一喜車仔麵

营业中

休息中

帶台灣朋友覓食的話，最地道的選擇除飲茶、茶餐廳及大排檔，仲有就係車仔麵。重慶大廈隔離的「慶方」商場裡面，沿電梯落至地庫轉右再直行到盡頭處，就會見到呢間店嘅古董車仔麵車擺設。店內採用港式大排檔風格裝修，木桌木椅好有懷舊風格，啱晒旅客嚟打卡。呢度除咗有車仔麵，仲有好多小食，選擇極豐富，價錢亦抵食！尊貴10寶麵 $69好多餸樣樣都想試嘅人就一定要點呢碗10寶麵。內有入口軟淋的牛腩、真係一咬開啲汁就會唧晒出嚟嘅瀨尿牛筋丸、醃得好入味嘅瑞士汁雞翼同翼尖、仲有坊間少見的魷魚丸，成分幾乎全是魷魚造成；還有豬紅、豬皮、蘿蔔、紅腸及時菜。牛腩汁味道適中，如果再濃味一點就更好食；油麵質地彈牙，與配料搭配得宜。無得輸飯 $79呢個飯樣樣餸都好食，真係無得輸。有煎到好香口的午餐肉、外脆內嫩的芝士腸，以及肉質厚實的蔥油豬扒和雞扒，搭配蔥油拌飯，正！必食厚叉燒(例牌) $78半肥瘦叉燒，肥肉爽口，瘦肉軟嫩，蜜汁調味平衡。炸韭菜餃(6隻) $30細細粒的韭菜餃皮薄餡足，炸至金黃酥脆，蘸泰式甜辣醬更添風味。汕尾小米粿8粒(豬肉粉粿) $30潮汕有名的小食，真係好有家鄉嘅味道。外皮以蕃薯粉搓成，軟糯煙靭，包住以五花腩及

餐廳位於尖沙咀重慶大廈旁「慶方」商場地庫，位置實在太方便，扶手電梯落一層行前小小，就見到搶眼的門面設計與門口擺放的模型車仔麵檔，一眼就能認出。已經黎過好多次，招牌菜都食雲，今次試試他們的飯類同自選車仔麵。🍛沙嗲牛腩飯沙嗲醬濃郁，鹹香中帶點微甜，質地濃稠，配飯一流。牛腩燉煮得相當軟稔入味，筋膜部位帶著膠質，瘦肉部分則絲絲分明。🍜自選車仔麵這次選了咖喱汁配淮山麵, 不得不讚「一喜」的咖喱汁，係正宗港式帶點辛香風，香氣撲鼻，惹味但不油膩。淮山麵有嚼勁又帶點滑溜感，配咖喱一流。🐟咖喱魚蛋 超推薦! 魚蛋大大粒，彈牙感十足。有濃郁的魚鮮味，原來係「低澱粉高魚肉量」，絕對感受到真材實料。🥕蘿蔔蘿蔔燜煮得極為通透，清甜多汁無渣。🐤瑞士汁雞翼瑞士汁香甜入味，肉質嫩滑多汁。🥟鴛鴦餃一次過食到韭菜餃同菜肉餃。韭菜餃菜香滿盈，菜肉餃則鮮味突出，皮薄餡足。🥤自家制石斛竹蔗茅根水清甜滋潤🌟餐廳位處黃金地段，地點超級方便，而且價錢經濟，如果要食港式味道一定要食呢間。

