大埔林村 - 也許大家只會聯想到許願樹, 其實在這名勝附近還有間躲藏在森林中的咖啡店 - 森林咖啡 Forest Cafe。從元朗駕車出發15分鐘的車程, 就可以像“Alice In Wonderland”的劇情般走進森林中享受一頓午餐。就在“均益士多”往前走的不遠處, 有個小小暗藏路口, 掛了個小小店牌, 走上斜路, 一棵大樹影進眼簾, 森林咖啡店就到達了。 咖啡店四周都被大樹包圍, 環境清幽寧靜得絕對是自癒系必到的地方。 星期五陽光絢爛的中午, 顧客並不多, 這刻像獨佔整片森林般。 詢問過後店主也樂意讓我於店內四處遊走影相, 非常好客。 咖啡店是只有一層高的小屋, 設有室內和室外的座位, 驟眼看猶如置身於外國郊外小屋場景中, 每個角落都是拍照的好地方! 室內陳設相當細膩, 放滿店主的收藏: 舊型號的寶麗來相機, 黑膠唱盤黑膠碟, 還有西方武士的盔甲等, 活像雜貨店、 小型博物館般, 非常目不暇給。 室外雅座更是舒服, 茂密樹蔭和撐起擋落葉果實的太陽傘之間, 燦爛陽光於隙縫中滲透著, 聽著微風吹動樹葉響起的沙沙聲, 雀鳥吱喳叫聲, 完全是屬於大自然的背景音樂, 這刻真叫人放鬆。 其實不用羡慕台灣的咖啡店 (不過確實打從心裡羡慕得很!!) 香港也有那類型的小店, 要有自然清靜環境, 但又要抵受昂貴的租金負擔, 唯有於郊外、村屋才能尋覓到呢!相機餵飽了, 是時候到自己的肚子。餐牌第一頁的Before & After黑白照, 見證小店的創立, 別具細膩的心思呢。 餐牌內選擇並非有很多, 以輕食為主, 有4款漢堡包 ($69-$113)、 3款沙律($72-$118)、 2款小食($34-$47)和6款蛋糕($35-$43)。 反而飲品的種類較多, 冷的熱的, 咖啡、 茶與梳打等。 定價未因位處偏遠地區而顯得便宜, 不過小店不設收取加一服務費用。 8oz Gourmet Beef Burger大食漢堡 $94餐牌內有兩款牛肉漢堡: 安格斯森林漢堡和大食漢堡, 分別在於安格斯是用上牛扒來製成, 感覺有點奇怪, 於是選擇大食漢堡, 縱然名字與環境有點格格不入之意。 漢堡包有烘過, 都很金黃香鬆脆, 餡料也頗足, 紫洋蔥、蕃茄和漢堡牛肉, 主角漢堡牛肉雖是厚身, 但較為乾身和鬆散, 沒太多肉汁, 牛味也不太濃郁, 味道淡淡的, 即使蔬菜是新鮮, 也難令整體變得很美味。 Onion Rings洋蔥圈 $47份量頗為多, 色澤上也是對辦。 表面的炸漿不算十分脆口, 有點兒腍軟, 不過肥大厚身, 以量取勝, 內裡的洋蔥清甜, 加上油份不多也是可取之處。 如果價錢跟份量有大小之分會更為理想, 始終炸物不能亦不宜吃太多呢! Chocolate Truffle $42松露朱古力黑茶雖然只是用茶包泡出來的茶品, 茶味卻是來得香濃, 還有絲絲甜美的散發, 加上玻璃器具盛載, 於每一角落也能拍出好照片。 喝下所說的松露和朱古力味未如想像中濃厚, 但所產生出來近乎焦糖的香氣, 似乎有點意料之外, 黑茶也非苦澀, 令我非常喜歡。 Cappuccino $39心形的拉花未算是十分精緻, 手藝仍有進步空間, 不過咖啡跟奶和泡沫的比例調配得不錯。 雖然咖啡質素未算是十分上盛, 價錢相比連鎖店也不遑多讓, 但我甘心付出這個價錢於大自然中享受這杯Cappuccino。 與其說食物美味, 倒不如說是環境令食物變得美味較貼切, 就如Alice In Wonderland 這故事內, 也沒有說過那頓茶點很美味吧! 香港為最高工時立法相信是遙遙無期, 每日為著糊口、 養活, 營營役役, 慢活好像對大家是來得奢侈的課題。台灣的九份是悲情城市嗎? 我說現今的香港比它更悲涼, 高官政客為建立自己所謂的政績而莫視民生疾苦, 令大家活於水深火熱中。 難得偷得浮生, 這刻寧願選擇逃到這片寧靜森林中, 放慢腳步, 享受樹下茶點, 沈澱、 釋放一下心靈, 逃離這個近乎變態扭曲的現況社會。 …Read More
．．係林村新村站落車過條馬路，見到均益士多向右手邊條小路行，行2-3分鐘就見到右手邊既樹林之中有間白色既小房子，成功到步。唔怪之得叫forest cafe，真係比唔少大樹包圍住。cafe有分室外同室內位置，室內空間比較細，大概可以容納10個人。裝潢切合主題以木系傢俬為主，牆身油上白色同淺藍色加添一分柔和感 
cashier既另一邊有d懷舊裝飾，其中最耀眼莫過於個盾甲人同埋果部黑膠唱片機 
成個感覺舒適得黎都幾型仔。室外除左有綠色太陽傘遮蔽既長木枱，原來係正cafe隔離仲有間小小既private room，果度有梳化坐添嫁好似好正，不過我地到步果時比一大班人霸佔左嚕 
。。最後見涼涼地就揀左個室外位坐，點知坐坐下發現好多蚊比人咬左幾啖，雖然後尾staff拎左蚊香黎都無嘜太大改善 
始終都係樹林之中，可能揀室內會安全ｄ。望一望menu先發現原來食物既選擇都幾少下，仲以為起碼有all day breakfast食添，原來主要都係burger/snacks/dessert
好彩個人唔夠訓消化得慢都唔會好肚餓，嗌ｄ輕食都應該夠既。- Cappuccino（原價$35，跟burger+$30）：拉花唔知係失左手定點，唔係好睇到係咩圖案...不過係咁鬼眼訓既情況下飲到一杯微苦又有香濃咖啡香既cappuccino已經好滿足，精神為之一振
係就係細杯d但起碼唔會話太多泡。- Picadilly Chicken Burger （$65）：輕食份量。burger既餡料簡單，除左一大塊連皮雞扒，就只有２片蕃茄同少量生洋蔥。個人都幾偏愛個麵包，脹卜卜得黎口感夠實唔係空氣包，仲因為沾左ｄ洋慕味齋食都好香
（麵包控mode）雞扒應該係用沙嗲汁腌過都幾惹味，雞皮好似煎得好香但狀態不佳唔敢食，去皮後發現雞扒偏瘦，不過薄薄地幾好唔會食到滯（但男仔食就可能唔夠飽。）ｄ薯角好普通
，好彩有茄汁/芥末醬點下；沙律菜加左ｄ黑醋同橄欖油，夠爽口好fresh
雖然食物唔太討好，但咖啡真係唔錯，又追加多左杯latte。- Latte（$35）：鐘意佢用依個透明雙層杯，可以清楚睇到咖啡唔同既layers
埋單$170/2ppl。可能太遲黎坐得一陣就要走人，又揀左有蚊既室外位，無辦法好好享受佢既賣點environment，感覺上性價比唔太高。始終都係新開業，食物方面有進步空間都係好事，希望佢地會不斷改善
