在繁忙的香港，把握機會在週末是往郊外跑，是港人稍微能獲得喘息的機會。這段在錦田往大埔的公路上，一邊駕駛，路旁兩邊的樹木，幻想自己在日本的鄉郊; 下一站就前往神社參拜。呠呠呠--- 思緒從幻想中醒來，人依然在香港這片土地，第一次來探索，Forest cafe 的路口一閃已過，門口的指示牌隱藏在樹木下，沒有很顯眼，需到下一個迴旋處折返。Forest Cafe 路口進入後經過一段小斜坡，Cafe 戶外的座位徐徐地進入眼簾，周圍有很多泊車的位置。森林咖啡這名字是對的，茶座就像在森林中休息空間一樣。因為怕蚊及怕熱，選了室內的梳化座，餐廳沒月套餐，因此點了森森安格斯牛扒漢堡及大食漢堡和一杯Latte. 首先品嚐的係安格斯牛扒漢堡，原塊薄牛扒，上枱時視角十分吸引，食落自家製作的面包，口感豐滿，軟彈，有面粉麥香氣。但牛扒級數一般，所以沒有足夠的調味，更加未能提升牛肉的味道，而牛扒切幾刀後出水的情況，亦影響了面包的質感。不過沙律新鮮，配橄欖油及陳醋十分開胃。之後係大食漢堡，口感比剛才的牛扒漢堡滿足，漢堡扒大大件，而家厚片亦煎得香脆，味道惹味。Latte 是正常的，沒有太大失望或驚喜。整體而言，這裡是休閒的地方，亦是很適合車友的聚腳點，餐廳內的音樂可以再細選一些田園休閒感的輕音樂，當日所播放的流手曲令人有種像置身普通工廈的cafe。…查看更多
．．係林村新村站落車過條馬路，見到均益士多向右手邊條小路行，行2-3分鐘就見到右手邊既樹林之中有間白色既小房子，成功到步。唔怪之得叫forest cafe，真係比唔少大樹包圍住。cafe有分室外同室內位置，室內空間比較細，大概可以容納10個人。裝潢切合主題以木系傢俬為主，牆身油上白色同淺藍色加添一分柔和感 
cashier既另一邊有d懷舊裝飾，其中最耀眼莫過於個盾甲人同埋果部黑膠唱片機 
成個感覺舒適得黎都幾型仔。室外除左有綠色太陽傘遮蔽既長木枱，原來係正cafe隔離仲有間小小既private room，果度有梳化坐添嫁好似好正，不過我地到步果時比一大班人霸佔左嚕 
。。最後見涼涼地就揀左個室外位坐，點知坐坐下發現好多蚊比人咬左幾啖，雖然後尾staff拎左蚊香黎都無嘜太大改善 
始終都係樹林之中，可能揀室內會安全ｄ。望一望menu先發現原來食物既選擇都幾少下，仲以為起碼有all day breakfast食添，原來主要都係burger/snacks/dessert
好彩個人唔夠訓消化得慢都唔會好肚餓，嗌ｄ輕食都應該夠既。- Cappuccino（原價$35，跟burger+$30）：拉花唔知係失左手定點，唔係好睇到係咩圖案...不過係咁鬼眼訓既情況下飲到一杯微苦又有香濃咖啡香既cappuccino已經好滿足，精神為之一振
係就係細杯d但起碼唔會話太多泡。- Picadilly Chicken Burger （$65）：輕食份量。burger既餡料簡單，除左一大塊連皮雞扒，就只有２片蕃茄同少量生洋蔥。個人都幾偏愛個麵包，脹卜卜得黎口感夠實唔係空氣包，仲因為沾左ｄ洋慕味齋食都好香
（麵包控mode）雞扒應該係用沙嗲汁腌過都幾惹味，雞皮好似煎得好香但狀態不佳唔敢食，去皮後發現雞扒偏瘦，不過薄薄地幾好唔會食到滯（但男仔食就可能唔夠飽。）ｄ薯角好普通
，好彩有茄汁/芥末醬點下；沙律菜加左ｄ黑醋同橄欖油，夠爽口好fresh
雖然食物唔太討好，但咖啡真係唔錯，又追加多左杯latte。- Latte（$35）：鐘意佢用依個透明雙層杯，可以清楚睇到咖啡唔同既layers
埋單$170/2ppl。可能太遲黎坐得一陣就要走人，又揀左有蚊既室外位，無辦法好好享受佢既賣點environment，感覺上性價比唔太高。始終都係新開業，食物方面有進步空間都係好事，希望佢地會不斷改善
