一橋拉麵 (荃新天地)

二人餐失望之選放工突然好想食拉麵，見到新開張，抱住試新嘢嘅心態，我哋喺荃新天地試咗一橋拉麵嘅二人餐（$138），結果幾失望。🍜 招牌豚骨叉燒拉麵：湯底唔夠濃郁，叉燒冇咩味，冇蛋已經扣分，拉麵亦唔夠彈牙，整體冇驚喜。🌶️ 海老濃湯叉燒拉麵：味道偏辣，但餐牌完全冇標示，對唔食辣嘅人嚟講真係唔太友善。配菜小食都係一般，冇特別。以差唔多價錢，荃新天地另一間拉麵明顯好食好多。整體食物質素非常一般，唔會再回頭。…查看更多

荃新天地新開張的「一橋拉麵」，最近推出堂食自選二人餐，性價比極高。套餐包括兩款麵食、一款燒賣、一款小食及兩杯飲品，份量十足，適合朋友或情侶共享。首先是招牌豚骨叉燒拉麵，湯底濃郁香滑，叉燒肥瘦相間，入口即化，拉麵彈牙，令人回味；另一款特製日本咖哩免治牛肉油麵則充滿驚喜，咖哩香氣撲鼻，牛肉碎鮮嫩入味，油麵吸盡醬汁，撈埋滑溜糖心蛋，口感豐富。中華燒賣Combo包括海老豚肉、醬油糯米及麻辣豚肉三款，各具特色。海老豚肉鮮甜爽口，糯米燒賣鹹香飽滿，麻辣豚肉則微辣惹味，令人一試難忘。小食方面，胡麻豆腐清新滑溜，配上香濃芝麻醬，味道平衡。飲品選了Zero和新品菠蘿味波子汽水，甜中帶酸，清爽解膩。另外店員推介新出品上湯小籠包亦是亮點，皮薄湯多，肉餡鮮美，令人一口接一口。總結，餐廳食物即叫即做，味道出色，而且價格相宜，是荃灣區近期不可錯過的美食新選擇。…查看更多

近排見到屋企樓下新開咗一間好抵食嘅拉麵 所以今日就同媽咪去試吓 我哋就叫咗兩款新出嘅拉麵沖繩風辣肉醬豚骨湯拉麵媽咪鍾意食辣就叫咗呢個辣肉醬拉麵 初初問佢辣唔辣嘅時候 佢話唔係好辣 但係後勁好勁 而且佢辣得好惹味鍾意食辣嘅人可以挑戰一下特製日本咖喱免治牛肉油麵(大盛)我鍾意食撈麵 而且問過店員咖喱係唔辣嘅 所以我就食咗呢個啦 我見到佢本身嘅油麵係要撈香醋同埋香油 但係呢款店員話唔使加哩啲調味料 不過如果鍾意食酸啲都可以加啲醋落去另外小食我哋就嗌咗三款小食 分別係和風豬軟骨 胡麻櫻花蝦秋葵同胡麻豆腐 喺呢三個小食入邊 我最推介嘅係胡麻豆腐 $20就有大大嚿嘅豆腐 而且好重豆味添最後食完嘅時候 而家做緊個推廣活動 可以投票邊一款新嘅拉麵好食啲 投完票之後就有張下次惠顧可以換枝豆嘅優惠券…查看更多

🇭🇰荃灣平價高質日式拉麵🍜海老濃湯叉燒拉麵 $59這碗拉麵的湯底是風味海老湯，充滿濃郁的蝦油精華。自家製作的日式幼拉麵搭配叉燒，叉燒的色澤誘人，外層微焦，散發著香氣四溢的醬汁。溏心蛋、味筍和海苔的搭配，使整碗拉麵更加豐富，口感層次分明，讓人滿足。🍜沖繩風辣肉醬油麵 $49這款沒有湯的油麵，特別適合喜歡重口味的食客。先撈隻溫泉蛋落油麵，再拌勻食用，辛辣的口感與小小的麻味相互交融，讓人驚喜不已。中華燒賣Combo $19自家包製的燒賣即叫即蒸，口感鮮嫩，包含海老豚肉、麻辣豚肉和醬油糯米豚肉，讓人一口接一口，絕對是小食愛好者的最愛。⬜️胡麻豆腐 $19這道胡麻豆腐滑嫩可口，搭配香濃的芝麻醬，口感清新，十分適合在用餐時享用，能有效平衡口味。🥤無糖可口可樂 $8🥤波子汽水（原味） $15最近他們重搞緊投票活動！6月19日前投出嘅顧客心水推介就可以享有7折優惠，投完票後還會有張枝豆兌換券下次使用，十分划算！⚠️加一服務費📍一橋拉麵 (荃灣)荃灣楊屋道1號荃新天地地下G60,G62及G79號舖…查看更多

