一起蕃

先講蕃茄湯其實好夠味，但我叫嘅係黑椒蕃茄湯，一粒黑椒都無，好彩同普通蕃茄湯同價，我又費事叫佢換過又要等過咁麻煩然後到兩個女店員，佢地就好似全世界欠咗佢咁，一對客就黑哂面，兩個走埋一齊就又講又笑咁最重要令我體驗最差係，俾錢嗰陣一拎起銀包就態度勁差叫我快啲喇，但入面又唔係坐滿咗人喎，啲人本身就坐定哂叫好哂餐本身食第一啖仲覺得好夠蕃茄味，想推薦俾朋友食，而家真係不了，真係唔會再俾多次機會哩間鋪，老闆見到嘅話你睇清楚係你啲員工喺到趕客呀…查看更多

晚餐set 一個飯/麵 二個餸 一個小食+杯熱飲$69，外賣加$2，收左我$73 問佢點解，答我話小食外賣要收多$2，但呢個set係包小食架喎，唔通我唔要小食？點解set menu 唔寫外賣加$4 而係寫加$2黎誤導外賣客呢…查看更多

11:05到店兩位女店員都真係黑口黑面的然後擺低一堆午餐menu我：唔該想問下係咪有早餐店員：依加係午餐啦我：下 但我見網上外賣平台寫早餐去到11:30佢地先拎個早餐menu黎叫左酸菜雞肉米通 正常沙嗲牛肉米通 完全似走左沙嗲咁配奄列 勁細份 不過是但熱咖啡又落埋糖 好甜總結：不會再吃希望推到比老細睇到兩位女店員真係好趕客 淨係用鄉下話不斷傾偈 網上外賣平台有單又唔接唔怪得坐左一粒鐘都仲係一個客都冇總結：不會再幫襯…查看更多

S1 一起肉餅～推介之一，本身想叫魚腐米線，既然落錯單，將錯就錯試下，本身對蕃茄喜好真係好一般，但這個蕃茄湯底很鮮，蕃茄起沙，成碗只有2件蕃茄，湯少少結配上肉碎，的確很開胃，附上一件肉餅，不算少，帶煎香，不柴，少少彈口，可惜是帶少少碎骨影響了口感，米線偏軟身亦可接受…查看更多

🥢星期六晏晝男友收工之後過咗嚟荃灣搵我一齊食午餐，我哋去咗路德圍搵嘢食，見呢間餐廳唔多人我哋就入咗去坐低。🥢男友叫咗個紅燒牛筋飯，飯嘅份量唔算好多，男士嚟講未必夠飽，但牛筋醃製得好入味，有少少辣辣地，煙煙韌韌得來又腍。🥢我就叫咗個蕃茄湯底自選米線🍅，揀咗蘿蔔同豬肚兩款餸。個蕃茄湯底係幾有驚喜，唔係水溝罐頭湯嗰啲，食得出真係用蕃茄熬製而成嘅，因為食落真係有啲蕃茄蓉，味道係唔同罐頭湯嗰啲。蘿蔔切到好大件，炆得好腍，嗍晒蕃茄湯嘅味，唔錯👍🏼🥢整體嚟講都算OK，可以一試。…查看更多

兩位女員工全程黑面，擺低任何嘢都可以用「掉低」嚟形容，企埋一邊睇電話片就曉笑，對客個面口衰到一個點，連小朋友都問點解佢地咁冇禮貌，食物其實ok但服務極趕客，唔會再幫襯 。…查看更多

蕃茄醬汁湯底 新鮮蕃茄比例1/3 湯底完全水狀鹹味 越飲越鹹味精湯底完全都唔清甜雞扒又係鹹到嘔 份量又少 剩係得四嚿整體性價比超差貪新鮮唔想食魚想食蕃茄體驗超差真係冇下次唯一抵讚係冇走塑膠匙羹都硬淨…查看更多

新搬黎呢邊，四圍試食下附近餐廳，喺呢間買咗外賣，話自己係皇牌辣鮮蕃茄湯底，成碗一舊蕃茄都無，仲要冇乜蕃茄味，仲要有死咸味，叫咗一餸川味牛肉，咸到黐線，未食過咁難食嘅蕃茄湯麵，仲話另一款先多蕃茄，個湯底稀到d渣都無乜，味精可能放最得最多，呢度附近啲餐廳好少有咁難食，難食到要上黎叫人避雷，勁嬲😡小店唔爭氣，唔係人哋唔俾機會你，呢間絕對唔會有下一次，連試其他嘢都唔想呀Ps:外賣份量偏少，男人一定唔夠食…查看更多

