七福神和食亭

营业中

休息中

由入座到離開餐廳每位員工都好有禮貌打招呼👍🏻👍🏻好欣賞餐廳既服務野食方面價錢適中 午市都有lunch set可選擇用openrice book位仲有88折 都好抵野食分量都好足夠 唔會好細份推介牛舌🤓一定會再幫襯😊😊下次再試更多款式

佐敦樓上日式食店！午市套餐選擇繁多，性價比高，唔怪之得就算係樓上餐廳，都有好多顧客幫襯！有好多野食都好想試，不過最後都係比石鍋飯吸引。燒石鍋香蒜牛肉飯$58- 午市套餐配兩件三文魚壽司、麵豉湯同餐飲，好抵食。好耐冇食過三文魚壽司，都幾新鮮，唔錯。燒石鍋真係好熱，覺得有股熱氣籠罩住塊面。建議中意食飯焦嘅朋友可以等耐少少先拌勻，個底就會有一層脆飯。本身飯底同牛肉片調味較少，所以我落唒成碟燒汁醬油，味道啱啱好，不過食到最後都有少少油膩同口渴。整體呢度嘅午市套餐會吸引到我想再嚟幫襯食飯，性價比高，推介！

可能我人比較高大，覺得呢間餐廳樓底十分矮，位於為之間空間比較狹窄，所以別人說話會聽到有啲覺得嘈吵，食物尚算可以，賣相也不錯，食物製造過程好像機器化，有啲覺得唔夠熱，所以評分一般但價錢尚算可以接受。

之前女朋友介紹一間日本餐廳，放假就決定去試試，估唔到日本餐廳請咗啲口齒講野唔清唔楚的侍應.... 兩個人食一餐下午茶三碟兩舊幾水，咁既服務，唔係幾接受到 ~講返食物帶子，比８分，有好重牛油味，新鮮，推薦餃子，比６分，一般質素一口牛，比３分，超級硬，成百蚊碟...... 千祈唔好中伏

食唔到出名既壽司店，唯有轉到另一間日本餐廳啦...誤打誤撞搵到呢間同樣位於佐敦既七福神和食亭。好彩Walk in都有位，如果唔係就要再諗食咩啦...上網搜查先知呢間人氣很高，而且都幾高評價。入到門口已經覺得好似身處日本既感覺，店內有很多日本既裝飾，仲有貍貓擺設。地方雖然不算大，但座位都寛躺。餐牌款式都很多，價錢又唔算貴。清酒煮海蜆份量都算多，唔會得幾隻咁少，而且蜆肉大大粒又啖啖肉，唔會得個空殼。除左清酒味仲食到辣味，加上蜆肉亦帶有天然海水味，唔會過咸。角切魚生丼望落雖然唔算大碗，但份量足夠一個女仔既胃口。碗裡的刺身種類亦算多，有三文魚、八爪魚、油甘魚及三文魚籽，而且刺身夠新鮮！炸魷魚鬚 推介呢小食，份量多之餘，魷魚又唔會好韌。炸粉唔會好厚，食落啖啖肉。三文魚親籽丼新鮮三文魚刺身配三文魚籽，食落啖啖鮮味，而且份量不多不少。流心蛋三文魚親子薄餅呢款係fusion菜，從來都無諗過日式食物可配西式食物。薄餅底是薄批，舖上卷花既三文魚，再加三文魚籽，中間再配流心蛋，食落唔會好漏之餘又食到新鮮既味道，感覺好特別。

