三多麵食

這間位於中環的老字號粉麵店以巨大雲吞聞名👊🏻不僅是附近上班族的人氣飯堂，亦是遊客慕名而來的必食熱店🔥—————————————————————菜肉雲吞體積機乎是平常雲吞的兩倍✌🏻內餡豬肉飽滿🐽菜的比例雖然不高🥬但白菜的清甜味道格外突出，新鮮爽脆💦在沒有太多調味下，食材本身的鮮味更為明顯🫡豬膶雖然不算厚身🤏🏻但仍能做到外脆內軟的口感，質素媲美很多豬膶名店😋鵝腸的肥膏清理得非常乾淨👍🏻但每條都十分短😥太過「碎濕濕」影響口感，而且未夠爽脆，表現普通🧐——————————————————————這裡的粉麵雖然售價偏貴😗但原汁原味，充滿地道港式風味，依然值得一試😊…查看更多

～三多麵食～ .豬潤鵝腸麵 $56 9/10豬潤水餃麵 $56 9/10個人超級鐘意食內臟😋特別係豬潤😍好鐘意搵出名食豬潤嘅地方🥰三多麵食嘅豬潤真係冇得輸！超大舊同勁爽！仲要勁多！多到個碗好似放唔晒咁！超級正😋鵝腸好新鮮👍一樣係好爽👍水餃超多餡超大粒！見到人地食嘅雲吞一樣大大粒！不停見員工喺側邊包雲吞同水餃！好新鮮👍我短期內去左食三次！証明真係好鐘意😋😋.😋食物質素：9/10😍打卡指數：7/10👍環境服務：7/10💰性價比：7.5/10👏🏻回頭率：9/10.地址📍三多麵食(中環)中環砵典乍街30號地下(石板街)(香港站 C 出口，步行約4分鐘)Mon-Fri 09:00-20:30Sat 09:00-18:00Sun 全日休息公眾假期 全日休息.…查看更多

客人打電話叫外賣，收銀亞姐經常未等客人講完就cut客人電話，態度十分之惡劣，差！😡食物再好食亦彌補不到她趕客的態度，就算食了好多年，亦考慮不再幫襯。相反送外賣的亞姐十分之有禮 👍🏻今日叫外賣📞收銀阿姐又cut我線，要我補電話打返去講電話、地址，唔知係咪佢寫漏單等咗25分鐘才送到。叫咗慣食嘅鵝腸水餃河，唔知係咪等太耐今日啲河粉太淋👎🏻蜆介鯪魚球最好食👍🏻除了蜆介鯪魚球，炸雞翼亦好味😋，可惜一間老字號敗在一個收銀亞姐手上。…查看更多

以前中環返工成日去食三多菜肉雲吞，今日去開中環就入去幫襯一下，點知中伏，菜肉雲吞都幾咸，最慘係碟麵苦🤮！！！超重梘水味，細細聲客氣地同長頭髮嘅小姐反映，佢話我食過，我答佢未食過點知個麵苦？ 同埋我只係食咗個麵一啖，我只要求會換過米粉底俾我，亦冇話唔俾錢，點知佢話俾啖粉米我了事，真係一啖嘅份量. 我懶得再同佢講，再冇食個碟麵，跟住我照俾$72就走人，永別了三多. 你唔再係以前嘅三多喇！！！不過一單還一單，收銀姐姐係有禮貌. 所以服務粒星係俾佢，之後去買咗份三文治填肚. …查看更多

今日經過呢間位於中環鬧市既三多麵食，便入內食碗麵當早餐。之前食過豬膶雞腸牛柏業，今次就試下佢個雲呑同埋鯪魚球。這個双拼湯麵$58蚊，有两隻大大隻既雲吞同埋三粒大大粒既鯪魚球，雲呑足料仲有大大隻蝦，入口爽脆，鯪魚球結實仲有陳皮既味道，兩樣都口感豐富。枧水麵全無枧水味，師傅走枧功夫出色。[米饭]口味：🥚🥚🥚🥚[薄荷]环境：🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

