至尊滿屋日本料理 (已結業)

食開滿屋的放題都知佢D壽司款式特別又好味，200一位凈係係壽司放題都抵,更何況有其他好食的選擇，仲有沙津、甜品、湯、粥粉麵飯、刺身、串燒炸物樣樣齊! BTW串燒一定要食鹽燒牛舌!!壽司我特別推薦呢幾款:白松露中施羅壽司千島醬燒帝皇蟹棒壽司燒芝士三文魚腩卷醬燒三文魚壽司好食到係會瘋狂ENCORE既>,<另外其他小食都好正,除左香口、厚薄適中既鹽燒牛舌,仲有北海道焗廣島蠔同芝麻雞翼我都十分推薦~主食類推薦:至尊蟹皇海鮮粥(份量頗大),有蟹同好多元貝粒粒,好足料~黑蒜叉燒拉麵MINI SIZE岩岩好可以咩都食下，湯底香濃~最後當然唔少得甜品啦,仲有Movenpick,Haagen Dazs雪糕包你食到好滿足~…查看更多

間唔中須要獎勵下自己，最好的辦法就是通過食好的。所以，今天我就和另一半去放肆一下，決定去食一餐放題。食放題方便之處再於不用選擇，可以每款叫一點，可以一次過吃很多很多美食。今次就選擇了這間位於旺角瓊華中心的放題，7點半左右入座，價錢相對較其他的值。我們上到去後，只見至尊滿屋裡面人頭湧湧，幸好我們有訂座，可以馬上入座。放題除了食物吸引之外，看點餐紙亦是非常與奮。我們首先將所有點餐紙撕一張，再慢慢選擇。為免整桌都是食物，我們都是分了2-3輪遞紙，方便自己。我的個人技巧為1. 刺身及壽司; 2. 炸物及小食; 3. 熱食類。由於我們點了不同款式，我就精簡地選出必食的5款供大家參考:◯ 1. 刺身刺身類較為特別的，我會推薦帶子。一來不是間間放題都有，二來帶子吃落感覺新鮮，而且味道十足，值得不斷encore。其次就是大赤蝦，原條大赤蝦啖啖肉，比起甜蝦口感更為滿足。◯ 2. 壽司繼刺身後，下一樣要推介的就當然是壽司。壽司類別眾多，我個人認為白松露中拖羅壽司是最好吃的。原因是拖羅非常肥美，咀嚼時拖羅的鮮味完全爆發出來，加上松露的獨特味道，是所有壽司中最為出色。◯ 3. 榴槤炸彈這顆炸彈彈藥非常充足，內裡的榴彈醬一咬落去就自動流出來，餡多且味道相當之濃，並沒有偷工減料。我見到隔壁桌一人吃了三顆，喜歡榴槤的不妨一試。◯ 4. 鹽燒牛舌熟食的話，至尊滿屋的燒牛舌在放題之中算是名列前芽。鹽燒牛舌並沒有過強羶味，而且切得恰到好處，火爐亦控制得非常好，哎落不會太韌。我自己就吃了兩串，熟食的話，必推鹽燒牛舌。◯ 5.  西京比目魚比較可惜的是，這裡沒有鰻魚供應，但比我找到一個替代品就是西京比目魚。 比目魚是乾煎的煮法，所以吃落非常香口而且富有魚膠感。其實味道真是不錯，但略嫌比目魚太多油，如果可以乾身一點就會更好。飲品及甜品均是自助形式，而雪糕就是每人一杯。我們選擇了Häagen-Dazs的季節限定，是焦糖脆脆，頂級好食! 建議大家如果遇到的話就一定要選。至尊滿屋的放題性價比超值，平日7點半入座都是$218，難怪人頭湧湧啦。其他食物如下:…查看更多