響尖沙咀iSquare買完嘢響附近搵嘢食，搵搵吓見到呢間車仔麵好似幾正😋🔸清湯浸蘿蔔食車仔麵最鍾意食蘿蔔，清甜夠腍無渣👍🏻🔸炸韭菜餃🥟金黃酥脆嘅韭菜餃好飽滿，豬肉加韭菜炸得好香口，配泰式甜辣醬是必需的！🔸咖喱四寶🥘地道嘅咖喱四寶中有魚蛋、魷魚、牛腩、牛栢葉，咖喱醬好香！魚蛋彈牙、魷魚爽口、牛栢葉吸滿咖喱汁😍 牛腩炆得入味，份量十足～🔸爆汁瀨尿牛筋丸·汕尾馬鮫豬肉丸·豬手·酸齋·黃金雞湯米粉🍜黃金雞湯好濃郁🤩 配米粉值得一試～一定要食特級瀨尿牛筋丸！😍 要原粒放入口食先感受到點爆汁法🤣汕尾馬鮫豬肉丸幾特別，係較少有嘅選擇～豬手有兩大嚿炆得夠腍👍🏻🔸生炸雞扒·豬大腸·豬皮·沙嗲汁粗麵生炸雞扒即叫即炸雞肉仲嫩～ 豬大腸處理得乾淨又有嚼勁。豬皮吸晒沙嗲湯精華，配埋粗麵真係風味十足！🔸瑞士汁雞翼最後見隔離枱食瑞士汁雞翼好吸引又叫埋🤣瑞士汁甜甜地，好味到輕鬆食咗三隻🫣餐廳響慶方入面，iSquare對出大馬路方向直望就係慶方～落到地庫直行到尾轉右就見到車仔麵檔，好易搵👍🏻相比起一般嘅車仔麵檔，呢度餸嘅款式特別多之餘，連小食都好多款。樣樣都想食，要出動大胃王男友清桌🤣🐾貓奴足跡🐾🌐一喜車仔麵 (尖沙咀

估唔到重慶大廈隔離有一個幾靚仔嘅地底商場，裏面有一間好地道嘅香港式車仔麵店。未入店，先見到一個好吸晴的舊式車仔麵車仔。入到去採用港式大排檔風格裝修，好有懷舊風格。尊貴10寶麵啱晒我呢啲唔鍾意諗啲咩餸嘅人，但樣樣都想試嘅人點。內有牛腩，瀨尿牛筋丸，瑞士汁雞翼，翼尖，魷魚丸，豬紅，豬皮，蘿蔔，紅腸，時菜（通菜）。餐廳超大方每粒丸都有兩粒，出面好少有車仔麵店比咁多料，成碗滿晒，料多過麵，超少有。想健康嘅朋友可以配上淮山麵。上湯鴛鴦餃(3韭,4菜肉）皮薄餡靚，唔會過大嚿，叫來送車仔麵加菜，剛剛好。炸韭菜餃(6隻)又係鄙薄餡，靚炸到金黃色食落外脆內軟口感非常正葱油孖寶飯 (雞扒+豬扒)雞扒非常嫩身，外脆內軟。豬扒好脆。蔥油撈飯超好味。紫菜4寶淨餸 (黃金雞湯)餐廳秘製黃金雞湯，黃金湯飲落有濃濃的雞味，亦有忌廉湯味，估唔到咁好飲，出面飲唔到呢種雞湯味道。內有瀨尿牛筋丸, 汕尾馬鮫豬肉丸, 有魷魚的魷魚丸,汕尾小米粿。每粒丸都有兩粒非常多料。菜芯 （牛腩汁）菜心非常爽甜加埋牛腩汁冇得頂。餐廳自製辣椒醬使用龍蝦肉、瑤柱、XO醬做成。食到辣嘅朋友記得買非常之辣，有點似桂林辣椒醬的味道。豆漿同竹蔗茅根都係

《一喜車仔麵の食評》 by@ihungry.hk土瓜灣嘅食客一定好熟悉呢間車仔麵店——一喜車仔麵🥰！無論任何時間都會見到有人企排隊，大家都係為咗佢哋高質兼充滿人情味嘅美食而來！ 湯底都係用上等材料慢火熬製，大部分配料仲要係自家製作，傳統手工丸及餃子絕對係超高質👍！🔸『牛寶寶 - $60』牛寶寶包括牛腩、瀨尿牛筋丸、肥牛、牛柏葉，可以盡情享受多種牛肉口感，仲可以細味濃郁牛湯嘅鮮味！🔸『自選車仔麵 - $68』自選車仔麵有多達20配料選擇小編特別推薦手打丸類，如芥末貢丸及魷魚炸丸，超彈牙超新鮮超Juicy，而湯底方面，小編特別推薦秘製雞湯🐥，湯底清甜到好似將一整隻雞嘅精華煮出嚟！🔸『咖哩三寶 - $35』咖哩三寶包括魚旦、魷魚及牛柏葉，咖哩的香氣與同呢三種食材的豐富度完美結合，令你在咬下第一口時就可以感受到濃郁咖哩香味！🔸『生菜魚肉 - $30』湯底口感清爽鮮甜，簡單卻不失風味，魚肉嫩滑與生菜清脆完美搭配，超好味！ 🌟🔸『新鮮爽滑魚皮 - $39』魚皮爽脆可口，搭配重口味調味料，讓你欲罷不能！ 魚皮爽脆口感加上調味料風味，讓你一次又一次地回味無窮，非常適合喜愛魚皮嘅朋友仔😋！🤪iHungr

