鐵牛台灣牛肉麵 (希爾頓大廈)

同朋友喺尖沙咀行到攰，專登嚟希爾頓中心呢間「鐵牛」食台灣下午茶。餐廳光猛乾淨，卡位坐得舒服，傾計一流！▪️麻辣擔擔私房牛肉拌麵：必食推介！一上枱就見到用心滷製嘅金錢腱，厚切軟淋入味；仲有骨膠原爆炸嘅牛筋，炆到黏口又彈牙，個麻辣擔擔醬香濃惹味，撈勻食真係無得頂！絕對係總鋪師級數嘅私房菜。▪️小時候排骨台灣便當：懷舊鐵盒好有feel！排骨炸得香酥，肉質唔鞋，配埋滷肉飯同幾款小菜，份量足又夠地道。▪️木魚炸豆腐：外脆內嫩，木魚片喺上面跳舞，點甜辣醬食好開胃。▪️麻辣鴨血豆腐粉絲鍋：鴨血滑溜冇異味，豆腐索盡湯汁，麻辣湯底香醇唔死辣，粉絲掛湯力強。🍹 飲品有心思▪️（冰）宜蘭金桔檸檬蜜（少糖）：金桔同檸檬嘅酸甜平衡得啱啱好，清新解膩，飲完成個口好refresh！▪️（冰）美式咖啡：正常發揮，咖啡味醇厚，用來提神不錯。▪️滷肉飯嘅肥肉比例稍為多咗少少，怕肥嘅朋友可能要撈開食。總結：呢度食材新鮮有誠意，尤其係碗私房牛肉麵，真係食到廚師嘅用心同手功！環境舒適，絕對會為咗骨膠原牛筋同金錢腱再encore！…查看更多

和朋友來到尖東希爾頓大厦的「鐵牛台灣牛肉麵 」食晚飯，店舖光猛開揚，窗明機淨，座位寛闊舒適。餐牌上的食物總類也很多。火鍋賣相非常吸引，當然要試啦！《香濃蕃茄爆蔥鍋配安格斯牛肉片》$148小火鍋食物總類多，有芋頭、貢丸、血米高、蜂巢豆腐、蟹柳、魚餃、魚豆腐、響鈴、蕃茄、雞蛋、娃娃菜、金針菇、粉絲、冬菇和蘿蔔。每樣一件，夠晒多元化，也可以吸收不同的營養。蕃茄湯底清甜，薄薄的牛肉片輕輕芍一下就食得，還可以自選跟飯或新竹米粉，值得推薦。《總鋪師私房牛肉麵》$88喜歡吃牛的朋友一定不要錯過這碗牛肉麵，有金錢展、牛肋條、牛筋、牛肚絲，份量足夠，牛肋軟腍入味，牛筋彈牙，牛肚絲爽口，湯汁味道恰到好處，樣樣都好吃。《綜合滷味拼盤》$58 鹵水蛋、鹵大腸、豬耳爽滷味拼盤每樣都非常入味，尤其是豬耳，又爽又腍，口感一流。《酥炸花枝丸》$40大大粒的花枝丸外酥內嫩，非常彈牙，好正。《紅豆珍珠奶茶》$38《宜蘭柑桔檸檬蜜》$32…查看更多

位於尖東嘅🌟鐵牛台灣牛肉麵🌟，除咗主打嘅台灣牛肉麵🍜外，同時供應台式鍋物♨️及便當等，人均都係一百左右，性價比唔錯👍🏻！🍱小時候排骨台灣滷肉便當 $79排骨係古早口味，炸得夠香口，滲去陣陣香料嘅氣味！滷肉飯做到肥而不膩，唔錯！♨️香濃蕃茄爆蔥鍋 - 安格斯牛肉 $148包含十幾款索湯配料嘅台式鍋物，配埋白飯/新竹米粉，份量豐盛！蕃茄湯底都幾香郁，帶蔥香同埋天然嘅甜美，幾好！🔥鹽酥小拼盤 $56包含三款台灣夜市熱門炸物：鹽酥雞、花枝丸、脆薯！🌶️麻辣鴨血豆腐粉絲煲 $56熱鍋上菜，好香！麻辣味適中，鴨血夠滑，豆腐粉絲同埋娃娃菜勁索湯，十分惹味！🧋感恩珍珠奶茶 $34｜鴨屎香狂打檸檬茶 $36餐廳供應多款台式手搖飲品！…查看更多