近排荃灣開返多幾間唔同款式嘅餐廳。有豉油王西餐、丼飯….. 依間一橋拉麵就喺荃新天地，即係M&S、5GUYS 嗰個商場。G/F對住內園，門面裝修都好醒神。座位唔係好多，全部都係吧枱對住開放式廚房。鋪面乾淨企理，廚房井井有條。見到一個大師傅帶住幾個後生仔，全部都有板有眼。街坊拉麵，唔複雜。上好嘅湯底，穩定嘅拉麵供應商，加三兩個撚手小食，咁就搞掂。辛辣乾撈麵，溫柔得來辣得好過癮，都真係幾辣。加果醋、香油，呢啲天氣去濕就最啱。配料亦都好豐盛。有溫泉蛋日式叉燒。海佬濃湯叉燒麵，湯底濃郁嘅海鮮蝦嘅鮮味。濃濃咁掛喺麵上。淡淡香濃。香滑牛頰肉，炆得好腍好入味，牛肉味亦都濃，肥瘦均勻。推介。中華燒賣Combo ，三個口味都唔錯。所有嘅嘢都滿意。會繼續幫襯。…查看更多

今次同肥肥去食全港性價比最高拉麵店 \一橋拉麵/，唔洗$50港紙就食到日式油麵，今期仲推出美食擂台「咖喱の甘美 VS 辛辣の刺激」！可以投票選出你最愛的口味，每位參與投票的顧客，更可獲得「枝豆小食優惠券」乙張。🥘 特製日本咖喱免治牛肉油麵（大盛）$49.9肥肥就喜歡呢款油麵，咖哩味道唔會好搶，每啖都食到淡淡咖喱香，超惹味！加咗油同醋之後油膩感減少咗，更開胃！🌶️ 沖繩風辣肉醬油麵($49.9)而無辣不歡的 👧🏽 就喜歡特調中辛辣口感油麵，辣度後勁好強 🥵 愈食愈過癮。喜歡挑戰味蕾的朋友仔絕對要試！\中華燒賣 Combo/ $19.9，原味豚肉入口鮮味帶點胡椒香；糯米燒賣內有肉絲，煙煙韌韌有咬口；仲有一款香辣燒賣。\香滑牛頰肉/ $28.9 入口軟腍，牛味濃，有種中式牛肉風味。\ 胡麻豆腐/ $19.9 食咁多油膩野，食件豆腐解下膩。…查看更多

Weekend行過荃灣荃新天地見到新開拉麵店一橋，都唔少人排隊，價錢都十分平民，仲好高質，絕對對得起個價錢，原來係好多地方都有分店，店員都好有禮貌好專業🥰✨海老濃湯叉燒拉麵🦐 $59.90呢款好受歡迎，見到好多張臺都都叫，配料有叉燒3片、溏心蛋、味筍、海苔2片、京蔥絲、木耳絲，最重要係個湯底，以大量新鮮海蝦，加入豬骨及老雞熬製八小時而成，充滿香濃鮮蝦味🤤✨招牌豚骨叉燒拉麵 $59.90/大盛配料同海老濃湯差唔多，大盛會多一塊叉燒同溏心蛋，湯底采用秘製豚骨，面幼身，以日本麵粉自家製作3mm麵條，食落彈牙又充滿湯汁😍✨中華燒賣Combo $19.90拉麵店有燒賣食，好特別，叫左個Combo來試下，有齊3種口味，海老豚肉、麻辣豚肉、醬油糯米，即叫即蒸，麻辣豚肉好惹味，最喜歡海老豚肉，彈牙香口🤤✨胡麻豆腐 $19.90嫩滑的豆腐配上百搭胡麻汁，上面鋪滿木魚花同蔥花，好開胃，可以為拉麵解膩🤪…查看更多

今日同朋友去咗荃灣「🍜一橋拉麵」試水溫，真心有驚喜！我哋叫咗🍜大盛豚骨叉燒拉麵同🍜海老濃湯叉燒拉麵，兩款湯底都正到爆！豚骨湯濃 郁得嚟唔膩，蝦味係有，鮮甜又未到！叉燒厚薄適中，軟淋入味，麵質又爽彈，完全對得住個價錢～👍🏻👍🏻👍🏻🔖小食都唔輸蝕，配咗個海老豚肉燒賣同🍤胡麻櫻花蝦秋葵，日本拉麵配中華燒賣，配搭抵讚！服務方面，雖然忙但人手足夠，店員手腳快又有禮貌，地方仲keep得好乾淨，冇油淋淋感覺。 總括嚟講，呢個價錢食到咁嘅質素，真係好難得！美中不足係舖細要等位，建議避開繁忙時間去。一定會再encore，下次想試埋佢哋嘅辛辣款！荃灣友👩🏻‍🤝‍👨🏼不妨mark低呢間，性價比之王！…查看更多

近月，荃新天地一期開了幾間新店，今天經過不用排隊，即管試吓啦！自助入單，先付款、後享用，現在沒有手機真的不行了。選了店舖招牌拉麵 — 招牌豚骨叉燒拉麵，選了大盛，$59.9，含薄薄叉燒三片、糖心蛋、紫菜、筍、木耳；拉麵是非常幼身的，湯底並不濃郁，普普通通，叉燒沒有味道，只有糖心蛋較為出色，幾好味，其他真的非常一般。細碗那款$49.9，兩片叉燒，沒有糖心蛋。還會試多一次呢度嘅海老濃湯叉燒拉麵，希望有驚喜啦😅…查看更多

