三妹嘜

营业中

休息中

早兩晚同朋友食飯, 兩條麻甩女好想食辣, 打邊爐又怕熱氣, 最後去左呢間食左n次都仲係覺得佢好好食嘅泰菜!餐廳位於佐敦, 名叫”三妹嘜”, 而真係由三姊妹泰國人主理, 所以味道非常正宗㗎👍🏼 特別依家想飛都飛唔到去泰國😭😭，一想食泰菜我90%都會去呢度支持下小店温馨提示：佢無靚靚裝潢，大排檔隊啤酒🍻格局 (怕污糟嘅港女可以👋🏻，留番啲位俾有需要嘅飢民啦🥶)...特別推介佢個乾咖哩(可以配魚/蝦/蟹/肉，但係一定一定一定要配佢個厚厚蒜蓉多士, 抆勻啲汁, 真係好正好正好正😛), 佢個生菜包同飛天通菜都好得㗎😍! 不過呢晚我地得兩個女仔, 真係叫唔到咁多野，最後叫左：1. 生蝦(其實佢隻隻蝦都好肥美，配埋個堅辣嘅汁, 飲啖泰啤🍺, 麻甩女幸福, 莫過於此...)2. 小食拼盤 (每樣兩件, 啱曬貪新鮮, 樣樣都試下嘅飲食男女; 值得一提, 我同朋友平時都麻麻地食魚, 但係個魚餅加入左香茅同其他泰式香料, 辟左陣魚腥味, 成功令我地食完一嚿又一嚿）3. 泰式鳳爪 (出色! 食唔到太辣可以叫佢少辣, 每次必食)4. 鹽燒烏頭 (都係re-order之選👍🏼 之前試過佢個明爐魚, 但係都係鍾情於

無事前搵過食評，經過就是但入左黎。然後我去食完覺得好正，隔左幾日又再去食多一次，所以將兩晚既野食都一次過寫埋。MENU 上應有盡有，朋友同我都鍾意食青咖喱，兩次都有叫到第一次就咁食，第二次有叫埋蒜蓉包，不過個包唔襯咖哩，同埋個包偏貴，味道一般。不過，青咖哩本身就好好食辣度同埋椰奶味都配合得好正。串燒幾抵食，肉亦算大舊，味道一流，點埋汁相當惹味，肉質嫩口個菜炒得一般，有 d 太硬既感覺了。味道都幾辣，重香料味，個菜好新鮮菠蘿炒菜好正，份量足，用料幾好。食到底，括埋 d 菠蘿肉黎食，正呀泰式炒金邊粉，味道勁正，酸酸甜甜咁蝦亦都幾新鮮整體感覺非常正呀，有機會再黎食第三次價錢均真合理呀，兩個人加埋都係兩百鬆 d

晚上加班去跟老闆同事去了佐敦 老闆極力推薦這餐廳 因為老闆是吃素的 所以這家餐廳他也喜歡吃總有他的價值存在。 來到就叫了泰式鳳爪 素春卷 泰式粉河 還有馬拉盞炒椰菜苗。 菜很快就上了 泰式鳳爪辣得來香 又不會辣過頭 馬拉盞炒椰菜苗好香 鑊氣夠。 素春卷點的甜甜的醬也很好吃 唯一美中不足的是叫了papaya 但沒有下單 不過大晚上確實是很好的選擇 因為東西真的不錯 值得推薦! 就算是吃素的人也很合適 工作或是玩樂晚了是一個不錯的選擇呢！!

咖哩汁完全無咖哩味，蟹無鮮味，原來發現係死蟹。之後食左個蟹蓋同蟹腳已經無再食，原本抱住期待的心情特登過來食，真的好失望... 已同老闆娘反應，佢話可能係隻蟹吾靚，吾會係死既.. 其實吾靚就吾可拎出來賣啦，仲要收$488對不對？其他食物還可以。哎！又少了一個食泰菜的好地方了

日日都知九龍城係專食泰國菜，但係每到星期六日都排曬隊咁，間間都愈黎愈貴…今日發現廟街附近吳松街既抵食又好味既泰國菜！以後可以唔需要排咁耐隊食泰菜啦！餐廳由三位泰國姊妹開設，連廚師都係泰國，唔會唔正宗啦！食泰式咖哩一定要食那種濃稠的質地既，因為泰式咖哩再配上蒜蓉包就是會令人停唔到口。落單時，個姐姐話知濃稠的質地原來要用雞蛋煮個種咖哩。咁到底叫咩呢？係三妹嘜呢度佢地叫呢種為乾咖哩（唔知其他地方又會唔會係咁叫呢？）我地兩人今餐就叫左一份乾咖哩蝦、一份黃金魷魚、一份蒜蓉包。廚師煮呢份乾咖哩蝦好鬼細心嫁幫我地開曬邊，唔使用手慢慢折肉，一份乾咖哩蝦大約有四五隻大蝦，隻隻都大隻仲有蝦膏，真心正正正正。成碟汁就千其唔好浪費，一定要用曬黎食蒜蓉包😋😋😋至於個黃金魷魚，係我錯…呢味點都一定係大排檔會好味好多既，不過佢都唔算差嫁，份量都好多。

