三小漁

今日經開去睇吓有咩食，入到去都算多人，坐低會問你飲咩茶，但當時未諗到飲咩無叫到，但是一掉抵個餐牌後我睇咗一陣就叫女職員，第一次叫女職員叫我等等，咁我都等咗一陣，等咗陣都唔見有個女職員來理我，我就等多陣見女職員經過叫住佢落單，落了脆皮風沙雞半隻、椒鹽鮮魷、本來想叫多個啫啫通菜，通菜話無有芥蘭，之後又話無芥蘭只有生菜咁我就算叫住兩樣先一陣再落，咁我又睇咗一陣餐牌，諗到想食咩加單想叫人又無人理我，見到個男職員叫一次無理我去送餐，想叫返頭先個女職員又無理我，之後比我又見到個男職員叫佢又叫我等等，等咗一陣個男職員先理我，再加單石鍋花膠濃湯魚翅，加完單就有個阿姐問飲咩我就叫個陳皮普洱後出椒鹽鮮魷，椒鹽鮮魷食落都好厚肉，但無咩椒鹽味，之後出石鍋花膠濃湯魚翅，飲了啖湯好淡無咩味道，之後食魚翅都算可以，但個花膠一啲味道都無又偏硬好似食緊舊無味嘅香口膠咁，食到尾仲有啲魚骨同一片辣椒皮仔，當時諗點解會有辣椒皮仔，之後來脆皮風沙雞，食落去皮唔算好脆，但雞好滑，食飽食唔哂叫個阿姐比個外賣盒我仲會問我要唔要袋，咁等咗陣我包好個外賣，想飲多兩杯茶再走頭先個比外賣盒個阿姐來收嘢，連我放茶杯隻碟都收埋，心諗我飲多兩杯茶都唔得？洗唔洗咁收嘢趕客？茶係有茶介的，之後埋單走人，整體來講唔會再食第二次，無咩服務，啲職員一係唔理人，一係就趕人走咁，味道無驚喜又唔無特別好食又貴又要收加一，佢個價錢我有好多選擇，今次純粹試下。…查看更多

我覺得$138一細碗是否少了點，打電話問過佢地回覆只得一個size既膠兜，我問如果個兜細，外賣是否應最少都加多半碗來呢，得來回覆係佢收左線。所以我建議堂食，外賣好唔低…查看更多

三小漁的川菜在觀塘來說也算是正宗，特別是麻辣的調控也做得不錯，它之前在中環開分店還以為能夠守住，但結果還是結業收場，果然這是一個艱難的季節，堅守在觀塘這個所謂的商貿區，繼續做好自己，也許是在這項東之下生存的方法。它的黑磚豆腐依然是這裏必點的前菜，豆腐嫩滑，蓋皮炸得香脆，豆香也ok，其實外表看起來有點令人卻步，但吃下去其實就是高質素的炸豆腐，沒有什麼奇怪的味道。另外水魚魚用上古代鼎泰豐狀容器承載，更為矜貴，味道麻香夠，辣勁相對柔和，魚肉沒有泥味，所以味道調配得可以顯示出其鮮味，容易入口。沙薑蔥油雞是特價套餐裏面提供的，但並沒有揸流攤，至少份量真的有半隻，沙薑味帶微微辣香，就算雞肉本身不是新鮮雞，也能做出相當不錯的配搭。唯一試炸蠔腩比較乾身，口感有點柴口，這點要努力一點，但作為比較獨特的存在，還是希望他能夠堅守下去。San Xiao Yu’s Sichuan cuisine remains authentic in Kwun Tong, with well-balanced málá spicing. After their Central branch closed, surviving in this commercial district proves challenging. The black brick tofu—crispy exterior, silky interior—remains essential despite its intimidating appearance. Water-boiled fish arrives in ornate vessels, delivering fragrant numbing spice with tender, mud-free fish. Sand ginger scallion oil chicken offers generous portions with subtle heat. Only the fried oyster belly slightly disappoints with dry texture, though this unique establishment deserves continued support.…查看更多

