三不館車仔麵 (巧明街)

大埔朋友話呢間好食就諗住試下嗌左三餸油麵（蘿蔔，魚蛋，蝦卷），腩汁底個湯底真係仲普通過普通車仔麵檔，我願稱之為有少少咸味既水，以致啲麵食落就只係純油麵味蘿蔔睇落有色，但無額外咸味，純粹蘿蔔味甚至澀澀地，係無渣呢點幾好因為湯底無味，陳皮魚蛋就係食緊無落醬既烚魚蛋咁好彩蝦卷就係普通蝦卷，成碗唯一有味，可以送麵既餸成碗野清淡到連我感冒都唔會咁食，懷疑佢係逼人加9蚊轉湯底但我都無興趣知轉湯底有無改善了，腩汁都可以淡到水咁既車仔麵檔，我真係唔會再俾機會…查看更多

車仔麵:這次吃起來挺好吃的, 喜歡他們的豬大腸, 因為清洗得很乾淨, 沒有異味或異物, 讓我吃得很安心, 同時它滷得很夠時間, 是軟糯的, 有點咬口, 但有慢煮的效果, 煙韌軟綿, 味道亦很香, 雖然浸入湯中, 但豬大腸本身的內臟香味仍然甚為明顯突出, 而且是好吃的, 很入味, 有吃得出它本身的獨特美味, 我喜歡。而咖喱魷魚其實都仍吃到咖喱香味, 而且魷魚雖然爽口, 但不韌, 都吃到咖喱的味道有成功煮到入去, 而不是只停留在表面。豬頸肉都有進步, 有煎過的香味, 而不是白烚, 它的皮挺好吃的。…查看更多

🇭🇰三不館車仔麵·我哋嗰日本身係諗住去熟食中心食炸子雞或者黑豉油撈粗既 點知兩間都超多人 所以最後就決定食呢間😌·三餸一麵$46 l 咖哩魷魚+$5 l 醬燒豬頸肉+$5 l 鮮沙薑豬手+$5濃香沙嗲湯底+$8 l 醇香雪濃金湯+$8難得嚟到我哋就揀咗好多menu上面推介嘅菜 但係最後原來加加下個車仔麵都幾貴🤣我自己覺得佢餸菜嘅份量都多嘅 咖喱魷魚超入味 質地好好🦑豬頸肉都肥瘦比例好好🐷個沙薑豬手我自己就覺得唔算話好入味🤔另外蘿蔔都好甜 瑞士雞翼都好味🐥兩個湯底我自己就覺得沙嗲湯底惹味啲 佢另外嗰個金湯係好似忌廉湯咁樣 我覺得唔係好襯車仔麵 可能襯通粉多啲😈😂·📍觀塘巧明街104號地下A4號舖📍旺角豉油街15號萬利商業大廈地下4-5號舖📍荃灣登發街10號地舖📍大埔廣福道88號地舖…查看更多

觀塘上班一族都想食一個平靚正嘅午餐如果你有同樣想法就不要選擇這間餐廳我們一行三人午餐排隊安排極之混亂一排隊總是話不用等但實際佢要等很久午餐時候要等是應該但安排極之混亂三人卻被安排在二人餐桌上沒有服務😓等了那麼久也希望食物質素良好怎料卻大失所望是一碗沒味道的車仔麵份量也少得驚人價錢也很貴，不會再考慮幫襯。…查看更多

牛腩：牛腩肉質鮮嫩，經過長時間燉煮，吸收了牛腩汁的濃郁味道。瑞士雞翼：瑞士雞翼帶有獨特的醬香味，甜中帶鹹，雞肉嫩滑多汁。墨魚丸：墨魚丸彈牙多汁，帶有濃郁的海鮮風味。牛腩汁：牛腩汁濃郁，帶有豐富的肉香和鮮味，使整碗麵更具層次感。沙嗲湯底：沙嗲湯底帶有花生和椰漿的香氣，微微的辣味增添了刺激的口感。幼麵：幼麵口感滑溜，能很好地吸收湯汁。…查看更多

身為車仔麵愛好者，一直都好想試呢間，今日見到唔使排隊，就即刻去試！我叫咗三餸（豬頸肉、雞翼、豬皮）配油面、凍檸茶，另外加咗個麻辣豬手小食同朋友一齊試下。豬皮好腍，豬頸肉同雞翼都好入味，湯底我叫咗辣汁再加埋佢嘅秘製菜甫一流，麻辣豬手都好腍好香，鍾意食辣嘅朋友可以試吓。…查看更多

#首領 一向鍾意捐窿捐罅搵美食，#小秘書 趁呢日得閒，一於跟大隊嚟到 #觀塘 … 就係為咗呢碗 三不館車仔麵 🍜 未到12:30，人龍開始出現😅 仲要我哋一大班人好似輪「違禁品」咁，被迫走到後巷排隊😅 #香港地搵食真係難！我哋企咗大概15分鐘，終於排到我哋！餐廳造型以六七十年代老香港為藍本，地方唔算大，人頭湧湧環境都幾迫夾😅😅 餐牌上嘅食物選擇都唔少，不過價錢偏貴，我只好點個「三餸麵餐」慳住食🤭 對於佢哋上菜速度，我會比滿分💯 而食物水準同味道都真係唔錯嘅😉 #陳皮魚旦 味道不過不失、#咖喱魷魚 夠爽脆，#滷水豬腸 都烹調得非常入味🤤 湯底加咗啲腩汁，加埋啲 #菜脯 辣辣地都幾惹味🤤 不過如果大家想悠悠閑閑食個午餐，呢度絕對唔係一個合適之選😉 由點餸到放低筷子未夠20分鐘，佢哋嘅侍應已經忙於喺我旁邊清理枱面… 呢種 #速食文化 絕對唔係我杯茶🤭📍 三不館車仔麵 (觀塘)觀塘巧明街104號地下A4號舖…查看更多

