三妹嘜

营业中

休息中

今晚走到佐敦鬧巿區，經過呢間其貌不揚的泰式餐廳。感覺細小，但門口已經有位員工熱情招呼。晚巿時間，已經坐滿五、六枱。員工帶領上二樓位置。餐牌種類豐富，真係樣樣都想叫曬價錢相對九龍城會貴少少...三人分別點了四樣野...先點個泰式炒芥蘭上菜時，熱辣辣，炒得好香！必食之選隨即再上泰式海鮮炒飯...外貌睇落普通，點知食落有驚喜。同樣樣熱辣辣，有好多海鮮係曬份面。飯炒得粒粒分別，唔會太硬或者太淋，剛好！裡面有青口、蝦、魷魚。每啖入口，飯充滿海鮮、蕃茄香味。未食完個飯就上埋個泰式香葉辣椒肉碎炒河粉呢個都係熱辣辣，相中都見到d煙。如果中意食辣，好推介食呢款！炒得好香，辣得過癮，唔會太辣。而我好怕平時呢d炒河粉好油，呢個絕對唔會！最後點左半隻泰式燒雞，點菜時，職員話要即刻整，要等起碼半個鐘。我地都決定一試，我諗等左大約20分鐘左右就上菜。先睇賣相都好吸引！香味樸鼻！再食，個個都讚不絕口。皮脆、肉滑。再點埋甜酸醬，將味更提升，等耐少少都值得！！整體好滿意，三個人總共食左$295!特別冬天，每道菜都熱辣辣上，食得好滋味，可以再繼續食！

🔹泰式炒飯無咩特別 不是推薦之選🔹泰式炒椰菜苗🔝好香呀 椰菜苗好嫩 一啖接一啖勁快食完🔹生蝦🍤夠大隻 但個汁唔夠辣 但夠惹味😋🔹青咖哩雞🐔點蒜茸包食好好味 但1D都唔辣 但好香椰汁味🔹蒜茸包 必食*🍞🔝外脆內軟熱辣辣 蒜味都夠 點咖哩一流就咁食都已經好好味 encore！🔹生菜包 小辣小辣都好辣 但幾好味 一塊接一塊 送埋啤酒真係👍🏻🔹大象啤🍺雪凍D會好D 太大支一路食野一路飲好快唔凍-🗣菜式唔算好多 但基本野有齊 質素有保證 價錢平民上菜辣度係極慢 一碟食完要等一陣先到下一碟但同一班朋友食飯慢慢傾下計就無問題啦回頭率99%

今日收工同朋友搵地方宵夜,因為2個都鐘意食辣,所以就搵泰國菜館。本來想去黃xx,點知搵唔到。2個膽粗粗就周圍行搵食。結果見到呢間小店。行入去啱啱見到有張吉既4人枱。目測以為得4張枱，後尾見到有人從樓上行落黎。我地2個人,叫左5樣野食。細冬陰功湯,飛天通菜, 酸辣鳳爪,香葉肉碎炒飯同埋粉絲蝦煲。最先黎既酸辣鳳爪夠入味,酸辣適中,我地連配菜都食曬。再黎飛天通菜夠惹味,好有 鑊氣!!之後就係炒飯,有d濃味,但都好好食。反而係冬陰公湯有d失望,唔夠酸辣😌。又遲過飯黎?!最後係粉絲蝦煲。粉絲多到呢～我真係第一次見咁多粉絲(成個煲面滿的),蝦都算大隻,肉彈牙!不過可能係小店,上菜速度有點慢。P.S.泰國店員姐姐好親切有禮。開頭點完菜俾另一個店員叫我地坐埋一邊,有1位要搭枱。但果個泰國姐姐後尾叫左果1位坐另一枱。佢話雖然係小店,但都希望客人坐得舒服D。真係好有去左泰國既感覺。以後又多了一間宵夜既好去處!