本身落單揀咗辣鮮蕃茄湯底，但店員落錯單🥹得番原味蕃茄湯。飲落有茄味，但唔濃郁比較清淡。但勝在飲完唔口渴！冇辣唔緊要…枱面仲有支辣椒油，辣度十足之餘仲有些許麻香味👍🏻👍🏻👍🏻即刻令蕃茄湯底level up 🆙 🆙 🆙 選擇咗‘一起自選湯麵’米線份量唔多，朋友食完仲要過對面食多碗豆腐花🙈但配料確實唔錯👍🏻🌟燕尾蝦雲吞（3隻）雲吞皮薄夠滑，皮餡比例岩岩好，內餡好新鮮，調味又得宜，食落仲有少少嘅肉汁。呢個係必食之選！🌟炸魚腐（3粒）真心勁大粒，好足料！外貌似鯪魚球，食落煙韌夠彈牙。🌟餐肉粒超級厚身，而且仲有5-6粒，好抵食！重點有煎過，夠香脆。🌟糖心蛋時間控制得岩岩好，蛋黃夠濃稠。如果切得靚少少會吸引好多！…查看更多

有相自己睇唔多講，$6餸嘅得兩三條腐皮/金菇，$11雞肉食晒成碗都係得五六粒細😅黑胡椒蕃茄湯底唔錯，辣味蕃茄湯可以食中辣，小辣冇乜味，整體湯底味道吾錯，希望餸嘅份量可以多少少。～～～～～～～～～～～～～～～～～～～～～…查看更多

本身今日係想食醉藥雞既，但係奈何真係太多人，唔想等行吓行吓就比呢間蕃茄小店吸引左🌟🌟價錢嚟講荃灣區真心抵食，60幾蚊一個餐到，蕃茄湯底，唔係嗰種好假嘅蕃茄湯，仲有少少肉碎tim面底都好特別，竟然有米通同麵皮，爽滑q彈又掛湯，好正呀蕃茄墨魚餅米通墨魚餅好驚喜，又厚又彈牙，份量大到好似塊扒咁另外叫咗一個花甲蕃茄雞湯麵皮雞仲要係雞髀都幾嫩滑，花甲幾隻，冬天飲返碗暖暖嘅湯，真爽食落又唔覺得口渴，應該唔係味精湯，推介…查看更多

一眼就睇出呢碗湯底係真。番茄湯底，唔係用罐頭番茄湯，番茄皮、番茄核和少量的番茄肉係嗮碗米線入面，鐘意食番茄嘅人會好鐘意😍😍🍅蜜糖腸方面係比較硬實的口感，多幾片就比較好。（圖中食食到一半時影的）另外碗邊有黑色斑點，唔知是太舊定點…查看更多

先讚下佢地d個蕃茄肉碎湯底的確幾好味 仲有我鍾意食嘅咪通 而且小食嘅麻辣三兄弟都唔錯但係食個lunch起咗身十幾廿次讓人出出入入如果有機會再食可能都會選擇嗌外賣唔會堂食！…查看更多

我真係好鍾意蕃茄湯米線～之前都食過好幾間主打蕃茄湯既米線，今次發現到呢間係荃灣路德圍既一起蕃，午餐幾抵食包埋支裝豆漿或者冷泡茶。  1️⃣腐皮墨魚卷鮮蕃茄湯米線（$55） 墨魚春卷有三條，食落都彈牙好食既，不過就冇特別食到入面有墨魚粒咁樣。湯底係清甜既類型，蕃茄味唔算特別濃厚，不過飲落順口。  2⃣️一起肉餅鮮蕃茄湯米通（$56） 肉餅都幾大塊，食落有肉汁，唔會煎到乾身，不過略顯甜味過鹹。米湯中間浪住啲湯汁，食既時候啖啖都飲到湯汁～  3⃣️溏心蛋（跟餐+$6） 溏心蛋好唔錯🤩真係有日本餐廳既質素。溏心程度好理想，而且入味甜甜地咁。  4⃣️鹽酥大什錦（$38） 有雲吞、雞粒、蜜糖腸同埋炸魚皮。入面鹽酥雞最好食！雖然唔係好大粒，但係炸得卜卜脆，夠香。另外炸魚皮都好唔錯，浸一浸落蕃茄湯到再食又更好食😋 …查看更多

呢個舖位轉左手好多次，每次新鋪都做唔長，同埋每次經過都見到入面得好少人，所以經過好多次都冇入去， 今次終於試一試佢 ，發覺唔食真係又走寶。佢個湯係真鮮茄， 唔單止濃郁而且有一片片新鮮嘅蕃茄，並唔係用番茄罐頭，米線係幼身既，唔會煮到淋晒一夾就斷，而且好彈牙，我個人好鍾意食煙韌彈牙嘅米線，覺得好正👍，糖心蛋有酒既香甜但又無咩酒味， 個蛋黃係醃到有味煙煙韌韌嘅口感，好特別好好食，個川味牛就ok 但比較乾， 有啲似啲零食牛肉乾放咗落湯，唔太鍾意， 總括而言，絕對值得再食🤤…查看更多