老婆生日，佢最鍾意食日本野，所以早一個星期就book定呢間日本放題。晚市放題五,六,日 $248/位先點左刺身: 三文魚刺身, 珍珠柱貝刺身, 甜蝦刺身, 鮑魚片刺身, 北海道角螺刺身, 赤貝刺身Like 佢地嘅 Facebook Page 就有海膽刺身送，記得 Like 呀~ 按人頭送，一人一件 (但使唔使用咁大隻碗裝兩件海膽?!)  海膽雖然係送，但都鮮甜無腥味。虎蝦天婦羅，松葉蟹棒天婦羅 : 味道普通，上枱時已唔熱。羊架 : 少少騷味，煮得有d "鞋"鹽燒牛舌 : 好爽口~鮮蝦海鮮生春卷 : 味道普通，沙律醬太多，蓋過蝦味。榴槤炸彈，芝麻雞翼，吉列炸蠔  : 榴連炸彈熱辣辣脆卜卜，榴連味濃，好味。芝麻雞翼脆口。呢度甜品雪糕有 Movenpick 同 Haagen-Dazs。 揀左 Movenpick 瑞士朱古力 同 Haagen-Dazs 比利時朱古力。…查看更多

蝦子餅提議吃日式放題，想起瓊華中心有一間沒有試過，便去試試看。至尊滿屋跟滿屋屬同一集團。來自韓國的飲品，味道麻麻。喜歡喝酒的朋友可以任飲Hoegaarden Rosee。第一碟來的是燒紐西蘭香草羊鞍，味道很好，是一個很好的開始。黃金膽中花之戀的賣相叫人失望，幸好味道總算不錯。實物跟圖片的落差太大了。首輪刺身拼盤來了，有三文魚、油甘魚、深海大赤蝦、鮑片、劍魚腩、赤貝、馬刀貝、北海道角螺和鮮帶子，全部都很新鮮，但要投訴不夠數，三文魚點了八片只來了五片，深海大赤蝦點了四隻卻只來了三隻。焗廣島蠔的蠔不算太小，加上配料和醬汁很好吃。清酒煮扇貝的扇貝細細隻，鮮味十足。鹽燒雞翼新鮮熱辣，鹹味適中，外皮燒得很香脆，裡面的雞肉依然嫩滑。燒有機鮮菠蘿切得很厚，是窩夫吃過的放題當中切得最厚最大件的，菠蘿鮮甜多汁，一定要安歌。鹽燒海蝦的海蝦很新鮮，燒得剛剛好。燒冬菇串稍嫌過乾。刺身當中，窩夫與蝦子餅特別喜歡三文魚、深海大赤蝦、帶子和馬刀貝，要多點一輪，這次點了四隻深海大赤蝦卻只來了兩隻。鹽燒牛舌漏了一次單，終於可以吃到了。至尊滿屋的壽司款式比其他放題多，當中更有空運活魚壽司，黑松露油甘魚壽司和金目鯛壽司都很有水準。虎蝦天婦羅的脆漿太厚太硬，可說是全晚最不好吃的東西。黃金包即炸奶黃包，飲茶已經很少見到這款點心了，沒想到在日式放題可以吃得到。鹽燒雞翼太好吃了，窩夫要再來一隻，只點了一隻卻來了兩隻，但這兩隻不及之前那隻好吃。再來一碟壽司，分別有白松露吞拿魚壽司、香芒大蝦壽司和XO醬帆立貝壽司，白松露很香但吞拿魚太多筋了。每位客人限點一杯Movenpick雪糕，窩夫與蝦子餅選了雲呢拿味和士多啤梨味。除了雪糕，還有其他甜品，值得一試。…查看更多

日本嘢久唔久都有食吓，其實，都幾鍾意同啲朋友一齊食放題，因為一個固定價錢任食有數圍，但比起食自助餐又平一截，食物選擇亦唔少，想食乜就點乜，各有所好，唯一喺漏單、時間緊嘅負面問題。但睇番近一年嘅食評，原來好耐無食過放題，對上一次已經喺舊年年尾嘅事，所以，拋出食放題嘅提議，實行大擦一場 。為咗減少漏單、時間緊嘅問題，食早啲喺不二法門，所以訂6:00pm，預早睇定有咩食，分頭剔點菜紙增加效率，就算限食到8:00pm，兩粒鐘食餐飯都差唔多，再者，越早客越少，漏單嘅問題相對都細啲 。