尖沙咀重慶大廈旁的道地車仔麵，估唔到起遊客區都咁正宗抵食‼️🔻豪華九寶麵💰59超級豐富的車仔麵！有牛腩、特級瀨尿牛筋丸瑞士汁雞翼、魷魚丸、豬紅、豬皮、蘿蔔、紅腸、時菜，特別鍾意豬皮同瑞士雞翼，超入味😍蘿蔔都冇渣，推薦可以加自制辣椒油同菜圃～🔻尊貴十寶麵💰69 🌟比九寶麵多了鹵水雞翼尖，個人覺得非常值得一試，好入味！鹵水汁和香，加多$10有大概6-7個雞翼尖😋🔻咖哩四寶💰59四寶有魚蛋、魷魚、牛腩、牛百葉，秘製咖哩汁濃味得黎唔辣🌶️魚蛋似潮州炸魚蛋，大大粒、魷魚彈牙、牛腩軟嫩、牛百葉索汁脆爽！送飯神器～🔻生菜魚肉 💰30魚肉打得綿密，生菜新鮮脆綠，懷舊街頭風滿分💯 如果份量再多會更好～🔻涼拌爽滑魚皮 💰39 🌟是日MVP～魚皮口感超脆彈！拌上大量麻油同芝麻，香蔥同辣椒，底下鋪上生菜，醒胃到食唔停口🔥 🔻自家製石斛竹蔗茅根水 💰10石斛草本味突出🌿 蔗茅清甜中和燥熱，飲完成個喉嚨好舒服～

食店地點優越，位處九龍中心位置，又鄰近地鐵站，交通便利，在重慶大廈旁便能找到慶方商場，一進地庫行幾步路便到達此店，食品種類多元化，人山人海，性價比高，經過一喜車仔麵便入內品嘗涼拌爽滑魚皮 $39魚皮爽脆嫩滑，加配生菜，另爽口的食感進一步提升特級瀨尿牛筋丸6粒 $36牛筋丸大小合適，容易吞食，牛筋丸一口咬下，即時爆汁，另人不能停口炸韭菜餃 (6隻) $30韭菜餃表皮炸至金黃色，酥脆香口，配上充料的韭菜，每粒炸餃看起來都十分脹卜卜，視覺及嗅覺都另人享受咖喱三寶 (魚蛋，魷魚，牛栢葉) $45咖喱汁入味，完全滲入食材內，經典的食材配搭食到不能停口香辣單骨雞中翼 $35雞中翼炸得香口無比，加上單骨設計。更方便食客食用，十分窩心豬寶寶 (豬紅，豬皮，豬大腸) $55食材處理得宜，豬紅，豬皮清爽為主，豬大腸入味又夠綿，加配麵底及飲品，另人滿足手工奶茶奶茶重奶香味又絲滑，加上微甜，原完符合港式口味，必試之選一喜車仔麵彌敦道36-44號重慶大廈heath慶方地庫S19-21號舖

本地人第一次入去食支持香港小店，換來嘅係一肚火，叫碟叉燒燒肉飯，足足等咗半個鐘，三番四次問staff幾耐到，個個staff無視你繼續送其他餐去其他枱，頂唔順去退錢，個店長仲喺度話啲大陸人打尖為理由，塞啲垃圾滿$100減$10現金卷，請咁多Staff返嚟又唔搵一個控制人流全部塞晒喺出餐都唔知做乜！？仲同我哋講做到頭暈！試問有邊間餐廳未做過繁忙時段，唔想未食就一肚火千祈唔好入去試，後果自負！

