まいど

营业中

休息中

呢間個feel似傳統家庭韓國餐廳，但係坦白講食物質素一般、用料較少，仲要唔平💆🏻‍♀️Overall food rating: ●●◐○○👉🏻 紫菜包飯 ($58)👉🏻 海鮮煎薄餅 ($143)👉🏻 芝士炒年糕拉麵 ($88)👉🏻 水冷麵 ($92) 得一塊肉半隻蛋收我呢個價會唔會過分咗啲😇😇😇連芥辣都冇👉🏻 甜米露 (식혜) ($20)

點了牛肉拌飯，牛肉拉麵，炒牛肉和人參雞湯，味道非常一般，對不起價格，不如food court 里的韓餐。店裡只有兩個人，催了才上菜。總之很失望，不會再來前菜的味道也非常普通

好耐都無試過係尖沙咀食lunch , 難得有個韓國朋友介紹我試韓國美食， 一於去尖沙咀試下🤤（5⭐️最高） 前菜： 好味， 我比較喜歡矮瓜😉大醬湯 （4.5⭐️)$ 85韓國人喜歡食黃豆煮湯， 材料有豆腐、 蜆肉、豆角等， 既湯清甜又有海鮮味🤤。 鐵板牛肉蓋飯 (5⭐️) $89利用鐵板既熱力， 慢慢令牛肉熟而不老， 加入椰菜、紅蘿蔔🥕、 脆瓜作配菜， 食落唔會甘油膩👍🏻年糕餃子湯 (4.5⭐️)$92這款以年糕為主的小食， 湯底加入䔝菜、 蛋花、 亦有排骨粒， 但餃子數量比較少😅。 年糕切成片狀， 食落無甘洪濟😋韓國飲品-米漿(5⭐️)$20一款比較特別飲味亦比較少見， 內有一粒一粒的飯， 飲落甜甜地。🥰

💜尖沙咀·Maido💜冬天梗係要食啲暖笠笠野食☺️今日介紹呢間韓國餐廳雖然有少少偏僻 但值得試吓😋🌈石鍋豬肉拌飯 $92超大份量 可以2-4人分享😉上枱熱辣辣好多熱氣 啲飯仲要有飯焦將唔同材料撈埋加辣醬又熱又辣多重感官刺激✨✨蛋/蘿蔔絲/冬菇/脆肉瓜/芽菜/泡菜豬肉等冬天食冇得彈❕❕ 🌈人蔘雞湯 $198成隻雞上 擺係能夠好保溫嘅熱鍋涷冰冰一啖湯一啖飯 暖肚又養胃😌雞肚中間有糯米飯 香噴噴雞湯清澈冇味精👍🏻👍🏻真係有人蔘! 仲配有紅棗/雞蛋絲/蔥蒜🌈煎餃子 $65餃子一碟5件 附有麻油+芝麻嘅豉油啖鹹味互補 鍾意脆口嘅質地🤪🤪🤪入面饀料足 有啲粉絲/豬肉/蔥等

尖沙咀金巴利道一向多韓國餐廳，經過呢間餐廳嘅時候俾佢嘅大餐牌吸引咗。一般辣炒年糕、鐵板豬肉、部隊鍋之外，仲有豬血腸，係香港真係少見到，所以就走入去食個Lunch。豬血腸係豬腸子灌入豬血同粉絲，是韓國人相當普遍嘅國民小食。可以炒，可以做湯飯，今次食清蒸加芝麻，再沾胡椒鹽。從外觀上嚟睇，顏色呈現暗黑血色，有啲人食過覺得血腥味很重，食起上嚟又爽爽彈彈，我又覺得可以接受。再配返罐甜米露又真係幾韓國feel。天氣冬加多碗蔘雞湯暖暖身。成隻雞入面又有糯米都幾足料。

天寒地凍，lunch 諗起韓國牛骨湯🔥夜晚即刻行動去食❗️韓國街韓式餐廳林立，揀咗間門面睇落唔錯試吓‼️鐵板炒魷魚五花肉 $168鐵板上枱發出吱吱聲響十分誘人😍 五花肉入口唔會太油膩，配上微辣韓式醬汁惹味非常🌶份量都多，重有埋魷魚，口感豐富🦑韓式牛肋骨湯 $110期待已久牛肋骨湯冇令人失望✨牛肋骨肉嫩、湯底清甜，帶點點肉味，配埋白飯同吃，簡簡單單，已經好幸福 💓海鮮煎薄餅 $143二小姐鐘意海鮮煎薄餅🦐🐠🐙外皮煎得香脆，入口軟糯，沾韓式醬汁同吃，味道好夾🫶餐廳整體都唔錯，下次會再encore