中午時段多數要排隊，所以我都係下午茶時段去食，少啲人坐得舒服啲。每次嗌車仔麵，我都會落菜脯一齊食，因為幾好食。有一次我買左一樽包裝好嘅菜脯翻屋企食，但啲味同堂食嘅味道好大分別，堂食好食啲。…查看更多

之前聽同事講呢間大埔好出名 難得今日見無人唔駛排隊 一個人12點3入左去食lunch唔駛等位價錢都偏貴 三餸一麵46 叫豬大腸額外加4蚊 之前聽過同事講佢個粉麵偏少 所以果斷加錢叫左加底三餸係豆卜，芝士腸同埋豬大場油麵碗麵黎到我有小呆左一下因為我見到得5舊大腸 仲要全部係瘦腸豆卜三粒同四條芝士腸合理試下個湯底 我揀左金牌麻辣汁 小小辣湯底比我想像中淡 辣就唔係好食得出枱面到有一罐辣菜脯 加少少落湯會好食啲真係要加底先會有飽嘅感覺…查看更多

收費不便宜的車仔麵…食物味道還好，但服務態度就….攻下內的車仔麵，他們每張桌面上均有一罌麻辣菜脯供應給食客，但最奇怪的是有位中年女侍應，當她見到我食用完該菜脯後，馬上過嚟回收起全罌菜脯去refill，之後冇就冇再拎返嚟俾我，好像認為我把整罌菜脯吃掉，此舉動極為反感！另外一杯熱水亦未能供應，其實他們收費並不便宜，三餸一麵連飲品$60-70以上，而菜脯只是作為調味之用，客人食得你哋幾多，何必要這樣孤寒呢？…查看更多

作為一個香港仔，好少過海，今日啱啱過嚟觀塘買嘢，正正第一次試下呢間三不館，四餸$64 每款餸同湯底都幾好, 仲有辣菜莆隨便加不過成間舖好似冇冷氣咁，仲熱過大排檔，食食下同樓面姐姐問佢有冇邊個位冇咁熱，但佢竟然介紹咗個門口位，兩對門係開住，出面就係大街啲車流量極高，啲廢氣湧晒入嚟，比我之前個位仲熱，我頂唔住再調去一個有流動坐地冷氣嘅角落頭食埋佢，之後嗱嗱聲走。車仔面無冷氣真係仿如煉獄🥵…查看更多

之前已經喺網上見過呢間車仔麵，有一日想食light d，於是即刻黎呢邊試下～到左之後係出面排左一陣隊，已經熱到成身汗入到去即刻劃紙仔叫野食，叫左個兩餸車仔麵，揀左魚蛋、瑞士雞翼同油麵，腩汁（好似係）。佢仲俾左幾條菜添！d 雞翼味道唔錯，魚蛋都係，不過細粒左d，成碗麵其實有d 細碗，不過幾好味。另外加左杯凍檸茶，不過我都仲係熱到係咁流汗 雖然碗兩餸車仔麵37蚊，但加個凍飲都加14蚊，如果加其他野或者換湯底/麵又要加錢，所以加下加下都唔係真係話好平…查看更多

呢間車仔麵平時去大埔食開 估唔到呢度都開咗分店個咖喱魷魚必叫 次次都會食 雖然份量唔算好多 亦都唔算好惹味 但就係經典 不過佢個辣醬真係好好食 如果食得辣嘅話一定要叫 佢辣得好過…查看更多

聽講平時呢度好旺場，咁啱今日12:00經過唔使排隊，就入去試吓。價錢合理，味道正常，但冇話好有驚喜。佢嘅鮮製油麵幾唔錯。其餘嘅餸就OK啦，加錢要嘅牛腩份量唔係太多。總括嚟講都係合格嘅，叫做喺呢一區多個選擇，呢度鋪面唔係太大，竟然有四五個職員，犀利犀利 收銀機應該係老闆娘，都好有禮貌。…查看更多

食過大埔同旺角，味道係有自己俾自己嘅信心保證。平日見佢九排Z形，今日居然零人龍，當然就入去回味下。其本$37兩餸一麵，$46三餸麵。自己叫豬腸、咖喱齋、粟米豚肉餃子配油麵跟麻辣汁，承惠$50大元。豬腸實身，唔係淋款，唔騷，可惜最後疑似食到沙，「實實」聲。咖喱齋大大舊，炆得夠時間。餃子實身，肉厚，鍾意面粟米，香甜。油麵真要試，雖然叫油麵，一啲都唔油，無坊間嗰陣味。整體滿意，但男士應該唔夠飽，建議加底加餸。…查看更多