三有車仔麵

夜晚10點經過，見到鋪面有張相show有b仔雞翼尖賣，就幫襯左一份。廿幾蚊細細份都ok la見個阿姐撈個陣都知中伏，佢係一個無熱爐既煲都撈，心諗一定唔熱啦，拎到上手，真係唔熱😂😂😂算，拎返屋企自己用微波爐叮lo……….返到屋企，叮熱佢滿心期待開餐，完全係淡到好似水咁，冇辣味、無咩蒜味。好似烚既咁，D雞翼尖又溶溶爛爛咁。食過一次就真的不了。。。。。真係龍津個雞翼尖都好味過佢，起碼人地幫我叮埋😂…查看更多

前幾日去屯門探朋友，特登早啲入嚟食個lunch先去朋友屋企玩，想食車仔麵，搵到山景商場有一間，就試下。我哋嗌咗韭菜豬紅，生菜魚肉，再加各自一碗車仔麵，仲有凍咖啡(有得嗌埋嘢飲呢樣嘢抵讚🧋)。頭兩樣正常水準，豬紅好食！😋車仔麵米粉好滑，咬口好正！牛腩多咗少少肥膏(可能我冇叫瘦腩😆)，豬腸都好出色！ 👍🏻 仲有一個重點，就係價錢唔貴，抵食！！朋友話魷魚粗麵🦑🍜都好好味。唯一爭啲嘅就係近門口，一開門就有啲熱氣攻入黎，不過我見好多街坊都係買走。應該冇乜人好似我哋咁坐喺度食。😂韭菜豬紅：⭐️⭐️⭐️⭐️生菜魚肉：⭐️⭐️⭐️⭐️車仔麵(牛腩豬腸蟹柳米粉)：⭐️⭐️⭐️⭐️⭐️…查看更多

🍽今晚想食粉麵🍜，不過.....🤷‍♂️🤷‍♂️🤷‍♂️去左山景街市(三有車仔麵)服務態度唔評論🤨，都係食物為先，來一個簡單介紹先：車仔麵🍜應該大家都識，我唔多講；我就買左1碗2餸麵🍜，1碗3餸麵🍜加多個雞翼🍖：先講食物🍽評分先：米粉🍜咀嚼上有彈性，豆卜樣子特別，午餐肉🍖同平時罐頭一樣，咖哩魚蛋🍢入味，辣魷魚🦑好香，辣味唔重香氣十足，泰式魚餅🐟，簡單都係香，有彈性。孜然雞翼🍖：香氣十足，食落爆肉汁出嚟，肉質嫩滑。今次我會一次過比食物評分🌟。10星🌟為滿星一定係7星🌟服務問題:第一點⚠️：店員再三去問🗣我叫多一個餸，我就感覺唔太好🤦‍♂️，要人地買多個餸就唔太好，強迫感過大。(可能係個鋪名🏠問題嚟，不過人要變通嘅....)第二點⚠️：餐牌📒上寫明3餸起先可以外賣分湯上，我諗一諗🤦‍♂️唔係客人都可以要求咩？加錢加外賣盒又唔可以嗎💁‍♂️？第三點⚠️：2餸唔分湯唔緊要，外賣返到屋企，2餸嘅個一碗麵，3份1嘅湯都無係碗麵內....🤦‍♂️第四點⚠️：落單及等單時間太長時間。第五點⚠️：店員講明🗣:唔用現金的話，只用八達通比錢...你買2碗車仔麵就要分開2次收錢🤦‍♂️，浪費太多時間。🤦‍♂️服務評分🙅🙅：10星🌟為滿分一定係2星🌟☂️以上為個人意見☂️🙇‍♂️(意見分歧者煩請見諒)🙇‍♂️…查看更多

難食到一個點全部餸無味 咩味都無 好似用水洽辣汁得個辣味 無其他味鳳爪賣相肉酸到一個點 亦完全唔林 豬皮😥 完全無味 一樣咁索味既食物完全無味道！好犀利！！！豬腸無洗乾淨 好多污糟野蘿蔔完全無味 唔知自己食緊咩奶茶好難飲…查看更多

膽粗粗試下酸齋又幾夾喎。我今次揀左油麵，紅腸，酸齋同豬腸。紅腸食完喉嚨冇那住那住嘅感覺。酸齋值得推介豬腸我嫌唔夠肥但味道都好味的。最緊要係服務有禮貌有耐性環境亦乾淨。包裝好，拎到返屋企唔會成袋湯以後收夜唔洗只食m記了。…查看更多