餐廳佔商廈全層，地方都幾大，早到關係，只有一排座位被安排入座，不過，7:00pm已經滿晒座，離開時，門口仲堆滿客，多人到不得了 。一如所有放題，點菜紙分門別類放晌枱面，以小型檔案簿釘住啲點菜紙，個人覺得分得太多張，而且，好容易有漏夾嘅問題。大部分食物由點菜紙落單，小部份食物如甜品及汽水、果汁、啤酒或熱茶，可到專櫃自取，而甜品及飲品兩者嘅選擇亦算得上多 :) 。有一系列OKF果汁（其實喺韓國牌子嘢），有多款口味，我哋先後試咗芒果、菠蘿、提子、桃，又幾好飲喎，裡面仲有啲纖幼嘅果肉啜吓。個人最心水喺桃味，味道較為清甜，卻帶有濃郁桃香味 。此外，更每位客人奉送一杯Movenpick雪糕一杯，4款口味供選擇。 刺身 除咗日本玉子刺身外（你無睇錯，佢真喺寫「日本玉子」，稱得刺身，即喺魚生，有啲刺身已用牛肉、馬肉，但玉子，即喺雞蛋，但佢又唔喺俾隻生蛋你，仲可唔可以叫魚生呢？），其餘10款海鮮都叫齊晒，樣樣兩件，包括：三文魚、油甘魚、劍魚腩、甜蝦、深海大赤蝦、鮑魚片、馬刀貝、赤貝、鮮帶子及北海道角螺，裝成一大碗兩人份，睇落啲刺身色澤新鮮，非常吸引。試勻10款，同老婆都覺得整體啲刺身都有水準，尤其三文魚、劍魚腩、甜蝦、鮑魚片、馬刀貝同北海道角螺，鮮甜出；反而，深海大赤蝦口感太膠，鮮帶子亦無夠爽口，顯得有少少失色。 壽司壽司類都有好多選擇，無論一般嘅壽司、空運活魚壽司、火炙壽司，都睇得見晌配搭上花咗唔少心思，不過，怕太易飽肚，又只得我倆公婆，所以，只選擇試試幾款創作壽司。 創作壽司 4款中試了其中的3款：磯の雪魚籽醬帶子、黃金膽中花之戀及豆紙香茅三文魚沙律，配搭十分新穎，但味道普通。雪魚籽醬配帶子，集鹹鮮香；加入海膽嘅花之戀，驚喜無預期大，夾起嚟散晒，食得有啲狼狽；反而豆紙香茅三文魚沙律幾得意，睇張豆紙個樣好膠咁，入口軟軟哋，其實無乜味，而件壽司香茅味欠奉。 小食 豆腐及枝豆喺老婆心水，所以，胡麻冷豆腐及味付海帶枝豆各點一客，再加一份酸薑過過口癮，份冷豆腐真喺好滑，芝麻醬又香濃。 沙律 沙律類唔喺啲大大路嘅柚子沙律、中華沙律之類，5款沙律中有好幾款都挺特別，想就梗想試晒啦，不過，兩個人食得幾多吖。結果，揀咗黑松露胡麻海鮮沙律及牛油果香草鮮蝦沙律，難得兩款都無迤做，沙律菜底好新鮮爽脆，而前者黑松露搭胡麻幾OK喎，濃香盡出，而後者香草味好突出，鮮蝦亦爽彈，只恨佢牛油果少得可憐。 手卷、軍艦、卷物平時去食日本嘢，依幾類食物當然都會點啦，不過，去到放題，咁飽肚嘢就通常都放棄。雖然如此，其實睇番佢哋嘅選擇，睇落又似乎唔錯嘅，不過，無理由為樖樹放棄個森林嘛。 炸物香口嘢當然啱啦，不過，6款炸物裡，如黃金炸雞、吉列炸帶子、酥炸黑輪卷……等等，唔算好吸引到小弟，所以，亦都無點。 天婦羅 無食炸物，天婦羅就更加唔可以錯過，當中幾款天婦羅野菜，就更啱老婆，溫室南瓜天婦羅、秋葵天婦羅、蕃薯天婦羅都喺佢嘅偏愛，南瓜、蕃薯都粉甜，秋葵爽口；虎蝦天婦羅亦都不俗，全部入口都唔油，粉漿夠薄。 