同仔仔響尖沙咀辦些事之前，在附近一間食台灣牛肉麵的店舖食咗晏先，未到公司食晏時間，人流唔算多，單邊一排卡位，唔太逼好舒服！因為午飯時間所以冇套餐，但一碗麵加些錢可以有主食、小吃和飲品，價錢都算合理！總舖私房牛肉麵（人氣之選）香濃牛肉湯加埋淋滑牛肉，麵底軟硬適中！鐵牛台灣牛肉麵 （半筋半肉麵 ）都係用牛肉湯底，牛筋真係好稔， 牛肉夠入味，兩款牛肉麵要加入酸菜一起食，提升牛肉麵的味道，份外滋味！小吃有紅蔥燙青菜、逢甲鹽酥雞，外微脆帶有鹹香味！有菜有肉好滿足！仲有夜市小香腸，在腸上面加片生蒜片，如果喜歡食蒜片的會特別鍾情！飲品係鴨屎香狂打檸檬茶和嘉義檸檬冬瓜茶，兩者都用（黃金比制作），下午天氣仍然悶熱，嘆返杯冰凍檸檬茶都好爽！…查看更多

@鐵牛台灣牛肉麵今日去咗尖東唱lunch K，唱完之後周圍行下啦，經過呢間位於地庫嘅鐵牛牛肉麵，半圓窗口望入去見到環境唔錯，感覺幾舒服，我又好耐冇食過台灣嘢，就即管試下！㊙️見到餐牌寫湯頭係用🐄牛大骨燉煮，並加入爆炒牛肉和大量蔬果🥦🥕🥒🍅慢火熬製嘅湯，最重要係冇味精，我估都冇得輸，所以我哋每人嗌咗一個牛肉麵📌鐵牛台灣牛肉麵（半筋半肉麵）+$3轉新竹米粉湯汁方面，牛味好濃，但絕對唔咸，可能加埋啲蔬果熬製帶少少蔬果清甜味，牛筋炆得好淋好入味，啖啖充滿骨膠原，入口即化，非常黏嘴，而牛肉切到大大舊都炆得好淋，好有咬口，兩種唔同嘅口感，超滿足。米粉係偏幼嗰種，吸曬啲湯汁，超好味📌總舖師私房牛肉麵有金錢展，牛肋條，牛筋和牛肚絲，各有唔同嘅口感，軟嫰，爽彈....牛肉麵口感彈牙又嚼勁，掛上湯汁亦有另外一番風味📌宜蘭柑桔檸檬蜜(熱)柑桔檸檬蜜，清新又潤喉，還可以解油膩📌滋潤蜂蜜檸檬(熱)蜂蜜滋潤，檸檬又可解膩，甜度啱啱好📌酥炸花枝丸花枝丸炸到外脆內軟，Q彈紮實，還咬到入面粒粒嘅口感📌櫻花蝦粉絲娃娃菜用瓦煲上，用火慢慢加熱，粉絲索埋湯汁，正櫻花蝦大大粒，完全冇欺場總結：我覺得呢間台式小店食物質素高，真材實料，感覺到廚師用心烹調食物，最欣賞就係冇加味精，回家都唔覺得口渴，環境舒服又寬敞，價錢合理，午市和下午茶重免收加，一定會在encore❤️…查看更多