車來車往燈光璀璨，彌敦道五光十色 霓虹燈，很是讓人讚賞香港夜景的美麗。抬頭一看，還有七福神。裕華後方，二樓 有間日式餐廳，靜靜地在 彌敦道已經很多年。 餐廳環境大座位多坐得舒服，即使平日晚上也有很多食客 ，高朋滿座。大盛魚生丼刺身超豐盛，講得出的都有，三文魚帶子八爪魚 油甘魚海膽魚籽。大盛魚生丼有夠新鮮鮮嫩，三文魚籽也飽滿新鮮，粒粒在在咀裡爆發。海膽入口柔軟, 潤滑甘甜 。三文魚肉質肥美，味道亦最甘香。油甘魚柔潤香滑，帶子鮮美甘甜。蟹味噌甲羅燒配紫菜珍珠飯鹹香味美，香氣送埋呢餐枱嗰陣已經聞到，蟹膏味道鮮甜， 包住珍珠米飯， 唔會太過鹹，停唔到口。網燒牛扒牛扒帶少少燶邊, 內裡肉質鮮嫩， 肉質軟嫩味美，咬落唔會韌，有濃濃的肉味和牛油的甘香。安格斯牛小扒日式壽喜燒， 加送安格斯上肩胛一碟壽喜燒以鐵鍋送上 ， 溫度得以保持熱辣辣 。 除了有牛小扒和附送的肩胛肉外 ，鍋裏面還有豆腐， 與及一整藍蔬菜，皇帝菜，娃娃菜，粉絲，京蔥等等 ，再加上蛋， 一整個看起來已經 非常豐盛澎湃。 以壽喜燒煮過的 肩胛肉 鮮美肉嫩，肉質細嫩肥美， 牛小排鮮嫩多汁。

時不時就會掛住日本，跟住就會好想食日本野，呢間聽聞性價比幾高，有日做完yoga就過黎試下。食物種類勁多！我地叫左一款刺身盛（$188）、有油甘魚、三文魚、甜蝦、赤身同帶子，每款都有兩片。刺身都幾新鮮，唔會好似啲放題店咁有陣雪味，我最滿意油甘魚同帶子，好鮮甜。叫左個海膽海鮮炒黃金飯（$108），叫黃金飯既原因係有落左咸蛋黃。除左咸蛋黃，仲有蝦籽、魷魚、蟹柳等等配料，食落好惹味香口！另外仲叫左個安格斯牛小排壽喜燒（$188）牛小排分量唔算少，仲跟一大碟配菜，入面有兩款菜、香菇同好似芋絲既粉條同兩隻日本大蛋。牛肉既雪花分佈都幾平均，淥得岩岩好既話食落都嫩滑，唔會好有根，同埋牛味都幾香濃。總結壽喜燒份量兩個人食足夠有餘，同埋食物質素都唔錯，算抵。整體幾滿意呢間餐廳，應該會再幫襯！

{性價比高日本餐廳🤩}#kong_girl_foodie出街食#七福神和食亭.Bookmark左好耐嘅餐廳🙈見佢好多好評同埋啲comment都幾好🙈，價錢對比起日本嘢唔算貴，而且份量都幾大🤩！我哋嗰日冇book位所以諗住8:30到會好啲，結果都幾多人，好彩我哋有位入！☺️.❣️清酒煮海蜆 $88最少有20隻！煮得啱啱好，啲肉唔會跌咗出嚟，而且佢呢個加咗辣椒所以比平時嗰啲清酒煮蜆會辣少少！.❣️牛舌串 $38厚度適中，黑椒份量啱啱好！.❣️炸魷魚鬚 $58好大碟！而且佢層炸衣唔會好厚，啖啖肉🤩.❣️京都豚肉煮 $88賣相幾靚，有四大件，雖然未去到入口即溶但係味道同口感都唔錯👍🏻👍🏻👍🏻值得一試.❣️三文魚刺身 $62本身想食三文魚腩刺身，但係賣晒🥺味道新鮮，大大件，又厚☺️.❣️石鍋香辣海鮮手打烏冬 $98上菜過咗2分鐘仲好滾🤣🤣海鮮份量比想像中多！烏冬好好食，佢同個海鮮餐好夾！就算我好飽都好努力咁食埋佢🤣🤣.📝總結呢一間幾推介比情侶或者屋企聚會去，價錢唔貴之餘份量都好大，可以share食！👍🏻👍🏻.❣️食完俾分時間❣️🌟食物: 8/10🌟環境: 7.5/10🌟服務: 8/10🌟打卡:

