一尚廚房

尋晚同老婆朋友一行五人揾飯食，行過呢間就入去試下，叫左五個菜，香辣蝦，海星班兩味，水煮八珍，缽酒焗蠔，咕嚕肉。本來想叫乳鴿，但伙記話賣哂。咕噜肉熱辣辣食都可以，凍左就差啲，我就麻麻地，不過老婆話OK。香辣蝦、缽酒焗蠔同海星班炒球有驚喜，香辣蝦炒得夠惹味，有大排檔feel，最意外佢仲有十幾隻，$168抵！缽洒焗蠔啲蠔就吾係大隻，吾似桶蠔，問老闆，佢話係日本蠔。啲蠔吾大隻但好有蠔味。掛住食，相都冇影。海星班炒球夠新鮮，好味，比個讚，不過個頭骨腩就淡啲。水煮八珍足料，湯底夠香。埋單人均吾洗兩舊，抵食。…查看更多

第一次幫襯， 我哋一行6個人，初初以為要分開坐，原來佢哋可以6個一枱， 仲要可以坐到12點。 叫咗個水煮海星斑（ 海星斑塊 食得出非常新鮮， 食落口唔會 ※梅※散）， 麻辣雞煲（ 雞煲出嚟熱辣辣，夠麻夠香）， 京都一字骨（ 排骨咬落有汁， 唔會 柴皮咁樣， 酸酸甜甜， 非常開胃）， 脆炸海星斑塊( 好啱我細路食， 大大碟 ，跟粟米汁同西檸汁）， 豉油皇鵝腸， 西蘭花帶子。 大人可以飲啤酒， 小朋友飲汽水， 埋單都唔使千二蚊。 老公同小朋友都話放假要再嚟食。…查看更多

食物質素普通。普遍都係偏鹹，啲肉質又係好老，與一般大排檔無異。黃金魚皮與一般雲吞麵檔冇分別。炸大腸好乾。蜜椒薯仔牛柳粒啲牛肉好嚡。水煮魚叫做OK。辣子雞啲肉好少都叫做食得下。另外仲叫咗九肚魚，椒鹽豆腐同埋排骨，都係一般。最好可能係個清炒白菜仔。另外由於六月嘅promotion,所以藍妹啤酒每枱有四支免費。但係呢一度嘅特色就係好多元朗大叔會嚟呢一度食飯，飲飲下酒，然之後猜枚輸咗會掟杯，整到你成身都濕晒。除非你係元朗鄉紳，否則冇乜事都唔好嚟。…查看更多