今天我終於去到中環的三多，這家老字號餐廳真的不負盛名！🥟雖然我之前聽朋友提過，但一直未有機會，這次終於體驗到了他們的招牌豬潤水餃麵。水餃個頭真的超大，讓我驚訝不已！豬潤的口感非常豐富，肉質厚實，咬下去時那種滿足感讓我忍不住想再來一碗。搭配他們特製的豉油汁和新鮮蔥花，味道簡直無法形容，鮮香撲鼻，讓人一試成主顧！😋店內的座位不多，經常需要搭枱，但這也增添了幾分熱鬧的氛圍。今天我還點了熱奶茶，香滑的口感讓人驚喜，真的是完美的搭配！☕️不過要注意，這裡只接受現金，午市時間通常會有排隊的情況。不過，所有的等待絕對是值得的！總體來說，三多的水餃讓我印象深刻，下次一定會再來！👍…查看更多

🌟中環有間唔起眼但係好受歡迎嘅麵食店——三多麵食。佢喺砵典乍街30號嘅地舖，雖然地方有啲迫，但係每日中午都吸引咗好多食客嚟等位，就係為咗嗰一碗熱辣辣、料足味美嘅麵。
🦁菜肉雲吞同水餃：必食 👍👍👍 必食嘅一定係佢哋嘅招牌菜肉雲吞同水餃。呢度嘅雲吞同水餃都係大粒又足料，每一啖都食到滿滿嘅餡料。
🦁豬潤同鯪魚球：下次一定要試 😋😋 今次雖然主要食咗菜肉雲吞同水餃，但係隔籬枱嘅豬潤同鯪魚球都好吸引。豬潤睇落去好大塊，鯪魚球就更加誇張，每粒都超大。🌟三多麵食唔係嗰啲高級餐廳，但係佢哋嘅水準真係好值得一試。佢地上菜速度都好快，中午lunch hour 可能要等位，但都唔會太耐。入到去你就知道，都係值得嘅。…查看更多

每次嚟中環開會都一定去三多食鵝腸麵。雖然喺中環鬧市，每次中午都大排長龍，但其實人流去得好快，就算正午時間等過最耐都係10分鐘。除咗鵝腸麵，佢啲雲吞同水餃都好大隻非常足料，一開始覺得碗麵好細，但係連埋啲餸其實真係好夠飽！今次都係嗌返鵝腸水餃米，每次都好多蔥絲薑壯絲更加可以帶起嘢食嘅鮮味。其實之前食開佢嘅河粉，都好滑好幼細，係減肥先轉食米粉，但係又唔會話好硬身好難消化。每次嗌鵝腸都一定有個秘製豉油。記得有次去到冇晒鵝腸，我照想要個豉油食麵，個姐姐話你自己溝啦一樣㗎咋唔使加錢，當我自己加完發覺完全個味都唔同，所以佢哋個豉油真係有自己嘅蹺妙。…查看更多

雲吞麵雲吞超大粒，可能未煑時係一層疊一層，雲吞出嚟個樣係有啲四四方方，唔係圓軲轆形狀，感覺真係怪怪。一口咬落去瞞口係彈牙雲吞，蝦味同肉味都淡，比超鹹嘅湯底搶晒味道，試咗幾啖雲吞湯之後好口渴，蛋麵size較為粗大，麵質夠煙靭，整碗雲吞麵算係可以，屬於粗獷霸道型！豬潤雲吞粗麵豬潤有驚喜，厚切爽脆彈牙，灼熟得啱啱好兼唔嚡口，但係粗麵就煮得過咗龍，成碗麵腍啤啤，食咗兩啖就留返低俾店家。鯪魚球米嘅魚肉彈牙，魚球帶魚香同埋果皮味，味道簡單但配搭得啱啱好，傳統嘅制法非常有水準，好耐冇食過咁好味嘅鯪魚球，值得去食多幾次！雲吞墨魚丸麵嘅墨魚丸似係街市買返嚟嗰種口感味道，下次可以唔使再試。白灼鵝腸牛柏葉爽脆，一啲都唔韌，口感雖好，但係鵝腸及牛柏葉味道淡淡，都可以一試。凍檸檬茶茶味薄，檸檬味足夠，水準一般。下午飯時間都好多人排隊等候，而裝修屬於舊式雲吞麵檔茶餐廳，座位非常狹窄，張枱擺多幾杯咖啡或茶都要將就一下。衛生環境算合格，而服務就唔好有咁多嘅要求，算係禮貌勤快型。…查看更多

