一鳴丼食堂

营业中

休息中

大埔火車站附近啲小巷有好多好嘢食，今次就嚟食咗一間日式野一鳴丼食堂。無論係個門面設計定係內裏裝修都非常日式，鋪面唔大，位置都唔多，但係幾溫馨，有啲深夜食堂嘅感覺。佢店入邊仲有啲手寫牌仔既時令推介，感覺幾特別。餐牌睇落主打係丼飯，亦都有刺身串燒同壽司。熟食嘅牛肉，豚肉，生食嘅刺身，都有幾多選擇。我哋叫咗一個炙燒牛肉飯（$138）同三文魚火山（$118）。一上碟個size比我想像中細，但食落其實都好足料，牛肉多，亦都好嫩，上面仲有隻流心蛋。基本上可以每一啖都有肉，非常滿足。三文魚火山嘅拖羅蓉堆得好高，刺身份量唔係特別多，但係食得出配料幾新鮮。另外仲叫咗個油甘魚壽司（$35）。呢個油脂分布好均勻，塊刺身亦都切得好厚，個人幾鍾意食呢一碟。飲品方面叫咗一杯白桃一千零一夜（$32）。大概係有少少酒精嘅白桃加薄荷葉梳打。野飲相當大杯，唔太甜但係好清新，無論配甘味重嘅魚生飯定係惹味嘅牛肉飯都非常開胃。總括來講我覺得呢度嘅環境，野食，水準都唔錯。夜晚約兩三個嚟食飯飲嘢傾偈係一個好唔錯嘅選擇。

最鍾意食日本嘢，上次食過呢間一鳴丼食堂覺得唔錯，今日又嚟encore四重火焰盛　$138有三文魚、帶子、左口魚同蟹棒，足料又新鮮火灸咗嘅本身三文魚同左口魚魚油味滲哂出嚟，油脂侵佔成個口腔！尤其係個左口魚，直頭入口即融，非常出色！帶子好鮮好彈牙，蟹棒都啖啖肉，唔錯～隻溏心蛋黃絕對係為呢個丼錦上添花！口感軟綿綿，蛋黃味濃郁，令成個丼無論外貌定味道都更上一層樓。壽司六點盛　$138有三文魚、章紅魚、油甘魚、墨魚、海膽、甜蝦同卷物，一個人淨係食呢個ｓｅｔ都會夠飽。三文魚好長好吸睛其中最最最正嘅梗係海膽，好大pat！味道又鮮又濃！另外卷物入面嘅漬黄蘿蔔好脆口，食落索索聲大埔區能夠擁有咁高質素嘅日本菜真係唔多，喺疫情下好適合大埔人一解「鄉愁」！

好耐之前已經有朋友推介過呢間一鳴丼食堂，今日終於有機會嚟試。餐廳分咗兩邊，一邊主要係食拉麵，而另一邊就係我今次食嘅刺身丼飯。餐牌除咗有刺身、壽司同海鮮丼，仲有串燒、玉子燒、炸物等嘅熟食。可以望住師傅切刺身，感覺衛生又放心。北海五品盛　$178有三文魚、油甘魚、帶子、海膽同牡丹蝦，整體上全部都好新鮮！而且份量大方，絕不欺場。逐樣點評下啲刺身先，三文魚籽一咬即爆，大粒飽滿；三文魚一食就知係腩位，魚油豐富；油甘魚好厚身，肥美甘甜；帶子肉質有彈性，食落好有海水味；牡丹蝦非常爽口，鮮甜彈牙最後要大讚嘅係海膽，百零蚊一個魚生飯，真係冇預期個海膽會咁高質。海膽金黃有光澤，質感細緻，入口即溶，鮮甜味濃到化不開！！！餐廳有提供飯素，食完啲刺身仲有少少飯剩，就可以撈啲飯素食，非常貼心。整體上全部刺身都好新鮮，而且份量大方，絕不欺場，值得回頭！