車仔麵愛好者注意！尖沙咀重慶大廈地庫藏住間「一喜車仔麵」，由湯底到配料都係自家製。今次試齊人氣款，每樣都睇到師傅功夫，同街坊分享下食後感～ 厚叉燒 (半份)慢煮處理嘅半肥瘦，邊位燶香得嚟唔苦。肉質鬆化得嚟有咬口，凍咗都唔會硬，蜜汁甜度啱啱好。 手打燒賣 (10粒)用新鮮魚肉每日打製，食到微微魚香同彈牙感。皮薄得嚟蒸完唔爛，點少少喼汁更能提鮮。 即炸魚皮睇住師傅即炸！金黃色脆身唔油膩，可當小食「咔哧」脆咬，亦可以浸湯三秒變半軟，索汁力一流。 10B餐 (瑞士雞翼＋芝士腸＋油麵▫️瑞士雞翼：滷到深啡色，肉一吮離骨 ▫️芝士腸：咬開爆流心芝士餡 ▫️油麵：吸透甜滷汁，簡單但夠經典 自選車仔麵心水配搭▫️紅腸：厚切無罐頭味，邊位煎香脆口 ▫️咖喱魚蛋：微辛唔嗆喉，彈牙唔粉 ▫️瀨尿牛筋丸：咬開爆肉汁，牛筋粒增加嚼勁 ▫️生炸雞扒：即炸雞皮脆如餅乾，肉嫩滑多汁 ✨湯底揀 **咖喱汁×麻辣汁**：咖喱溫和帶香料香，麻辣後勁慢慢滲，混合後層次豐富唔搶味。 銀花雞骨草飲落清甜冇草青味 食完濃味飲解膩一流。 欣賞佢哋堅持手工製作：叉燒自己燒、魚皮即炸、涼茶真材實料。自選配料組合夠彈性，揀啱湯

尖嘴重慶大廈隔離有個慶方商場落地庫有勁多餐廳仔 商場新裝修都好乾淨企理，轉落去行入啲有間食車仔麵 款式勁多 又咁啱呢頭得好多米線舖但冇車仔麵食🍜！自選車仔麵 麵底必揀油麵($12) 餸素食推介好甜的蘿蔔($13)同爆甜的冬菇($13)，丸類選擇都好多 鍾意有魷魚的炸魷魚丸($15)🦑、深海粒粒墨魚丸($15)🐙同秘制特級瀨尿牛筋丸($15) 仲有咖喱魷魚($20)都唔錯～另外小食試咗好耐冇食的瑞士汁雞中翼($30/4隻)、份量都唔算細嘅生菜魚肉($30)🥬👍🏻

下班後來到重慶大廈地庫閒逛，發現一港式車仔麵以傳承香港車仔麵文化為理念，堅持每日新鮮熬製湯底食材自家製作，力求呈現最地道的港式風味及情懷餐廳環境明亮，座位舒適，與傳統車仔麵檔的狹窄不同厚切叉燒加燒肉粗麵配辣咖喱汁及招牌黄金雞湯最令人驚艷牛寶寶油麵走湯撈，麵條爽滑，辣咖喱汁香辣撲鼻生炸潮汕三寶（馬鮫豬肉丸、墨魚丸、魷魚丸）彈牙鮮美咖喱三寶（魚蛋、魷魚、牛柏葉）咖喱香濃新鮮牛腩汁自選淨餸，生炸豬扒外脆內嫩，芥末貢丸辣中帶鮮

自選車仔麵加左20蚊滷牛腱結果得2片我點解唔自己去街市買？😂😂真心唔低 其他菜都唔會咁少 雞排豬排都係正常點解滷牛腱會咁？ 係俾漏左我定係原本得2片？反正大家避雷滷牛腱吧

