三希樓 (利舞臺廣場)

餐廳：三希樓地點：銅鑼灣利舞台廣場菜式：川菜餐牌：涼菜小食、明爐燒味、鮑參翅肚、湯羹、河鮮、海鮮、家禽、牛肉、羊豬肉、乾鍋系列時蔬、粉麵飯、甜點、飲品一坐低就有兩款小食，包括辣椒雞軟骨同花生。蒜泥白肉 $148 另加一蒜泥白肉一客八件，擺盤好靚。白肉片包住薄薄青瓜片，食落唔覺太肥膩，淋上辣油，味道微辣。面頭加上白色滑溜蒜泥醬汁，打成泡沫既蒜泥，原來可以加添香滑口感，好有特色。招牌酸菜魚 例 $428 另加一招牌酸菜魚例都好大兜，好多連皮魚片，非常滑溜又有口感，配有好多秀珍菇同酸菜，加有蔥花。味道都頗辣同酸，好夠味。四川寬粉  加$38 另加一加埋滑溜帶點咬口既寬粉更加好食！五椒焗海中蝦 $360 另加一五椒焗海中蝦用有蓋煲熱辣辣上枱，一客六大隻連殼大蝦，加有滿滿胡椒。蝦殼好脆，可以食埋，蝦肉鮮甜，味道少少辣，胡椒味好香，好惹味。三希樓吊燒雞 半隻 $248 另加一三希樓吊燒雞賣相一流，雞肉好香，燒得皮薄脆，而肉嫩帶雞味，調味調得鹹香，伴有少少沙律菜解膩同豉油提味。好食到停唔到口。啫啫唐生菜煲 $158 另加一啫啫唐生菜煲真係啫啫聲上枱！新鮮生菜加有豐富蝦醬同麵豉醬仲加有蝦乾，估唔到蝦醬同麵豉醬加埋味道係超級惹味，餸飯一流。即撞豆腐花 $88 另加一即撞豆腐花成個木桶上，可以食到四碗！豆腐花非常滑溜，另上黃糖同糖水比你自己調味，好食之餘又唔會太甜！棗茸千層糕 $48 另加一棗茸千層糕賣相不俗，一客5件排到成粒星星咁，肉眼見到有五層，聞到好香紅棗味，唔會太甜，感覺養生。今餐食物質素好高，餐廳環境高檔，裝修精美，服務員態度有禮，換碟勤快。一行三人都食到大大大滿足！…查看更多

銅鑼灣利舞臺廣場近年開了不少食肆，最常人流集中的樓層，反而是其中一兩間做得認真、值得一吃的。三希樓便是其中之一下著黑雨，傍晚六點半抵達，餐廳八成滿，尚有幾枱熟客自攜紅酒，氣氛不俗。亦有兩三枱吃火鍋，配料看來講究，下次或可一試。今次重點是蝦 。瓦罉焗胡椒海蝦，未上枱已聞其香。蝦非小隻，蝦膏明顯，殼酥香，腳脆可食，蝦頭慢慢啜尤為惹味，辣勁適中，不嗆。此菜一出，鄰枱紛紛望過來啫啫蝦醬通菜煲亦出色。選用最嫩的菜芯，粗纖維全刨去，蝦醬香濃，不腥。蝦乾用料大方，非坊間細碎貨色，反像家中自留的九節蝦乾。蒜片牛仔肉粒屬招牌之一，做得乾爽無油，蒜片香脆零苦，牛仔肉不韌，調味亦準，適合佐酒。青椒清香魚，魚肉厚切，有質感，非一般火鍋用薄片。湯頭帶微酸，有點像四川水煮魚的清爽版本，加中式麵條更覺過癮。飯後甜品點了香滑蛋白杏仁茶，尚可；紅豆椰汁糕略為平實。三希樓裝修不俗，菜式有心。廚房不怕費工夫，亦願用好材料，在這區已屬難得，值其所值。…查看更多

