一碗肉燥 (樂富廣場)

在樂富商場，我找到一間臺式餐廳，名叫一碗肉燥。進入餐廳的那一刻，我被迷人的香氣所吸引，心情也隨之愉悅起來。我決定點一個午市套餐，包括了幾道美味又特別的菜餚。首先是黑醋豬軟骨，這道菜看起來色澤誘人，吃起來脆嫩多汁，而且還有一股淡淡的醋香，讓人回味無窮。接著是鹽酥豆腐，豆腐外酥內嫩，咬下去酥脆的口感和豆腐的柔軟相融合，讓人驚艷不已。再來是肉醋唐生菜，菜葉鮮綠豐潤，配上特製的肉醋醬汁，清爽又開胃。最重要的當然是肉醋飯了，一碗細緻的米飯上自己鋪滿香嫩多汁的肉燥，搭配著醋汁和酸菜配料，入口回味無窮。這碗肉醋飯不僅量足，味道也十分正宗，讓人流連忘返。套餐的最後一道是飲品，我選擇了凍仙草甘茶。冰涼的仙草甘茶消暑解渴，還能幫助舒緩疲勞，真是再適合不過了！…Read More

大家好，今次我去咗呢家店大快朵頤，一句話講晒：呢度嘅菜真係夠曬味！我落單咗一份豬耳配金錢肚，呢個配搭絕對可以話係「經典之作」。豬耳脆口得滯，金錢肚又滑又嫩，仲有陣陣花椒香氣，清新又提胃。搭埋隔離白滑滑的滷水豆腐，食落去真係滑得嚟又惹味，好正啊😋！呀，甜品我地都唔放過嘅，就嚟個朱古力香蕉吐司相撲。外層烤到微脆，裡面嘅吐司綿軟鬆化，蕉片帶來淡淡果香，流心朱古力溶溶地，又香又甜，絕對係甜蜜嘅一擊🍫🍌。係呢，飲品方面，我揀咗杯熱黑糖薑烏龍，未啱啱入秋，天氣開始涼颼颼，呢杯茶啊，一飲之下暖笠笠，黑糖同薑嘅微辣甜香揼埋一齊，暖胃又開胃，啱晒我個口味！總括來講，不論係當正餐定宵夜，呢度嘅小食拼盤同甜品都唔可以錯過！大家下次想嚟個小聚，記得要試吓呢家店嘅滋味喇！👌🏼💯…Read More

星期六見有下午茶入去試吓，叫咗個鹽酥雞飯味道一般，跟餐叫咗杯珍珠奶茶，已經叫咗少冰少甜，上到嚟飲咗一啖甜過飲花奶，問店員係咪少甜佢話係，跟住同佢講話甜到飲唔到叫佢換個杯，佢話冇得換，跟住要求換個杯熱飲諗住冇咁Dry, 都冇得玩，叫佢叫個經理嚟, 要求更換經理都話冇得換, 未試過一間台灣食肆服務咁差最後成杯都冇飲以後都唔會再幫襯…Read More

放工同老公食個晚飯，見呢間未試過就試下囉，套餐又幾抵咁我地點左兩個餐，我個餐等左15分鐘左右送到我都食完啦，老公個餐都未到！最後足足等左30分鐘先到，仲要催單先有！個場根本唔多客，坐左一半位都無，出餐都咁慢，懷疑廚房係咪得一個廚師一腳踢囉而家食晚餐唔係食fine dining呀食物味道尚可，不過不失，無咩特別肉燥偏咸三杯雞唔錯但得三小件雞黑蜜汁燒豬扒幾甜唔錯，但啲肉好似落左鬆肉粉，無晒肉既texture不過應該都唔會再黎食…Read More

星期二晚行過樂富試下，人流少不用等位，order 晚餐辣肉燥豬軟骨+宜蘭蔥餅+熱檸檬薏米水，盛惠$66，上菜快，食物溫度夠熱，價錢合理，味道不錯，後生仔哥哥服務一般。…Read More