12月是個浪漫的季節，去佐郭的裕華國貨行街之後，就到附近的七福神和食亭吃晚餐。由街邊沿着一條木樓梯上，感覺帶日本的古色古香。餐廳環境舒服座位寬闊，我們坐的卡位更可以眺望繁忙的彌敦道。.東山壽司拼盤（24件）$298用一個圓盤裝着，24件壽司五彩繽紛，賣相十分豐富吸引。當中有五件三文魚，玉子及赤貝各三件，油甘魚吞拿魚、帶子、左口魚裙邊及三文魚子各兩件，也有一份蝦卷。刺身新鮮肥美，清甜爽滑，而且都是厚切的，食完這個壽司拼盤已經好夠飽。.大蝦天婦羅 $78大蝦炸得剛剛好，沒有多餘的粉團及油膩感。蝦肉清澈爽彈，熱辣辣很適合冬天吃，暖心窩心。.已二想不到的是這裏的燒扒很有質素：照燒雞扒 $68 一大塊雞扒，厚身啖啖肉，雞肉嫩滑。網燒牛扒 $118比一般西餐廳的鋸扒更有滋味，牛肉味濃郁，油脂平衡得好，肉質稔身有豐富的肉汁，感覺在吃和牛，好正。.經常行過彌敦道，真的不知有一間高質的日本餐廳呢。

這間位於佐敦上樓的日式居酒屋, 絕對抵食價錢唔算貴, 而且食物款式亦有好多選擇, 性價比高.點了一個刺身拼盤, 有半板海膽, 帶子, 三文魚, 吞拿魚, 左口魚各兩件. 仲有紫菜飯團, 賣相精美而且刺身鮮甜.另外亦點了幾款的串燒, 包括雞翼, 牛舌, 牛肉, 煙肉帶子. 意想不到的串燒份量大, 抵食😎其實menu 內仲有好多其他款式既食品, 壽司, 一品料理, 鍋物等....下次可以再來試埋其他款呡😊🍣餐廳: 七福神和食亭🍙地址: 佐敦彌敦道311-313號1樓

呢間餐廳性價比真係好高！所以成日都忍唔住會返轉頭食♥️♥️♥️♥️今日有同朋友嚟食飯啦🤣🤣🤣🤣我哋嗌左三文魚腩壽司，正到冇得頂！大大份♥️♥️♥️♥️另外嗰隻蝦卷都不得了呀！新鮮即炸🤗🤗🤗🤗入口非常鬆脆🌳🌳🌳依個芝士焗蠔真係不得了☺️☺️☺️好香！亦都大大份，本身以為好細隻，但原來唔係㗎🤗🤗🤗🤗依個餃子真係好回味！佢嘅做法同日本食嘅好似🤗🤗🤗🤗蟹子沙律又係大大兜，真係攬住個肚呀🤗🤗🤗其他嘅食物水準都唔錯🤣🤣🤣

呢間日式料理店位置都幾靚，重點係食物質素好高而又唔貴，值得大班朋友一齊黎食!鐵版燒牛舌牛舌好大塊同埋厚切，輕輕燒過所以食落口幾惹味而且咬落爽口唔會粉!大蝦什錦天婦羅好豐富而且炸漿整體都唔會好厚，食到蝦肉既彈牙質感而且而天婦羅汁已經加埋蘿蔔蓉，味道岩岩好!七味炸雞籃炸雞既調味好出色而且即炸所以真係脆卜卜，雞肉鮮嫩有肉汁!炸魷魚鬚都係新鮮即炸唔會整定所以好嫩口同埋彈牙既! 就咁加沙律醬已經好足夠!石鍋香蒜牛肉飯牛肉飯好大碗而且燒到熱辣辣，牛肉都夠嫩而且牛味濃郁，配合埋洋蔥同菇一齊食口感一流，調味亦都適中!日式奄列炒飯份量好多而且奄列炒得好滑，蛋味十足加上炒過既飯味道上好夾!荔枝香桃梳打有荔枝肉而且都唔係藥水味，好岩清一清口腔同埋都夠解渴!