尖東附近有間台灣菜好出名好多分店 店舖好闊落兩個人都安排咗一個大卡位 坐得好舒服👍🏽👍🏽行入舖頭見到好多人都食火鍋，但我哋今日想食吓麵😋😋我哋叫咗麻辣擔擔夜市小香腸拌麵自己比起湯面，更加鍾意呢個拌麵 唔算好辣，啱晒我唔係太食得辣 但係又好惹味👍🏽👍🏽👍🏽鐵牛手沖涮涮牛肉麵湯底超級濃郁 牛肉好腍 麵條吸晒湯汁嘅精華 紅燒牛肉麵真係成日食 呢個係幾高質👍🏽👍🏽綜合滷味拼盤好入味，特別鍾意豬耳好爽口👍🏽酥炸花枝丸炸得啱啱好，一咬開好多汁😍 凍南投縣百香果QQ食完鹹嘢飲呢個好解膩 酸酸甜甜非常解渴👍🏽凍大甲椰椰芋香台灣風味嘅芋頭飲品 椰香味好重 唔會太甜👍🏽👍🏽👍🏽見到隔籬枱嘅鍋物好吸引 下次會再嚟試吓👍🏽👍🏽…查看更多

今日同朋友路過尖沙咀，想搵好西食。咁啱喺Openrice見到呢間餐廳，比佢嘅招牌火鍋吸引咗，於是決定一試。餐廳俾我想像中闊落，而且裝潢都唔錯。侍應安排咗我哋坐卡位，卡位嘅位置大概可以坐到四至六個人。我哋嗌咗首先吸引到我哋嘅香濃蕃茄爆蔥鍋，配安格斯牛肉🥰唔可以唔講，佢嘅配菜真係好豐富，蕃茄濃湯都好入味牛好鮮嫩，大推！小時候排骨台灣便當睇相都覺得好精緻，滷肉夠肥夠入味。排骨酥脆可口，仲有小配菜可以解膩同樣推薦綜合滷味拼盤滷味非常入味，最鍾意佢嘅滷蛋。另外豬耳爽脆有咬口，值得一試。鹽酥雞拼夜市小香腸鹽酥雞好酥脆，香腸外脆內軟，亦有輕微嘅蒜味點綴。有時候紅豆珍珠奶茶愛玉Lemon凍飲第一次飲紅豆珍珠奶茶，覺得好有創意。另外檸檬凍飲真係大推食完煎炸嘢之後，酸酸甜甜嘅飲品適合解膩整體而言，下次都會再嚟幫襯。…查看更多

位置寬敞 ～ 坐得好舒服🥰勁多選擇 ～ 除左台灣出名既牛肉麵 便當等等仲有好多款地道小食可以揀！小時候台灣排骨便當 $793款拌菜都好好味 開胃到我食指大動😆略嫌跟餐嘅滷肉飯唔夠多汁 食到一半會唔夠汁多返少少醬汁就perfect😝排骨炸到勁酥脆 而肉質仲保持到鮮嫩多汁簡單調味 已經好好食🤤鐵牛台灣半斤半肉牛肉麵 $78湯底我揀咗麻辣湯 要另外加$6辣辣地嘅湯配上大量酸菜 好惹味牛肉同牛筋都炆到好軟腍 好入味尤其係牛筋十分之出色！！一咬就係嘴入面化開 😍 滿滿嘅骨膠原 鹽酥小拼盤（下）$56有甘薯條 花枝丸 鹽酥雞 綜合滷味拼盤（上）$58有滷蛋 豬耳 大腸每一樣都滷得好入味👍🏻香水檸檬紅茶 $28食完咁多炸嘢最岩飲佢黎解油膩～用左香水檸檬檸檬味特別出檸檬冬瓜茶 $30 冬瓜茶加左檸檬感覺好清新 推介❤️‍🩹如果想重味啲仲有幾款調味料比你自己加…查看更多

