一浪。森

之前要去九龍城上堂，係由於午飯時間有限，而且附近冇乜特別餐廳，所以最後選擇咗呢一間Cafe。個 vibe 幾 free，亦都係 animal friendly，不過人手唔太夠，亦都唔算坐得舒服。menu 選擇唔算特別多，最後我叫咗檸檬蜆肉貓耳朵粉，以及一杯少甜嘅抺茶鮮奶。老實講，個貓耳朵粉味道就真係平平無奇同一般，冇任何特別之處，至於杯 matcha latte 即使係少甜都略嫌太甜。埋單好似大約$160，以午餐嚟講唔算平，CP值一般般。…查看更多

之所以會黎呢間café食野嘅原因係有一次搭車搭過龍，跟住係回程嘅巴士站附近發現呢間店😂完全係比呢間店吸引到，當馬路啲車來來往往嘅時間，零舍有一間店嘅環境係截然相反，環境特別chill，裝修都吸引，於是就同男朋友一齊黎拍拖😚🍽️用餐人數：2▪️檸檬冬瓜茶$49呢個茶檸檬味唔係好突出，所以飲落就會比較甜一啲，不過都好好飲▪️蜜瓜荳奶dirty$42飲落味道幾有層次，不過密瓜味唔係好明顯，再出啲應該會再好飲啲😚 ▪️一浪總匯吐司$83📌推薦超級足料！口感都好豐富，最鍾意一個位係有花生醬，到最後忍唔住分拆黎食都唔會覺得寡👍🏻▪️泰冬蔭雞肉吸管義麵$128中規中矩嘅義麵，都算幾好味，酸酸甜甜，反而覺得佢哋可以再多啲啲辣味⭐️⭐️佢哋仲有個好貼心嘅地方，就係佢哋室外嘅位置會放置風扇，如果等位都唔洗咁熱，係超級加分😚…查看更多

踏入呢間餐廳，整個空間都瀰漫住日本嘅木傢俬同埋出面有路營檯，同柔光交織出一種靜謐舒服嘅氣氛。先嚟嘅「一浪總匯吐司」擺盤乾淨利落，吐司邊烘到微焦金黃，帶少少牛油香，配料層次豐富但唔亂，入口鹹香平衡，蛋香同火腿味融得順滑。 主菜「泰冬蔭雞肉吸管義麵」一上枱就嗅到酸辣香氣。冬蔭湯底酸得爽利，辣度溫婉，雞肉嫩滑，吸管麵彈牙吸汁，泰式味卻被調教得柔和，跟餐廳氣氛有種意外嘅契合。每一口都似係在冷靜世界入面有少少刺激，啱晒鐘意層次感嘅人。 最後嘅「Dirty coffee」收得靚。牛奶冰涼，咖啡苦香滲入其中，第一啖係強烈對比，跟住慢慢變滑。啲焦糖香吊出淡淡堅果味，飲落格外順。 整體感覺就係——沉穩又有火花，味覺與空間氛圍嘅平衡點，正正係呢間餐廳最吸引嘅地方。…查看更多

九龍城寵物友善Cafe早排約咗狗友去九龍城嘆吓咖啡食個brunch ，熟悉九龍城嘅朋友應該對呢間Cafe都唔會陌生老闆好好人🥺，即使我哋帶着兩隻狗狗都俾我哋坐喺室內🫶🏼我哋叫咗一浪總匯吐司，外型真係好誇張，雞扒又滑又入味，炒蛋厚得嚟又夠鬆軟，啖啖蛋香。再加埋啲新鮮蔬菜、花生醬同美乃滋，每咬一口都有唔同層次，鹹香、滑蛋、脆菜同微甜花生醬一齊爆發，好邪惡！最癲係個份量，堆到成座山咁高⛰️🙀這是個全日早餐(好豐盛)每一種食材都處理得用心，炒蛋夠滑又香，腸仔和煙肉帶鹹香，蔬菜則能平衡整體味道~至於飲品方面我叫左🍈Melon dirty，主打蜜瓜豆奶配上濃縮咖啡（espresso），蜜瓜的甜香同咖啡味道相當夾，飲落有層次感又清新。這杯dirty不像傳統以牛奶為主，反而豆奶比例高、奶味較淡，主打蜜瓜香氣突出，啱晒想試新口味或者唔太嗜奶的朋友👍🏻…查看更多

本身都唔太鍾意食三文治，lunch hour去到九龍城嗰邊又想快啲搵間餐廳落腳，朋友就話想試吓呢間就果斷入去食。望到個Menu得三文治同意粉，全日早餐，時間緊絀唯有各叫一份三文治同意粉share食。個三文治又幾好味喎，食完仲想繼續食。由於時間太趕，等嘢食等咗三個字先有，叫唔切飲品，唯有下次再試啦⋯⋯周圍幾台客都係叫三文治食😂下次想試埋佢其他三文治同埋咖啡🙂Lunch hour嘅飲品係要散嗌的，價錢都唔平😮…查看更多

大角咀咖啡店 一浪 近日於九龍城開設新分店 一浪。森，空間比本店更寬敞，種滿綠色植物，讓人即使身處繁忙都市，亦能感受戶外的悠閒。新店貫徹寵物友善的理念，全店接近一半為半戶外空間，讓毛孩有足夠的活動範圍，更會貼心提供小零食，盡情享受用餐時光。Coffee Tonic 咖啡的榛果與甜感，配合湯力水的微苦，清爽提神。Wan Land Mori, the latest branch of Wan Land in Kowloon City, is more spacious than the original, filled with lush greenery, letting you enjoy a relaxed outdoor vibe even in the bustling city. As a pet-friendly cafe, nearly half the space is semi-outdoor, providing ample room for your furry friends.…查看更多