燒物 基本上，燒物我哋都叫得唔少，不過，樣樣都喺逐串逐串嚟，結果發現佢哋喺儲單出菜，未夠有霸氣咁一碟過嚟晒啲燒物。兩張點菜紙，共有12款選擇。燒雞翼、鹽燒海蝦、燒冬菇串、燒牛餅串屬普通之選，唔喺話唔好食，只喺普普通通啫，當然，對雞翼、海蝦……等等有情意結就另計，而燒牛餅串似燒到乾晒水嘅牛丸咁，不過，沾啲泰式酸辣醬又幾OK喎。燒廣島蠔、鹽燒多春魚、燒有機鮮菠蘿、燒鰻魚串、燒有機日本蕃薯仔屬美味之選，廣島蠔大隻厚肉，加埋啲芝士、洋蔥粒一齊焗，幾好味；多春魚勁多春，外皮幾香脆；燒菠蘿一向都好食，燒乾少少水份，就更清甜；而鰻魚串搽上照燒汁去燒，香濃惹味；蕃薯仔一口一粒，好粉好甜。燒紐西蘭香草羊鞍、鹽燒牛舌屬個人喜好之選，好唔好食在乎個人口味，羊鞍燒得焦香，既有香草味，又有點點羊羶香，肉質軟腍富肉汁；牛舌煙韌，帶股獨有嘅牛舌燥味。 主食 依一類包括啲拉麵、烏冬之類，壽司都無點試，超飽肚嘅拉麵、烏冬就更加唔會嗌啦。不過，佢哋反而有兩款湯品喺我哋都有興趣，尤其老婆就最鍾意飲湯。自家製立魚湯，同點菜紙個樣好唔一樣，不過，總算幾清幾香，味道不過不失；反而個南瓜湯掂喎，好濃南瓜味之餘，口感順滑。 和風料理、一品料理兩款料理就猶如廣東式小炒或小菜咁，若非人少，一定會點一客鐵板雪花牛柳粒、雪花牛肉鍋及龍蝦海鮮粥嚟試試，擔心太大份，尤其個粥，標明2-4人，真喺一客頂幾份刺身啦，小弟仲想留少少肚食甜點，食甜點總會令人開心啲！ Movenpick雪糕 品牌始終喺唔牌，質素有一定保證。老婆揀朱古力，軟滑香濃，內裡仲有朱古力碎片；小弟揀意式奶凍，好重奶香味之餘，拌入紅桑莓醬，帶點酸甜味，好食。 甜品 一口氣搞攞晒咁多種類甜點，有朱古力餅、朱古力撻、馬卡龍、綠茶奶凍、木糠布甸、意士多啤梨奶凍，質素唔會有咩好大驚喜，但都算中等偏上，尤其啲馬卡龍，比預期中好，外層脆得嚟有點煙韌，甜得唔會太過份，唔甜就唔喺馬卡龍啦，最麻麻喺啲朱力餅，朱古力味雖濃，但入口好乾。順帶一提，7:30pm前離座或9:30pm後入座有85折，就算8:00pm前離座亦都有9拆，依啲小小著數就到就盡量用啦，算喺變相唔收加一嘛。頭輪相對客少（都喺初段嚟講），印像中都無咩漏單，喺有啲串燒拖到好尾先放嚟。而食物質素以咁嘅價位，又有咁多選擇，稱得為上算、抵食，此外，店員嘅招呼唔錯，收碟勤快亦有禮，整體服務都幾到位，7:00pm先叫埋單，但可以繼續點、繼續食，到7:15pm提你7:30pm喺截單時間，再到7:30pm又提你有咩想食可以把握時間落埋單。雖然，未至於抛嚿磚，引塊玉返嚟，但「至尊滿屋」的確喺間食得過嘅放題店 。…查看更多