岩岩去完成都旅行，返到香港好快掛就住成都嘅味道週末就約埋朋友去銅鑼灣行街食飯，搵返間高質美味嘅川菜回味一下店內環境開揚，落地大玻璃仲可以眺望銅鑼灣景色座位寬敞舒適，仲設有獨文廳房，約會小聚、一家大細聚餐都非常適合餐廳主打帶粵菜及四川菜，菜式非常精緻美味當中嘅極品龍蝦麻婆豆腐真係一試難忘食物方面:蜂蜜番茄 : 蕃茄去皮味道清甜，加上桂花及蜂蜜一齊食，口感清新蒜泥肉片 : 蒜泥強烈的辛香味，味道濃郁，肉片切得極薄，入口時滑嫩不膩，還夾著一片小黃瓜，搭配吃起來爽脆不油膩杏汁白肺湯 : 湯頭細膩順口，呈現絲滑乳白色澤，白肺燉至嫩滑，再配上雞腳、掛骨及白果，溫潤滋補，潤喉又暖胃 極品龍蝦麻婆豆腐 : 龍蝦伊麵就食得多，龍蝦麻婆豆腐真係第一次試，賣相非常吸晴，龍蝦肉質爽嫩彈牙，麻婆豆腐口感嫩滑，配埋碗白飯就無得彈，真係食過最好味嘅麻婆豆腐青椒清香魚 : 魚片鮮嫩，份量十足，湯頭清香微酸，湯入便仲有烏冬麵，非常有驚喜香菇萵荀絲 : 口感爽脆嘅萵筍絲搭配香菇片，味道清淡帶少許菇菌味，適宜解辣杞子桂花糕 :   以杞子、桂花及桂圓肉搭配製成，入口清甜不膩香滑蛋白杏仁茶 : 杏仁茶香甜濃郁，甜度適中，再加入嫩滑蛋白塊，飲落暖胃，解決川菜的油膩感…查看更多

餐廳：三希樓地點：銅鑼灣利舞台廣場菜式：川菜餐牌：涼菜小食、明爐燒味、鮑參翅肚、湯羹、河鮮、海鮮、家禽、牛肉、羊豬肉、乾鍋系列時蔬、粉麵飯、甜點、飲品一坐低就有兩款小食，包括八爪魚青瓜粒同香辣爽脆萵筍。蒜泥白肉 $148 另加一蒜泥白肉一客八件，擺盤好靚。白肉片包住薄薄青瓜片，食落唔覺太肥膩，淋上辣油，面頭加上白色滑溜蒜泥醬汁，第一次食打成泡沫既蒜泥，原來可以加添香滑口感，好有特色。五椒焗海中蝦 $360 另加一五椒焗海中蝦用有蓋煲熱辣辣上枱，一客六大隻連殼大蝦，加有滿滿胡椒。蝦殼好脆，可以食埋，蝦肉鮮甜，味道少少辣，胡椒味好香，好惹味。招牌酸菜魚 例 $428 另加一招牌酸菜魚例都好大兜，好多連皮魚片，非常滑溜又有口感，配有好多秀珍菇同酸菜，加有蔥花。味道都頗辣同酸，好夠味。白飯 $18 另加一食酸菜魚當然要餸飯，白飯用蓋蓋住。三希樓吊燒雞 半隻 $248 另加一三希樓吊燒雞賣相一流，雞肉好香，燒得皮薄脆，而肉嫩帶雞味，調味調得鹹香，伴有少少沙律菜解膩同豉油提味。好食到停唔到口。清炒萵筍絲 $128 另加一清炒萵筍絲口感爽脆，味道鹹香微辣，餸飯一流。薑茶湯丸 $40 另加一湯丸一客兩粒，好淋又滑溜，入面係芝麻流心餡，個薑茶薑味濃，唔太甜。棗茸千層糕 $48 另加一肉眼見到有五層，聞到好香紅棗味，唔會太甜，感覺養生。今餐食物質素好高，餐廳環境高檔，裝修精美，服務員態度有禮，換碟勤快。…查看更多