上週太太介紹我來吃菜肉蝦肉雲吞，好大粒好有鮮蝦味，菜肉我麻麻地因為自己怕多豬肉好肥，不是因為食物問題，只是因為我太容易肥；所以今天再來叫左冬菇蝦肉雲吞，冬菇抆到好冧，好有冬菇香味，好感動好有家人煮俾你既感覺，所以自覺黎寫食評，唔怕肥既仲有好多選擇，像我擔心肥的一定要試冬菇蝦肉雲吞。還有的重點是，門口帶位的好親切（估計是老板娘）超好人，一直笑容滿面，她和裡面的員工也有和我聊天問我夠唔夠食，我話咁大粒好滿足的了：）而且不止是抵食，仲要係好食。一定會再來吃，祝生意蒸蒸日上。附加一張對面食客的鯪魚球，我無試過，下次試下，因為睇返照片太吸引。…查看更多

經中環friend介紹去呢間相對少遊客的店食雲吞，超級大隻，起碼3-4隻蝦一隻雲吞，十分良心，價錢很ok，一個人一碗都幾飽。牛腩麵都唔錯，牛腩好淋入味，麵都爽口。大多數來的人都是local食客，要搭臺，餐廳收比較早，好似只收現金，服務態度就算係咁啦，唔好要求咁高就無事😂😂…查看更多

今日經過開中環特登過嚟三多面食me time。叫咗個特大鮮蝦雲吞加豬潤麵， 一杯凍檸茶埋單68蚊， 超級勁大雲吞 當然好吃爽滑豬潤亦都是世一， 加上面上面有足夠嘅薑蔥提香， 今日有啲飽如果唔係一定會叫埋炸鯪魚球， 不過我覺得這間店子嘅麵唔夠好食，有少少鞋口， 可能我唔識欣賞， 下次或者淨係叫雲吞同埋豬潤，加鯪魚球就夠了。…查看更多

第一次嚟今日29.6.2024 2:15pm坐低想叫個雲吞麵食男朋友見到2:30有下午茶不過唔緊要，呀姐已經一大份 menu 掉落嚟逼我地快啲落正價單 🙂碗麵唔洗5分鐘就到咗，可能我今日真係好黑仔，男朋友果碗完全無事，而我就成粒雲吞食咗一大啖生豬肉落肚 ，吞咗落肚先見到係生豬肉…然後已經完全唔夠膽再食落去。我無即場反映，無特別再搵啲呀姐換啦，因為佢哋本身啲態度都麻麻，而且之後我仲要要事處理，唔想搞到心情差。淨返果8-9成食物無食到，錢照畀走人，附圖做證明，果日有作嘔，少少唔舒服。係咁多，多謝收看 🙏🏻…查看更多

作為中環打工仔嘅我，又為大家推介平靚正午餐其實第一次去三多我都俾佢門口既人龍嚇親㗎，因為lunch time真係長期有人排隊但多人等即係代表食物味道有返咁上下，所以我哋決定叫外賣。大部份嘅人食三多一定食雲吞(鮮蝦雲吞，菜肉雲吞😋😋😋😋😋），係好好食既，但係都唔好遺忘咗佢哋嘅冬菇啊。佢哋嘅冬菇都非常非常出色，份量都多㗎冬菇都厚身同大粒嘅，我覺得有媽媽嘅味道喺街外食到媽媽嘅味道真係好難得另外，炸鯪魚球都好好食誠意推介…查看更多

好耐都未食過鳳城水餃 更加好耐好耐好耐(好重要）未食過呢間粉麵店 終於有機會再食嗌咗雲吞麵($46)同水餃粗麵($46) 雲吞同水餃都好好好大粒 雲吞入面有超多隻蝦 水餃係鳳城水餃所以有蝦有豬肉有木耳之類 雖然一碗單拼麵$46唔係平 但喺中環呢啲地方 仲要大大粒 食落調味同味道都唔錯 啲蝦唔會霉🥰佢哋仲有生餃提供 雲吞一打$110 鳳城水餃係一打$120 除返開都要十蚊粒 比起其他舖頭真係貴 但如果外賣同堂食一樣大粒 又真係大粒過出面其他舖頭嘅…查看更多