突然間想食台灣野，就去屋企附近依間試下試！裝修唔錯，坐得舒服！用左黃色主色，牆上有好多肉燥卡通幾得意😂主食我叫左麻辣手撕雞拌麵🍜又幾惹味喎👍🏻不過略嫌麵既份量有d少！所以另外我再加左個手抓蔥油餅同手拍青瓜！前者略嫌唔夠蔥香味後者就幾好食，加左d青花椒有麻痺感！本身跟餐都有野飲既，但我就加錢轉左杯伯爵豆乳珍珠奶茶，不過不失，伯爵茶味好似唔太出🤔糖就可以另外自己加幾好！總括性價比都ok ge!…Read More

剛買咗個外賣兩個人食，冇諗過台灣菜可以難食到咁…….1）小食餃子同娃娃菜可以有腥味……2) 滷水豬耳係酸架……(我有理由懷疑個滷水豬耳係已經變壞咗，滷水雞翼只得咸同靭）3）個肉燥湯麵個湯係咸到澀味，而個麵條又粗又硬4）鹽酥雞扒肉燥飯以為最正常既嘢食都可以比佢整到個肉燥係咁難食(超咸同勁肥)，剩返嗰塊鹽酥雞扒叫做正常…….5）最後只能夠講個珍珠奶茶同凍檸茶係最正常担白講要劣評再喺度寫食評既呢間餐廳係 第一次…… …Read More

辣肉燥豬軟骨拌麵。這道料理擁有濃郁的辣味和豐富的口感。辣肉燥的肉末和豬軟骨經過炒煮，肉質鮮嫩彈牙，帶有微辣的香氣。拌入麵條中，每一口都能感受到辣椒醬和豬肉的風味。這道拌麵帶來的辣味和美味絕對能夠讓辣食愛好者欲罷不能。麻辣蕃茄肥牛野菜鍋麵。這道料理結合了辣味、酸味和牛肉的鮮美。麻辣湯底中的麻辣辣椒和蕃茄的酸甜交融，帶來一種獨特的風味體驗。肥牛片在湯中快速煮熟，保持了肉質的嫩滑。加入野菜和麵條，每一口都是一種麻辣鮮香的享受。這道鍋麵絕對能夠滿足喜歡挑戰辣度的人的味蕾。…Read More

星期日在樂富找食不易，大多食店到處都多人，這店中午前總是爆滿，原來11:59前落單有八拆。今天叫了三個餐及蚵仔煎都是$180，價錢非常優惠。個人認為，食物賣相不錯，但味道和口感就一般，若正價，回頭指數是零。鹽酥雞扒肉燥飯，雞扒厚厚，都算大塊，味道沒什麼。滷水飯，我選了滷腸及牛肚，滷水味不覺得特別（有些店的滷水令人開胃及好伴飯的），腸的質地太淋，牛肚正常。不過敏銳神經的阿仔話食到內臟臭味。😅還有叫了紅燒牛肉飯，牛肉鹹了點。最失望的是另加的蚵仔煎，切開有四件，每件有一隻蠔。不過整體油膩及過軟淋。只看價錢是抵，但看質素就一般了。…Read More

今日偶然路過樂富，見到又有第二位下午茶半價，就入去試下。2點半入到去可以叫野食了，用QR自己落單。 今日超想飲珍珠奶茶，於是叫了左個小食加凍泡沫珍珠奶茶的餐$32，小食選擇都有好幾個，最後揀了（ 炸花枝丸）。 花枝丸黎到。嘩，勁細粒同份量小，只有2粒份量味道還好，味精唔算多，食完唔太口喝。珍珠奶茶糖水分開上，都幾好自己可以控制甜道。台式奶茶都係偏向奶精重，茶味小，珍珠軟熟度適中，味道可以。第二份餐點了 芋泥肉鬆蛋餅（半份）加 蒜香雙色腸，飲品 :熱檸檬桂花薏米特飲 $34台灣腸食落似臘腸同潤腸味蛋餅上邊個汁辣辣地，蛋同蛋皮分開左的，芋泥都夠多，但我覺得同個汁唔夾。還有蛋餅我還是愛鹹多點。飲品比較淡無乜桂花味道66元未計第二份餐半價日，正價$34加$32（半價$16），合共$50總結:食物質素平平，睇埋價錢又合格。始終平均$25元有得食有得飲，仲有位坐㿈冷氣涼，抵到爛!…Read More