當晚，what's app group 的食玩 group 飯聚！  有好幾位成員參加，今次在旺角瓊華中心 7樓的 <至尊滿屋> 食放題！ 我們先到先等，由於我搭地鐵遊車河瞓覺，因此，我是最遲到的一位！ 這裡的桌子排得密密麻麻！  走廊位窄，尤其是自助取飲品的位置，還要放張二人枱阻塞通道！ 兩本書仔就是不同食物種類的餐牌，只要撕下來落單便可以！ :)  食物選擇多元化，  琳瑯滿目，令人花多眼亂，  很多東西大家都想試呀！ 自助取飲品及甜品！於是，第一轉點了很多美食，還擔心會不會桌子也不夠放呢？ 第 1 round 最好上得又快又齊，  第 2 round 就漏哂單又上得慢！ 店員們人手足又勤快，每當食完剩下來的碟，很快被收走！ 放題 $238/位Peach drinks 來自韓國的桃汁，酸甜度適中，每一啖也嚐到粒粒桃肉，  意想不到的口感豐富，飲出驚喜！  Round 1)蘆薈沙律蘆薈本身清甜有水份，作為沙律是清新健康之選！ 蟹籽青瓜沙律入口微微卜卜脆的蟹籽與清爽的青瓜做到好朋友，  兩者一向都夾得來，簡單而普通的大路款式沙律！ :) 黑松露胡麻海鮮沙律海鮮是刺身，我卻接受不了！  只好食沙律菜吧！黑松露混合胡麻醬，前者其味突出！  與清爽的羅馬生菜，配合起來，一濃一淡恰到好處！ :) 鹽燒牛舌店方處理得好，僻去臭腥味，  夠鹹入味又爽口！ 燒有機鮮菠蘿鮮甜多汁又溫熱的燒菠蘿，令人一試愛上！ 燒有機日本蕃薯仔一粒一口，不會怕溜， :)  甜美粉腍！就算食一串兩粒也不過份吧！ 鹽燒海蝦區區一隻燒蝦已經散發鮮香，十分惹人垂涎，  香脆的蝦殼包住鮮甜彈牙的蝦肉，鎖住水份，食出原汁原味！ 刺身她們實在眼闊肚窄，點了很大盤！  貨源新鮮！  當中，馬刀貝的鮮味及鮑魚的味道最為突出！  細蝦比大蝦更鮮美！ 芝士鰻魚箱押 這款創意壽司賣相不錯！甜美的鰻魚與芝士口味夾配，加上紫菜絲，整體打破沉悶的框框！ 芝士軟殼蟹芝士、青瓜、軟殼蟹…的清新組合！ 黃金包黃金包的餡料是奶皇，這是一個既外脆內軟又甜美的炸奶皇包！細細個不怕太飽溜！ :)  份量剛好！  Round 2)自家製立魚湯滿載椰絲及京蔥，熱辣辣的味精魚湯，她們點多了刺身，於是，我放了蝦及帶子在湯中嘗試浸熟！變成獨一無二的海鮮湯！ 海鮮粥海鮮包括：蟹、青口…等，粥底算是軟綿綿的！ :)  調味幾合胃口！鮮味稍遜！ :( 芝士焗廣島蠔滿載香濃芝士味，廣島蠔混合清甜爽口的洋蔥粒及軟滑的冬菇，略嫌冬菇粒偏多，  感覺上喧賓奪主！基乎忘記了熟透而縮水的蠔！ :( 供應：雪糕劵點雪糕，每位只限一款，包括：movenpick 小方盒裝雪糕及 Haagen Dazs 脆米脆皮雪條！意大利奶凍雪糕香甜的牛奶雪糕，夾雜紅桑子籽，口感特別！是新出品，不錯的選擇！甜品我見馬卡龍有部份已破損，簡直不堪入目！不試也罷！ 綠茶奶凍 質感幼滑，輕帶綠茶味，可能綠茶味減輕甜度，不算甜，一試無妨！ :) 木糠布甸層次分明！如粉狀的木糠粉配上忌廉慕絲，嚐一、兩口還可以，食得多會覺得膩滯！ 星期四價錢，我們三人付 $238/位，另有加一服務費…查看更多