上網看了很多家觀塘附近的餐廳，想要找一家不限時的餐廳，看了看食評，看到很多特色菜式，感覺不錯，而剛好有朋自遠方來，所以就相約朋友去試下菜，我們點了黑磚豆腐，冰鎮咕嚕肉，風沙雞，是晚特價菜酸菜龍躉及啫啫通菜煲，每一樣菜式都很出色，黑磚豆腐皮脆內嫩，冰鎮咕嚕肉整餐飯食到最後外皮都還是脆，賣相出色，難怪人人推薦，風沙雞真正做到皮脆肉嫩是我食過最好食的風沙雞的頭3位，啫啫通菜煲正常發展揮，香口惹味，酸菜龍躉雖然是特價菜賣相同份量都不算少，味道都很好，最後雖然已經好飽，但都不得不試打卡甜品菊花豆腐，豆腐很有豆味，刀功厲害的師傅把豆腐變成外型像朵菊花的甜品，甜味適中，味道清甜，有機會下次想帶家人去試試。…查看更多

好耐冇試過叫得咁開懷，今次一行六人慶祝生日飯，真係食得開心又滿足！呢間餐廳啲餸真係每一道都令人好想試，結果證明每一道都好好食！必試推介， 竹炭金磚豆腐，外皮炸得酥脆，內裡豆腐軟嫩，層次感十足，入口即融，令人回味無窮。 咕嚕肉脆漿薄而香，火喉控制得恰到好處，肉質保持嫩滑，酸甜味道剛剛好，絕對係必食之選！ 另外牛仔粒選用優質牛肉部位，香濃多汁，鑊氣十足，令人一試難忘。總結餐廳出品鑊氣十足，味道適中唔會過鹹，每一道菜都見心思。難怪我會經常幫襯，今次更加印證咗佢嘅水準！…查看更多

已經過咗嚟食好多次，竹炭豆腐真係冇得輸！竹炭豆腐係全晚嘅大明星，絕對係必點！塊豆腐外層炸得金黃酥脆，帶住一陣好淡好特別嘅竹炭香氣，咬落去完全唔油膩，仲要無半點燶味，火候控制得啱啱好。入面嘅豆腐嫩滑得像雲朵，一啖放入口即刻化開，食得我好滿足！老實講，如果唔係要留quota試其他菜，我一個人可以連嗑四五件，實在太正！真心建議各位嚟到三小漁，呢個竹炭豆腐係非試不可嘅招牌！炒花甲花甲份量略為少咗啲，對於大胃王嚟講可能覺得唔太夠喉。但味道中規中矩，算係OK。花甲新鮮，炒得入味，蒜香同辣味都幾惹味，唔會過鹹或者過濃，配飯食都幾啱。不過同竹炭豆腐比起來，呢碟花甲就顯得普通咗啲，無咁搶眼。冰鎮咕嚕肉係餐廳嘅打卡招牌菜，賣相同味道都畀足十分！菠蘿切成一粒粒大粒嘅形狀唔係細細粒，甜度啱啱好，酸酸甜甜好開胃。咕嚕肉一嚿嚿炸得超脆，外面裹住薄薄嘅粉漿，咬落去有種冰火交加嘅感覺，因為佢哋會將咕嚕肉冰鎮過，食落涼涼地但又唔會凍到牙痺。肉質嫩滑，肥瘦比例啱好，完全唔覺肥膩。影相打卡一流，食落更加過癮，推介畀鍾意酸甜口味嘅朋友！魷魚鬚表現中規中矩，無特別驚喜但都唔差。佢炸得幾香脆，魷魚本身新鮮，無嗰種韌到咬唔開嘅感覺。調味偏簡單，略為鹹香，作為小食嚟講合格有餘。不過同竹炭豆腐同咕嚕肉比，呢個魷魚鬚就無咁出彩，食完無乜深刻印象。餐廳員工都好Nice嘅位置都坐得舒服，佢哋仲有房間可以預訂，但係有低消大家要先問一問。呢間晚市長期都好爆棚！大家記得提前訂位啊，尤其是大時大節會分兩輪…查看更多