最近見到 呢間拉麵店突然開咗好多分店又唔貴 決定夜晚試試餐廳環境 依照傳統日式拉麵枱上有不同的調味料 食客按照自己口味調配海老濃湯叉燒拉麵 （$59.90 再加一）拉麵有叉燒3片、溏心蛋1隻、竹筍、 海苔2塊、 蔥絲 、 木耳絲一上台 就聞到好香蝦湯味 而且 一陣陣熱煙 自己與友人點了同一個口味 但上枱的時間不同相信應該係一碗一碗熱辣辣煮起蝦湯 香濃而唔油膩 飲完唔會覺得口渴 麵粉幼細 軟滑 唔係食開硬身個種會係滑入喉嚨個種 口感不錯的！ 亦十分掛湯 不過配料擺盤就好明顯比較隨心 小編自己個碗 配料 甚至兩邊溏心蛋全部沉曬落湯到有少少影響觀感而拎左友人的 拍照溏心蛋入味 其他配料味道正常 但唔算多總結：價錢： $6x 一碗拉麵 唔貴女士應該夠飽的 但同行的男性友人就好似唔太夠 見另一男性都點了拉麵+燒賣 （不過店舖的小食亦十分便宜） 味道： 經過見另一分店的擺盤有心思 配料亦十分多 相信可能因連鎖店 員工手勢有啲參差 但拉麵係好食的環境： 入店鋪有員工用日語講歡迎 亦播放日本歌曲 裝璜別致 調味紙巾水亦歡迎自己拎 …查看更多

今日行過荃新天地，見到呢間好似新開「一橋拉麵」，拉麵配燒賣combo幾有趣，就入去試吓，睇下有咩特別。🥢招牌大盛豚骨叉燒拉麵（大盛） $59.9拉麵賣相OK，叉燒鋪滿碗面，份量夠足。麵條彈牙，唔會過腍，但湯底偏淡，無想像中濃郁，同一般豚骨湯底有啲落差。如果鍾意重口味嘅朋友，可能會覺得唔夠香濃。🥟中華燒賣Combo $19.9燒賣唔係平時港式飲茶嗰種，反而係比較日式風味，每碟有三粒，而且款式幾特別：海老豚肉燒賣：蝦肉味幾突出，配豚肉有鮮味，彈牙不柴。麻辣豚肉燒賣：微辣帶香，辣度溫和，唔會太刺激，幾有層次感。醬油糯米豚肉燒賣：有啲似糯米雞口感，鹹香醬油味配糯米幾特別，啱鍾意糯米嘅朋友。整體燒賣比預期有驚喜，唔係傳統中式，反而有少少日式風格。呢個Combo都幾抵食，仲要有三種口味，幾過癮。⚠️ 小貼士：要加一服務費，要先用qr code落單同畀錢。📍一橋拉麵楊屋道1號荃新天地地下G60,G62及G79號舖…查看更多

前幾日我寶寶行過見到新開張又有咁多人排隊有點好奇，約我來試試:)👆（當日情況）今日星期日假期，我大約11:45到。當時入面得小貓三四隻.到我寶寶來到用QR落單，點知要馬上用電話付款（我們無點用微信支付寶等）後來個店員哥哥幫我們落單點菜，我們點咗一個油麵（撈麵）和期間限定海佬濃湯拉麵（寶寶點）寶寶嘅拉麵到咗先，個拉麵好軟身湯叫做正常唔算出色，之後到我油麵食之前可以加少少香油和醋，加上温泉蛋撈起食比拉麵好食好多，而且網上評論都話油麵比較好食有一點大家要留意店舖係唔收現金只能電子支付味道：⭐️⭐️⭐️（拉麵扣分）環境：⭐️⭐️⭐️⭐️（ok）服務：⭐️⭐️⭐️（店員幾有禮貌，可惜係付款方面唔夠方便扣分）衞生：⭐️⭐️⭐️⭐️（點講都係新舖）抵食：⭐️⭐️⭐️⭐️（價錢ok，份量正常）…查看更多

新舖開張， 很多人排隊， 款式都足夠但麵質很普通， 湯底也不濃和鄰近的拉麵店相比，賣點只有平一碗拉麵在60元之內小食方面，有很多一般日式拉麵店沒有的選擇， 例如中式燒賣和秋葵點了 招牌大盛豚骨拉麵 麵條的份量其實很少， 叉燒很薄而且比較硬， 香味欠奉 配料方面只有兩邊紫菜我一隻味蛋， 辣度等級一的話也已經十分辣。同行朋友點了期間限定的海老濃湯， 湯底還可， 大和附近一幻拉麵的龍蝦湯底還有一定的距離。 舊配料不太充足， 只有三片薄薄的叉燒 紫菜 和味蛋總括而言 感覺像是定位做平價拉麵的舖頭…查看更多