶都是私家醫生, 醫療集團又或者是和醫學相關的公司. 它樓下有吃較高檔壽司的鮨燐, 也有大型日式超市谷辰, 和這家吃高檔燒肉的三郎, 和風感重. 三郎裝修偏向深沉, 看起來更Luxurious, 地下和枱面相當乾淨, 沒有任何油膩和混亂的感覺. 這次點的是限量和牛套餐, 24件不同部位的和牛盛盤, 比一般同類食肆更多部位, 雖說每個部位只有一件, 但每件份量夠大, 分給朋友淺嚐也可.盛盤中印象較深刻的, 首選當然是Chateaubriand, 也就是菲力的中心部位, 最嫩最有肉香, 但又沒有多餘的脂肪, 是純肉的極致. 另一個極端是Ribeye Cap, 也就是我們所說的老饕肉, 油香和脂香也因

三郎。燒肉 裝修非常有格調！入面仲有和式廂房！好有日本既感覺！重點係佢以廚師發板形式展現和牛燒肉！有專人幫你燒好和牛，唔洗驚驚自己怕燒得唔好😂食具器皿擺盤都非常靚靚細心！滿足晒我哋冇得去日本又想食奢華和食既口癮！而且打卡一流！甘酢温室番茄溫室番茄先脫去外皮，浸落甜甜既日本酢再放落冰鎮好既梅子啫喱上面！看似簡單但好花功夫！炎炎夏天，先食凍冰冰既番茄十分解暑，味道酸中帶微甜，配上梅子啫喱，真係十分開胃！牛三點 ：和牛腹肉，和牛肋肉，和牛腿肉先食脂肪平均既和牛肋肉，入口鬆化，少少鹽調味，食到和牛油脂感十分豐富！非常美味！之後食和牛腿肉，師傅說腿部比較多筋，食落會比較有咬感，師傅仲十分細心剪細少少比我地食！食落煙韌，但食到濃濃既和牛肉汁，食到和牛原汁原味！當然你要有十分牙力😁！最後係食靚靚雪花和牛腹肉，師傅話部位油脂高，所以加埋生菜食最夾！食落口唔單止入口即溶，勁香既和牛油香同生菜一齊真係好夾！鑽石切法和牛寶箱一見寶箱就十分有驚喜！内里見到有微微煙溢出，一打開有好香既煙燻味，靚靚既雪花和牛上面點綴左好多閃閃金箔！真係靚到唔捨得食！師傅細心幫我們燒好，喺師傅鹽燒功夫下，金箔完全貼住和牛燒，一啲都

想食下高級野，聽講呢間有高級和牛，於是就同friend一起黎食，試下和牛的質素。我地叫左個套餐（樁，Tsubaki），有前菜同季節魚刺身三款，和牛肉四款，海鮮，酒，湯，麵同埋甜品。仲叫左一份魚子醬香蔥吞拿魚腩脆脆（要另外加，套餐唔包）。個和牛有外側後腿肉，內側後腿肉同牛里脊肉等唔同部位，每個部位既牛肉味道都唔同，後腿肉比較結實，而其他則比較多油花，但總體黎講味道都唔差。蕎麥麵同海鮮等食物都一般般OK，味道正常。而個魚子醬吞拿魚腩真係好好味，魚子醬好鮮甜有陣海味，魚腩好嫩滑好好味。而且每款食物都會精心擺盤，好靚.