昨晚我朋友預訂咗10位，預定時間為1830時，幫我女兒慶祝生日，我大約1810時到達官塘三小魚餐廳，櫃檯有一位高高瘦瘦嘅女職員問我，有關定位嘅資料，我已經俾咗定位嘅姓名、人數、同埋訂位嘅時間給她，沒有辦法提供定位者嘅電話號碼，及後另外有一位女職員帶我入去預訂嘅餐枱，他即時喝止帶我入去嘅女職員，不准我進入，當時我非常之難堪我有一個問題想請教，點解你哋啲職員有兩個做法一個可以俾我進入，而另外一個完全沒有禮貌的高高瘦瘦的女職員就不比我到預定的餐枱，又沒有考慮俾我在其他位置等候，因為當時都有好多空置的餐枱，這一段痛苦嘅經驗使我明白點解香港嘅飲食業會如此低落？從此我和朋友都不會再來三小魚所有嘅餐廳！！！👎👎👎😡😡😡…查看更多

竹炭黑磚脆豆腐及煙燻糖心蛋竹炭豆腐外脆內軟而且相當精緻👍🏼惹味程度令人食到停唔到😋至於糖心蛋除咗糖心效果做得好之外🥚香醇嘅煙燻味亦都好入味-🦐鮮菠蘿芥苿蝦球蝦球大大粒爽口彈牙🦐配上酸酸甜甜嘅菠蘿好開胃🤤仲有芥末令到簡單嘅蝦球變得味道豐富-🐥脆皮風沙雞外皮金黃酥脆😋肉質鮮嫩多汁🤤而且仲好細心咁特別處理過雞胸位置👍🏼切開纖維令入口更加軟熟-🥬啫啫通菜鑊氣爆曬棚既一道菜🤤而通菜清脆可口…查看更多