在香泰國菜多如天上繁星，有朋友說他統計過，泰國餐廳的倒閉率是最低的。可能是因為它平易近人，又可能它索價不高，但利潤可不錯。泰菜店雖多，質素確可十分參；不過要吃到好的，不一定需到高貴地方，打扮光鮮的樣子，平民地踎也能有真味。那日工作至夜，與友人兩就要食個宵夜祭祭五臟，到廟街吳松街燈火通明，但就這家特別多人。 坐下就是來支啤酒爽一下，我覺得沒有其他一類酒精可如啤酒的，有一種總括了一天勞累的能力。我說的只局限於普通的品牌啤酒，手工啤卻是另一回事。 點了一道飛天炒通菜，出乎意料的好。通菜不老，碧綠爽脆。菜身出水是自不然，不過配味卻足，而且上味均勻，不會因出水而令味淡，炒功不錯。配味上用了很多麵豉與蒜，鮮味活現；加上過門刺激的辣椒，是挑動了味蕾的吸引。飛天通菜的來由，也許是從它的拋鑊而來，小鑊狂拋，調味均勻而夠鑊氣，的確一讚！ 反而蝦餅卻只屬一般貨色，不過炸物無不歡迎，只是覺得炸得太乾，令蝦餅父縮而欠彈性。外皮口感較硬， 可能是已炸多時，或翻炸太多。 既然炒物好，當然是一道我最愛的炒貴刁。貴刁用料正宗，是比河粉約三分之一闊度，而厚一倍，吃起來煙韌有彈性。就算是用對了材料，有時是貴刁浸發時間不對

在香港吃过几次泰餐，但是都是lunch set，感觉跟真正的还是有差距。今天算是第一顿真正的泰餐。同事今天出奇蛋的想吃泰餐，绕着temple street night market转了好几圈，就这一家泰餐厅。因为最近牙又肿了，不能吃刺激的！特意选了不辣的。一开始想选papaya salad，同事临阵换了pomelo salad，我觉得味道一般，但是是泰国特色，值得尝一尝，是辣的！点了唯一一个不辣的咖喱！配steamed rice！事实证明，还是有点辣 哭哭哭希望明天我的牙还能让我张口吃饭椰子是我的最爱！但是真心不便宜，一个椰子35。整体味道还不错，推荐。就是服务员动作真的很慢。。

天氣凍凍地，最岩食啲辣野，暖下個胃，於是就決定食泰國野先黎啲小食，就點左個炸蝦餅都幾彈牙然後點左個生蝦刺身，都新鮮嘅可能因為醬汁關係個人覺得九龍城果頭嘅餐廳，佢地啲生蝦好食啲仲有女友至愛豬頸肉好香口好食再黎個冬蔭公湯（小辣）但對於我都係好辣不過女友覺得只係o̺k̺辣😱終於有樣可以揀唔辣嘅青木瓜沙律好清新😍仲有呢杯椰汁珍多冰仲有女友堅持要點嘅菜咸魚椰菜苗好翠綠好新鮮上檯都仲出緊煙 （唔覺意押韻左🙊）

每次嚟到都會叫柚子沙律，開開胃先。之後就係泰式鳯爪，不過比出面嘅辣咗d。再黎就係咖哩蟹，另加蒜蓉包撈，真係好好味。炒蜆就一般，冇咩味，而飛天通菜都ok，不過唔辣。整體都算抵食。

我都係朋友介紹得知喱間泰菜，都食過幾次， 味道都不錯！ 食親泰菜必食既生蝦🍤 吾會太'張'口 、都算爽口， 不過吾小心食左粒椒， 辣到個口'慶慶'地 豬肉碎炒飯， 飯深左小小（我都知泰國菜既炒飯會比其他深），荷包蛋煎得吾錯，蛋邊脆脆地馬拉盞炒椰菜苗， 好惹味, 椰菜苗都好嫩，吾係老苗😜第一枝吾夠凍， 第二枝就ok

生蝦；好爽口，D汁夠辣…我鍾意！豬脛肉；燒得好脆，好香，都好入味！馬拉盞炒椰菜苗；都好好味，味道夠濃烈！完全啱曬我口味……真係掂過6樜…有機會我一定要試埋“香葉肉碎炒飯”同埋“炸蝦餅”……

朋友約食飯聚聚，話試下泰菜，推薦這間，今次我第一次試食，先講食物，有趣事放在最後，推薦燒雞，熱辣辣又入味，肉柔軟，皮脆但肉不乾，明爐烏頭，配冬陰公汁，不過不失，我個人不太喜歡，（忘掉影相）柚子沙律，泰式刺身蝦，炒通菜，泰式鳳爪，亦算不錯，咖喱蟹太貴，改為蝦，咖喱汁配麵包一流這店位於廟街附近，門面極細，我到門口望入去好似得十幾個位唷，朋友來電話在閣樓，噢原來有上一層，經過一條非常窄又斜的鋼樓梯上閣樓，肥些都上唔到，肥佬肥妹肯定上唔到，唔好約此店，比人笑一世，卡住在樓梯，女仕唔好穿裙，保証走光，我們就朋友早食，六點就到，店舖只有我們一檯，服務都算可以，之後就要等位（地痞些，千萬別有要求）。原來只開晚上五時，至凌晨三四時。

