三不館車仔麵 (萬利商業大廈)

我發現大埔同旺角嘅牛丸嘅質素差别好大唔.，大埔嘅牛丸彈牙多汁牛味濃，但係旺角牛丸就無汁肉質淋冇乜牛味，我睇返佢哋嘅資料應該係同一間連鎖店，三不館一直係我首選嘅車仔麵，呢間車仔麵嘅魚皮餃好出色👍，但係我發現旺角嘅魚皮餃又係差好多，唔明點解🤔...我諗可能唔同老闆，只係用同一個品牌。噚日經過荃灣店，叫咗期中一個餸魚皮餃，點知同旺角一樣，質素又係唔得，大埔好食好多。我同大埔嗰邊伙記熟啲，下次問下點解會咁。…查看更多

返工日日都出去食,附近既餐廳都比我地食到厭厭地,今日決定早少少叫外賣送遞,就可以揀遠D既店喇,係外賣平台搵邊間有優惠,見有得叫三不館車仔麵,平台仲有$180-40優惠就揀左佢喇佢分湯上既,keep到好熱的,個湯都幾清,就咁飲都幾好飲叫左滷水鮮豬大腸,瑞士雞翼,豬紅油麵,份量都幾多湯都好多下,倒一半都夠,另一半就咁飲滷水鮮豬大腸,要加$6轉的,但好好味,一定要加瑞士雞翼,好食唔鞋豬紅都入味好食個油麵因為分湯,唔會淋,都好食…查看更多

位於旺角豉油街的「三不館車仔麵」，以復古港式大排檔風格為賣點，霓虹燈牌、鐵閘塗鴉與懷舊裝潢，甫進店便彷彿穿越至七八十年代的香港街頭。這次透過外賣平台下單，雖未親身體驗店內氛圍，但食物水準與細節處理仍令人印象深刻。**車仔麵：自由配搭的靈魂** 兩碗「三餃車仔麵」分別搭配不同配料，展現車仔麵的靈活本色。粗麵口感彈牙，吸附湯汁能力佳，美顏清湯底輕甜不膩，搭配牛腩汁後層次更豐厚。配料中，「瑞士雞翼」滷得入味，肉質軟嫩；「墨魚丸」爽口彈牙；「蝦條卷」則帶有傳統風味，口感扎實。特別驚喜的是「大廚秘製咖喱齋」，咖喱香濃而不嗆辣，齋類吸飽湯汁後十分惹味。而「豬紅」處理得乾淨無腥氣，滑嫩順口。整體而言，配料品質對得起價格，且份量充足。**小食：地道風味驚喜** 「香炸墨魚餅」外皮酥脆，內裡墨魚膠鮮味十足，蘸上甜辣醬更顯風味；「秘製香醬鳳爪」燜煮軟糯，醬香濃郁，微辣中帶甜，非常開胃。兩款小食雖屬常見菜式，但調味與火候均見功力，可見店家對傳統小吃的堅持。**性價比與服務** 是次訂單享八折優惠，折後連平台費僅$151.8，以兩碗足料車仔麵及兩款小食而言，性價比極高。外賣包裝妥當，麵湯分離，確保口感不受影響。「三不館車仔麵」無論在風味、份量與價格上均屬水準之上，既保留傳統車仔麵的街頭風味，亦透過細節提升用餐體驗。…查看更多

身邊同事個個大讚嘅車仔麵，自己都食過一次，質素真係好得，所以今次要再食多次，睇下質素會唔會有參差。美顏清湯、古法辣汁（小小小辣）、牛腩汁、米粉雖然叫清湯，但絕對唔會清淡如水，亦都唔係鹼水湯底，文字難以形容，試下就知好食🤤我就鍾意叫多少少其他汁醬，令碗麵味道有更多重層次😊米粉爽彈，唔係個d難食軟腍腍嘅碎米😙😙好滿足清甜蘿蔔、瑞士雞翼、滷水鮮豬大腸蘿蔔大大嚿，清甜冇渣。瑞士雞翼入味，但唔會煮到肉爛晒，係一咬就可以離骨嘅程度。滷水豬大腸超入味，第一次食豬大腸唔煙靭，一咬就開😆😆仲要超大舊，唔係剪到碎晒一粒粒，重點唔止1-2舊😁😁😁開心到爆好想試晒d餸，不過好食到咁，好難唔重覆食咯，試勻晒啲餸嘅日子指日可待😂😂😂…查看更多