今日行完了尖沙咀，剛好想去吃台灣菜，於是便來了這餐廳吃晚餐。肉燥鹽酥雞乾伴麵（$58）：肉燥的香氣濃郁，調味恰到好處，讓人吃了一口還想再來一口。鹽酥雞外皮酥脆，內裡鮮嫩，非常好吃。鮮嫩的鹽酥雞與肉燥相融合，使得每一口都能夠享受到肉類的豐富口感，搭配麵條的滑順，形成了美妙的口感對比。椒麻牛肚絲（$35）：牛肚絲保留了嫩滑的口感，與椒麻的香味相結合，讓人食欲大開。牛肚的彈性和醬料的麻辣感相得益彰，兩者融合在一起，形成了獨特的口感層次。椒麻的風味在這道菜中十分突出，特別是花椒的香氣和微微的麻感，使整道菜更具特色。木魚炸豆腐（$38）：木魚炸豆腐的外皮酥脆，而內部的豆腐則保持了柔軟的口感。這種外脆內軟的對比讓人十分滿足，咬下去時發出酥脆的聲音，令人垂涎。番茄湯紅燒牛肉麵（$68）：番茄湯紅燒牛肉麵是一道結合了番茄的酸甜和紅燒牛肉的濃郁香氣的美味料理。番茄的清新和酸味與紅燒牛肉的醇厚相互融合，形成了一種獨特的風味。湯色紅亮，香氣撲鼻，喝上一口便能感受到湯底的鮮美和豐富的味道。牛肉肉質軟嫩，易於入口。紅燒的調味使得牛肉更添風味，但不會過於油膩。…查看更多

以前經常來鐵牛，今次一來，發現晚飯選擇繁多，座位更舒適。鹽酥小拼盤香脆的鹽酥炸物包括了炸花枝丸、炸黃金薯和鹽酥雞粒。面頭佈滿調味的梅子粉，酸甜味加上酥炸味香而不膩。涼拌小黃瓜清香的小黃瓜，配有清爽的醬汁很開胃。雙重芝士牛奶鍋 配安格斯牛肉片雙重芝士真的名乎其實，湯底非常濃郁的芝士味道，內裡的配菜如蜂巢豆腐、蘿蔔及娃娃菜等都吸滿了牛奶鍋的味道。配上安格斯牛肉片非常吸引。轉了滷肉飯配牛奶鍋，油香滿滿。總鋪師私房牛肉麵牛肉麵香味十足，湯底用了牛肉湯，帶有油香和牛肉味。牛肉軟硬度適中又入味，份量亦很多。（冰）感恩珍珠奶茶奶茶味味道突出又不會過甜，是能品味到茶味的奶茶。（冰）草莓牛奶爆珠一粒粒甜甜的爆珠與草莓牛奶一同流入，很是香甜。…查看更多

🍲 香濃蕃茄爆蔥鍋——湯底番茄味好濃，酸酸甜甜，配菜、肉、米粉齊全，打邊爐feel滿分。 🍜 半筋半肉牛肉麵——牛肉、牛筋炆得入味，麵條彈牙，湯底濃郁但不死鹹，食落實在。 🍢 鹽酥小拼盤＋夜市小香腸——鹽酥雞炸得外脆內嫩，香腸鹹香迷你啖啖肉汁，台灣夜市味道重現。 🥤 飲品方面，感恩珍珠奶茶珍珠煙韌，奶茶濃郁；檸檬冬瓜茶清新解膩，好適合配重口味餐點。整體坐得舒服，落單出菜快，份量足夠，食物水準有驚喜，性價比高，用餐過程超滿足…查看更多

今日同朋友去咗尖沙咀，發現咗間人氣爆棚既牛肉麵店，真係唔可以錯過！🍜🌟 總鋪師私房牛肉麵 $86 呢碗牛肉麵絕對係人氣之選，湯頭濃郁入味😍金錢𦟌嫩滑、牛肋條燉得軟綿綿好入味、牛筋彈牙而且充滿骨膠原，牛肚絲爽脆，四種牛肉部位簡直係各具特色呀😋仲有清甜既蘿蔔提升風味，搭配彈牙既麵條，令人一試難忘✨🌟 凍大甲椰椰芋香 （加$15）呢杯凍飲椰子味濃郁，同芋頭簡直係完美既配搭，仲要係無糖好適合美女們，夏天飲真係一流🍹🌟 鹽酥小拼盤 $56小拼盤好豐富呀，鹽酥雞和脆薯金黃香脆，花枝丸非常彈牙😍每一口都外脆內軟🥰總括黎講，呢間牛肉麵店既食物質素高，環境舒適，非常適合同朋友聚餐，絕對值得一試！👍🏻📍鐵牛台灣牛肉麵尖沙咀加連威老道96號希爾頓大廈LG樓28號舖 …查看更多