𝗰𝗮𝗺𝗲 𝗵𝗲𝗿𝗲 𝗳𝗼𝗿 𝗮 𝗱𝗶𝗻𝗻𝗲𝗿 𝘁𝗼 𝘁𝗿𝘆 𝘁𝗵𝗲𝗶𝗿 𝗰𝗵𝗲𝗳-𝘀𝗲𝗹𝗲𝗰𝘁𝗲𝗱 𝘄𝗮𝗴𝘆𝘂 𝗽𝗹𝗮𝘁𝘁𝗲𝗿. 𝗺𝘆 𝗳𝗮𝘃𝗼𝗿𝗶𝘁𝗲 𝘄𝗮𝘀 𝘁𝗵𝗲 𝘄𝗮𝗴𝘆𝘂 𝗰𝗵𝘂𝗰𝗸 𝗿𝗼𝗹𝗹! 𝘁𝗵𝗲 𝘁𝗲𝘅𝘁𝘂𝗿𝗲 𝘄𝗮𝘀 𝘂𝗻𝗯𝗲𝗹𝗶𝗲𝘃𝗮𝗯𝗹𝘆 𝗱𝗲𝗹𝗶𝗰𝗶𝗼𝘂𝘀. 𝗶𝘁 𝘄𝗮𝘀 𝘀𝘂𝗽𝗲𝗿 𝘀𝗼𝗳𝘁 𝗮𝗻𝗱 𝘀𝗺𝗼𝗼𝘁𝗵 𝗮𝗻𝗱 𝗷𝘂𝘀𝘁 𝗺𝗲𝗹𝘁𝗲𝗱 𝗶𝗻 𝗺𝘆 𝗺𝗼𝘂𝘁𝗵🤤 𝗼𝘃𝗲𝗿𝗮𝗹𝗹 𝘁𝗵𝗲𝘆 𝗵𝗮𝘃𝗲 𝘃𝗲𝗿𝘆 𝗵𝗶𝗴𝗵 𝗾𝘂𝗮𝗹𝗶𝘁𝘆 𝗷𝗮𝗽𝗮𝗻 𝗶𝗺𝗽𝗼𝗿𝘁𝗲𝗱 𝘄𝗮𝗴𝘆𝘂 𝗯𝗲𝗲𝗳 𝘁𝗵𝗮𝘁 𝘆𝗼𝘂 𝘄𝗶𝗹𝗹 𝗻𝗲𝘃𝗲𝗿 𝗳𝗼𝗿𝗴𝗲𝘁. 𝗿𝗮𝘁𝗶𝗼 𝗼𝗳 𝗺𝗲𝗮𝘁 𝗮𝗻𝗱 𝗳𝗮𝘁 𝗮𝗿𝗲 𝘃𝗲𝗿𝘆 𝗲𝘃𝗲𝗻!.話說上年有單job係尖沙咀H Zentre先知原來有棟新building，果陣三郎燒肉仲裝修緊，事隔一年終於有機會嚟試✨ 以omakase形式主打來自唔同產地嘅和牛，當日試咗肩胛肉、牛肋條、西冷同臀肉，頭三款都入口即溶充滿油香，臀肉就實啲有咬勁，前菜、和牛素麵同甜品都唔錯，值得一試～

之前去尖沙咀食lunch，無意中發現一間燒肉餐廳。環境唔錯，睇落去乾淨衛生，光線充足，就諗住試下味道如何。一向都鍾意食海鮮野，就點左份松葉蟹海膽甲羅燒石鍋飯御膳，睇個名好似好勁。呢個套餐有配甜品，沙律蔬菜同味增湯。沙律一般般無咩特別；甜品好軟Q彈，有抹茶味（有少少甜又有少少苦），；味增湯一樣係正常發揮冇特別。而石鍋飯中間有蟹殼，裝住蟹膏蟹肉海膽蟹籽，飯有紫菜同蝦米，味道一流好好吃，蟹肉肉質結實，蟹膏爽口嫩滑，海膽蟹籽鮮甜美味～總括黎講好好味，但係份量唔係好多。