一開始見到個餐廳名以為係食日本菜，睇餐牌先發現原來係一間韓式餐廳🇰🇷！見到餐牌有各款傳統韓國料理都幾吸引，所以無乜猶豫就決定一試！😝一坐低侍應已經好好服務，為我地準備好熱茶🍵同埋幾款免費嘅伴菜，有大豆芽菜、蘿蔔絲同埋泡菜。幾樣都好新鮮爽脆，特別係大豆芽菜，帶有好香嘅麻油味，零舍開胃😙！雪濃湯❄️($110)近排天氣咁凍當然要嗌返個暖笠笠嘅雪濃湯啦💕！見到奶白色嘅湯底就知道係足料熬製🍲，每一啖都有濃厚嘅牛骨香味！裏面嘅牛肉係十分嫩滑，而整個湯唔會有一點油膩，好適合用黎泡飯！鐵板牛肉蓋飯($89)另外一道主菜就試咗鐵板牛肉蓋飯🍚，整道菜有鑊氣而唔會乾爭爭，牛肉配搭多種蔬菜，包括洋蔥、椰菜、甘荀同翠肉瓜，感覺清爽，而滿滿嘅牛肉汁亦係送飯嘅必備之選💁🏻‍♀️！海鮮煎薄餅($143)呢到嘅主打，亦係我認為最出色嘅，就係呢個海鮮煎薄餅💓！外圍煎到十分香脆，口感外脆內軟，Size亦大大份非常之抵食🥳！而且用料十足，裏面就夾滿咗魷魚粒、櫻花蝦同韮黃，點埋特製嘅醬酒醋配搭極佳！

前排係尖沙咀行街諗住係附近搵野食，喺韓國街就搵倒間家庭風韓式料理🇰🇷Menu食物款式都好多，餐廳仲有韓國oppa同阿珠媽員工架😳 _🥧泡菜煎餅 $110本身見倒個價錢覺得少貴，不過見佢個份量都好大個所以都算對得住個價錢，煎餅唔會好油，食落酸酸地如果泡菜味香濃啲會更惹味🤣 🦑鐵板魷魚蓋飯 $98見網上唔少人推介佢地個鐵板蓋飯，送到上枱既時候熱辣辣仲冒住煙，魷魚唔會過鞋，仲有啲雜菜配上甜辣醬汁送飯一流🍚 🍜辣拌冷麵 $92韓國麵食黎講小編都幾鐘意食冷麵👍🏻甜辣醬汁配上麵質彈牙既冷麵好清新，如果加冰再凍啲應該會更好食😂另外仲有爽脆嘅青瓜同梨，有種透心涼嘅感覺，想食清啲既朋友仔可以試佢個水冷麵😍

尖沙咀傳統家庭韓國餐廳Maido まいど～～～～～～～～～～～～～～～～～今次又黎到好多韓國餐廳既金巴利道，試下呢一間傳統家庭韓國餐MAIDO🥰主打韓國家庭菜～小編今次order了辣泡菜炒飯（$82），年糕餃子湯（$92），醬油炸雞翼（$118）～，係傳統韓國菜色嘅味道，值得一試～～

我同閨密真係好鍾意食韓國菜🥰 周末都約埋嚟尖沙咀好出名嘅韓國街，見到呢間感覺好家庭式，好似去咗韓國😌 餐廳裝飾簡約cozy， 空間都幾大，座位寬敞舒適。 主打傳統韓國料理，炒年糕、韓式煎薄餅、鐵板肉、韓式湯品等🤩🤩🤩 好多選擇點菜後立即來幾款特色伴菜，爽口開胃辣炒年糕拉麵好懷念呢款又年糕又拉麵，紅檔檔的，好多醬汁，甜中帶辣，好惹味。年糕煙煙韌韌，仲有蛋、魚糕、紅蘿蔔、洋蔥等好豐富紫菜包飯每次都必點嘅地道韓國菜😋 脹卜卜好飽滿嘅紫菜包飯，帶有芝麻油香，食落厚實爽脆韓式牛肋骨湯冬天不忙點熱騰騰🔥嘅湯，湯底清澈香濃，牛肋骨肉好易咬開，肉質柔軟

家住在大西北，在同區想吃小店形式的韓國菜，原來是沒有的，還是出來尖沙咀韓國街食吧。這天放假和朋友來吃lunch，順便逛逛街。前菜有油麥菜、豆芽和泡菜，有辣有不辣，份量幾足，夠二人吃，也對味。海鮮辣豆腐湯$85一直喜歡這韓國湯品，橙紅的色澤但味道卻沒有很辣，湯頭有點鮮味和蔬菜香甜，有些蝦隻和原隻蜆，也蠻有鮮味，半熟蛋很香滑，還有些翠肉瓜、金菇和大量豆腐，吃得過癮。鐵板牛肉蓋飯$89鐵板上能保溫，牛肉薄薄嫩嫩，還有大量蔬菜，包括洋蔥、椰菜、翠肉瓜等，營養平衡。煎餃子$75大大隻煎餃子有五隻，新鮮熱辣，咬下去外脆內裡多肉汁，裡面有粉絲和其他材料。韓國飲品$20@一罐是米水、一罐是提子汁，吃韓國食品要一一一配韓飲品才滿足。