落地玻璃窗，裝修雅緻，平日夜晚都幾多人幫襯，枱與枱之間有距離，唔會太嘈，最緊要食物質素好，大家食得開心~🔘蒜泥白肉賣相同味道兼備，將青瓜同五花肉切成薄片，淋上辣油，再加埋超香嘅蒜蓉醬，口感細緻棉密，非常加分~🔘X.O.醬粉絲蝦煲好大隻蝦，蝦肉鮮甜，粉絲吸晒啲精華最好食，忍唔住一口接一口~🔘招牌酸菜魚 (例）例牌份量都超多，3-4個人食都冇問題，魚肉切薄片保持嫩滑口感，酸辣味道平衡，但竟然見唔到一粒紅色辣椒，食落感覺相對清爽啲唔油膩~🔘三希樓吊燒雞 （半）果然係招牌菜，非常出色，外皮酥脆，肉質鮮嫩多汁，店員話要用三日時間吊起滴油，所以個皮先咁香脆，必點呀~🔘啫啫唐生菜煲簡單又好味嘅菜式，唐生菜超級爽脆，加上蝦醬同蝦米帶出鮮味~🔘香滑蛋白杏仁茶上枱嘅時候已經幫我哋一開二，又香又滑仲好有杏仁味，濃稠度啱啱好~🔘棗茸千層糕味道清甜，口感煙韌，唔會黐牙~…查看更多

🩵 蒜片牛仔肉粒好有驚喜！肉質軟淋，配椒鹽同薄脆蒜片好惹味，食到唔停口😍🩵蜂蜜番茄新鮮番茄🍅 桂花蜂蜜幾香🍯🩵杏汁白肺湯豬肉煲到好淋，仲有雞腳食～ 淡淡杏汁香氣～🩵黃金海中蝦超邪惡黃金蝦，蝦肉大隻，肉質彈牙🦐🩵青椒清香魚（例）3-4人都夠食，海量魚肉，仲有超足料麵條係底🤣🩵酒糟桂花小湯圓&薑茶湯丸酒糟桂花湯圓好香，唔會死甜～ 薑茶湯超薑，好暖胃～🩵棗茸千層糕必試甜品！紅棗同椰汁味都香濃！…查看更多

過一排又心思思想食川菜，出銅鑼灣又去三希樓，主要貪佢菜式一直保持高水準，所有侍應、經理服務都禮貌親切，感覺舒服。呢一晚就點咗以下菜式：蒜泥白肉 $148 - 薄切小青瓜片夾肥瘦相間薄切豬腩肉，澆上蒜泥漿，加上微辣紅油醬汁，水準一直保持👍🏻小蔥皮蛋豆腐 $68 - 開胃前菜招牌咕嚕肉 $248 - 即炸梅頭肉外皮脆內裏肉汁豐富，酸甜汁味調教適中😋青椒清香魚 (例牌) $438 - 朋友第一次嚟三希樓，見到海量大盤酸菜魚自然wow一聲。大量厚切鮮魚片、清爽鮮筍片、彈牙烏冬、微辣鮮香酸湯底，食完一碗又一碗。啫啫唐生菜煲 $158 - 念念不忘的蝦醬蝦乾啫啫唐生菜煲，上枱香氣撲鼻，唐生菜味濃嫩滑青甜爽口 😋👍🏻蛋白杏仁茶 $84 - 做到香滑杏仁香，甜到剛剛好適合香港人口味。棗蓉千層糕 $48 - 作為棗蓉糕控，紅棗蓉味濃，糕底煙韌彈牙，必須講.….. 我很滿足😊…查看更多