家中排行最細的我, 一屋男人, 小時候已很渴望有個妹妹, 直到姪女出世, 自然當她妹妹般看待, 所以跟她的感情要好。她之前見我食日式放題有Movenpick雪糕食, 嚷著想去, 於是趁她放暑假, 就帶她去大拆一餐。上回到過旺角的"御滿屋"都不錯, 今回則選擇同區的"至尊滿屋", 因為"至尊"聽落好像再利害一點(哈哈!!), 而且主打壽司和刺生, 是姪女的至愛。以為平日晚上不會有太多人出外用膳, 那就錯了, 晚上七點全店已是爆滿呢, 幸好早已訂檯! 星期一至三的晚市放題收費是$228 (另收加一), 星期四及週末多加$10-$20, 最便宜的莫過於是午市: $188!佔地雖不及御滿屋那邊的大, 但人頭湧湧, 非常有氣氛。而這邊主打壽司刺生的吧檯則是焦點所在。凍櫃的飲品選擇也不遑多讓, 汽水, 果汁和啤酒, 全是自由選擇, 當然也照顧不喝凍飲的朋友, 有熱茶供應。還有甜品櫃, 精緻糕點都不敵Movenpick和Haagen Dazs, 所以肚子沒有多餘位置放下甜品了!放題選擇共有16張紙之多, 個半小時的放題光陰好快會過, 所以把握時間, 邊食邊落單。先來刺生:點了三文魚, 鮑魚片和日本玉子刺生。雖然所點的刺生數量不多, 但都以冰鎮上檯確保新鮮, 不錯!三文魚清甜鮮味, 而且是厚切, 質素不俗。鮑魚片是用上素飽, 口感彈牙, 蘸上芥辣和醬油, 增加可口度。縱然不明白玉子何解會稱上做刺生, 但仍然叫上, 雪凍了的煎蛋香甜不錯。緊接沙律:在五款沙律中, 姪女選了店方推介的蟹籽沙律。蟹籽混合了青瓜絲和蟹柳絲, 夏天食, 清新開胃。然後是壽司卷物:三文魚腩壽司 - 先來三文魚, 的的骰骰的一口壽司。黑松露油甘魚壽司 - 黑松露香味令油甘魚提升鮮味, 不錯的配搭。芝士鰻魚箱押 - 想不到鰻魚加上牛油果及芝士的味道也挺好! 花之卷 - 一口大小, 蟹籽與三文魚的配搭, 還有那令人增磅的沙律醬, 令人滿足。火炙壽司:海苔醬燒三文魚壽司 - 壽司飯沒有鬆散跡象, 海苔醬與三文魚味道互相配合, 顯得惹味。火炙和風牛肉壽司 - 加上蒜粒和蔥花, 令牛肉更加香口, 燒過的牛肉又不會太韌。火炙鰻魚壽司 - 塗上醬汁燒過的鰻魚, 令人滿足。芝士醬燒帝皇蟹棒壽司 - 蟹棒上加有燒到焦香的芝士和沙律醬, 令蟹棒更惹味。見自家創作壽司的賣相蠻討好, 於是也叫來試試:豆紙香茅三文魚沙律 - 用豆腐所造的青綠色"豆紙", 柔軟得來帶煙韌, 味道微微清香, 反而香茅味不是太出眾, 淺嚐一下也不錯。來一 個小食: 胡麻冷豆腐加了胡麻醬和木魚絲的凍豆腐, 夏天作為小食很不錯呢! 豆腐很滑溜, 加上惹味胡麻醬, 值得再來一碟!最後到熱食 - 燒物鹽燒雞翼 - 只是用上鹽來燒的雞翼, 簡簡單單已好好味。鹽燒牛舌 - 牛舌很爽口, 還灑了黑椒粒同燒, 更加香口美味。鹽燒海蝦 - 非常大隻, 蝦殻還帶有點點海鹽味, 蝦肉都頗彈牙, 值得再叫呢!燒有機鮮菠蘿 - 燒過的菠蘿仍然鮮甜多汁, 清香好食! 相對地燒牛餅串, 燒墨魚丸和燒冬菇串比較燒得乾身, 來得一般, 過一下口癮還是可以。和風料理鐵板雪花牛柳粒 - 加有蒜片同炒的牛柳粒, 香氣十足, 不錯的配搭, 令人吃不停口。