喺演唱會之前要食飽啲搵到呢間喺尖東嘅台灣嘢有台式火鍋，牛肉麵 ，便當啱晒一個話要打邊爐，一個想食麵麻辣擔擔私房牛肉乾拌麵食得紅燒牛肉麵多 呢度有乾拌麵 仲有麻辣二話不說就揀咗 不過辣度好似冇得揀食落都幾辣 如果怕辣嘅朋友就要留意啦但不得不說呢個真係幾高質麵質粗粗肥肥 淋得嚟仲有咬口 非常掛汁麻辣好惹味 加埋啲牛肋條炆得幾淋配上牛肚絲 青瓜絲增加唔同口感 非常好份量亦都夠 飽飽香濃蕃茄茄爆蔥鍋一大鍋乜都有見到都開心，芋頭貢丸好有特色，配新竹米粉掛湯之餘又唔會浸到腍晒，加咗$10配安格斯牛肉，肉質好好冇得彈涼拌皮蛋豆腐食完個濃味嘅拌麵配返個冰凍滑嘟嘟嘅豆腐 清返個味蕾 皮蛋都幾靚仔食落甘甘甜甜 高質涼拌小黃瓜酸酸甜甜爽口，特登留返幾條食完所有嘢之後再食，經過一輪麻辣酸甜味道轟炸之後，好好清下個味蕾，非常清爽總結嚟講地方非常闊落，坐得好舒服，而且比起裝修，嘢食嘅質素一啲都唔輸蝕，非常有台灣味道，如果係同朋友聚會，慢慢坐下傾吓，嘆吓台灣美食，係一個唔錯嘅選擇…查看更多

尖沙咀好多年冇食過鐵牛，經過尖沙咀就揀咗食佢。原味石頭小火鍋配安格斯牛肉+新竹米粉鐵牛手沖涮涮牛肉麵同朋友叫咗一個火鍋同埋一個牛肉麵share。同幾年前食嘅好唔同，而家勁啱打卡🤣火鍋一直有明火熱住，熱辣辣，冷氣底下食勁爽。仲有好多唔同嘅配料。除咗基本嘅蟹柳，菜，金菇，丸，呢啲之外仲有台灣特色嘅米血糕！牛肉麵真係勁啱打卡，牛肉份量都唔少，自己加湯落去覺得特別好食🤣夜市小香腸一定要食嘅香腸仔，香口，台灣腸特別好食。酥炸花枝丸花枝丸炸到外脆內嫩，加埋小小調味粉，好似去咗夜市咁。宜蘭柑桔檸檬蜜用咗封蓋膠樽，飲唔晒仲可以拎走。金橘蜜酸中帶甜，好解渴。（熱）大甲椰椰芋香朋友揀咗呢杯熱飲，一嚟到已經聞到勁香香芋味，飲落去個胃暖笠笠。…查看更多

令人非常失望嘅台灣菜經常食台灣菜嘅我，見OpenRice 有300幾個好評 就走試 結果中伏一入到餐廳，環境都算乾淨企理，明明無客人，都唔願意安排卡位俾人，單人位置嘅座位無靠背，座得非常唔舒服。當日點咗個鹽酥雞滷肉飯餐，野飲非常好飲，用罐入住，先特別。鹽酥雞同配菜正正常常。最不滿意就係個滷肉飯，個汁偏甜，最令人反胃就係豬皮上有豬毛，成碗一半肥膏皮上有豬毛，有同職員反映，都有換左碗俾我，食左幾淡都無晒胃口，但仍然都有宜個問題我並不是廚師但都知處理宜類食材要用火槍處理或拎貨個陣叫批發商先處理掉，廚房非常不專業。賣$80幾蚊宜個價錢就真係對唔住個餐，如果賣$40-50我覺得仲可以接受宜d低級錯誤加上我係第二區過黎，由荃灣線行過去都花費我15分鐘時間，位置偏遠，食物質素差，有試過其他出色嘅台式餐廳比較下，應該唔會再黎…查看更多