喜愛中菜🇨🇳及對菜餚品質有追求的你，就千萬別錯過這家精品川粵菜名店——三希樓。Obsessed with Chinese cuisine🇨🇳? Craving dishes that’ll blow your taste buds away🥹? Don’t miss San Xi Lou – a Sichuan-Cantonese paradise serving pure perfection on every plate👅💦!!.🐓招牌麻辣口水雞Marinated Cold Chicken w/ Peanut in Spicy Sauce（*小S $268）[推介程度] 🟡🟡🟡🟡🟡(5/5)極具層次的醬汁香中帶麻，配上經冰鎮處理的滑嫰雞件，風味絕佳🔥若想平衡麻辣的感覺，可搭配萵筍片吃下，脆甜又清新😚💕Layers of fragrant, tingly sauce paired with chilled, tender chicken – a flavor explosion🌶️🔥! Want to balance the spicy kick? Pair it with crisp, sweet celtuce for a fresh crunch😚🫶💕!.🐟水煮魚Sichuan Style Stewed Fish（*例R $448）[推介程度] 🟡🟡🟡🟡🟡(5/5)魚片厚薄均一兼火喉控制得宜，魚肉軟嫰不散，片片入口即化💕湯汁完美結合四種層次的味道，魚肉的鮮、麻得甘香且辣得過癮🌶🔥！Tender, deboned fish fillets, perfectly sliced and cooked to melt in your mouth💕The broth packs a punch with fresh, numbing, and spicy flavors🌶️🔥! Pick your spice level and dive into this Sichuan classic — you’ll be hooked!!.🦐瓦罉焗胡椒海蝦Fried Prawns w/ Pepper in Casserole（$360）[推介程度] 🟡🟡🟡🟡🟡(5/5)每隻頭部經開邊處理的肥美海蝦，以瓦罉焗製後，蝦肉滲滿了黑、白胡椒等等香料的辛香辣，層次細膩、惹味非凡🔥同時更方便客人享用，剝殼容易😘而且海蝦均經走油處理，讓蝦殼更酥香金脆外，肉質亦於烹調後依然爽口彈牙、肉汁滿瀉。我們極度推薦這道佳餚給大家，保證吮指不斷！Succulent shrimp with tantalizing split heads, slow-baked in a claypot with explosive black & white pepper heat🔥Crispy, golden shells, mouthwatering juicy meat, and peel-off perfection — prepare for finger-licking bliss! .🪿馳名樟茶鴨Sichuan Style Smoked Duck（*半H $228）[推介程度] 🟡🟡🟡🟡🟡(5/5)川菜並不只得麻與辣，這道深得慈禧太后喜愛的鴨饌，鴨肉被燻滿了樟樹木及茶香，零羶腥味兼零膩感。除了單吃享受脆皮滋味外，亦建議配著蝴蝶包品嚐，讓那樟茶鴨的油香與煙燻香滲於鬆軟包內，保證風味昇華😋Indulge in this Sichuan gem — camphor tea duck, loved by Empress Dowager Cixi! Smoky, tea-infused crispy skin with zero greasiness, paired with fluffy buns for a melt-in-mouth delight😋.🥒金銀蒜茸蒸勝瓜Steamed Luffa w/ Double Garlic（$138）[推介程度] 🟡🟡🟡🟡🟡(5/5)海陸空食勻後，怎能少了蔬菜去清新味蕾呢！這道菜式雖簡單但勝在風味豐富，爽甜回甘的勝瓜與生熟蒜的配搭，下飯一流！🍚💕Craving a palate refresher? Dive into this irresistible luffa dish — crisp, sweet, and garlic-kissed perfection with rice! 🍚💕.🥢棗茸千層糕Red Dates Puddings（$48）[推介程度] 🟡🟡🟡🟡🟡(5/5)這道糕點清甜幽香、棗茸細膩、糕體煙靭非凡，完美地為這頓晚飯畫上句號☺️♥️This dessert is pure heaven—delicate sweetness, silky date paste, and a delightfully chewy texture, perfectly capping off your dinner☺️♥️/店舖名稱 Restaurant Name：三希樓San Xi Lou.店舖地址 Restaurant Address：銅鑼灣波斯富街99號利舞臺廣場17樓B號舖Shop B, 17/F, Lee Theatre Plaza, 99 Percival Street, Causeway Bay.營業時間 Opening Hours：⊿星期一至日 Mon to Sun 11:00-16:00, 18:00-23:00…查看更多

