鐵牛台灣牛肉麵 (希爾頓大廈)

今日同朋友去咗尖沙咀，發現咗間人氣爆棚既牛肉麵店，真係唔可以錯過！🍜🌟 總鋪師私房牛肉麵 $86 呢碗牛肉麵絕對係人氣之選，湯頭濃郁入味😍金錢𦟌嫩滑、牛肋條燉得軟綿綿好入味、牛筋彈牙而且充滿骨膠原，牛肚絲爽脆，四種牛肉部位簡直係各具特色呀😋仲有清甜既蘿蔔提升風味，搭配彈牙既麵條，令人一試難忘✨🌟 凍大甲椰椰芋香 （加$15）呢杯凍飲椰子味濃郁，同芋頭簡直係完美既配搭，仲要係無糖好適合美女們，夏天飲真係一流🍹🌟 鹽酥小拼盤 $56小拼盤好豐富呀，鹽酥雞和脆薯金黃香脆，花枝丸非常彈牙😍每一口都外脆內軟🥰總括黎講，呢間牛肉麵店既食物質素高，環境舒適，非常適合同朋友聚餐，絕對值得一試！👍🏻📍鐵牛台灣牛肉麵尖沙咀加連威老道96號希爾頓大廈LG樓28號舖 …查看更多

吃個台味晚餐，無論是牛肉麵、便當、一人臭臭鍋或夜市小食都一應俱全，而且味道和份量都交足功課。座落於尖東黃金地段，雖在地庫不算是最顯眼的位置，但質素搭夠。總鋪師私房牛肉麵 $88招牌牛肉麵，滿足了心大心細、想吃小量多款的友人。牛筋、金錢展、牛肋條、牛肚絲鋪滿整個碗面，份量大方。特別喜歡軟腍入味的牛筋，還有牛味濃郁又有油香的牛肋肉。呈深竭色的湯底沒有想像中的重口味，吃完不會口乾或有很重的味精感，可以加$3配刀削麵或新竹米粉。芋控友人還加$36要了一杯熱大甲椰椰芋香，超級香芋頭味，少糖的甜度恰到好處，抵讚！鐵牛臭臭鍋 $118西班牙豬肉片 | 臭豆腐 | 鴨血芋頭貢丸 | 米血糕 | 蜂巢豆腐蟹柳 | 燕餃 | 雪枝揚 | 響鈴 | 娃娃菜 金針菇 | 蔬菜 | 粉絲 | 冬菇 | 新竹米粉一進店就聞到陣陣的臭豆腐味，看到不少人都在吃鐵牛推介臭臭鍋，微辣程度是容易入口的惹味辣，不嗜辣的倆口子也很受落。差不多15種配料比韓國部隊鍋還要豐盛，每一款都吸盡濃郁的湯汁，特別是臭豆腐、米血糕、蜂巢豆腐、燕餃最夠台味。鴨血也是另一重點，滑溜溜，完全沒有腥味。這個一人鍋份量很足，吃完暖意滿滿。加$32配個冰感恩珍珠奶茶，建議選擇小甜，較適合香港人口味。鹽酥小拼盤 $56 | 鹽酥雞拼夜市小香腸 $48完全是在台灣夜市必吃的鹽酥系列，一次吃勻鹽酥雞、花枝丸、地瓜條和小香腸，熱辣辣又惹味，特別是粗壯的地瓜條，還灑上梅粉，完美還原台灣吃到的味道。…查看更多

之前o係旺角食過一次，行開尖沙咀見到有，忍唔住再食～ 事關個牛肉麵太正啦！百香果QQ冰茶 (跟餐加 $16)朋友要做百香果配珍珠，甜甜地，好適合女仔飲桂花冰梅茶 (跟餐加 $12)桂花味唔算濃，飲落似酸梅湯~ 酸味好解渴！ 我鍾意～麻辣爽耳 $36即係麻辣豬耳。 豬耳好爽口，麻辣味好入味，唔算好辣，食到停唔到口椒麻牛肚絲 $36味到同麻辣爽耳有d似，但牛肚絲麻辣再濃味d鹽酥小拼盤 $45有炸鹽酥雞+炸甜薯+炸花枝丸鹽酥雞外脆內 juicy，有街邊小食風味甜薯上面灑咗梅粉，入口味道更豐富花枝丸好彈牙，裡面食到粒粒花枝鮮茄牛肉麵 $66番茄湯都ok濃，飲落充滿番茄甜味牛肉燜得夠淋，但依然keep到有口感招牌紅燒牛肉麵 $58必食推薦！超級好味！ $58 性價比好高！質素好過好多近百蚊牛肉麵湯夠濃郁，料足，牛肉軟硬剛剛好。 最後d湯係飲晒！！！如果屋企附近有，可能個個星期都食強烈要求開間o係港島，最好係銅鑼灣～…查看更多

