三寶手撕雞

好多年前已經食開，但公司搬遠左無食一段時間，今日專登行過嚟買飯$43+8=$51兩餸飯有啲貴，始終出面大把兩餸飯選擇仲要大大份又平過$51我為左海哲而黎但今日無海哲我叫手絲雞+蓮藕飯，味道同以前一樣，手絲雞份量合理但蓮藕得3-4片（超薄切）。 我加8蚊得幾片蓮藕，仲要咬落去生生地，有啲苦澀味:( 由於好餓唔記得影相…查看更多

輕微取巧，不過佢啲餐牌嗰啲相全部都係用家上載，佢又冇自己上載過，因此沒有更新，經過咁多年之後，加咗價其實都冇人知。好似嚟睇吓相片，佢嗰啲舊相片以前都係60至到70 ，甚至乎佢旁邊個餐牌都係寫70 ，原來你去到正門，佢要$80四至五個餸，現在原來要一個王牌菜式都已經要加$12 ，那麼，我原本嘅budget係$70左右，結果一盒外賣竟然要$92。比起四五年前喺禾輋街市那個手撕雞再加一兩個配料，大約只需$50左右，接近貴了一倍。雖然加餸，加加下加咗差唔多接近一舊水，因為佢而家綜合要$80 ，再加個王牌小食就加咗$12 ，不過份量其實都好多，夠晒大盒。墨魚大大份，:)非常彈牙爽口。豬腸反而冇乜特別，唔算啦滷水味好入味；牛肺就最正，夠爽，:)非常大塊，爽口，清爽的味道，少許酸，少許辣味；豬耳就大點辣的味道，同樣非常爽口的豬耳朵。生腸的感覺同樣清爽，非常之彈牙爽口的生腸，本身冇乜味道，都係用滷水及酸辣調味料。雖然買盒外賣加餸買咗$92 ，不過其實你去旺角老闆娘可能買幾串放盒都已經$60-70 ，呢度份量其實都真係多佢三份一，所以性價比嚟計應該都差唔多。…查看更多

雞肉嘅份量偏小 而且亦都唔滑 不過味道係正常嘅 就係辣味 如果唔係冇嘢揀 應該唔會揀食佢 因為佢價錢又唔算特別平 而且個味亦都麻麻地 佢啦，唔係好有層次嘅啦 餸我揀咗土豆絲 但份量亦都偏小…查看更多

我要勸籲大家千其唔好去佢既石門分店，我今日有一個不愉快既體驗！起初睇價錢，覺得都唔錯，但係當落單之後，就見到個服務員竟然加芽菜去溝魚皮, 令一盒68蚊3款小食既份量只係得6塊魚皮, 仲要依款小食要另加15!跟著返到屋企打開手撕雞，雞骨加加埋埋佔成個合既三份之一，其餘部份仲要自己撕！咁我買手撕雞做咩?出去買隻雞返黎手撕仲好過！我依一次真係覺得被侮辱了智慧！…查看更多

惹味的，個撈麵冰冰涼涼好開胃，不過手撕雞撈麵份量比較少，同埋因為我唔食雞皮，盒手撕雞入邊有三四塊皮 ，希望下次唔好有咁多塊皮喺入邊🤣 加餸亦都唔太抵，+8蚊得6-7條豬耳。欣賞會跟一盒紙包飲品👍…查看更多

成日都經過呢間三寶手撕雞，成日都心思思想試下，因為係外賣，所以只有買返公司食，今日就試下啦。手撕雞撈麵 配胡麻醬 $40 連紙包飲品對於唔想食咁飽既我呢個份量剛剛好，想食飽飽既朋友可能要加底喇！我無加餸，淨係手撕雞其實都唔少，手撕雞有麻油香，佢個胡麻醬真心好好味。不過呢，食落就覺得有少少扁咸，同埋食完有少少口渴。下次再食可能要叫少醬或者試下其他醬。另外其實佢可以加餸，都係啲涼伴小食，個樣都幾吸引，下次可以試下，不過無問加幾錢。應該有下次掛😅…查看更多

lunch嗌左麻辣手撕雞加蓮藕加青瓜, 中辣. 加餸每款加$8但係得少少有d唔抵, 下次都係唔加~佢個辣係會同冷麵撈埋, 但手撕雞就係冇辣咁另外放上面, 如果有得有齊撈埋就好啦! 個辣醬味都幾好味既, 香辣冇乜麻味. 冷麵都煮得岩岩好, 唔會太淋唔會太硬! 雲耳青瓜係用醋調左味, 唔辣ge, 酸酸地都幾開胃. 蓮藕就係麻辣味, 都調得幾入味.會送紙包飲品都幾好…查看更多

剛剛昨天去買了一個手撕雞湯麵的套餐，很欣賞那個裝麵的兩層碗，湯和麵都可以分開裝，不會令麵軟化，湯底也挺好喝，還有一個飲品送，另外雞是蒸煮、手撕，沒有特別煎炸烹調，加了青瓜也是挺健康的。…查看更多

#confidante_foodblog灣仔覓食涼拌手撕雞飯+胡麻醬 $35(學生價）送紙包飲品一包味道：🌟🌟🌟🌟回頭：🌟🌟🌟🌟一拎上手feel到個飯盒好重，打開左個飯盒之後，真係好足料。🫶🏻完全唔使驚唔夠飽，如果仲係唔夠飽嘅，舖頭係有提供到免費加大個飯架～🫣呢個價錢仲送埋嘢飲真係冇嘢好挑剔，啲雞雖然唔係嫩，但一定唔係嚡！好難得喺學校附近，搵到間唔伏又抵食。佢哋邊食邊讚，都話會再幫襯！🪬服務態度 ：🌟🌟🌟🌟🌟好值得一提嘅係今日我同同學去買飯嗰陣時，本來老闆係唔知我哋其中一個同學係學生，所以開頭係收咗$40。事後佢知道我哋係學生之後，即刻俾返$5佢。真係好老實！環境：🌟🌟🌟🌟…查看更多

中午黎到三寶手撕雞買咗個麻辣手撕雞撈麵，承為40蚊。額外再加咗20蚊要咗兩個小食，分別係麻辣牛展同埋墨魚。 牛展得四片， 有啲少 。墨魚嘅份量好多， 粗略數過應該都有成十五六粒。麻辣汁幾好食，配埋整體偏硬嘅麵身同埋青瓜手撕雞，味道幾唔錯。 雞肉唔會話好鞋， 牛展正正常常冇乜驚喜， 墨魚個量比想像中多， 鹹味幾足，但係調味略為單調。單論手撕雞面會覺得餸唔係好夠， 需要額外加一至兩款小食先夠飽， 平均落樓應該都差唔多60蚊。…查看更多

琴日幫襯買咗一隻手撕雞試吓，啲雞肉超“鞋"，白肉部份完全咬唔開，只有小部份黑肉可以咬到，絕對唔需要去幫襯。小弟一直好鍾意食“泰妃雞”隻去骨雞， 買返屋企後自己撕開做手撕雞 ，但最近佢地好似全線關門大吉，唔再買到，試吓呢間， 點知一試就出事 ，非常失望😢…查看更多

路過買黎試下啦，我叫左個手撕雞撈麵 另比$10蚊加左個麻辣土豆絲...個麵就大啊，但啲餸真係少得可憐...個土豆絲，真係兩淡已經食晒，手撕雞就得4舊😑😑 兩個味道麵好一般...$46蚊，冇下次…查看更多