一品螞蟻

营业中

休息中

今日咁啱返嚟黃大仙附近買嘢，作為減脂增肌人，咁本身諗住試吓新開嗰間湖南菜，唔知佢禮拜六冇套餐優惠，離開嗰陣時經過呢間，見到90幾蚊都有牛扒餐食喎，咁牛不嬲都係優質蛋白質😍。就過嚟試吓啦本身其實冇報咩希望😂，因為出邊食牛扒平價多難有好嘢。純粹出邊食慳時間同埋補充埋蛋白質（增肌）本身以為$90得一塊扒跟薯菜湯嘢飲嗰啲同埋其實你哋都知道啦 出邊嗰啲薯菜多數係薯條嗰啲 跟住原來佢可以撿三款（去到呢個位置我都係抱住一個注定中伏嘅諗法）大佬你諗吓！食牛扒咁平喎 仲要成個Set咁多嘢）咁我就揀咗牛板腱（+10）春雞半隻（+10）再加法蘭克腸牛板腱：上到嚟非常高質，睇得出廚師有醒肉🥩，一刀鋸落去出肉汁。牛扒好香，有牛味，唔會過老，切開你見到佢入邊係有粉紅色，但又唔會夾生。好嫩 （呢個真係大大出乎我意料）春鷄半隻：皮有焦香，搭配埋蒜蓉汁幾夾，大量優質蛋白質，佳！薯菜：沙律有單獨一兜，個碗size都唔會mini。薯仔有驚喜，唔係薯條嗰啲，係嗰啲美國焗薯切成塊，幾香。減脂就唔好食薯條，今日呢種焗薯係非常好嘅碳水來源法蘭克腸：條腸幾大條，不過唔係幾啱我Taste，早知叫牛板腱哈哈都會有甜粟米搭配埋

喺黃大仙中心覓食，嘗試搵間西餐廳食下，見到呢間舖頭有唔少晚市套餐選擇就入咗去。套餐有主菜、湯、小食、甜品加飲品都係$100以內，感覺幾抵。跟餐時蔬及羅宋湯 ★★✰✰✰所謂時蔬感覺好似以前小學食嘅飯盒，啲菜煮熟好耐然後不斷翻熱住但又無乜味。羅宋湯係我飲過數一數二唔好飲嘅羅宋湯，非常稀得嚟蔬菜未煮得腍。ABC豬軟骨炒飯 (套餐 $98) ★★✰✰✰首先炒飯碟邊有幾粒白飯，感覺唔係好衞生。本身以為ABC醬係辣醬，但食落感覺甜味好重，醬汁好濃稠，令到碟炒飯好濕一pat pat咁。豬軟骨亦偏鹹。跟餐椰汁紅棗糕 ★★★★✰成個餐最正常係呢份甜品，都算接近普通酒樓品質。整體而言，如果對食物味道好不講究，呢份晚餐絕對食得飽，不過如果比較重視食物品質的話就未必會食晒了。餐廳環境、服務一般，其中一項優點就係無乜客人所以可以任坐唔會有時間限制。

今日好肚餓既情況下經過依間舖諗住醫下肚，叫左個厚切西冷牛扒意粉，點知上菜時我仲以為上錯，塊牛扒薄到...仲要好乾，應該係午餐賣唔去再番煎賣比客人。香港既飲食業真係比依D餐廳拖累晒。

今次我去咗一品螞蟻，試咗佢哋嘅鰻魚炒飯、海鮮鐵板餐、酸菜魚米線同埋台式雞扒肉燥飯，真係食得好滿足！鰻魚炒飯：呢個炒飯真係好香，鰻魚切得好厚，肉質鮮嫩，仲有啲蔥花提味，口感好正。海鮮鐵板餐：海鮮新鮮，蝦、魚都有，鐵板上嗰啲滋滋聲真係引人食！醬汁味道濃郁，配上白飯，簡直無得輸。酸菜魚米線：呢碗米線湯底香濃，酸菜加咗啲酸味，正好衝淡魚腥味，米線吸收咗湯汁，食落好過癮。台式雞扒肉燥飯：雞扒炸得香脆，肉燥味道濃厚，配埋白飯一齊食，真係好滿足。總括嚟講，一品螞蟻嘅每一道菜都好有水準，絕對值得再返嚟食！如果你鍾意食海鮮同埋台式小食，記得試下呢度啦！

黎到黃大仙行下行下肚餓，朋友就介紹左黎呢間一品螞蟻！果日我地唔洗位，直接入座，服務員都有禮貌同熱情。我揀左個鐵板餐，上菜速度快，味道剛剛好。肉好軟身、易咀嚼，滿意的一餐。

10/10/2024晚餐來到這餐廳，之前都食過幾次，這餐廳有多國食物。有套餐及定食選，點了二個套餐及一個定食，套餐有小食及甜品跟。菠蘿咕嚕肉配飯，酸酸甜甜，好開胃，份量足餐湯有中湯及西湯，是晚選了西湯，係忌廉湯，唔錯。芝士焗鮮茄牛肉醬千層麵，好香好滿足，焗麵，上桌時，熱辣辣，要小心。跟餐小食~小酥肉，好脆跟餐甜品~芝士餅，好彩小小一塊，個餐太大份。台式肉燥蔥油雞扒飯，都唔錯跟餐小食~什菜沙律跟餐甜品~泡芙仔另有餐茶。