是晚又係屋企人飯局之夜～辛苦搵嚟志在食🤝🏻網上見到呢間口碑一流嘅中菜餐館～急不及待訂位試試～我哋一致認為呢度食物美味、服務殷勤、環境舒適～以後家庭聚餐又多一個好選擇啦😚.✨烤椒桂花蚌 $168青翠烤椒配襯住爽口彈牙嘅桂花蚌🤗係一道涼拌開胃小菜🙌🏻🙌🏻.✨青椒清香魚 $438呢度除咗粵菜小炒出色之外～亦主打正宗川味菜🌶️🌶️所以我哋都忍唔住叫番其招牌魚試試～有辣有唔辣嘅選擇～最後商量後揀咗呢款唔辣嘅鮮青椒🫑清香魚～魚片肉質嫩滑～湯頭清徹鮮味～仲有寬粉於其中～下次要試埋其他口味先得😋.✨瓦罉焗胡椒海蝦 六隻 $360濃郁胡椒香氣撲鼻而至😀😀隻隻海蝦都珍寶size！外殼卜卜脆到差啲食埋🦐蝦肉飽滿又鮮甜！讚！.✨三希樓吊燒雞 半隻 $248非常高質💯雞肉醃得入味～且皮脆肉嫩滑😍😍好快被我哋清咗碟！！.✨蝦醬啫啫唐生菜煲 $158蝦醬味道增添風味之餘又唔會太霸道～使啫啫唐生菜食感提升到另一美味層次～大推薦‼️‼️.✨火龍果冰沙 $68即叫即打～紅肉火龍果色彩鮮艷吸引🍹飲落冰爽透心涼！！✨好卡頓啤酒 $48冰凍啤酒配美食🍻🍻簡直絕妙！！.✨晚市茶芥 $26@位✨加一服務費…查看更多

呢間餐廳主打川菜，不過比想像中更多元化，唔係每一道都麻辣到飛起，反而有辣有唔辣，仲有打邊爐可以揀，幾適合一大班朋友一齊去。前菜叫咗嗰燻魚豆干同小蔥皮蛋豆腐，兩款都幾有驚喜，薰魚帶微微煙燻香，豆干口感好特別，有點似鹵水蛋白。小蔥皮蛋豆腐就冰涼開胃，豆腐滑得嚟有豆香，皮蛋則選得很靚，濃郁又流心，加上小青蔥，味道平衡得剛好。之後上嘅係明爐蜜汁叉燒，外層帶焦香甜味，肉質肥瘦分明，好下飯。招牌酸菜魚當然係重頭戲，酸香湯底滲晒魚片，夠味又唔會太過油膩，係可以飲或者撈飯，都唔會heavy嘅湯，酸辣平衡得好好。鍾意粉嘅仲可以追加埋薯粉落去，質感滑溜，而且超吸湯，個人好中意。炸物方面，酥炸廣島蠔外皮金黃香脆，咬落去鮮味滿滿，好滿足。最後點返碟清爽嘅金銀蒜茸蒸勝瓜，蒜香突出但又保留勝瓜清甜，而且佢地勝瓜火候到位，食落去口感係脆脆地嘅，很不錯。甜品叫咗兩款。香滑蛋白杏仁茶 好綿密，入口順滑，杏仁味香濃但唔會苦澀。酒糟桂花小湯圓則非常清新低甜，淡淡桂花清香，仲有糯嘰嘰嘅小丸子，溫暖滿足地收結我地嘅晚餐。…查看更多

好友約銅鑼灣《三希樓》嘆高質粵川菜，高樓層環境寬敞開揚並有落地大玻璃窗，座位舒適。我們點左 前菜：豆角&海帶。小食：蒜片牛仔肉粒：乾爽不油膩，牛仔肉嫩滑味濃多汁。涼拌海蜇雲耳：爽脆清爽可口。青椒清香魚（大）：厚切魚肉很嫩滑，配嫩竹筍、酸菜、幼麵條，湯底清甜美味，另上辣椒粒可調配個人辣程度。啫啫唐生菜煲（蝦醬）：瓦煲上枱熱烘烘生菜嫩綠、蝦醬味香濃、大隻蝦乾味鮮甜。腰果黑椒牛肉粒：牛肉腍滑入味好好食，腰果鬆脆，味道剛好。招牌咕嚕肉：豬肉腍外皮脆，配料菠蘿、喬頭、三色椒、蕃茄汁酸酸甜甜好開胃好味道。甜品香滑蛋白杏仁茶：杏仁味香濃很滑，小小甜夠健康。自家製擂沙湯丸：香滑軟糯，中間夾黑芝麻醬、外層黃豆粉，口感豐富。…查看更多