雞扒外脆內嫩好juicy😋，肉燥同小學活力午餐嘅肉醬一樣🤡，打返個勻啦🙏～・・・・・・・・・・・・・・・・・・・・🍛 台式客飯套餐 HK$51.5 (熊貓外賣自取價)・味道：雞扒雖然唔大舊但幾juicy又脆口。不過肉燥就搞唔掂，陣味exactly係小學活力午餐嗰啲肉碎肉醬味-0-🤢但係份量同餸都多嘅，金銀蛋娃娃菜正常，蒜香雙色腸唔夠重味，一般。・口感：雞扒外脆內嫩嘅，飯都飽滿。係個肉燥拖晒後腿TT～・・・・・・・・・・・・・・・・・・・・🤰性價比：中～🤰9衝度：可試～🤰結論：價錢取勝，份量夠足嘅，其實唔係個肉燥拖後腿嘅話，都幾抵食～・・・・・・・・・・・・・・・・・・・・…Read More

同朋友做運動之前，諗住去搵個下午茶食少少嘢，行過見到佢裝修好靚同埋冇乜人，所以就入咗去食。俾佢黃色嘅門面同珍珠奶茶裝飾吸引咗地方好闊落，假日下午茶時間都唔會好多人全部都要黃色做主題，公仔都好得意連張餐枱嘅字都好有特色，啡色嘅公仔好似係滷肉飯朋友叫咗個午餐嘅雞扒滷肉飯，肉醬份量剛剛好，炸雞扒唔會好乾，大塊亦好多汁，跟餐仲有一杯薏米檸檬嘅飲料，有嚼口之餘俾機會我食晒啲薏米另外喺下午茶餐叫咗個芝士雞肉煎蛋餅，唔鍾意沙律醬嘅人提醒要叫侍應更改，下午茶來講份量還可以，但係如果男仔食可能會完全唔夠。仲有兩隻跟下午茶餐嘅鍋貼，新鮮整出嚟好夠熱放落口要小心。因為佢係電子落單，如果咁啱係午餐轉下午茶時間系統可能就要等多一陣，電子下單情況都 簡單，仲要有指定選擇有需要都可以叫侍應幫忙，聽朋友講之前有牛肉湯麵，如果佢係長期餐牌就好…Read More

抵食咁既價錢，正，茶記－個歺都要$70，這𥚃$64又好食，－句正已經足夠交功課😉😉又寧靜，歺廳佈置簡單又靚，服務又好最特別係有－𠆤可愛logo 食飯特別舒服…Read More

突然之間想食台灣嘢本身想去 茶木食 咁啱經過有一間滷肉飯店而且仲要十一點半至十二點落單有八折於是乎 試下呢間嘢呢個時間入去 都冇乜人坐得都算舒服叫咗一個滷肉飯 鹵水拼盤 加 台式奶茶滷肉可以選擇 辣定唔辣最後選擇左辣滷肉同埋糖心蛋都係非常好食仲有佢啲台式酸菜 都係唔錯不過碗飯就真係好細碗呢個台式拼盤我叫咗牛筋同埋豬大腸真係 非常一般個豬大腸非常乾身 鹵水味 完全唔夠而牛筋更加係一啲味道都冇非常淡好失望最後叫咗呢杯奶茶 同茶木嘅奶茶係差唔多感覺都係台式奶粉沖嘅一樣最後8折後，埋單$50.4算係 OK不過正價就真係非常唔值得了…Read More

午餐時候，肚餓想食碗飽填包肚，黎到一碗肉燥，人吾多選了一個較靜位置，要用QR code 落單，order 一份鹽酥雞扒+肉燥飯，包一杯凍檸檬桂花薏米水，雞扒大大件鬆脆，入味，我不需要加任何調味粉。56大元冇加一，抵食。…Read More