旺角恐少出名感車仔麵店，而次就揀咗間口碑好感《三不館》試嚇。今天中午去的已經坐滿曬人，公園裡充滿懷舊香港風味，牆上寫滿復古手寫字句，好有特色。今次叫咗兩碗米粉：第一系牛腩汁湯底（小小小辣），配料備咗醬燒豬頸肉、炸竹、酸齋。牛腩汁香濃而不膩，辣度啱啱好不搶味，炸竹吸滿湯汁，入口爆汁，豬頸肉炭香、肥瘦中，酸齋清開胃，整體配搭得好。第二碗系魚皮、魚片頭同豬大腸配米粉。魚皮餃外菸皮韌、內餡鮮香，魚片頭軟滑不腥，豬大腸處理得好乾淨，冇異味，仲好入味，感覺誠意。雖然繫車仔麵，但質素真心感謝輸俾大排檔或者，餐廳員態度親切，落單好方便，價錢合理，選擇又多，無論一人食定同朋友一齊嚟都一樣滿足。下次會再嚟試埋其他配料！…查看更多

三不館的鳳爪這次點了四餸一麵。試了新的秘製香醬鳳爪。因為對於秘製的東西總是情有獨鍾，這次並不錯，喜歡鳳爪的皮，很軟糯，又綿，不會甩皮甩骨皮肉分離。雖然鳳爪浸入湯中有少許走味，但整體上仍然很好吃，果然不負祕製之品， 而且外賣很方便，可whatsapp下單，而且還可以scan QR code, 十分方便快捷便利，強力推介，這是很大的優點。而且等候時間一點也不長，才大約六分鐘便買到外賣，店員亦相當親切有禮，值得嘉許。…查看更多

一個係炸墨魚餅，但係食落去一啲炸嘅感覺都冇好似麻糬咁煙靭韌韌另一個係炸虎皮尖椒十分期待但係出到嚟如圖所見係比豉油浸住嘅虎皮尖椒唔知搞乜😂😂😮‍💨極度失望我去酒樓食仲開心啲…查看更多

剩餸最少4餸湯底OK，唔算超味精，味道鹹香🙆🏻‍♀️/$10蘿蔔/有2.5大舊，對得住價錢，有炆淋嘅，亦都冇渣嘅，但唔甜之外仲幾苦🫜/$10豬紅/軟嫩，無個種「散散」的感覺/$10粟米豬肉餃/諗住唔食麵以呢個做今日嘅carb，但係餡料味道好淡，皮唔算厚，煮完唔會爛曬/$14豬大腸/呢個貴為佢地招牌number 2，仲要係我至愛，一於就叫佢💕份量ok，唔算好入味，口感唔肥美，止下咳可以🥹/+$18紅豆冰/個紙杯設計幾得意🥤但紅豆感覺唔多，夠糯嘅。椰奶底味道一般，偏水💦…查看更多

招牌豬頸肉+豬肉丸米粉旺角懷舊車仔麵成個店內外裝修都係行懷舊風別樹一格🤓🤓見到豬頸肉係佢哋嘅招牌之一就一於試吓豬頸肉好捻身又好入味😎豬肉丸就普普通通，冇乜特別豬頸肉值得一試🤤🤤…查看更多

晚飯時間行過見到呢間勁有六七十年代情懷裝修既三不館車仔麵，咁岩有位唔使排隊，就入左去試一試。鋪頭入面堂食座位唔多，座位之間都比較狹窄，如果搭枱佢都會加返塊隔板。今次食左佢既招牌滷水豬腸、豬紅、清甜蘿蔔同蠔油冬茹配米粉，醬汁湯底方面就揀左佢個金牌麻辣汁（小小辣），另外加左個金牌口水雞小食試下～滷水豬腸：超推薦👍，豬腸清潔得好乾淨，完全冇異味，而且滷得十分入味。豬紅：冇咩特別調味既豬紅，但又唔錯喎！清甜蘿蔔：確係幾甜，但就唔算太淋，同埋切得有d太大件～蠔油冬菇：有少少失望，偏咸，都唔太食到冬菇鮮味。金牌麻辣汁：好有驚喜，唔係死辣，真係有少少麻麻既感覺，叫左小小辣都唔會重手，下次有機會可以再試辣d~金牌口水雞：作為小食既份量少左d，口水汁唔錯，配埋花生碎，味道岩岩好，唔會太辣太咸，但舊雞一咬就成口碎骨🥴總括而言，今次揀既餸味道都唔錯，但份量偏少～…查看更多

