晉家門炭燒工房

#MC帶你去太子.依間懷舊復古風嘅餐廳，每次經過都比古樸嘅紅磚外牆所吸引，今日終於有機會試吓～➖✨ 晉家門炭燒工房.餐廳以西式料理為主，有意粉、意大利飯、牛扒、沙律，以及串燒等；餐廳裝潢古色古香，外牆採用紅磚砌成，店內以水泥牆配搭木系餐檯餐椅為主，帶有復古風格，環境簡潔舒適。➖🥢 黑松露野菌意大利飯｜$98.意大利飯飯粒沾滿香濃黑松露，香濃有咬口，搭配蘑菇及鴻禧菇等，每一淡都充滿著野菌香味。➖🥢 燒豬頸肉｜$78.每一片燒豬頸肉都厚度適中，外皮香脆焦香，肉質軟嫩，搭配泰式酸甜醬，份外惹味。➖🥢 鹽燒白鱔｜$38／1串.鱔肉燒到金黃，外皮燒至微微焦脆乾身，皮脆肉爽，搭配檸檬汁調味，清新又開胃。➖🥢 燒茄子｜$48.茄子長度十足！沒有辣椒、孜然粉，反而用簡單醬燒方式，加上少少蒜蓉、香蔥，調味剛剛好，十分推薦！➖🥢 鹽燒牛舌｜$38／1串.一串三件厚切牛舌，口感軟腍爽口，肉味香濃。➖🥢 沙嗲雞肉串｜$38／2串.雞肉嫩滑，燒得微微焦香。➖🥢 炸燒賣｜$28.食燒賣必配辣椒油！燒賣即叫即炸，十分香口；或者可以灑少少鹽巴，一樣咁好味！➖🥢 Floris Mango.依款比利時白啤酒使用100％新鮮芒果汁，入口濃郁芒果味帶淡淡麥芽香，口感醇厚回甘➖🥢 Floris Passion.依款比利時白啤酒帶有濃厚百香果香味，味道微甜微酸，加上清澈氣泡感，一個字︰爽！➖➖➖➖➖➖➖➖➖➖➖➖➖➖…查看更多

最近去咗太子呢間隱世餐廳，試咗佢哋嘅招牌燒春雞，真係好正！平時經過呢間小店都冇為意到，而家又可以多個朋友嘅聚腳點👍🏻👍🏻.❥ 招牌香草燒春雞 $228原隻春雞用香草、鹽同黑椒醃製，配上蒜頭和洋蔥，即叫即做，高溫烤過嘅雞肉外脆內嫩咬落去好Juicy，一路食一路滴汁，實在好味！.❥ 醬汁燒豚肉串 $38/2串❥ 鹽燒牛舌 $38❥ 鹽燒白鱔 $38豚肉燒得剛好，醬汁味道濃郁；鹽燒牛舌爽口；推介鹽燒白鱔，外皮焦脆，搭配檸檬汁調味，清新又開胃，真係食得過癮！.🌟推介大家約埋朋友嚟呢度聚會飲酒食串燒，同埋點埋必點嘅燒春雞👍🏻…查看更多

今日同屋企人行咗成日, 最後嚟到喱間居廬晉家門炭燒工房。 我哋一行八人, 分兩張枱坐, 店員指定動作後, 我哋就開始點菜。 人多, 點咗好多款菜同啤酒, 試到好多不同菜式。 啤酒店家係直接由酒商進貨, 所以全部都係外國啤酒, 當然有好多不同味道啦, 可以配合店家啲炸物或者炭燒嘢食一齊食, 更有風味。     店家嘅食物質素都好高, 好多食物都好欣賞, 好美味, 但當中一定要提嘅係香草燒春雞、鹽燒牛舌同埋香辣魷魚鬚。 香草燒春雞外皮有少少脆, 雞肉嫩滑多汁, 而且有陣陣香草香味, 趁熱食再加埋啤酒真係一流。 第二樣係鹽燒牛舌, 牛舌好爽口, 而且又有牛味, 炭燒得好香, 面頭鹹鹹地, 送酒真係爽。 最後係個香辣魷魚鬚, 魷魚新鮮爽脆, 燒得岩岩好, 再配埋椒鹽同少少炭燒味, 真係又香又惹味。店家店舖細細, 有好 warm 嘅感覺, 店員亦好熱情招待, 唔單止啤酒同食物味美, 仲有賓至如歸嘅感覺。…查看更多

每次經過都覺得呢間餐廳好特別，今日終於一試究竟。名符其實嘅街景餐廳，雖然出面街景唔靚，甚至對面就係豬肉檔，過一條街仲係街市，但其實都別有一番風味。一行四人晚飯時間嚟到，先叫了幾樣主食。意粉粉量足但略嫌太乾，意粉唔夠味，煙肉太咸，不太推薦。(4.5/10分)即炸魷魚圈，熱辣辣上枱但粉漿略厚，魷魚太淋太爛冇咬口，食唔出魷魚味，不推薦。(3/10分)pizza薄餅底，夠脆夠熱，調味適中，可以encore，都推薦試下嘅。(7.5/10分)燒春雞要40分鐘，上到嚟就知道絕對值得等。春雞原隻上，啱啱熟，非常嫩口，調味都好食。一開始淨係提供咗刀叉，所以都唔知要點落手分雞，之後店員主動拎手套比我地，就熱辣辣撕開咗隻雞，唯獨中間仲有少少粉紅可能未熟得透，不過個人認為就剛剛好。係必試美食，大推。(8.8/10分)食完主食未夠喉，就嗌咗手工啤同串燒。特別要講下餐廳嘅drink lists，佢詳細介紹晒所有酒類，有咩酒咩味，酒精濃度，甜度苦度等等，非常細心。我就要咗桃味啤酒，個人覺得有點太甜，比較適合女仔飲。(6/10分)厚切牛舌，可能燒太耐，太韌。(6/10分)雞肉串都夠嫩口多汁，可以試下。(7/10分)鯖魚燒唔夠，但都不過不失。(6.5/10分)一口和牛調味唔錯，但係肉質參差，一舊嫩口一舊鞋口，新「驚喜」。(6.5/10分)飲飽食醉，最後青檸梳打作結，大滿足！四人最後埋單1200有找，整體而言食物還好，環境有氣氛，勝在坐得耐可以慢慢食野吹水，會再去…查看更多