之前係ig見到三希樓好好食，然後今日去試左。菜式普遍都不過不失，但係個乾鍋雞件好難食！啲雞無咩肉，仲要係油炸到勁乾，僅餘嘅肉又韌又嚡，應該係我食過最難食嘅乾鍋。個menu仲要寫話係惹味之選呃左我哋去叫…查看更多

好友約我飲下午茶吃高質點心，裝修優雅美觀，有一列落地大玻璃窗高樓層景觀開揚。我們點左：水晶鮮蝦餃：有五隻皮薄剔透蝦肉爽彈好好食😋招牌燒賣皇：肉味鮮甜又大隻真不錯👍沙律明蝦角：炸得脆口脹卜卜蝦仁爽口，配什果沙律超美味。即製蜜餞叉燒腸粉：叉燒腍蜜味足，腸粉軟糯順滑。香煎手打墨魚餅：煎得香脆可口又爽彈。巧工鮮豬潤腸粉：鮮豬潤爽口無腥味。酒香豬潤燒賣：豬潤酒味香，蒸得啱啱好很嫩滑。韮菜水餃：餃子好大隻皮薄餡料滿滿脹卜卜。雞湯小籠包：皮薄煙韌，湯汁豐富。木桶即撞豆腐花：豆味香濃很幼滑，桂花糖水、黃糖很好味，店員話廚師每天早上磨製確保新鮮值得推介。…查看更多

涼拌海蜇雲耳海蜇晶瑩，很厚身爽脆，口味酸甜中帶點微辣，同雲耳好夾，有醋香和芝麻油，十分開胃。蒜泥白肉薄如紙嘅豬肉片和青瓜層層疊疊，覆蓋著蒜泥與紅油，肉質細嫩，蒜泥醬汁微辣濃郁。其中一款招牌魚～青椒清香魚魚片雪白軟嫩，其中幾片有少少骨，不過都容易取出。綠椒絲點綴，湯汁清亮，充滿鮮椒香，突出食材本味，越食越惹味。X.O.醬粉絲蝦煲蝦隻橙紅豐滿，勁大隻，啖啖肉，有少少胡椒香，粉絲吸滿湯汁，滑順又帶彈性，干貝與蝦米，醬香入味，令人回味。招牌咕嚕肉外層酥脆，豬肉被醬汁包裹，肉質多汁，醬汁黏稠，酸甜帶果香，佐飯一流。勝瓜洋葱炒雲耳勝瓜爽口，洋蔥微甜柔軟，整體鮮甜清新。棗茸千層糕軟糯彈牙，不會太甜，每一口都帶著淡淡棗香。酒糟桂花小湯圓小湯圓很柔軟，湯底微微濃稠，入口溫潤，酒釀香氣濃郁，桂花清香，餘味悠長。香滑蛋白杏仁茶乳白色細滑順喉，蛋白軟嫩，杏仁味濃郁，整體極香噴噴，另一半都表示想encore。…查看更多

位於利舞台嘅《三希樓》，名字源自清朝乾隆收藏至愛名家墨寶御書房《三希堂》之名，彰顯《三希樓》傳承大中華文化。主打正宗川菜、傳統川式特色嘅點心 和 四川地道火鍋。今次嚟嗌左:✨️小葱皮蛋豆腐 $68豆腐軟滑，䓤花香口，皮蛋夠鹹香。✨️涼拌麻辣萵荀絲 $68萵筍切絲，被紅油浸泡著，惹味醒胃。✨️青椒清香魚(例) $438薄切嘅清香嫩滑嘅魚下面盡是彈牙烏東，飽肚又好味。呢餸可自選辣度，我選了少辣，微辣惹味又過癮。✨️霸王辣子蝦 $360蝦共有6隻，蝦肉鮮嫩，好夠鑊氣。✨️石鍋小肥羊 $268羊肉質素高，紋理清晰，入口冇渣。✨️香滑蛋白杏仁茶 $84杏仁碎至幼細，非常香滑。✨️極品溜沙包 $45一打開爆出金黃色流沙，睇見都流哂口水。…查看更多