今日落大雨 先決定黎食個lunch 因為怕平時多人要排隊 好熱～～有左右兩間舖頭，自由揀位坐，戶外室內都有，幾chill💜食物方面，叫左個總匯吐司🧡🧡🧡🧡有烤雞、炒蛋、沙律藥配花生醬等等，外觀已經好吸引！味道好清但我覺得岩岩好，好健康，做gym既朋友食一流，絕對夠飽又營養另外叫左個黑松露菇菌貓耳朵🩷🩷🩷🩷本人好鍾意食貓耳朵，夠煙靭有口感，一上枱好香黑松露配芝士醉，唯獨不足，上菜不夠熱，如果可以熱返些少，香味應該更濃。再叫左杯橙啡🩵🩵🩵 橙汁有點兒過酸，還好蜜瓜Dirty 💛💛💛 可以，岩鍾意甜咖啡既朋友，好易入口，唔會死甜。整體黎講，值得試下，加上舖頭懷舊日系簡單裝飾，好舒服，可以同朋友聚會、情侶約會既不錯之選。…查看更多

一浪。森🌴 城市𥚃的綠洲試新嘢環境一流，雖然佢係交通繁忙嘅馬路旁，不過路旁有好多自己種嘅植物🌴半户外嘅坐位好舒服，好適合啲相坐outdoor但係又唔想太曬嘅朋友😊#TodaysCoffee #一浪冰搖咖啡 一浪總匯吐司 $83熱拿鐵 $39這個是全日早餐 $118冰美式咖啡 $39半熟蛋蛋吐司 $75一浪冰搖咖啡 $58飲品味道❤️❤️❤️❤️食品味道❤️❤️❤️❤️❤️ 環境裝修❤️❤️❤️❤️ 寵物友善❤️❤️❤️❤️❤️工作友善❤️❤️❤️❤️❤️ 有🔌#CoffeeLover #Cafe #咩都試吓…查看更多

奴才同我無心插柳毫無計劃咁同朋友仔突然嚟咗 wanland 一浪喺 📍九龍城嘅新分店🆕。位位奴才都大讚呢度嘅飲品非常之有特色，天氣又熱，每人至少encore咗一杯💯。─ · ─ · ─ · ─ · ─🍹推薦嘅飲品包括：🦖用濃縮咖啡為基底再致敬美祿恐龍嘅「咖啡恐龍」。🍍唔愛奶啡嘅朋友仔叫咗「鳳梨咖啡」同🍎「富士山蘋果啡」，一致認為蘋果啡最好飲，酸酸甜甜夾埋帶有果香又唔苦澀嘅咖啡，真係好夾。─ · ─ · ─ · ─ · ─🍽️食物方便試咗店家嘅自信之作🥚「半熟蛋三文治」、想食飯嘅人類就叫咗🌶️「青花椒麻肉醬飯」，白飯竟然可以refill🍚！原來因為舖頭鄰近九龍城區，店家所以想創作帶有🇹🇭泰式風味嘅單品。嗜辣嘅人類仲試埋「冬陰功雞肉意粉」🍝，呢個嘅意粉用上比較少見嘅單管意粉，味道冇飯咁辣，適合夏天冇乜胃口嘅時候食。─ · ─ · ─ · ─ · ─第一次嚟呢度發覺舖頭位置好隱密自成一角門前仲有少量空位可以俾小毛孩多多走動🐾，確實係唔錯，只係適逢木棉花花落期間棉花飛絮💨，對鼻敏感人士確實唔係太舒服🤧。但係其他所有嘢都好好，職員同顧客對毛孩都好友善🩷，仲巧遇上明星網友，絕對可以二訪哦💫。⬇️ expand to read in English ︵‿︵‿︵‿︵‿︵Without any plans, my hooman and I, along with our friend Chamber spontaneously ended up at Store No. 2 of Wanland in 📍Kowloon City. Everyone raved about the drinks with each of us hoomans ordering at least one encore round💯. ─ · ─ · ─ · ─ · ─🍹Drinks we tried and made it to our list of recommendations include, 🦖Coffee Dinosaur – A tribute to the classic Milo Dinosaur, but with an espresso base for a richer kick!🍍’Luna Luna’ (Pineapple Coffee) & 🍎Mt. Fuji Apple Coffee – For those who prefer diary free options, the Apple Coffee stole the show, a perfect balance of sweet and tangy fruitiness, blending beautifully with the coffee’s smooth, non-bitter profile. ─ · ─ · ─ · ─ · ─🍽️ Food Highlights:🥚 Soft-Boiled Egg Sandwich – A house specialty that caught our attention.🌶️ Green Sichuan Pepper Minced Meat Rice – Surprisingly, rice refills are available🍚! Since the café is near Kowloon City, they wanted to introduce 🇹🇭Thai-inspired flavors to their menu.🍝 Tom Yum Chicken Pasta – Made with a rare type of pasta strozzapreti, offering a milder spice level than the rice, making it a great option for hot summer days when appetite is lower.─ · ─ · ─ · ─ · ─The café is tucked away in a hidden corner, creating a cozy, private atmosphere. There’s even a small outdoor space for furry friends to roam freely🐾! The only downside? 💨Cotton tree fluff was floating everywhere due to the season, which might be uncomfortable for those with allergies🤧.─ · ─ · ─ · ─ · ─Overall, the staff and customers were incredibly friendly to doggies 🩷 and we even ran into an influencer — definitely worth a second visit💫! …查看更多