牛油炒日本粟米 - 我倆同是粟米愛好者, 當然要叫上。滿滿的金黃粟米, 香甜又有牛油味, 啖啖粟米好滿足!炸物:點了黃金炸雞, 吉列炸帶子和吉列蠔, 炸得金黃又不油膩, 尤其以炸雞最好食, 口味平衡, 香口又不膩。天婦羅虎蝦天婦羅, 溫室南瓜天婦羅和蕃薯天婦羅。爽口彈牙的蝦肉, 火喉恰到好處又不會炸得太乾, 香氣十足, 虎蝦和南瓜忍不住要再來一回。一品料理清酒煮扇貝 - 雖然賣相沒有了蔥花顯得單調, 清酒味亦不太強烈, 不過扇貝依然大粒彈牙。姪女於尾聲時竟叫來一鍋十分足料飽肚的雪花牛肉鍋, 這刻我真的投降了! 她還可以獨力消滅這個牛肉鍋, 真的很厲害!!最後到壓軸主角出場 - 雪糕。除了有Movenpick選擇外, 還有期間限定的Haagen Dazs雪糕批, 同樣每人只可選擇一款, 所以各選了一。Movenpick雪糕除了雲尼拿, 士多啤梨和朱古力味外, 還有新選擇: 意大利奶凍, 當然要試新味啦! 香甜士多啤梨味之餘, 奶味亦香濃。雪糕質地一貫的軟滑, 好味道! 而Haagen Dazs雪糕批只有一種口味: 曲奇雲尼拿。大小比市面上買到的略為小一點, 不過作為尾聲, 過一下口癮已非常滿足, 亦值回票價。發育期的年輕人果然後生可畏, 我早已飽到不行了, 姪女筷子仍未有放下的意欲, 這頓放題可真滿足這位大胃王呢!…查看更多

尖沙咀放題食得多, 今次同朋友去旺角食, 未知味道如何? 上到餐廳好快可以入座, 午市放題都好多人, 大半滿既客人.有2大本點餐單, 款式都算多.自助飲品櫃有2大個, 汽水, 綠茶, 柑桔飲品, 烏龍茶, 檸檬茶......選擇頗多.另一個櫃有橙汁, 提子飲品同啤酒.我就揀左大路既橙汁同柑桔飲品.甜品櫃有5款甜品, 我只揀左杯裝的3款來黎.刺身好新鮮, 三文魚好肥美, 油甘魚油脂豐盛好爽口甘香. 鱆紅魚滑溜冇筋.甜蝦隻隻都好大隻又鮮甜, 赤貝雖然好細塊, 但好爽口彈牙. 帶子唔腥好幼嫩.比較普通既係北寄貝唔夠爽口, 鮑魚片太軟淋同太甜味.小食芝麻八爪魚, 因為太耐猜食所以點來食, 味道正常, 如常濃味.卷身點了4款, 火炙三文魚親子卷, 雖然個賣相同實物唔同, 但一樣好看, 味道也好食. 三文魚子爆開鹹鮮與三文魚油香好夾.芝士軟殼蟹, 芝士半溶好夾軟殼蟹, 味道好好, 不用沾醬油已經好好食.至尊滿屋海龍卷, 個名以為好豐富, 只係蛋, 青瓜的卷物, 普通左少少, 但味道唔差.花之戀反而不太吸食, 沙律醬太少, 又不夾沾醬油, 食到冇咩味既魚油味.金目鯛壽司及池魚王壽司都比較軟身. 黑松露油甘魚壽司同樣魚油甘香, 不過跟黑松露唔太夾.呢度既壽司握得不易散, 食得方便. 而且都係細細件, 可以食多幾款口味.火炙和風牛肉壽司, 暖暖地牛脂溶化好香口, 牛肉薄薄一層配飯最完美.燒忌廉芝士蝦壽司, 芝士溶係忌廉汁上, 蝦肉彈牙加上濃郁醬汁, 好好味.醬汁燒蟹腳壽司就多汁, 但D汁有少少凍, 似解凍蟹腳既汁.牛油果海鮮沙律, 呢個好求其, 海鮮係幾粒刺身粒配沙律菜加芝麻醬. 