一品螞蟻 (已結業)

大大话话帮衬咗呢间餐厅超过8年，今日是他们最后一日营业。帮衬得最多其实系响疫情期间，因为不用回公司的日子比较多，由家门到这店都是10分钟内的路程，所以经常帮衬，这店门面不起眼，容易行两步就miss咗，不过步入店内，位置很多，有很多卡位，坐得都几舒服，呢个都系其中一个原因会谂起在这里吃东西。挨过咗黑暴，又坚持挨过几年的疫情，想不到以为一切可以回复平常，最挨不过就是加租，很可惜。这里的汤面是我经常食的，海鲜汤底够惹味，米线够弹牙，各样配料都不错，曾经一次和朋友在这里食晚饭（我很少出街食饭），当日嗌咗牛扒，竟然有惊喜，不是那些拿到冇晒质地，冇晒牛肉味𠮶啲港式餐厅做法。听店员讲，他们的红磡店会继续营业，部分员工都转移到红磡店。有机会去开黄埔，都会试吓𠮶边先得。谢谢你们在黄大仙服务咗咁多年。…查看更多

之前成日食一品蚂蚁早餐，今次终于有机会试佢晚市，真系有惊喜！首先见到个德国咸猪手铁板套餐已经好吸引，切落去「咔嚓」声超爽，外皮脆到不得了，入面啲肉又嫩又多肉汁，每一啖都好满足又邪恶。沙律都好有诚意，鸭胸几厚，唔干柴反而好香滑，配埋啲新鲜蔬菜，好清新。最特别系薯菜三重奏，🥔薯仔粒、薯蓉加埋🥦西兰花同🌽粟米，层次感好丰富，唔会食到腻，反而越食越开胃。整体嚟讲，晚市水准高过预期，想试嘅就要8月16号之前去试吓喇～🍴…查看更多

今日咁啱返嚟黄大仙附近买嘢，作为减脂增肌人，咁本身谂住试吓新开𠮶间湖南菜，唔知佢礼拜六冇套餐优惠，离开𠮶阵时经过呢间，见到90几蚊都有牛扒餐食㖞，咁牛不嬲都系优质蛋白质😍。就过嚟试吓啦本身其实冇报咩希望😂，因为出边食牛扒平价多难有好嘢。纯粹出边食悭时间同埋补充埋蛋白质（增肌）本身以为$90得一块扒跟薯菜汤嘢饮𠮶啲同埋其实你哋都知道啦 出边𠮶啲薯菜多数系薯条𠮶啲 跟住原来佢可以捡三款（去到呢个位置我都系抱住一个注定中伏嘅谂法）大佬你谂吓！食牛扒咁平㖞 仲要成个Set咁多嘢）咁我就拣咗牛板腱（+10）春鸡半只（+10）再加法兰克肠牛板腱：上到嚟非常高质，睇得出厨师有醒肉🥩，一刀锯落去出肉汁。牛扒好香，有牛味，唔会过老，切开你见到佢入边系有粉红色，但又唔会夹生。好嫩 （呢个真系大大出乎我意料）春鸡半只：皮有焦香，搭配埋蒜蓉汁几夹，大量优质蛋白质，佳！薯菜：沙律有单独一兜，个碗size都唔会mini。薯仔有惊喜，唔系薯条𠮶啲，系𠮶啲美国焗薯切成块，几香。减脂就唔好食薯条，今日呢种焗薯系非常好嘅碳水来源法兰克肠：条肠几大条，不过唔系几啱我Taste，早知叫牛板腱哈哈都会有甜粟米搭配埋，整体我觉得呢个性价比几好（最主要系佢个牛真系整得几靓，虽然唔系好大块啦😂😂但我一个女仔嚟讲我觉得系ok嘅 咁嘅质素 男仔可以叫三块牛板腱）❗不过要留意有一个特殊嘅位系，我系Tea time嚟嘅，唔知如果夜晚厨房忙嘅话会唔会对食材嘅火候有影响🤔同埋因为春鸡要焗~会需要等比较耐总结：平价减脂/增肌懒人优选。…查看更多

喺黄大仙中心觅食，尝试揾间西餐厅食下，见到呢间舖头有唔少晚市套餐选择就入咗去。套餐有主菜、汤、小食、甜品加饮品都系$100以内，感觉几抵。跟餐时蔬及罗宋汤 ★★✰✰✰所谓时蔬感觉好似以前小学食嘅饭盒，啲菜煮熟好耐然后不断翻热住但又无乜味。罗宋汤系我饮过数一数二唔好饮嘅罗宋汤，非常稀得嚟蔬菜未煮得腍。ABC猪软骨炒饭 (套餐 $98) ★★✰✰✰首先炒饭碟边有几粒白饭，感觉唔系好衞生。本身以为ABC酱系辣酱，但食落感觉甜味好重，酱汁好浓稠，令到碟炒饭好湿一pat pat咁。猪软骨亦偏咸。跟餐椰汁红枣糕 ★★★★✰成个餐最正常系呢份甜品，都算接近普通酒楼品质。整体而言，如果对食物味道好不讲究，呢份晚餐绝对食得饱，不过如果比较重视食物品质的话就未必会食晒了。餐厅环境、服务一般，其中一项优点就系无乜客人所以可以任坐唔会有时间限制。…查看更多

今日好肚饿既情况下经过依间舖谂住医下肚，叫左个厚切西冷牛扒意粉，点知上菜时我仲以为上错，块牛扒薄到...仲要好干，应该系午餐卖唔去再番煎卖比客人。香港既饮食业真系比依D餐厅拖累晒。…查看更多