本來唸住去九龍城食泰國菜，不過最後都係決定近近地留反係佐敦食算數打開openrice,搵左陣就決定去食三妹嘜三妹嘜泰國菜係佐敦都開左好多年印象中都去食過幾次感覺幾親民泰國餐廳餐廳唔係好大間，裝修都唔係太講究餐廳入面有啲餐廳既介紹，三妹嘜原來係黎自泰國北部，應該係清邁，清萊果面有幾個三妹嘜特式推介，可惜我叫哂野食先到望到依張餐牌失策首先黎個泰式鳳爪開下胃先，酸酸辣辣幾醒神辣既程度都唔算係好辣馬拉盞炒通菜都幾好食幾香豬肉生菜包個味道同平時食既有啲唔同，可能係落多左金不換依個炒蜆好好食，個味調得幾好，啲蜆又夠大隻埋單要四百幾蚊，好似比以前貴左啲

食左咁多年 每次都隔左一段時間先嚟 每次都很滿意 尤其它的咖哩+蒜蓉包 無得彈 碟碟都夠鑊氣 比起好多中菜館更勝一籌 坐下來當然唔少得泰國出名的象啤 飲杯先⋯爽呀依碟泰式炒花甲 停唔到口呀 火候十足 送酒一流我嘅主菜嚟喇 泰式咖哩蝦🦐🦐🦐🦐有4隻大頭蝦 仲有又膏 睇下 ⋯⋯👀每次嚟必食配埋個蒜蓉包 簡直不得了 成碟連汁都清晒 就係因為個咖哩汁 一定要叫埋蒜蓉包厚厚的蒜蓉多士 🤪正呀 因為厚切 外皮有點硬 喜歡有口感 有𡁻口的一定鐘意看似簡單普通的泰式炒芥蘭 夠野味 我叫左少辣 口味好啱我 一次過叫 食唔切添 不過就算餸凍左 都不失它的美味

說到泰國菜！第一時間就會諗到九龍城！係同事介紹下，決定去廟街，找尋隱藏的泰國菜！大概六點多找到了三妹嘜的店舖，從地鐵站走過來都是幾分鐘。。位置算十分方便！時間尚早，稀疏有幾枱客！我見朋友們未到，就行一陣再返嚟！再返嚟嘅時候已經坐咗九成滿！好彩唔駛等枱！順利入咗去坐！坐定定嘅時候！首先叫咗個椰青！一邊飲再一邊睇下個Menu叫什麼好。生蝦刺身係食泰國菜必定會叫的一個must item ! 他的秘製醬汁非常辣！但係好好味！泰式鳳爪亦都係一個不錯嘅選擇！雖然味道真係好辣！但係越食會越停唔到口！冬陰公湯真的是超級辣！辣到我飲唔到！可能下次一定要request 小辣！泰國人能夠接受到嘅辣！我哋未必接受到！我就係一個典型例子！愛吃辣但又不能吃太辣！紅咖喱豬配蒜蓉包簡直就係一流！比起白飯，我更喜歡將咖喱跟蒜蓉包一起吃！咖喱味會更加突出！串燒雞翼。。終於食到一個係唔辣！飛天通菜。。如果可以少咁啲辣椒就正啦！總括而言我覺得係唔錯嘅！只係舖位有點少！坐得唔太舒服！唔可以傾太耐計！同埋嘢食比較偏辣！如果可以減少啲辣！應該會更吸引！

平時覺得去開廟街呢啲地方食嘢。通常都係伏多，俾人標籤左又貴又唔好食 ，朋友說不如試吓食下泰國菜， 見到食評都唔係好伏，於是乎就去試下七點鐘去到人不多 叫咗好幾樣小菜。果下先發現原來係屬於泰北菜，但係我都唔清楚其實同平時嗰啲有咩分別3個人叫咗酸辣鳳爪 燒雞翼 生蝦 冬蔭功 飛天通菜 咖哩 蒜蓉包，老實講，好辣！樣樣都好辣真係一食就知唔係特登迎合香港人口味 係好正宗 最好食係蒜蓉包同燒雞翼，其他都可以 冇乜太大特別！但座位比較迫，一家大細就唔太適合了！

行行吓街，走入去食，外面睇並不顯眼，而且座位較窄，但好在有樓上位置是日叫咗青咖哩牛$65蒜蓉包，28以上两必點，我唔多食青咖哩，但都覺得好好味，細細煲，但熱辣辣，再加上脆口嘅蒜蓉包，絕配青胡椒炒海鲜，138呢个可以啦，但都幾辣吓，有虾，蜆，魷魚，料都足芒果糯米饭，49正常甜品

由我第一次去食開始到依家都食左有兩三年了，每一次都會食青咖哩，三味魚，木瓜沙律，柚子沙律，鹽燒魚等等⋯粉絲蝦煲超正⋯請起都流口水，不過咁多野食，每一次都係兩三個人一齊先食得晒，如果一個人就無野可以選擇😂😂所以如果多人既時候真係可以食好多唔同既菜係超抵食，價錢合理，同埋佢有個泰式奶茶好好飲，好正⋯呢間泰國菜既味道係遍向泰北，我鐘意食地道既口味，因為我認為有好多泰菜為左適合我地香港人口味攪到d味道唔正宗，遍向左香港人口味，就係甜又唔甜，辣又唔辣，酸又唔酸，總之就唔識講😂如果大家想試下正宗d既泰菜可以黎呢間試一試