座落尖沙咀H Zentre地下 裝修格局都以木材為主 配上泥石華麗又帶點實在的空間感 日系的時尚感.前菜三點- 狗爪螺 夏天盛產 肉質嫩口鮮甜- 京都腐皮 濃郁豆香- 九州小女子 脆卜卜的漬物小魚下酒茶用甘露煮 甜甜地 .燒肉環節🔥專人介紹本日食材 — 「九州伊賀和牛」整體油脂比較重 所以比較搶火還有圖示詳細解釋部位同食用次序 由淡味食到濃味令我們這些門外漢也可以很容易步一步入這到專門肉眼→和牛西冷→特上羽下→牛肋條肉𖤐 肉眼非常肥美 油花分佈像雪花燒的時候很搶火 半成熟就夠入口油脂充滿口腔 肉質嫩滑好似食緊一舊拖羅一樣 𖤐 西冷牛味比肉眼濃郁 脂肪比例就比肉眼低返點所以質感較爽口 中間夾雜着油香 𖤐 羽下肉質再結實啲 真正食到和牛肉越咬越腍 咬落好多肉汁點海鹽已經非常好食 𖤐 牛肋條肉牛肋骨好似比一層厚厚嘅軟膠包住既有油脂脂肪 又有條筋位 所以要全熟先好食燒到有外皮焦焦脆脆入面全熟咬落特別香口特別有彈性點特製作蘋果醋醬汁 更可以中和一下油膩感 𖤐 野菜- 南瓜片- 原隻去籽青椒- 小洋蔥.和牛牛骨湯.和牛粒素冷麵素冷麵好幼身 好輕盈主要味道黎自和牛粒 牛味濃郁.柚子雪糕以濃滑既雪糕作

喺尖沙咀H Zentre有間燒肉店 - 三郎。燒肉餐廳十分有格調,空間感十足最特別之處係呢道係行omakase形式展現日式燒肉料理的奢華餐飲氣派坐吧枱仲有專人燒肉服務,唔駛自己郁手超享受餐廳提供日本和牛,仲有多個稀有部位可選擇仲有多款清酒選擇配合唔同食物,帶出更多滋味☺️叫套餐會先上前菜3點當日有腐皮,核桃漬魚,蒜頭漬由淡食到濃味,開哂胃口☺️之後就嚟到燒肉環節🔥🐮上枱時店員都會詳盡介紹🥰今次牛4點有肩胛肉,三角腹肉,封門柳,極上厚切牛舌4款肉品質都好高🥰當中肩胛肉脂香感十足,入口即化🤤極上厚切牛舌腍滑爽口好正🤤伴隨住燒肉仲有燒野菜3點解解油膩感有日本青椒🫑,洋蔥🧄,南瓜🎃燒完牛肉同野菜後會上湯同食事湯係白蘿蔔湯,十分清甜食事係和牛素冷麵,味道清爽冇負擔☺️最後以香滑黑芝麻雪糕再結尾🥰幸福🥰三郎。燒肉尖沙咀中間道15號H Zentre地下3號舖

今天看完醫生已接近下午二時，太餓了，見診所樓下剛巧有間日式餐廳，二話不說便進入餐廳點菜。小妹點了一個海鮮野菜餅丼，茶及面豉湯不錯，夠熱。個蒸蛋味道較鹹，蛋質亦不算滑。天婦羅太油膩，吃完要喝很多水。服務卻是很不錯，但以這價錢（一人定食連加一接近$200）來說，倒是有點貴。食物種類也不算多，建議可多加蔬菜類別。