今次係我第三次帶學生嚟呢間餐廳食飯，每次嚟都有新驚喜，今次嘅菜單依然令人印象深刻，菜式創意同傳統兼備，口味豐富又唔失平衡。以下係我對今次幾道菜嘅評價：竹炭豆腐一上枱就被呢道竹炭豆腐嘅外觀吸引，黑黑嘅豆腐外皮包住嫩滑嘅內裡，上面仲有脆口嘅碎料（好似係炸蒜或者肉鬆），口感好有層次。竹炭嘅加入唔單止令外觀特別，仲帶一絲清新嘅風味，配上底下的新鮮沙拉，清爽又解膩。同學仔都話呢道菜又靚又好食，係一道好適合開胃嘅小菜。麻辣西瓜呢道麻辣西瓜真係好有創意！西瓜切得好整齊，淋上麻辣醬汁，仲撒咗啲紅豆點綴，視覺效果好驚艷。西瓜本身嘅甜味同麻辣醬嘅辛香形成強烈對比，咬落去既清涼又刺激，紅豆仲帶少少嚼勁。雖然有啲同學覺得辣度稍為高咗，但大家都覺得呢道菜好新奇，特別適合夏天食，開胃又消暑。冰鎮咕嚕肉冰鎮咕嚕肉係今次聚餐嘅亮點之一！咕嚕肉本身色澤好吸引，裹上濃郁嘅糖醋醬汁，配菠蘿、青椒同紅椒，酸甜嘅味道好開胃。更特別係，呢道菜冰鎮過，口感冰涼又爽口，肉質嫩滑，菠蘿嘅清甜同醬汁完美融合，仲有一個金黃色嘅糖絲裝飾，增添咗幾分精緻感。同學仔一致覺得呢道菜好驚喜，同傳統咕嚕肉比，多了冰鎮嘅創意，特別適合熱天食。麻辣口水雞麻辣口水雞一端上枱，濃郁嘅辣油香氣就撲鼻而來。雞肉嫩滑多汁，配上紅油、芝麻同紅豆，辣中帶麻，仲有啲微甜嘅回味，層次感好強。底下的薯片吸滿咗醬汁，食落去軟硬適中，增添咗口感上嘅趣味。雖然辣度對部分同學來說有啲挑戰，但鍾意食辣嘅同學都讚唔絕口，覺得呢道菜夠味又下飯。小炒王小炒王係一道好下飯嘅菜，入面有筍絲、木耳、青椒同炒香嘅花生，仲有啲炸過嘅食材（可能係魚皮之類），口感酥脆又鮮香。整體調味偏清爽，帶點微辣，炒得火候啱啱好，蔬菜保持咗脆嫩嘅口感，同花生嘅香氣完美結合。呢道菜雖然看似簡單，但味道好均衡，同學仔都話食起來好舒服，特別適合配白飯。金銀蛋浸時蔬呢道金銀蛋浸時蔬湯汁好濃郁，入面有皮蛋、鹹蛋同時蔬，湯底濃而不膩，帶一絲蛋香。蔬菜吸咗湯汁嘅味道，入口鮮嫩多汁，皮蛋同鹹蛋嘅加入令整道菜嘅風味更加濃郁。呢道菜畀人一種溫暖嘅感覺，同學仔覺得湯汁好適合用來撈飯，係一道好溫馨嘅家常菜。避風塘鮑魚避風塘鮑魚嘅賣相好吸引，鮑魚表面裹滿咗香脆嘅蒜蓉同辣椒碎，香氣濃郁。鮑魚本身口感軟嫩，同外層嘅酥脆形成對比，避風塘風味嘅蒜香同微辣好突出，配底下的沙拉，解膩又有層次感。呢道菜令同學仔都覺得好高級，係一道好適合宴客嘅菜式。豆角豆角炒得啱啱好，綠油油嘅豆角配花生、木耳同少許辣椒，口感脆嫩，調味清爽中帶點鹹香。雖然係一道簡單嘅炒菜，但火候掌握得好，豆角保持咗新鮮嘅口感，花生嘅加入令整道菜更加香口。呢道菜好適合配其他重口味嘅菜式，同學仔都覺得佢好清新，可以平衡成餐飯嘅味道。話梅骨話梅骨係一道甜酸開胃嘅菜式，排骨燉得好軟嫩入味，話梅嘅酸甜同醬汁完美融合，仲配咗橙皮絲，增添咗清新嘅果香。排骨外皮微微焦香，內裡卻軟嫩多汁，酸甜嘅味道令人忍唔住多食幾件。同學仔都好鍾意呢道菜，覺得佢既開胃又有特色，食起來好過癮。炒通菜炒通菜係一道好經典嘅廣式炒菜，通菜炒得好翠綠鮮嫩，配蒜蓉同少許辣椒，簡單但好美味。通菜嘅口感爽脆，蒜香濃郁，調味清淡但不失滋味。呢道菜雖然簡單，但好下飯，同學仔都話食起來好舒服，係一道好適合配其他菜式嘅配菜。總結今次嘅用餐體驗依然令人滿意，菜式唔單止味道出色，擺盤都好有心思，感受到餐廳嘅用心。相比前兩次，今次嘅菜單更加多元化，由創意菜如麻辣西瓜、冰鎮咕嚕肉，到傳統菜如炒通菜、話梅骨，樣樣都令同學仔讚唔絕口。特別係冰鎮咕嚕肉同麻辣口水雞，畀大家留咗好深刻嘅印象。整體黎講，今次係一次好愉快嘅聚餐，同學仔都話下次仲想再嚟，繼續探索更多美味！…查看更多

