三津湯包

新蒲崗工廈多興趣班活動，週末非常熱鬧，週日去開新蒲崗，懶得煮飯，買外賣最合適。想起平日經常不少人幫襯的三津湯包，一於試試。小食拼盤 - 有齊燒賣、魚蛋、腸粉，每人分享點最合適。生煎包 - 剛煎起，返到屋企還是脆熱，薄皮包著餡料，濃郁香口。另一款三津湯包，較厚皮，肉汁爆出。除了包子類，蒸飯也有，選了章魚肉餅飯，章魚混在肥瘦均勻的肉餅增添口感，還有不少配菜更健康。還有火腿雞蛋炒米粉，炒得乾身不油膩，份量多又惹味。點了咁多食物都不用一百元，非常超值，難怪受歡迎。…查看更多

今日經過見多人排隊，知道呢度主打係即整蒸包同點心，決定今晚買外賣做晚餐一蚊生煎包-做緊推廣，跟好步驟，就可一蚊一隻。招牌生煎果然。外層皮脆，入面滿滿肉汁，想急不及待，小心爆汁牛肉球-3粒size勁大，有牛肉味道，彈牙。如果有腐皮更回味蒸碗蛋-熱熱蒸蛋，上面有魚片，蜆肉仔同蝦仁，蛋超滑，熱騰騰食一流糯米雞-24蚊絕對超值，餡料有臘腸、雞翼同豬肉，大件抵食鹹蛋肉餅飯-肉餅帶有鮮甜味，鹹蛋係道菜嘅靈魂，有金莎般嘅口感，加少少豉油，簡直整碗飯很吃清凍檸茶-茶味唔淡。解渴。…查看更多

唔同時間．經過呢間店都企滿食客鄰近鑽石山港鐵站食物價錢唔貴$25已經食到蒸飯仲有多款點心．相當抵食拎到返屋企打開蓋仲熱到出煙揀咗兩款蒸飯熱辣辣✨鳳爪排骨飯 鳳爪同排骨係完美嘅配搭淋上豉油真係超好食✨咖哩牛腩飯 咖哩汁配牛腩．淋上米飯特別開胃牛腩軟腍超惹味✨蝦仁燒賣燒賣一籠四粒價錢平過酒樓一大截隨時想食都可以✨滷雞腿啖啖肉好入味2:00-5:00pm下午茶套餐有幾款選擇贈送冷熱飲品．性價比更高以後返工買早餐又多個選擇啦…查看更多

在深圳食過「三津湯包」，今日經開新蒲崗見到原來香港都有分店，即刻買來食！😋🔸三津湯包**：皮薄餡多，豬肉鮮香湯汁濃郁，一咬爆汁熱辣辣，配醋蒜一流，$6一個超值！🔸三津生煎包：餡料豐厚帶蔥香，煎汁入味，食到停唔到口。🔸胡椒鹹菜豬肚湯飯：豬肚軟腍唔腥，胡椒辣暖胃，鹹菜酸脆，湯底濃郁配飯好味。🔸腸粉拼盤：港人必吃經典，腸粉滑溜，燒賣及魚蛋配甜豉油，街頭小食feel，$25拼盤超抵！🔸火腿雞蛋炒米粉：米粉炒得乾爽不油，家常味濃。…查看更多

三津湯包新蒲崗大有街3號萬廸廣場地舖呢間係我平日做運動gym room 樓下，假日作最後workout ,買個外賣返屋企食🤣手工包點親民價格,現做現蒸,爆汁湯包定價$6/個，餡三肥七瘦豬前腿肉製作，肉質鮮美，皮薄，一口咬下湯汁爆漿出人氣生煎包，$18/3個，自家製麵包種每日新鮮做，餡料以優選豬肉混合秘制調料而成，外表金黃飽滿$13 茶碗蒸 熱熱又滑，日式入面仲有魚片順便買飯返去同屋企人做lunch $22 口水雞，辣油好開胃$28 一條蒸鯧魚，無睇錯仲要有飯!豆豉蒜蒜，家常味又健康$6 紅糖饅頭同全日購買任何產品加$5就有檸檬茶一杯…查看更多

