三公叉燒皇

行完山頂盧吉道，行返落山，經過香港大學，落返石塘咀搵餐廳食晚餐，見到依間裝修得幾特別嘅燒味舖，望到啲叉燒燒得幾靚，就決定入去試吓。三公叉燒皇係一間2025年新開業嘅燒味舖，我哋叫左初戀叉燒  +  燒腩仔飯，古法燒鵝皇＋初戀叉燒 瀨粉 。當日，餐廳仲有免費提供兩款清熱飲品，雖然味道淡淡的，但免費的就好加分！………………………………………………初戀叉燒  +  燒腩仔 飯 ⭐️⭐️⭐️⭐️⭐️古法燒鵝皇＋初戀叉燒 瀨粉 ⭐️⭐️⭐️⭐️⭐️⭕️ 燒腩仔燒腩仔皮脆卜卜，腩肉肥瘦一層層，幾好味。⭕️ 初戀叉燒叉燒都好出色，燒到燶邊，瘦肉連住肥肉再連另一舊瘦肉，無筋，味道好好。⭕️古法燒鵝皇燒鵝好肥美，肥膏入口即化，表皮亦都燒得鬆化，Juicy 好味！⭕️ 瀨粉今時今日已經比較少地方食到瀨粉，三公的瀨粉幾爽滑，好味。………………………………………………港島食飯依個價錢，依個質素，絕對係糧尾恩物。…查看更多

今日嚟到西環呢間三公叉燒皇食個午飯，店舖唔太，入內見坐滿8成食客，我好彩揾到張四人空枱坐低睇下個餐牌，最後決定點咗個叉燒切雞髀飯，+$5蚊先嚟個冬瓜雞腳痩肉例湯，味道唔錯又夠大碗，抵飲，飯隨後送上，份量算充足，招牌叉燒一層肥一層瘦肉，少少燶邊，幾啱口味，雞髀啖啖肉，肉夠嫰有雞味，蔥蓉唔太咸撈飯食一流。[米饭]口味：🥚🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

之前去荃灣街市街食左個成舊水既叉燒燒肉(骨)飯，叉燒又鞋又唔冧，燒肉唔得，認真谷氣。今次睇到朋友介紹，特登走嚟西環皇后大道西試一試，入去坐底即叫叉燒燒肉飯，阿姐就話，得叉燒燒腩仔飯，我心諗咁樣仲啱我，最後…照例加埋薑蓉撈飯，送到嚟，埋牙先試叉燒，燶邊....夠汁夠淋，正呀，燒腩都夠脆，但係點知用十分鐘食完咁制既時間，對面個哥仔叫左 燒鵝油雞飯，頂....好鬼吸引....唯有下次再試，值得一讚係水吧薏米水任飲，噢…thx,下次再食過！…查看更多

見到西環開咗呢間燒味新店， 即刻試吓，之後食過幾次，環境新淨乾淨， 光光猛猛。大熱天時最緊要係冷氣夠涼知道佢主打叉燒，可惜我唔食叉燒！食過油雞、燒鵝飯，加例湯和油菜。店舖有湯同薏米水選擇，我就揀例湯，冇味精，我最鍾意食D湯料。菜竟然有菜心、生菜、西芹揀，燒臘店好少有，非常難得。價錢合理，「肉+菜+湯」夠健康，唔駛淨係食肉。我特別喜歡油雞飯，佢嘅汁好夠味，油雞加一隻溏心荷包蛋，係perfect match …查看更多

新开的店专门来尝尝。自从吃了翠华神之叉烧饭突然爱上了叉烧。然而这家叉烧太肥了，特意嘱咐要瘦的，结果都是肥大于瘦…….老板娘服务还挺好，但是不知道是不是后台搞错，太肥了似乎是专门挑肥的…查看更多

琴日經過見到新開張入去試吓。同個friend嗌咗一碟燒鵝同叉燒，非常唔錯。燒鵝啲皮好脆同好香，叉燒都好腍同好香。下次去試埋佢啲雞同燒肉。佢哋啲湯都好好飲。一定再返去食💪🏻…查看更多

經過西環三公义燒皇，入去試吓。叫咗油雞加疍反，好意外油雞好好味，的飯粒粒鮮明重有例湯送，老火湯清甜無味精，埋單60幾蚊扺食要試。上湯芹菜爽脆好味，價錢平又抵只係$20 10分推介。…查看更多

今日試咗新開業嘅三公叉燒皇。 果然名不虛傳。叉燒肥瘦適中，燒鵝食落腍滑，油雞味美。上湯芹菜非常治癒，粉葛豬踭湯好入味。客服到位， 好聲好氣，笑面迎人。環境光猛舒適，枱面座位地下清潔衛生，與眾不同。交通方便，除咗巴士，可以坐地鐵大學站出，行2分鐘；或泊西寶城行3分鐘。門前亦可上落 。朝10晚10開足七天，非常方便。價錢親民。 For those who like barbecued dishes, this shop is a must go. Both the barbecued pork and roast goose are tender, you can tell it’s made from high-quality meat. The soya sauce chicken is also very tasty. The decor is bright and spacious ，unlike other barbecue shops。The place is kept in a very clean and hygienic state. Staff service is welcoming, cheerful and appreciative. The location is well served by bus, MTR University station 2 minutes walk, or park at the Westwood, 3 minutes walk. You can hop on and off at the storefront too. …查看更多

試石塘咀新店三公叉燒，本來興致勃勃，行到過去熱到冇哂胃口。咁都要試嘅，叉鵝飯少飯走翼。好食嘅，鵝皮脆入味有汁，叉燒可以，隔離客人好多燶邊，下次要記住叫燶叉，呢間相信暫時石塘咀最好啦。個人認為好過ball記。意米水送嘅，偏甜，下次都係要例湯。$64双併，咁嘅出品價錢合理，已唸住再去試佢油雞乳豬薰蹄。真係冇胃口，唯有一半帶走收銀姐姐態度好好，有少少似萬綺文🤣唯一樣嘢係佢D櫈冇櫈背，做完嘢去坐低冇得靠背，攰上加攰…查看更多

新開張所以環境好乾淨，坐得舒服嘅！最緊要啲叉燒堅正，半肥瘦適中，好淋身，味道亦好好味，份量亦都唔少。燒鵝都好正，皮脆肉嫩 👍下次會試埋其他同埋想讚下佢哋個例湯，非常足料入味，冇味精的！佢日日有唔同款靚湯，屋企無湯飲嘅朋友可以當住家湯咁飲！🤭有誠意嘅小店，希望keep 住水準，下次會再幫襯！…查看更多

新開張，見有人講叉燒靚，外賣下午茶雙拼54，正價60，價錢對標區內波記，叉燒還可以唔會太甜，切雞竟然係臭嘅，應該唔係食材嘅問題，比較似擺到臭，新開鋪頭仲要賣高價唔捨得掉好難做得長久。…查看更多

呢間係專食燒味嘅餐廳，我就揀咗叉燒油雞飯。叉燒食落個口感有啲似五花腩，上面係肥肉，下面係瘦肉。油雞就普通啦，但個老抽味道重咗啲。最大問題係啲白飯未煮熟，硬咗啲，仲冇得揀飲料，因為佢哋無水吧，無得嗌咖啡、奶茶或檸檬茶。總括嚟講，味道還過得去，希望佢哋改進煮飯同擴充飲料選擇啦。…查看更多