平日晚上，二人晚餐，一個雞皇飯一個焗豬扒飯，味道不過不失，最少份量足夠仲有兩杯凍飲，加埋都係百多元港幣，有時真係要支持吓留港消費，但係商舖都要爭氣，如果唔係個個都走咗去，加油努力，製作合適食品！

今日和爸爸和弟弟往黄大仙一品螞蟻食下午茶,我們點了珍寶腸煎蛋拼雞扒配凍奶茶,雞肉粟米炒飯配熱檸蜜和無骨海南雞米粉配熱奶茶,珍寶腸煎蛋拼雞扒賣相吸引,珍寶腸大大條,食落香脆彈牙,雞扒肉質香脆鮮嫩,食落啖啖肉,太陽蛋食落有蛋香,黑椒汁辣度適中,粟米粒味道香甜,白飯軟綿,白飯拌上粟米粒,黑椒汁和太陽蛋口感一流,整份珍寶腸煎蛋拼雞扒賣相吸引,份量十足,口感一流,凍奶茶茶味香濃,奶味香滑,餐廳座位舒適,食物美味,份量十足,我們食了一頓豐富大份下午茶

慢煮豬軟骨米線叫左麻辣湯底*小辣碗麵黎到紅卜卜已經好覺得伏食啖麵麵質真係好似杯麵連湯底都有陣so味？！算 當打麻辣湯底邊爐但愈食愈….豬軟骨似五香肉丁 真係好似似得個3小舊？！份量好小加杯熱奶茶無奶味又茶味 好難飲呢d水準如何做到？

呢間一品螞蟻都好嘢，叫碗豬軟骨飯，竟然連膠袋都比埋你食，同職員講，佢地竟然唔出聲想攞返碗飯算數！連唔好意思都唔主動講，跟住我就話連膠袋都加堆落去，即算點，佢先話咁我同你地取消！難道會有人繼續食！叫佢叫個經理出嚟，又話經理行開咗。我個碗麵就無特別問題，之後我朋友再叫咗其他嘢食，個經理先冒出嚟話唔好意思，係個廚司煮埋落去跟住就走咗。講真，有問題，態度係最重要，見佢地做餐飲飲食，做到咁，真係好懷疑點解可以仲係到，基本顧客服務知識，應對應有嘅禮貌都無，又明白點解留唔到啲客。有問題係要有誠意解決，不是當無事發生，得罪顧客！食膠袋可大可少！希望其他人幫襯都要小心！

假日呢個商場都無咩人行，大部份既餐廳都唔駛等位，呢間一品螞蟻都唔例外～珍寶餐火腿磨菇奄列，牛油粟米，香草豬肉腸，牛油丹麥多士，薯仔雜果沙律：個餐其實好食，尤其係個奄列蕃茄炒蛋雞扒飯雞扒滑，但個蕃茄蛋就唔得啦，好咸而且無咩蛋，唔會再有下次凍奶茶，熱華田奶茶茶底ok既～下午茶餐牌

問了待應，叫了待應好多次，待應都唔理人，0服務，唔建議去食。 食物好食程度一般，最重要係點叫都無人理，好難先食完一餐，好差的經濟，唔會再幫襯。價錢唔算平，衛生同服務一樣差。

在FB一個講飲食grOUP有位谷友POSt此店嘅一個早晨全餐資料，非常吸引揾食肥華眼球，就趁靚媽昨日和佢嘅家人行完山，今天5月22日就帶佢去此店食番個靚早餐，補充番昨日行山消耗嘅卡路哩，此店位於港鐵站嘅商場之内，交通非常方便，而店内環境又寧静，卡位又夠濶落令顧客坐得非常舒適，店内服務員工對顧客態度良好有禮，加上有味道0K嘅食物，我和靚媽用咗超過一個小時唻享受呢個早晨全餐，個感覺係雖然付出價錢貴過食開啲茶記，但得到環境服務加上食物質素呢個可以嘆嘅早晨全餐，個人感覺绝對超值

亞萊咖哩豬扒滑蛋飯$68賣相一般，豬扒有2大塊夠晒冧啱老人家食咖哩汁唔算太辣易入口，飯夠熱配上咖哩汁及蛋香滑👏🏻餐飲：咖啡濃香夠味座位舒適，用餐氣氛不錯款式多有點選擇困難症平日較小人，位置旁是酒樓有啲隱蔽

💙一品螞蟻💙🔹亞來咖哩豬扒滑蛋飯 $68咖哩屬於香甜，唔喺辛辣，所以會食得幾舒服。本來以為喺一塊豬扒原塊上，結果已經切開一塊塊。份量正常，但小編比較鐘意原塊豬扒自己切。豬扒比較薄同‘鞋’，所以麻麻地。呢個滑蛋飯都有少少顛覆咗我對滑蛋飯既印象😂 佢係薄蛋鋪喺飯上面就算。不過佢又唔喺日本餐廳，所以都唔會要求咁高😉飯就正常，但偏硬。不過小編本身都OK硬嘅飯，所以就冇乜影響。🔹原條吉列魚柳意粉 $66吉列魚柳明顯喺啱啱炸好，上到嚟仲好熱，而家超脆，所以好正。而家魚柳都算大，唔係細細地當交差就算。意粉偏硬。汁可以自己揀，小編要咗黑椒汁，但味道一般，唔太濃。