國內知名包點品牌三津湯包嚟咗香港都一段時間～成日喺網上見到人推介呢間嘢，秉持現做現蒸現賣理念，心思思想試好耐，但係平時唔係咁順路，所以一直冇特登去。今次經過新蒲崗，唔可以錯過！企咗陣，已經見到人龍冇停過，果然係人氣王！(個價錢平過我預期，有驚喜😋)爆汁包 (三津湯包) $6個果然係鎮店之寶！外皮軟熟，稍微搣開個包，啲湯汁就湧出嚟～另外個肉餡肥瘦配搭得啱啱好，聽講係由精選豬前腿肉製作，肥瘦相間食落唔會膩，而且調味適中，唔會太鹹太淡，食完唔會口渴👍生煎包 $18 /份係我嘅心頭好！外脆內嫩，咬落去湯汁爆漿咁湧出嚟，配埋飽滿嘅肉餡真係正到飛起！海量嘅芝麻亦令到生煎包更加香～除咗包點，三津湯包仲有幾十款點心、家常小菜及其他美食，總有一款啱心水。我就試咗雞絲涼皮，叫咗小辣，個汁酸酸辣辣，味道好有層次，個涼皮滑溜又有彈性，連屋企人平時唔多鍾意食涼皮都食咗好多😯另外口水雞飯都只係$22！大震驚～本來以為淨係少少辣椒油，點知開蓋每件雞肉都被辣油包住，肉質仲幾軟滑，份量都唔少呢！最後就係茶葉蛋同韭菜鮮肉餃，餃可以揀蒸或者煎，我揀咗煎嘅，外皮香脆，韭菜同鮮肉嘅配搭好夾，食落好香口，絕對值得試！至於茶葉蛋滷得幾入味，啲裂紋均均勻勻，蛋黃又唔會乾爭爭，平食之選！見到仲有全日優惠，購買任何產品加$5就有檸檬茶一杯，下次一定會再嚟試其他款式👏…查看更多

響深水埗分店見過幾次感覺包點比較多，好似食早餐為主不過冇買過今次沖佢地接近半價的優惠去買一波試食發現都不錯，23蚊，正常飯量，大食嘅人買兩個都覺得好抵正常鰻魚飯少少乾，但唔會死硬加埋燒汁略鹹甜，但配菜夠清青瓜、蛋絲、蟹柳冇調味但足夠量去解燒汁嘅膩…查看更多

猶記得剛開業時吃過的燒賣，質量還是正正常常的，就是隨處可見的那種。今天吃了一盒，一看到就不開胃，完全不知道是甚麼拌出來的「謎肉」，看起來有點灰灰的，感覺是很劣質很廉價的肉，但實在沒時間再出門買早餐了，上班途中可不能溜出來啊，於是唯有硬食了。雖然的確也多少感受到一些疑似蝦肉碎，但那肉質真的這輩子不想再吃第二次了。圖片上明明是原隻蝦仁放在最上面，現在沒有了，感覺就有種被騙的感覺，貨不對版啊。姐姐的服務還是挺好的，但實在拯救不了這品牌的食物水平啊。…查看更多

咖啡似飲水，排骨飯唔新鮮，韭菜豬肉餃似小朋友整咁，好假，總括嚟講呢間7.7到喊 有人請下次都唔會再食，無啦啦喺外賣app見到先試下，點知難食到咁，留名等睇汁，包點先生差唔多價錢贏9條街…查看更多