蒜蓉包係必食，外脆內軟，金黃多蒜。一碟兩塊toast，兩個人都清晒😌泰式炒蟶子，非常足料，蟶子脹卜卜，唔算好辣，炒得入味。平時成日食Phad thai，今次就試下泰式炒粉絲，炒得幾乾身，個粉絲唔會一舊舊。咸魚炒椰菜苗，好多咸魚，仲好大粒添，送埋飯都夠😂所以碟菜好夠味。芒果糯米飯令人太失望😢芒果爛，糯米飯硬，椰汁唔夠滑，硬著頭皮食，唉，估唔到衰收尾🙊🙈

同朋友黎食，兩個人好餓，隨機吃。 路過見到呢間就入左黎。見餐牌都唔算貴又見咁多人食，就入左去。豬頸肉沙律，少少辣好好味。不錯吃！！！併盤大集會，食到尾就已經飽左。ok好食嘅，係條雞串應該over cooked ，啲肉實左少少，無哂啲肉汁。呢個真係唔好叫，都唔平，來到眼都突左。勁細碟，仲要無紫糯米配搭。呢碟唔係難食，係唔抵食。佢收呢個價份量要多啲囉。芒果夏天當做一定甜，個椰漿都係泰國餐廳用嘅果種，都係果隻味。無得輸～總結：成餐都好味嘅，都無話唔好食呀之類。我仲叫多左杯龍眼冰，杯野都幾好味架。3樣野＋飲品 ＝二百幾

三妹嘜係一間好warm嘅泰菜，家庭式運作，泰國人主理，味道正宗，亦係我心頭好之一。餐廳每樣食物都有水準，如果只吃美食，不顧環境，呢度一定係我嘅首選！生蝦 - 夠凍，蝦好鮮甜，個汁都幾辣，但十分好吃！鹽燒魚 - 必吃！ 香茅放入魚肚內，用鹽一起燒，燒嘅時間同咸度剛剛好！ 泰式炒河 - 足料，好多菜同肉，味道一流馬拉盞炒椰菜苗 - 非常辣但十分惹味，只係略嫌炒得未夠，菜有點硬！後話 -- 越夜越多人，成日無位- 枱與枱之間無咩空間，好迫- 鹽燒魚，燒雞翼要等很久，我試過等半小時

又黎食泰國野啦 首先當然食個前菜先啦，就係生蝦同酸辣鳳爪，好食，夠爽口，夠辣，次次黎食都必食蒜蓉包+咖哩蝦蒜蓉包夠脆，點咖哩醬好夾次次都必定叫兩份蒜蓉包先夠食啊，另外，當然要叫烏頭啦，店舖位置吾多，樓梯好窄，上落要好小心， 服務尚可，由於坐2樓， 除左叫餸同上菜，都吾係好見到員工另外，店舖只收現金，吾收信用卡，吾夠方便，整體黎講， 都好滿意， 好抵食，

前幾日因男朋友的極力推介，去左佐敦的三妹嘜試它的招牌蒜蓉厚多士及鹽燒盲曹。黃昏五時半的三妹嘜，上班一族未放工，可以即時有位。我地二話不說點左盲曹先，因製作需時，然後才點其他小食，叫左蒜蓉厚多士， 蝦醬炒飯， 炸蝦餅， 串燒雞和豬。當所有野食食哂之後，主角盲曹出場， 因太期待忘記了影相 皮經過鹽燒之後雖然乾身，但內裡既肉依舊多汁， 夠嫩，雖然男朋友說比起上次今次略嫌煮得過老。要留意的是鹽燒盲曹為時價，要問過才點阿! 個日盲曹就$ 189 這家店的菜式較為重口味，我和男朋友 點了杯龍眼冰和椰汁冰也要加水飲。最後我地果腹滿滿後， 留意到餐廳附近貼了新聞專訪店鋪的報道， 原來這店由三位女士經營， 雖然不肯定是否真的三姐妹，但共事既時間， 對她們仨來說定必感情深厚，當我們一邊食野時，她們就為晚上食材做準備中，有說有笑。我們結賬時還跟我們閒談了一會兒!