一喜車仔麵不斷創新求進步，隔一排再返嚟，又多咗新嘢！車仔麵餸有成差唔多50種可以揀！比較特別嘅有：真係會瀨尿嘅瀨尿牛丸、潮汕馬餃豬肉丸、有魷魚粒嘅魷魚丸，香炸貢丸片，仲有好多好多… 出邊有嘅呢度有，出面冇嘅呢度都有！就連麵都差唔多10款可以揀，我就揀咗好特別，出面冇嘅銀針粉。老闆娘話係A-grade 質素, 非常煙韌彈牙，煮耐咗都唔會一pat 野. 記住一定要試佢哋嘅招牌黃金雞湯，好飲到我成碗飲晒.見佢哋出咗新嘢，有個「冇得輸飯」，鍾意食頹飯嘅朋友仔真係冇得輸. 自家製石斛竹蔗茅根同雞骨草都相當唔錯，飲得出非常足料，唔會淡茂茂。整體嚟講係一間好有heart嘅車仔麵。地理位置就喺重慶大廈隔離新開商場The Heath嘅地庫。但係價錢非常貼地親民，絕對值得推介👍

尖沙咀重慶大廈一喜車仔麵🍜✨位於尖沙咀重慶大廈地庫嘅車仔麵店，真係一個方便又聚腳嘅好地方！食物選擇多樣，無論係米線定係准山麵，都可以根據自己口味自選，實在滿足！自選車仔麵**第一碗：米線- 蘿白 - 酸齋 - 汕尾小米粿（豬肉粉粿）3粒 - 自製韭菜餃 - 清湯 - 秘製黃金雞湯（要蔥） 清湯搭配秘製黃金雞湯，湯底非常鮮甜，米線吸收咗湯汁，食落去口感柔滑，配上香脆嘅蔬菜，簡直係一碗完美嘅車仔麵！第二碗：准山麵- 豬紅 - 豬大腸 - 秘製菜肉餃 - 沙嗲汁（要蔥） 准山麵嘅沙嗲汁味道濃郁，豬紅和豬大腸嘅口感亦都非常豐富，配合多汁的餃子，一口咬落去，滿滿嘅幸福感！其他人氣菜式特級瀨尿牛筋丸（6粒 $36） 口感彈牙，絕對值得一試！-厚叉燒例牌 $78 唔可以錯過！叉燒厚切，肉質鮮嫩，味道濃郁。生炸潮汕三寶$39馬鮫豬肉丸、深海墨魚丸、尤魚丸 鮮香可口，絕對係潮汕美食愛好者嘅最愛！

係尖沙咀樣樣野都唔平 但係isquare 對面既小商場地庫下面有一個好似foodcourt 既物體 又有好多小餐廳想係尖沙咀食啲平民local 野選擇唔算多 所以今日就試下呢間車仔麵 小店～初初以為係啲做遊客生意既貴價車仔麵點知佢價錢合理 午餐時間都好多打工仔幫襯小食有好多野揀 價錢仲要唔貴🍜自選車仔麵🍜揀左個好似幾特別既特級瀨尿牛筋丸 一咬啲肉汁就爆曬出黎生炸豬扒炸得唔乾 啲肉肥瘦啱啱好 連骨既豬扒係最好食欣賞佢豬大腸洗得乾淨唔會臭 份量仲要好多滷水牛腱超厚 食落啖啖肉 比起薄牛𦟌好食好多🥟炸韮菜餃 🥟對於食得唔多又為食既我 呢個細細粒就啱曬有時好怕啲韮菜餃重調味 但呢個主要係韮菜味 唔會過份多其他醃料味 又炸得勁脆 好正🍲韮菜豬紅🍲豬紅份量勁多 煮到入曬味 韮菜唔會過老 唔會食完LUR 到渣 開心最怕係個汁好油既韮菜豬紅 但呢個完全唔會！🤎咖哩四寶🤎大推呢度既魷魚同牛柏葉 好爽好好食呢個咖哩係偏杰 所以掛曬落啲牛柏葉度 好好食咖哩食得出係自己炒 下次食麵 都要叫咖哩湯～🐖大推！叉燒 🐖最後真係要大推呢度既叉燒 真係好好食半肥瘦 既部分 超爽彈 個脂肪位係脆脆地🥹醃料唔會係好多醬好