今日經過一間好多人排隊嘅小店，見到咁多人排隊，心諗應該唔錯，於是跟住排隊試吓。我叫咗個粟米湯餃同生煎包，結果兩樣嘢都令我大失所望。首先，粟米湯餃個皮勁厚，湯底味道奇怪，酸酸地，完全唔知係咩味，食落去真係有啲難頂。而生煎包個皮同樣厚到離譜，完全冇咩口感可言，餡料亦都唔夠香，整體水準真係令人失望。更令人無奈嘅係，收錢嗰位阿姐態度極差，語氣躁底，完全冇禮貌。排咗咁耐隊，最後竟然叫我哋去第二度等，指示又唔清晰，搞到人好混亂。俾錢買嘢仲要受氣，真係買難受。其實呢間嘢又唔係特別平，食物水準又差，服務態度更加係扣分。總結嚟講，真係唔值得特登去試，慳返啲時間、金錢同個胃好過。…查看更多

今次體驗係深水埗店，店舖格局長長窄窄，在街的轉角位，一間少店分三個位排隊，分別售賣，店家出名的生煎包，湯包點心同飯麵，因為在街不方便食三個生煎包，第一次只能試食，出名的名叫三津湯包，招牌都寫三津湯包，食一個仲想食，買一個承惠6蚊，size 比較傳統茶樓叉燒包細，又比生煎包大少少。開始分享試食，第一口，裡面肉汁味濃，包面唔乾，唔黐口喉，軟熟，但沒有爆汁，第二啖，繼續肉包味，第三啖就食完，但最後一啖有汁，真係有點Juice 同滿意，有D 似生煎包有汁咁，但依個包個汁偏濃同咸。…查看更多

好耐都無食, 見佢有早餐套餐, 所以先去買個外賣 (之前試過覺得唔好食, 又唔抵).. 原來都係唔抵.  要個早餐 B. 熱豆漿.  點解豆漿唔滿 ?   如果以哩個價錢, 唔值.   唯一好食係隻蛋.…查看更多

想寫食評好耐了……雖然唔係成日幫襯，但是由去年一開舖到現在嘅感想可以做少少總結。說實話，這個舖位已經轉過好幾手了，得知即將有新食店再開張，當初係幾有期待。記得開張嘅第一日，大鑼大鼓，甚至有舞獅，場面實在誇張，還有免費試食湯包一個。可惜雷聲大雨點小，試食嘅第一刻已決定以後不會幫襯買湯包。原因很簡單，就是湯包裏根本冇湯汁！有冇試過其他舖頭嘅湯包？就係有試過，人哋賣成10幾蚊一隻，但係真係明碼實價地有湯汁有質素，食完仲想再食。三津湯包啲包竟然冇湯汁，我完全無法理解點解可以這樣命名？還是有欺騙成份？不過，佢還有賣點心、蒸飯等，這些都不過不失，價錢算係實惠。我見最多人買嘅就係茶葉蛋，小籠包、粟米等都抵食。其他就不予置評。最後，曾經有一段好短嘅時間發現突然之間有賣兩餸飯，但這個時期真係短到唔知有冇一個月就突然間又冇得賣。簡直不倫不類，唔知佢嘅定位係乜嘢，好似好隨意地變更。至於服務方面，有時覺得佢哋都幾亂，效率麻麻哋，不過我覺得最緊要都係啲食物質素，呢樣如果都唔達標，其他唔使講。講真，賣包嘅舖頭唔少，例如包點先生、唐記包點等，質素都優勝，希望三津湯包努力少少，起碼符合自己嘅招牌，賣啲有湯汁嘅湯包。唔該晒！…查看更多

買過2次，每次都夜晚11點幾買，食物還可以，女員工態度差比面色人睇，睇佢個款，好似係店舖管理人員，加上排隊唔知佢想點，明明排緊隊，另外有客冇排隊，比人插隊！真係冇下次，附近冇嘢食都唔會買！…查看更多

買咗外賣鷄飯食, 唔夠熱, 鷄有 D 實.  同之前食唔同,  還有一次早上買早餐, 要乜無乜,.  其實, 打開門賣嘢時, 真係要準備好 D 食物比客人嚟買嘢, 好肯定唔會有下次.…查看更多