朋友仔問我觀塘食中菜有咩好🫑我記得我之前食三小漁🐟都唔錯架食過都幾高質嘩, 個日平日去食, 估唔到而家少左咁多人食😣三小漁真心要幫襯下, 野食同賣相都算幾高質😋😋🖤黑磚豆腐(必食)每一件計的, 賣相都幾吸引脆皮好脆口入面的豆腐都好滑上面有D炸蒜吊下味🥚煙燻糖心蛋不過不失, 都算幾流心🍤鮮菠蘿芥末蝦球炸粉好脆 蝦🍤都幾彈牙🍍冰鎮新鮮菠蘿咕嚕肉(必食)上到枱覺得都幾大碟咕嚕肉好脆用埋新鮮菠蘿酸酸甜甜好醒胃🦪酥炸特色脆蠔餅反而呢個同平時食的蠔餅唔係太同似係將蠔仔炸埋一齊, 冇埋粉餅蠔仔都幾多下🐣脆皮風沙雞風沙雞皮好脆個皮好脆, 雞尚算滑身🥬啫啫爽肉白菜花菜花都幾甜, 有鑊氣🥬金銀蛋浸時蔬正常發揮🧁宮廷棗皇糕(6件)唔太甜係最好評價煙煙UNUN 紅棗味濃…查看更多

觀塘有間出名精緻既粵菜 咁岩小編好想食佢個冰鎮咕嚕肉 就去左食 去到見到原來like/ follow 社交平台每日都會有一款特定既菜半價 於是我地轉左食其他碳竹黑磚豆腐 新鮮炸起 熱辣辣 卜卜脆有碳竹的燻香 外脆內嫩 豆腐都超滑 好大塊 但都冇散 正蜜椒蓮藕片 蓮藕片切片均勻 好薄 入口脆甜 係個停唔到口既小食 亦都可以當甜品川味脆牛腩 脆牛腩烹製得外酥內嫩 就算炸完都保留到個好香既牛味 令到我超驚喜 搭配麻辣濃郁的醬汁 辣而不燥 啫啫生菜/芥蘭 上枱個陣都有”炸”一聲 個煲一路滾滾下 好有風味 以啫啫煮法將蔬菜的鮮甜完整保留 好有鑊氣 亦都好惹味桃膠燉手工菊花豆腐 好養生風味的甜品 菊花豆腐 靚到都唔捨得食 超細滑…查看更多

今次去到「三小漁」，真係有驚喜！餐廳環境輕鬆自在，食物又新鮮，味道一流！🍽️ 冰鎮新鮮菠蘿咕嚕肉 呢道菜真係一個清新嘅開胃菜！菠蘿嘅酸甜味，配埋軟嫩嘅咕嚕肉，味道搭得好好。每一口都令人心情愉快，真係好適合熱天食！🍽️ 沙薑蔥油雞 半隻 呢個雞肉用咗鮮沙薑，味道特別香濃。雞肉煮得剛剛好，肉質滑嫩，搭配香蔥油，口感層次豐富。半隻雞唔會食得太膩，仲可以同朋友分享！🍽️ 煙燻糖心蛋（半4隻） 呢個煙燻糖心蛋，外表金黃，蛋黃流心，味道出奇地好！煙燻味道微微入味，搭配醬油，簡直係完美小食！🍽️ 竹炭黑磚豆腐（4件） 呢道黑磚豆腐真係好特別，竹炭令到豆腐有咗一種獨特嘅風味。外脆內嫩，搭配特製醬汁，係一道唔可以錯過嘅創意菜！🍽️ 私房黑蒜蒸大龍躉件 大龍躉件好鮮嫩，底下嘅粉絲吸晒咗汁，味道超入味！黑蒜香氣四溢，令整道菜更加提味，真係一試成主顧！🍽️ 金銀蛋浸時蔬（莧菜） 呢道菜清新健康，莧菜搭配金銀蛋，食落去好有層次感。蔬菜脆口，蛋黃滑溜，配合清湯，簡直係完美搭配！🍽️ 法式焦糖燉蛋 呢個燉蛋上面放咗啲桃膠，甜度啱啱好，口感滑順。焦糖香味濃郁，食完之後好有滿足感，係一個完美嘅甜品收尾！🍽️ 桃膠燉手工菊花豆腐 話說呢個菊花豆腐真係用心良苦，要切至少300刀先可以呈現出菊花嘅模樣。食落去滑溜又甜，桃膠嘅加入更添風味，真係好有驚喜！🍽️ 宮廷棗皇糕（6件） 最後呢道棗皇糕，口感柔軟，棗味濃郁，甜而不膩，唔會食到膩，適合做為飯後小點！…查看更多