琴晚發夢自己飛咗去日本公幹，然後好開心喺三井outlet度大買特買，今朝起身發現竟然係一場夢😨，真係傷心到不得了💔。為咗彌補我嘅心靈創傷😂，我就決定搵間日本野食餐勁嘅安慰自己。見呢間七福神網上有好多好評，所以好快就敲定咗佢黎做我嘅午餐落腳點。刺身盛盒$188盛盒裡面有油甘魚 2切 、三文魚 2切、甘蝦 2 條、赤身 2件，及帶子或者左口魚二選一款。整體刺身質素不過不失，尤其甘蝦🦐最正脆皮煎餃子 $52 呢碟脆皮煎餃子又名冰花煎餃子，係好多飲食節目都見過，但係今次就係第一次食。 貌相尤如其名，就好似水滴結冰後出現嘅花紋，令菜肉餡嘅日式餃子增添薄脆口感，yummy👍🏻。滑蛋豬扒飯 $75呢個豬扒飯令我味蕾起舞💃🏻豬扒炸得金黃香脆而且夠厚身，肉質鬆軟帶油脂香，肉脂味亦夠濃郁，加上半熟嫩蛋🥚，oishi!!西京燒銀雪魚 $168白雪雪嘅銀雪魚一向都係我的愛，呢度嘅銀雪魚味道燒得唔錯，外皮香脆，魚肉夠滑，非常下飯

七福神和食亭 - 幸福的日本料理在旺角佐敦出沒的朋友，應該知道這間日本料理的存在，因為性價比高，質素好，款式多，和朋友聚會時也會考慮這間日本菜，今日也不例外。滑蛋豬扒飯 半熟的滑蛋，蛋汁夠又有蛋香，豬扒脆脆的吉列外皮，蛋汁流到白飯中，一口包含白飯、滑蛋和豬扒，滿足。大盛魚生丼 超豐盛的魚生丼飯，大大隻牡丹蝦、八爪魚片、厚切三文魚、白身魚刺身、帶子、海膽、三文魚籽和玉子，最愛鮮甜的海膽和彈牙起膠牡丹蝦。芝士焗天火蠔 超多香濃的芝士和煙肉，佈滿在整個蠔上，蠔肉鮮甜多汁。芝士玉子燒 拉絲芝士的玉子燒，香濃的蛋味。三文魚味噌黃金燒超厚的三文魚肉，表面魚皮燒得香脆，鹹味的味噌令三文魚鮮味更出，三文魚魚油十足魚肉嫩。大蝦天婦羅 鬆化的脆炸外皮，包著爽口的大蝦。

好耐年前朋友帶過我黎食一次, 然後今日經過決定入去回味一下!今次黎發覺比上次更多人, 睇黎越泥越受歡迎, 印像中佢d壽司刺身係唔錯既, 頭一round叫番幾舊黎食下先!赤貝壽司 $25爽口鮮味。海膽壽司 $48睇個色水同質感見到係新鮮, 入口creamy又甜美。吞拿魚壽司 $38魚味清淡帶鮮味。特長三文魚腩壽司 $28肥美可口。忌廉蟹肉薯餅 $48即叫即炸, 超級熱辣辣! 表面既炸皮脆卜卜好香口, 入面係滿滿既忌廉, 雖然唔係好食到蟹肉既口感, 但帶薯味非常香, 好味!西京燒銀鱈魚 $168銀鱈魚燒過後迫出魚油非常香, 而魚肉又保持到嫩滑口感, 魚皮位特別香, 西京燒做法帶香甜,必點!三文魚味噌黃金燒 $78味蹭塗滿三文魚表面, 燒過後估唔到味道咁夾, 又有三文魚既鮮味, 幾特別!清酒煮海蜆 $88蜆肉肥美鮮甜, 感覺好新鮮, 加上清酒味道剛好, 唔會太啃, 甜甜地好好食。最後整多杯菊花蜜!