一鳴丼食堂 ， 瑟縮在大埔平民住宅區巷弄當中打開日質小店感覺的木質趟門店舖儘管狹窄，但客人依然絡繹不絕還播著菅田將暉及Official髭男dism 的新歌令人彷如走進日本街頭的小店般(1) 蟹親子丼 $98  (7/10)配料包括松葉蟹鉗、蟹肉、蟹膏、蟹籽松葉蟹鉗、蟹肉口感分明，味道鮮甜唯一美中不足是蟹膏有點腥(2) 青蔥免治拖羅丼 $78  (9.5/10)新鮮、脂肪含量高的吞拿魚是免治拖羅丼的靈魂一鳴丼食堂的青蔥免治拖羅丼絕對稱得上是滿分每一口都充滿油脂香、滿滿蔥花將吞拿魚香昇華拿不到滿分的原因… 就是期待更多的份量（因為實在太太太好味了xD）＝＝＝＝＝＝＝＝＝＝＝＝＝＝＝味道：9/10環境：7/10性價比：8/10＝＝＝＝＝＝＝＝＝＝＝＝＝＝＝

今日黎到大埔，想食日本野，，上openrice search 就選了這一家，因為見到有我喜愛既蟹蓋，所以就。去到就見到舖外既裝修都好有日本feel,一坐低唔洗問，，梗係叫左我既最愛究極甲羅盛，，都幾想睇下咩叫究極，唔通（數碼暴龍）。除左叫左呢個之外，中叫左個四重火焰盛，一鳴創作醬炸雞同埋豬頸肉串燒，同埋一杯飲品一千零一夜，，個名中以為係酒，完來係青檸薄荷葉特飲。首先上既係一千零一夜，幾特別，味道都幾清新。之後就上串燒，味道唔算重，，幾好，，口感不錯，之後上既係炸雞同四重火焰盛，，，先試一下雞，，雞滑而多汁，，正，四重火焰盛，有三文魚，帶子，帶子裙邊同蟹棒，，份量足夠而且新鮮，，之後梗係到期待以久既，究極甲羅盛，，，好似成隻蟹放左係個碗度甘，正，蟹蓋上有蟹肉，蟹羔，蟹子同埋一隻蛋，，，感覺好新鮮，，，，食落正，成隻蟹都好正，，喜歡食蟹既，，一定要黎試下

好少嚟大埔依邊，但聽講大埔勁多好東西食又想食日本嘢，見個門面幾日式就行咗嚟依間😂 點知又真係冇撞錯🤤見到佢啲餐牌係手繪風好得意就影低咗🤣啲丼好似個個都好吸引🙉 就上OpenRice睇下啲相，又真係個個都好正咁... （選擇困難症又發作🤧🤧😂 ）最後揀咗火炙果個，果然冇令我失望🥳 好多餸！好滿足！仲擺得好靚🤣 啲刺身都好新鮮，帶子好甜，最重要係有我其中至愛嘅左口魚～燒完又肥又香🤤（同早幾日去長x 食果個丼嘅質素真係差好遠...🤡）同埋我個人喜好食啲丼/壽司係會鍾意啲飯係暖嘅，因為之前去日本食即整嘅壽司飯都係暖，會好味啲。而依度嘅飯係暖架！下次再嚟大埔又想食日本嘢，會再encore依間💛

今天和家人一齊行山 ，行完山 已差不多是晚飯的時候 ，經過大埔 看見一間日式小店， 家人都感到很 攰和肚餓， 就在這裏坐下來了。我們叫了 四個丼飯，兩個四重火焰盛和兩個北海道五品盛 和一些壽司， 飯來到的時候 ，令我們不禁要相機食先， 每一碗飯 的餸都擺得好精緻 好吸引， 簡直唔同角度 旋轉 就看到不同的 魚生擺設， 除了樣子吸引外， 每一件魚生都是那麼新鮮和美味， 讓我們聯想到我們上次去日本鹿兒島， 去了好幾間小店， 店子都好少好少， 裏面只得好幾個坐位， 但每一 間的食物 ，都是 店員即時為你製作的， 十分新鮮美味， 香港很難食得到這些 水準和質素， 但這間店舖的確有這些水準和質素， 令我們的舌尖好像 飛到去日本當地了 。我們剛入去的時候晚飯時間 尚早， 只得我們一家， 但到了晚飯的時候已經全店坐滿了， 可惜這家店舖離我家實在太遠了， 唯有等下次 去旅行， 再經過大埔時，再嚟幫襯吧！