一向都幾鍾意食牛，但我對肉質又好講究，食到一塊入口即溶嘅燒肉，簡直會令人難以忘懷😋我以為呢種感覺只可以喺日本神戶先食到，點知食完尖沙咀呢間——🌟三郎 • 燒肉🌟 @saburo_japanese_yakiniku ，都搵得到入口即溶嘅感覺🤤呢間餐廳樓底高，裏面裝修好有格調✨而且座位坐得好寬敞舒適，就算係燒肉店都唔會有好大陣油煙味，店員服務亦好周到👍🏻最特別嘅係佢係以廚師發辦形式(omakase)展現出日式燒肉料理嘅奢華餐飲氣派，夠晒特別🤩特設吧枱專人燒肉服務，可以俾食客有個尊貴嘅體驗，想食燒肉都唔一定要自己燒👍🏻喺呢度仲可以品嚐到多款唔同日本和牛稀有部位，當中包括夏多布里昂等特選部位，肉質鮮嫩、牛味香濃🤩而我今次食嘅呢一Set和牛肉🐂可以一次過品嚐到多個牛隻唔同部位，有啲位我都未食過添啊🫣每塊肉嘅雪花紋都好靚，油脂比例好充足，每塊肉一放落燒爐燒幾燒已經好快食得🤤放入口真係入口即溶，牛脂香氣充滿口腔，但又唔會太膩，牛肉肉質靚基本上喺燒之前落啲日本岩鹽就已經好足夠，如果想再濃味啲就可以沾上燒汁食，一樣好好食💕燒肉之前，店員仲會俾兩嚿牛脂肪你塗喺燒爐上，好少餐廳會咁講究，讚呀👍🏻如果燒緊肉嘅

睇住黎食真係食得特別開心兼長知識。叫咗8個部位一D都唔過份啦，包括有西冷、中腹肉、極上厚切牛舌、三角腹肉、羽下(即係牛頸脊)、橫膈膜肉、牛胸腩同埋一個叫Karubi(上網查原來係肋骨附近一脅的肉)，每樣有兩片，真係有D唔夠喉。基本上都好新鮮好好味，脂肪分怖均勻，我個人就比較鍾意三角腹肉同羽下。另外值得一試的就是燒白鱔，要比D心機慢慢燒，燒到佢肉身收縮夠晒乾身皮脆肉嫩真係正到無朋友。飲埋杯麒麟生啤真係劃上圓滿嘅句號。仲有其他野，不過我認為黎得呢度都係專心食烤肉啦。

平時去開尖沙咀呢頭食飯，有日心想食燒肉，行過見到門口都算乾淨，見到餐牌知道貴，但心諗都應該會好食掛，所以就決定試吓。入到去其實都幾多人吓，檯同檯之間都算迫，格局唔高檔，但餐牌價錢收費係中上。咁即管睇吓啲嘢好唔好食。前菜都覺得幾靚，味道還可以，見佢都算精緻，就更期待下一道菜。沙律係前菜一款，味道正常。啲肉好少，過600蚊一個餐，但得幾舊肉，份量少又唔係特別好食。呢個好普通嘅麵，叫侍應check咗3次先追到單，上菜次序完全亂嚟。有飯有一個好普通嘅麵豉湯個餐有海鮮，得啖笑，份量少到感覺係欺騙。$1,276過錢蚊食燒肉一啲都唔算平，但仲有好多物有所值嘅選擇。呢篇文章都過咗一段時間先得閒寫，但諗起當日俾成千蚊唔知食咗啲乜，覺得都幾嬲。甜品自已睇，冇味嘅。去SOGO 或CitySuper或IFC都有，仲要好味過佢。

1家3口入嚟三郎食個舒服嘅午餐！慢煮龍蝦石頭鍋飯真係好好食，我鍾意個飯唔係太燶，但有飯焦，好香嘅蝦味，隻龍蝦肉質嫩，又有好香嘅龍蝦味，佢係落咗啲龍蝦膏喺上邊食完一啖仲想再食！天婦羅蝦飯套餐這個🦐好鮮，可惜放咗一陣，脆皮就變軟，我反而最like天婦羅秋葵，脆又甜！飯卻太濕及林，我麻麻地！香蔥吞拿魚腩飯阿仔话好味，我見賣相唔錯，吞拿魚腩份量啊仔話要多啲每個set lunch都包麵豉湯，沙律，茶碗蒸和和果子甜品，這裏嘅環境，我覺得都幾值