星期三晚上7點半，與爸爸媽媽到這間泰國餐館吃生日飯。不過7點半餐館已經差不多佔滿了7成座位。我們總共點了6樣食物，分別是泰式拼盤、泰式鳳爪、泰式乾炒河粉（牛）、泰式明爐魚鍋（盲鰽）、泰式炒芥蘭、泰式辣椒膏炒聖子。先講泰式拼盤 $108，裏面有蝦餅、魚餅、春卷及串燒（雞），整體說很不錯。蝦餅外脆內軟，好有蝦鮮味。魚餅有好多香料，喜歡香料的朋友勿錯過。春卷皮脆，但餡料較少。最後串燒（雞），稍為遜色，燒得比較乾，味道還可以。泰式鳳爪$69，酸度適中，不過比較辣，食不到太辣的朋友小心小心。泰式乾炒河粉（牛）$69，未見過餸多過粉的炒河，味道適中，但重口味的朋友可能會覺得不夠味道，不過相當有鑊氣。泰式明爐魚鍋（盲鰽）$189，魚長度尚可，但相當厚肉亦夠鮮，配料十分足，有梅 令湯有酸甜感覺，挺開胃，菜，菇，香料及肉粒，肉粒幫湯底提升甜度，不錯。泰式炒芥蘭 $59，十分惹味及有鑊氣，味道因有麵鼓層次豐富，有少許辣。泰式辣椒膏炒聖子 $89，份量不少，味道出色，亦有少許辣，但略嫌聖火炒得過火，少許老令到口感較韌。

住喺港島區嘅我 真係好少過九龍區今日要落旺角買鞋任務完成，梗係要搵啲嘢獎勵下自己😋買完鞋都差唔多十點好多想食嘅餐廳都已經收咗工（即係嗰啲靜靜地又坐得舒服嗰啲餐廳）腦海突然出現咗呢一間三妹嘜由於好耐冇黎，加上之前試過兩次諗住食但去到門口都摸門釘今日見星期六，我諗做餐飲嘅冇理由今日唔開門嘅所以就由旺角行到落嚟佐敦嚟到呢個熟悉嘅環境由於我個人比較長情，所以都係叫返平時食嗰啲菜式睇吓佢水準有冇保持得好好泰式鳳爪，唔錯嘅；但係覺得如果加多啲生嘅蒜頭落去會正啲泰式炒椰菜苗，呢個係必叫嘅.因為唔係好多地方有得食椰菜苗，今次唔夠辣，下次叫佢加辣先😋Pad Thai食親泰國嘢都一定要叫，一食就知道間餐廳掂唔掂；呢間唔使講，正！生蝦刺身，唔知點解佢啲蒜頭切到咁細粒，我都係鍾意原塊蒜頭咁食蒜蓉包，應該係配咖喱食嘅！由於都嗌左幾個餸，驚食唔晒所以冇叫咖喱🍛但呢度個蒜蓉包真係一定要食，呢度落牛油同埋落蒜蓉係勁豪爽，麵包兩邊都有焗，好香就咁樣都好好食！

又係健康星期三，同衰佬做咗兩個鐘GYM，差啲囉咗我條老命。既然做得咁辛苦，當然要奬勵一下自己！咁啱行過佐敦啲內街，衰佬話上次八號風球返風更後一班同事去食過呢間，咁就決定食你啦。餐廳得10張枱左右，感覺上係一間小本經營既小菜館。睇返佢個MENU，啲價錢都係中價，不是很平的那一類。算了吧，既然已經入坐，就試一試啦。我同衰佬叫咗冬陰功米線同泰式香辣肉碎炒飯一齊Share食。泰式香辣肉碎炒飯－因為我哋坐得離廚房好近，就見到入面廚房炒緊我哋個炒飯，未食已經聞到佢個香味。食第一啖我真係嘩咗出黎，勁香，又夠晒辣，有時有啲餐廳可能就返香港人口味，唔敢落得咁辣。真係近似喺泰國當地食既炒飯。冬陰功米線－呢個其實都好正，不過真係俾個泰式香辣肉碎炒飯比下去咗。雖然佢貴貴哋，但係一碗入面足足有六隻蝦，其實都值回票價。龍眼冰—好解辣😅啱晒食住少飯辣辣哋，好多龍眼肉喺入面❤️估唔到除咗九龍城⋯佐敦都有平民高質泰國菜❤️

食過好多次🤣🤣因為又平又好食。六點去到，我而家鐘意座一入門口D檯，因為以前座過樓上，又逼又熱又嘈🤣🤣所以而家去親都寧願座樓下。🙉🙉醃魷魚沙律，幾好味😛蝦餅都幾彈牙！😛青咖厘雞配蒜容包，正。蒜容包係必叫！實在太好味，哈哈😜😜😜