記得好耐之前已有大埔朋友仔推介過呢間係巷仔內既日本餐廳，不過上次黎既時候唔知咩原因無開門所以摸門釘，今次特意再約朋友食晚餐，終於成功食到叫左兩個丼飯仲有小量串燒(仲有兩杯特飲)果然無令我失望除左份量足之外，刺身食得出係新鮮既，飯亦調味調得好好令人覺得驚喜既仰串燒，記得嗌雞頸肉串燒，肉質彈口爽口之餘燒得非常juicy，一試難忘呀！！特飲方面亦都好好飲，嗌左2杯一千零一夜，酸甜開胃得黎亦好解渴，大滿足～

一鳴丼食堂先前很欣賞一嗚拉麵店內店外的設計與風格，於是襯有空閒，再來這間一鳴丼食堂chill一chill，由於是選用新鮮的食材，固然定價會稍高。餐牌的丼飯名字很有心思和形象化，今次我們點了鮭火山 ($118)，丼飯來到之後，見到不止有鋪滿飯面的鮭魚，而且有拖羅蓉在中間堆得高高的，與手繪餐牌極為相似。飯量不算多，但配料很足夠，吃得很滿足。因為很愛魚生，所以也點了左口魚及油甘魚刺身，左口魚厚厚的，內外口感截然不同，無論鮭魚還是油甘魚，新鮮且油脂都好足，份外覺得食物鮮甜。少少的美中不足，是拖羅蓉有少少起筋，如果可以挑食筋，啖啖都係入口即溶的魚生就更好了。店內位置不選多，但坐得舒服，店員又不會催促要你限時離開，所以今次體驗都很棒啊！

2020年取消咗三個旅行...陰公囉冇得去日本食好嘢，要慰藉下自己先得！呢日行完山好早六點鐘，經過大埔食街見到呢間幾有feel喎，試吓先～ 鋪面唔算大，但有好多日本裝飾，都幾有日本小店feel 鍾意食魚生同火炙！見到個靚menu 已經好興奮😍我地先叫左北海五品盛同四重火焰盛未見到食物就聞到廚房傳黎火炙既油香味🥳唔係講笑，件件刺身超大件同好新鮮，帶子開咗邊之後都仲大粒過人哋一粒，成粒食落去好滿足！唔小心整爆咗粒魚子竟然d 魚油彈到我衣領咁高係咪犀利先😂昨晚先至去完板x壽司，壽司飯嘅質素好差好硬...呢間整嘅水準就meet standard 喇！食完其實都差唔多飽曬，不過再叫多幾件火炙左口魚壽司同埋鰻魚壽司，好完滿💁🏻‍♀️

今日一家人去完三門仔馬屎洲地質公園。回程時剛好晚餐時段。返到大埔墟，偶遇一間日本餐廳，門口門面裝修吸引我哋一家四口入內一試。今日有驚喜，食物很好，有質素，服務也不錯。特別是我們點的丼丼飯：四重火焰盛和北海五品盛。我們每人點1個丼飯。大大推介推介。我們再追加鰻魚壽司和左口魚壽司：食到飽曬飽曬，飽飽曬。鋪內特色小裝飾：醬油𣕧清潔整齊：鋪頭細細地，岩曬喜歡靜靜哋，細細聲傾偈食飯一族。拍拖去食飯也是不錯的選擇啊。

今晚嚟到位於大埔嘅一嗚丼食堂裝修非常之日式佢個menu 畫得相當精美同平時影實物嘅menu 有另一返嘅風味丼飯有8款，款款都望落勁好食另外仲會有壽司，串燒，炸物，小食同飲品講真雖然未食到落口，但見個menu 嘅插圖畫得咁靚，個心情已經好愉悅串燒放面叫左個豬頸肉串燒相對較薄，油脂比較少，肉質較乾身，不過不失丼飯我地總共叫左兩個一個係四重火焰盛賣相同menu 畫出黎嘅一模一樣入面有火炙三文魚，蟹柳帶子同埋左口魚仲有隻流心蛋黃刺身嘅油脂比例好高開埋白飯食落口感一流另外餐廳提供飯素俾客人多一個選擇由於刺身太多，所以店員亦都會主動提供多一個碟俾你將刺身放喺碟上面然後再食另外叫咗個究極甲羅盛用料十足之後將蟹蓋上面嘅蟹膏蟹子蟹肉同埋鵪鶉蛋撈埋一齊有得食又有得玩蟹膏非常之鮮甜蟹肉份量非常之多而呢個一嗚創作醬炸雞炸完雞肉質地依然保持嫩滑非常酥脆飲品方面叫咗白桃一千零一夜入邊有我同埋青檸感覺非常清新份量亦都非常之大杯好扺飲好開心可以食到呢一餐感覺就好似短暫返咗日本咁🥰