呢間車仔麵已經幫襯咗好多次😊店內裝修好懷舊，保留住舊有香港嘅特色✨再播埋80，90年代嘅歌，幾有feel架，不過店舖環境比較細，坐得迫小小～基本上每次配搭都差唔多，今次叫3️⃣餸豬紅，蘿蔔，豬大腸 米粉（金牌麻辣湯底小辣）1️⃣蘿蔔大大舊，冇渣味道清甜，每次必叫🫶🏻2️⃣豬大腸滷得好入味，唔韌，份量都算多👍🏾3️⃣豬紅唔會一夾就散同埋冇怪味✨辣菜脯同辣油是必須的🫶🏻食得辣嘅一定要加💯🥤凍檸茶飲品杯設計有啲小心思👍🏾味道就正常發揮，冇咩特別…查看更多

呢間係我心目中top2嘅車仔麵，每次都係食豬紅、豬大腸同蘿蔔🤣足料之餘啲餸又好食！特別想提下嗰個湯，因為可以加辣菜甫，令個湯濃味好多，真係會食上癮🤪對於鍾意食車仔麵嘅朋友，呢間真係要試下！🌟…查看更多

三不館車仔麵好好食 ~好食到   我作左首歌~yoyoyoSCAN QR Code feel 下la今次都係跟朋友去試吓去咗旺角店，由細到大食好多車仔麵   都覺得OK啊 普通嘢  呀 但係呢間一食   就不得了應該冇味精嘅啲嘢入味得你唔會死鹹~~good喎，不過係冷氣唔夠我下午茶時間去  都有少少熱，如果冷氣強勁返少少就好啦同埋可唔可以 提供甜醬啊？食炆蘿蔔真係好想加甜醬，呢個真係美中不足（我自己好鍾意豬皮蘿蔔加甜醬㗎嘛）…查看更多

已經幫襯過多次，裝修走懷舊港式風格，牆身畫滿兒時回憶，加上掛上不少懷舊物品，引來好多遊客嚟打卡。當初以為只有裝飾陳列吸引食客們，親身試過後發現食物品質也不錯。只是鋪頭比較細，坐得較迫，但為咗食好嘢，無所謂啦🫣🍜🍜🍜🍜🍜🍜🍜🍜沙爹湯底配秘制辣汁小辣沙爹湯要加8蚊，呢個沙爹湯係食過最好味嘅車仔麵湯底👍🏻香濃幼滑，仲有花生碎，好惹味，為咗個湯底，搞到我心思思成日幫襯秘制牛腩：四舊牛腩，味道可以，但有啲偏「un」瑞士汁雞翼：兩隻雞翼，瑞士汁唔夠濃味麻辣豬手：呢個係我每次必點嘅餸，麻辣味幾惹味，如果減少辣油嘅油膩感會更好秘制鳯爪：無記錯得兩隻鳯爪，入味但份量算少豬皮：爽口嘅豬皮，唔會淋啤啤無咬口，幾鐘意個質感，同埋都夠入味，都成為我嘅必點餸豬腸：偏淋，差少少咬口，如果可以爽口少少更好陳皮魚旦：有啲腥，唔會再叫🫢…查看更多

之前經過呢間車仔麵店已經比佢個霸氣名吸引到，加上近呢幾年好鐘意食車仔麵，出開旺角當然要試下啦。感覺舖仔細細，都幾乾淨企理，車仔麵餸亦唔重味精，味道唔錯。店內好招牌做裝飾，有啲真係油尖旺角嘅店名。小食：香炸墨魚餅，幾厚身彈牙。袐制香醬鳳爪，好淋。懷舊牛腩，鮮沙薑豬手，醬燒豬頸肉粗麵，豬手都幾淋。滷水鮮豬大腸，豬皮，牛丸粗麵，大腸唔韌，幾入味。瑞士雞翼，豬紅，魚腐河粉。涼粉冰，好甜同埋得花奶味。凍奶茶…查看更多