約朋友食飯要選中間點多數都係尖沙咀，如果想食平D當然係去尖東啦，今次朋友約去食鐵牛台灣牛肉麵，行左一陣先發現原來餐廳係位於地庫，餐廳環境都好新淨企理，落單方法係先係order紙選好野食，再出收銀處付款後，就可以坐低等職員送餐。招牌紅燒牛肉麵 - 麵質同湯底都可以接受， 麵雖偏軟身但都爽口，湯味道都有濃郁牛肉味，至於牛肉比較大舊，味道都唔錯，值得一試。鮮蕃茄大塊牛肉麵 - 蕃茄湯底有咩特別，只係多左D蕃茄，牛肉個樣同紅燒牛肉冇分別，但朋友話牛肉韌到咬唔開，最後放棄左冇食晒D牛肉。紅燒牛腩配黃金地瓜飯 - 紅燒牛腩其實唔錯，可惜飯的味道一般，最主要係地瓜唔香。鹽酥小拼盤(逢甲鹽酥雞、黃金梅子脆薯和酥炸花枝丸) - 分量有點尷尬，雖然鹽酥雞分量唔算少，但花枝丸得兩粒，梅子脆薯又有三舊，其實都比較難分，不過可能咁擺法好睇D啦。味道則鹽酥雞最普通，比較多炸粉；花枝丸好少少，味道正常；梅子脆薯相比下味道最好，配上梅子粉酸酸甜甜夠開胃。整體而言，食物質素都唔錯，價錢同分量都合理，同朋友來食都係好選擇。…查看更多

同阿囡去完科學館，等埋老公收工，就嚟咗鐵牛開餐。七點幾去到，已經全場滿座，非常熱鬧。好在等左一陣就有位，不過座位之間真係幾迫，冇計啦，尖沙咀呢啲遊客區，寸金尺土。侍應帶我地埋位嘅時候放低左一張點餐紙，剔好之後就自己拎去櫃位落單俾錢，跟住就可以坐定定等人送食物黎。最先嚟嘅係兩杯飲品。蜂蜜綠茶加珍珠幾好味，凍冰冰，唔會太甜，珍珠份量都唔少，口感QQ的！胚芽奶茶味道唔算好香濃，不過胚芽份量真係好多，飲到尾都仲有之後招牌紅燒牛肉麵就到左：牛肉湯湯頭味道濃郁，不過無乜藥材味。牛肉煮得好軟腍，阿囡猛咁話好好食！麵條份量多，不過煮得稍為淋左少少，阿囡鐘意食，老公就嫌唔夠嚼勁。（可憐的牛肉麵，順得哥情失嫂意）新竹米粉非常幼滑，撈埋肉燥一齊好好食鹽酥雞香脆可口，一啖一粒，好快就清晒成碟。之後我哋嗌嘅小食都到咗。小香腸蒜味突出，烤香咗之後切薄片上枱，一啖一片，正過去夜市！鹽酥小拼盤一點有三樣野，啱晒有選擇困難症嘅人炸花枝丸冇乜特別。中間嘅炸番薯好好味，外脆內軟，加上面頭嘅調味粉一齊食，酸酸甜甜呢度啲台灣嘢食都整得唔錯，而且價錢好抵食，絕對係尖沙咀平靚正之選…查看更多