早排食過一鳴拉麵，覺得幾唔錯，今次就試埋側邊geh一鳴丼飯堂，佢呢間geh裝飾都好正，係好多日本酒geh貼紙，哈哈原來店入面geh位唔算好多，好采夠早到!望望餐牌，個個飯都好吸引同好有特式! 好難揀之下，揀左北海五品盛， 因為夠多魚生種類，岩心頭心細geh朋友。個飯一到，真係哇一聲，見到啲魚生堆到成座山咁多同高，無論食定係打卡都一流啊!基本上所有配料都好有鮮味，係唯有差咗少少，如果再新鮮d就好啦!由於本人好鐘意食左口魚，所以都嗌咗份左口魚壽司食~一送到嚟，見到燒香咗geh左口魚油脂慢慢滴落嚟食落同出面果d唔一樣，佢比較厚身，好開心~呢排天氣開始凍，店員好細心咁Fill水fill得都算快，有隻杯暖吓手都舒服d可以坐耐多陣

兩星期前已經想試吓呢條街既日本餐廳，今日都係決定唔到食拉麵抑或食便當，食拉麵果間有幾個人排緊，呢間無人排，決定食便當。裝修幾簡約，原來都幾多位，因為餐廳入面都仲有枱既。一坐低就先送上一杯熱茶，貼心。我入來之前係想食鰻魚飯便當既，但最後揀左吉列豬扒，因為便當入面有個「可樂餅」！超正。除左一個便當外，有碗麵豉湯，送埋飲品（烏龍茶或汽水）。麵豉湯其實好正，真材實料，唔會只見到水，好飲，飲晒。到個便當到！嘩！咁多飯，肯定食唔晒。吉列豬扒賣相很好，真係新鮮炸，好熱。皮好趣、豬扒好霖，而且仍然好 juicy，正。稍嫌覺得D油多左D。一小塊既玉子係好好既安排。而且有一格載左D薯仔咖喱汁，送飯一流。最後，要食我十分期待既可樂餅！真係好好食！十分滿意。對我來講，份量太大，食唔晒，我好想食埋D飯，飯面加左的芝麻同鰹魚碎，食落好香。仲有仲有，生薑！味道剛剛好，食飽飽食返幾片生薑幫助消化。唔覺唔覺，食左兩碟仔添 不過，係日本吉列豬扒通常會棷菜沙律任食，如果可以有棷菜沙律就好啦，唔駛任食都得。最後埋單，係收$68，午市無加一，抵食！

原本沒打算到這家的，意外地路過進來試吃一下。店很小，坐位不多，但整體看起來很乾淨整潔。日式的食品來說，未至於很高價錢但亦說不上便宜，價錢OK啦。餐牌款式也很豐富。先來了三個魚生刺生飯，賣相很吸引，外觀看起來也很新鮮。我是叫了全蝦這碗，沒有細數有多少條蝦，反正就是非常多，吃完飯了還有蝦剩下來，而且蝦不只一款！很新鮮！超好吃！ヾ(*ΦωΦ)ツ雞翼新鮮燒出來的，皮很脆。另一碟是茄子，也OK。燒鯖魚，這個也很新鮮好吃！不妨一試！炸雞軟骨，這款好像說是雞胸軟骨，價錢也比普通的高，還是第一次吃這種，也挺不錯的。Overall來說，這家的食物和衛生都很好，值得下次再來光顧，希望店家可以keep落去，因為高質的小店真的不多了！