其實知道餐廳環唔算好寬敞，但係佢收得呢個價錢，除咗食物質素，環境都應該要配合一下。食物質素無疑係ok。但係咁啱當日似係比一大班國內人訂咗位，除咗大房比佢包左，出面仲有三枱都係佢哋。我估計餐廳有一半人都係佢哋。其實如果大家都好似一般食飯咁係冇問題嘅，不過我相信佢哋實在太高興。除咗傾偈好大聲之外，仲不斷咁飲…..飲飲……。有冇考慮過其他人都想可以享受一下燒肉，同朋友傾下偈。最慘係我又唔覺餐廳嘅人提醒下佢哋！或者可以一早話聲比我知餐廳有活動咁我可以決定去唔去吖。我都未試過食燒肉唔夠一個鐘就要走，因為實在太嘈，我連對面個朋友講嘢都聽唔清楚。我都唔係要求五星級酒店嘅環境，但係都唔係比個大排檔嘅環境我囉。其實收得咁嘅價，有要求都絕對合理吖。如果我食啲任食燒肉，幾嘈都心甘命抵吖，但係佢收嘅價錢就應該提供返一個配合嘅環境我。我明白生意難做，難得有一大班人訂枱係開心嘅，但係都要考慮其他消費者嘅感受。

喺一個尖沙咀如此繁忙嘅路段，一個新開嘅商場，一個低調嘅門口，有一間隱世燒肉店。當book位嘅時候，佢比兩個選擇我：坐吧枱（有師傅燒埋俾你）/自己坐枱自己燒，但我嗰晚想低調地同朋友傾偈所以自己燒。餐廳用餐環境一流，枱與枱之間非常寬敞。就算隔離枱談話，都唔會影響到你。而作為一間燒肉店，你係可以毫無燒肉味地離開呢間餐廳，甚至有一啲好Good vibe嘅音樂襯托用餐時刻。食呢間餐廳，你要預留充足嘅時間，佢嘅上菜速度係好適合人哋邊傾偈邊食飯（我嗰晚由6點食到10點😛）服務及食物質素而言，喺套餐選擇上，佢只係分牛、雞、海鮮三類套餐。而入面嘅燒肉部位完全取決於廚師當天嘅推介，及有什麼牛嘅稀有部位，全部牛都屬A5級別。同時侍應好專業，佢會建議我哋可以嗌啲乜嘢。

依間新開冇耐，主打日式燒肉店，店內嘅風格行日式時尚風，非常有格調，而且仲設有榻榻米房，幾啱一班人聚餐～ 除左有一系列多達十幾個唔同部位嘅和牛提供之外，最為吸引大眾嘅係Bar枱area有專人幫你燒肉，保證燒得到位，以最好嘅口感送入你口中✨ 另外仲設有omakase menu，保證食到最時令嘅食材同keep住有新鮮感！-「鳥亭」($580) 呢個set先上前菜，有酸酸地嘅水雲幾開胃，迷你茄子食落軟滑，仲有大大粒日本甘栗👍🏾另外呢度豚肉採用鹿兒島黑豚里脊肉同黑豚肋肉，油脂在口中化開，香氣十足。仲有來自德島縣嘅阿波尾雞腿同雞中翼，雞腿肉脂肪含量低，爽脆嫩滑🐣 海鮮料理分別有翡翠螺同大蝦。*特選和牛盛合 (五款)（$558）包括牛肩胛，牛羽下，牛肋肉，西冷 以及 牛三角🥩最鐘意最淺色嘅三角腹肉，油花非常豐富，入口即化，油脂十足😍 另外牛肋肉，肉質細緻，油脂分佈平均，油而不膩，肉嘅鮮味好出😋 牛橫膈肉口感清爽豐富*燒野菜揀咗日本迷你番薯同埋洋蔥，推薦日本迷你番薯甜度恰好，配埋新鮮嘅洋蔥別有風味🌟最後仲有麵同麵鼓湯，唔算特別，但淨喺食肉已經好飽😂，最後仲有煙韌日本蕨餅作結😋 夠晒滿足！