自問喺韓國街都食過唔少餐廳，咁啱經過呢間就一於同朋友入去試試～ 佢哋主打家庭style嘅韓式料理，鐵板、湯、粉絲、石鍋、小食樣樣有齊，而且價錢十分親民化，絕對值得一去！每次到韓式餐廳必點嘅石鍋拌飯！配料有牛肉、紅蘿蔔絲、芽菜、榨菜、翠玉瓜、紫菜等等～ 好鍾意啲飯粒粒分明，下面仲有飯焦添，建議可以將泡菜、芽菜同油麥菜等前菜放埋入去一齊撈💞 而呢度嘅湯類都有幾多選擇，而且全部都配咗碗白飯，性價比甚高😌 大醬湯比較罕見，裏面有滿滿嘅豆腐、瓜菜、蜆等配菜，味道似日式味噌湯，營養豐富，簡單又美味😚小食方面要咗兩款！紫菜包飯以紅蘿蔔、醃黃瓜、蛋捲、青瓜、腸仔、芝麻等配料捲成，賣相可愛，色彩繽紛，一口一啖，口感豐富，值得一試～ 豬肉韭菜粉絲餃子有成五大粒，外皮煎至金黃色，邊皮香脆，餡料豐富，入口爆汁，不得不讚呢度以半煎炸做法但食落都唔覺得油膩，推🥰

尖沙咀金巴利道一帶有唔少韓式食肆，今日午飯去咗Maido係一間以傳統韓國家庭菜式嘅食店，餐廳老板係Oppa嚟㗎🤣仲好親民添前菜有泡菜、醃芽菜同涼拌茄子海鮮辣豆腐湯 💰8️⃣5️⃣天氣涼涼地食鍋物就岩哂，熱湯微微香辣，鍋內有嫩滑豆腐、蝦、蜆同菜，送飯一流辣炒年糕拉麵 💰9️⃣5️⃣年糕口感煙韌彈牙，辣醬啱啱好包住拉麵鐵板魷魚蓋飯 💰9️⃣5️⃣魷魚肉質厚實彈牙，配菜有椰菜同洋蔥，吸收哂香辣醬汁好惹味，份量仲幾大份添🎈まいど🎈尖沙咀金巴利道64號順輝大廈地下3號舖

まいど Maido (尖沙咀)📍尖沙咀金巴利道64號順輝大廈地下3號舖今日同朋友嚟到尖沙咀金巴利道食韓國嘢揀咗一間好有家庭風嘅餐廳好多signature嘅韓國菜式都有🍚石鍋牛肉拌飯$92黎得韓國餐廳點可以唔食石鍋拌飯呢度個石鍋燒得夠晒熱 所以有好多飯焦配料都有好多款 除咗牛肉之外仲有翠玉瓜 芽菜 蘿蔔 紫菜 半熟雞蛋可以自己加埋韓式辣醬 調校口味🌶🍲韓式牛肋骨湯$110天氣咁凍 最好都係叫返個熱辣辣嘅牛肉湯用咗好多牛肋骨煲成啲肉仲已經煮得好淋滑 又大塊入面仲有粉絲 配埋一齊食超正鐵板牛肉蓋飯$89用鐵板上嘅牛肉特別有鑊氣仲要同洋蔥 翠玉瓜 椰菜炒埋一碟調味又好食 送飯一流

第二次嚟食Maido，上了次老公帶我平安野食後記住左~ 今日去完聖堂嚟食！星期日早嚟唔洗排隊~ 呢度同街嘅其他韓國店差唔多，都係用紙仔寫低叫野食，環境都係簡約為主。韓國小菜 - 韓國泡菜、麻油芽菜、清油白蘿蔔前兩者比較大眾化，反而清油白蘿蔔幾特別。佢爽口得嚟又有啲油份！男士好鐘意食，估佢唔到。refill then~鐵板牛仔骨炒粉絲 $179粉絲用紅蘿蔔洋蔥同埋雲耳炒成，當然唔少得甜汁！甜粉絲係韓國菜特色之一！如果唔係特別好想食粉絲，價錢可以叫就咁鐵板牛仔骨，抵！牛仔骨好軟，兩咬都入口，唔會話要「車肉」！有時有啲牛仔骨好難咬開！鐵板八爪魚蓋飯 $108除咗主要嘅八爪魚之外，仲有椰菜、翠玉瓜、香蔥、紅蘿蔔等等配泡菜汁炒成！好juicy爆小汁既八爪魚，成個汁好送飯！米飯好好食！爆滿脹米，好黏黏痴痴！韓國飲品 - 提子汁 $20小巧甜白提~