在尖東上課後，和友人拖著飢餓的身軀，尋找美食、醫醫肚子。發現希爾頓大廈地庫開了一間台式餐廳，環境十分寬敞，有很多沙發卡位座，餐牌上有各式各樣的台式小吃，價廉物美，所以決定入內一試究竟! 我很喜歡台式餐館，每樣小小碟，我們3人可以點選很多款式和組合的小食。 鮮蕃茄大塊牛肉麵 $65牛肉麵從來也是台式餐廳的經典之最，除了招牌的紅燒牛肉麵，蕃茄牛肉麵也令人一試難忘。鮮蕃茄湯底，甜而不酸，大大塊的蕃茄和生菜，中和了湯底的膩。牛肉非常腍身，吸收了蕃茄的酸香，十分美味。半肥半瘦的牛腩，有一半是有嚼勁的牛筋膜，軟滑和爽口的雙重滋味，再呷一口濃濃蕃茄香的湯底，一大快樂也! 肉燥小茄子 $32我本身是茄子的愛好者，這個肉燥小茄子做得特別出色，絕對是熱點推介。小茄子很軟腍、入味，吸收了肉燥和燒汁的甜香，鮮甜濃郁，咬下去茄子是濕潤、一絲絲的，把茄子、肉碎和蔥粒拌合白飯來吃，不知不覺已經吃光一碗飯! 鹽酥小拼盤 $45小拼盤有鹽酥雞塊、炸蕃薯、花枝丸，鹽酥雞塊是一口Size，金黃酥脆，粉漿也不會過厚，味道不錯；花枝丸也脆皮、彈牙，內裡有墨魚肉粒；炸蕃薯比較奇怪，表面灑上一些偏酸的山楂粉，如果是灑上甜甜的沙糖，配搭上來味道更佳! 這個拼盤未算有太大驚喜，建議餐廳加入甜辣醬，以點配炸物，感覺應更滋味。香酥炸大排骨 $35酥炸排骨大件抵食，脆卜卜有兩大塊，欣賞排骨薄切，咬下去十分脆嫰、可口，而且一早已經切成一小塊，方便大家享用。如果有沙律醬點配，更加邪惡無比! 奮起湖燒雞腿排便當 $58燒雞腿便當作為必點推介，實在當之無愧。燒雞腿是肥美、無骨的雞脾肉，雞皮煎至焦脆，表面是滿滿光澤的雞油，入口滑溜溜，甜豉油的香氣迫人，配上蔥油，拌合在肉燥飯中食用，美味無窮! 便當Set的配料豐富，有滷水蛋、粟米粒及腐皮等冷盤，營養均衡，即使一個人來食，不點其他小吃，便當餐本身已經很豐盛了!肉燥拌青菜 $32肉燥拌青菜清清口腔的油膩感，也是不錯的選擇。但這個青菜不夠茄子惹味，茄子多了燒汁的甜味，但拌青菜也是翠嫰、有營的好菜式。魚酥皮蛋豆腐 $35皮蛋豆腐是出乎意料的好味，豆腐入口香滑、冰涷，表面舖滿酥酥的木魚碎，淡淡的豆腐香碰上鮮味的木魚，既是清淡健康，又可增添魚香風味，在平凡中增添一份不平凡。皮蛋份量很多，蛋香迫人，入口軟糯，加上肉鬆享用，箇中的咸香，滋味無比! 芋香珍珠奶茶 $28芋香珍珠奶味香濃，蜜甜順口，珍珠細細粒，Q彈、有嚼勁，不會像一般粉團入口有渣，是台式飲品中必飲推介! 總括而言，<鐵牛台灣牛肉麵>的菜式選擇琳琅滿目，份量多又價廉物美，我們仨人吃完也捧著肚皮離開。食物水準不錯，感覺只欠飯後美點，建議餐廳加入台灣特式的甜品，如刨冰和｢棺材板」等，令整個用餐體會更豐足。簡言之，鐵牛是尖東一帶中罕有的台式風味菜館，有機會必會再來幫襯! …查看更多

一家人行完街經過呢度，咁啱見到又好想食台灣野，所以入咗嚟～ 冇諗過全部嘢食都咁好味同埋抵食，平均每人＄100，四個人食到超飽～首先叫咗個「主廚私房牛肉麵」＄69，大大碗，入邊已包括左大塊金錢𦟌，秘製牛腩同埋香滑牛筋，三種牛都好好味好香，超大碗面好滑～因為媽咪特別鍾意食牛筋，所以另外再叫多一碟「香滷滑牛筋」＄48，冇諗過咁抵有咁大碟，牛筋好彈牙，好好味，大家可以補充骨膠原～跟住仲叫咗啲小食拼盤，「鹽酥小拼盤」＄45，包括左鹽酥雞，脆薯同埋花枝丸，花枝丸好好味，細妹特別鍾意食脆薯，所以特登另外再叫多碟「黃金梅子脆薯」$ 32，配埋啲梅子粉真係好好味！！「鹽酥雞拼夜市小香腸」$ 39都好味～ 又再encore左個鹽酥雞＄32～熱愛台灣小食嘅我哋又點會咁快停得口啊，之後我哋仲叫埋「小街綜合滷味拼盤」$ 45，包括左滷水蛋，豬爽耳同埋大腸，超正！！飲品叫咗「巨峰葡萄梳打」，「荔枝Q果梳打」各＄35，好好飲～總括：價錢抵，質素高，份量多，全部都好好味，食唔停口，值得推介！！…查看更多