但牛油果呢, 冇既?!黑松露鲜蝦沙律, 用油醋汁幾開胃, 蝦有3隻算多. 沙律菜也比較多, 好爽脆. 而且杯身好靚, 賣相吸引.鐵板雪花牛柳粒, 好惹味, 牛柳粒多肉汁又柔嫩. 油脂滿口好美味.天婦羅蝦好大隻, 炸衣頗薄, 不油膩好香口, 做得不錯.自家製吉列蠔都炸得脆卜卜, 蠔肉飽滿也不腥, 好味.清酒煮扇貝, 冇咩酒味, 但有味噌湯既濃鹹. 幸好扇貝嫩口, 膏也香滑.至尊榴槤炸彈, 超級好味. 好香好濃郁榴槤味, 內裡榴槤餡好多, 而且幼軟好味. 只係膩左少少.日式煮牛脷, 個人不太喜歡, 用咖哩汁來煮, 而且好淡味. 牛脷既脷皮也好突顯, 有點怕.反而呢款鹽燒牛舌, 爽口彈牙又惹味, 薄薄地又易咬, 味道香口得多.漏左少少單, 都可以接受既, 最後上埋個雪花牛肉鍋. 個湯汁超級甜.牛肉薄身而已嫩滑, 沾上生蛋黃, 味道更濃郁. 另外豆腐及菜都好入味, 味道不錯.木糠布甸最安全, 忌廉用甜忌廉感覺麻麻, 但質感頗滑.綠色個杯奶凍以為係綠茶, 原來薄荷味黎.士多啤梨味奶凍最好, 微微香味又不會太甜.不過我最期待既係MOVENPICK雪糕. 每人揀一款. 唔喜歡也可以揀哈根大師既雪糕雪條.士多啤梨好多果肉, 好香好好食. 朱古力好濃郁仲有好多朱古力碎. 完美既甜品.總拮, 食物種類多, 刺身同壽司都比較好食. 但甜品只限每人一杯雪糕.點好少食物也出現漏單情況, 但尚可接受. 不過上菜速度真係有待改進. 等太久了, 幸好進食時間比一般放題既耐, 所以也可以慢慢食.…查看更多

最近戀上放題，喜歡放題食品選擇多，食到盡。今次目標是旺角瓊華中心 7 樓的至尊滿屋日本料理，此店地方寬敞，不同時段入座，收不同價錢，每段2個半小時，由入座起計。食品款式應有盡有，除有點心紙自選食品外，也有各式飲品凍櫃、雪糕櫃，還有啤酒和熱飲。點心紙有刺身、壽司、手卷、軍艦、燒物、天婦羅、鐵板燒、一品料理、烏冬/飯/麵/粥等。刺身款式很多，逐樣點，先叫了三文魚、鮑魚片、北寄貝和甜蝦等。三文魚入口新鮮嫩滑、鮑魚片和北寄貝肉質爽脆、甜蝦肉鮮味甜，整體刺身水準不錯。燒物叫了鹽燒牛舌、鹽燒雞中翼、蒲燒鰻魚和焗廣島蠔。鹽燒牛舌，舌肉燒得剛好，配上醬汁，十分好味。鹽燒雞中翼，肉嫩多汁，好惹味。蒲燒鰻魚，鰻魚肉身夠厚，燒得皮脆肉鮮。焗廣島蠔，烤焗得好香，蠔味濃郁。再吃沙律，清清腸胃，點了黑松露鮮蝦沙律和牛油果海鮮沙律。黑松露鮮蝦沙律，蝦肉鮮甜爽口，再配黑松露醬，口味新鮮，有特色。至於牛油果海鮮沙律，切粒三文魚加沙律醬配牛油果，好味開胃。熱食叫了雪花牛肉鍋和粥，雪花牛肉鍋除肥牛新鮮嫩滑和份量十足外，配料也非常豐富，有水晶粉、金菇、冬菇、豆腐和紹菜，上面再加窩蛋一隻，絕不欺客，值得一讚。至於熱粥就普普通通，不算出色。再叫了多款天婦羅和壽司，天婦羅都炸得鬆脆，壽司也新鮮好味。另外亦叫了不少其他款式甜品、食品、汽水、飲品和雪糕，不能盡錄。整體而言，此店放題水準不錯，食品款式夠多，價錢合理。…查看更多