今日同朋友到三小漁食飯，除咗食平時嘅竹炭黑鑽脆豆腐，仲食咗風沙雞，菠蘿芥末蝦球，豬油渣椰菜粉絲煲，全部都好正。佢仲送咗個好特別嘅西瓜，得意又好食😍其實已經唔係第一次嚟食，前後嚟咗好多次，水準依然keep到，真心推介…查看更多

最近喺觀塘三小漁食咗一餐晚餐，帶住三個朋友一齊去，真係唔錯啊！我哋叫咗好多招牌嘅菜式，每一樣都好有特色，今次我就同大家分享一下啦煙燻糖心蛋首先煙燻糖心蛋上陣，蛋黃剛剛好係流心，咬落去仲有痴牙的感覺。上面鋪咗幾條切絲的菇，口感豐富，味道更上一層樓竹炭黑磚豆腐再嚟係竹炭黑磚豆腐，平時食金磚豆腐多，但用竹炭再整到咁酥脆就好少見啦！豆腐好嫩滑，咬一口仲可以感受到酥脆的外層，真係好正！冰鎮新鮮菠蘿咕嚕肉之後上桌係冰鎮新鮮菠蘿咕嚕肉，使用咗新鮮菠蘿嚟做底，咕嚕肉直接擺咗喺冰粒上面，吃起來酥脆爽口，菠蘿的天然清甜真係提升咗整個味道，中間再用糖膠拉左朵花出黎沙薑蔥油雞半隻然後黎左半隻沙薑蔥油雞，用咗新鮮的沙薑，而唔係一般用沙薑醬入味，雞肉鮮嫩，醬汁香濃，令每一口都充滿咗沙薑的獨特香味私房黑蒜蒸大龍躉件私房黑蒜蒸大龍躉件，黑蒜嘅香氣真係好迷人，每件大龍躉都刮曬魚鱗，肉質滑嫩，口感富有膠原蛋白金銀蛋浸時蔬（莧菜）金銀蛋浸時蔬就更加驚喜，滿滿的皮蛋和咸蛋，搭配新鮮的莧菜，口感清脆，味道又唔會過於重桃膠燉手工菊花豆腐桃膠燉手工菊花豆腐聽師傅講真係用心良苦，要吊起隻手豎橫切左300幾刀，先可以做出似菊花咁靚嘅豆腐，搭配桃膠一齊燉，口感既嫩滑又香甜，真係好特別法式焦糖燉蛋法式焦糖燉蛋就係平時食得嘅焦糖燉蛋加大版，用咗一隻大碗去燉，焦糖的酥脆加上燉蛋的嫩滑，好夾宮廷棗皇糕最後，宮廷棗皇糕重紅棗味，唔會黏牙，口感剛剛好，吃完後滿足感十足。總結整體而言，三小漁嘅晚餐真係好正，無論係食材的新鮮度、擺盤嘅用心，或者每道菜的味道，都令我哋食得好開心。如果你喺觀塘，想試啲好味又有特色嘅菜，三小漁絕對值得一試！…查看更多

@三小漁#啱啱坐低時, 就覺得冇乜特別#不過呢, 當第一啖豆腐入口之後, 竟然好有驚喜喎😋#竹炭黑脆豆腐😋禾最like👍🏻👍🏻#豬油渣野菜粉絲😋😋#脆皮燒雞🐔#冰鎮咕嚕肉🐷有料😋#菠蘿芥末𧎚球🍍🦐🦐😋終於有度高質嘅地方, 值得帶埋家人朋友去聚餐喇！正😋👍🏻👍🏻👍🏻…查看更多