牛大人台灣火鍋吃到飽 (大鴻輝(荃灣)中心)

「牛大人」是一間任飲任食火鍋餐廳，相信大家一早已經知道。要食任食火鍋，大家都異口同聲地話，不如去牛大人啦。荃灣分店的牛大人裝潢簡潔舒適，營造出舒適的用餐環境。桌椅整齊排列，提供寬敞的用餐空間。坐得舒服對火鍋店來說亦是非常重要。一場來到，必定要食個最好的套餐，「澳洲極上和牛」套餐。✹ 1. 牛大人紅燒牛骨鍋牛大人其中一個特色在於其豐富的食材和火鍋湯底選擇。紅燒牛骨鍋以慢燉的方式熬製，湯底濃郁而清香。湯底散發著濃郁的燒牛骨香氣，保留了燉牛骨的細緻味道。這款湯底是喜愛食牛肉火鍋的絕佳選擇，能夠為靚牛帶來更豐富的口感和風味。✹ 2. 火鍋配料食材方面，牛大人提供了多種高品質的肉類選擇。手切封門柳、澳洲和牛M5牛肩卷和澳洲M9和牛牛丸都是令人垂涎欲滴的選擇，亦是最高級套餐的必食之選。這些肉類都鮮嫩多汁，口感豐富，能夠帶給用餐者極致的享受。此外，鮮甜的海蝦、新鮮的沙白和台灣雕魚片也是不容錯過的美味選擇。海鮮都保持了原有的鮮甜味道，為火鍋增添了豐富的清甜風味。其他配料方面，鴨血和豆腐是火鍋必備的食材。鴨血的軟嫩口感和豆腐的綿密質感能夠與其他食材完美搭配，增添了火鍋的豐富度和層次感。牛大人亦提供了台灣小食中的經典之一，魚香皮蛋豆腐，豆腐十分滑嫩，小食之中必點。最後，自助飲品區提供了各種飲品選擇，讓用餐者自由選擇。無論是汽水或台式茶飲，都應按自己的口味喜好選擇飲品。牛大人作為自助火鍋的領先者，質素絕對毋庸置疑。…查看更多

第n次食牛大人，經常都係嚟荃灣分店，但原來無寫過，不過其實都出哂名 鍾意嚟呢間分店因為夠哂大間，我早嚟就有卡位坐😽 食材相對上亦較新鮮。真係超大間，容納到好多人，二人座位最多。既然價錢差得唔多，我哋次次嚟都係食最貴果隻「澳洲極上和牛」，種類包最多，仲送每位澳洲M9和牛牛丸2粒。澳洲極上和牛 $288-328 湯底+$50要咗雙拼，招牌牛大人秘方麻辣湯拼台灣鳳梨雞鍋。揀咗中辣都唔算好辣，麻度就尙可，係食落舒服嘅麻辣鍋，配牛肉好夾。另一台灣鳳梨雞鍋幾清甜，用來烚菜類就啱哂。食最貴嘅款式要當然要點呢個款式先有嘅菜式。肉類方面安格斯牛小排、手切封門柳、安格斯一口牛肉粒、澳洲和牛M5牛肩卷、豬雪花肉片都係呢個款先有，我會不停encore 安格斯牛小排、手切封門柳，前者肥瘦參半，後者瘦得來唔會有渣，肉味濃，如果鍾意帶少少肥膏就必食澳洲和牛M5牛肩卷，食落肥膩度適中又有口感。除咗肉類，漿類都有分，章魚珍珠漿都係呢款先有，短短一條有好多章魚粒好有咬口，另外仲有干貝鮮魚漿及蟹籽墨汁漿等等。仲有多款台灣直送美食/配料，個人推介屏東水蓮菜、士林鹽酥雞、鴨血、魚皮、花膠、海蝦，海鮮真係必點又值回票價🤣出面仲有自助區，有麵食、響鈴、滷牛肉飯任添；火鍋配料就有各式丸類、蔬菜類，唔少得飲品區，唔啱飲其實有冬瓜茶、椰果QQ等可以落單，真係好多選擇🙀最後點少得甜品，4選1，我哋揀咗食雪糕！…查看更多

端午節一連三日假期 當然要 胃部活動一下啦😉😉一早openrice book定位 食個早晚餐 🥣 七點半前離座仲有優惠價添 而且食物上菜 更加順暢兩秒到枱👍👍澳洲極上和牛吃到飽 假日七點半前離座$288😝成十款鍋底任選， 我哋鐘爱 牛夫人秘方麻辣鍋 小辣 剛剛好🥰🥰 因為會越嚟越辣㗎呢個餐仲會有澳洲m9和牛丸兩粒 果然真係非同凡響 一咬落去 牛味濃郁非常Q彈😋😋飲品，丸類、蔬菜係自助形式，仲有特製滷肉飯！好多食材都係台灣直送😬😬澳洲和牛 m5牛肩卷 一分錢一分貨 肉質非常原來嫩，淥過兩三秒 已經食得，油脂分佈均勻🥳🥳安格斯牛小排非常值得推介 稍為瘦啲 紋理均勻清晰 牛味很濃😌😌仲有其他海鮮🦑沙白 大蝦 鯇魚片 脆肉鯇腩片 而且食材好新鮮 選擇真係超級多😍😍麻辣湯底當然要配鴨血啦 ，鮮嫩不起渣咱，encore 幾次仲有美人花膠超級厚大，估唔到 任食會有咁高質嘅花膠呢😎😎仲有好多熟食嘅小食 ，自家製飲品都可以任點㗎最尾仲可以食埋movenpick雪糕或者仙草 凍甜品🍮埋單三百蚊鬆啲，值回票價 回本冇難度😎😎兩小時不停食胃部運動 真係撐住個肚走🤣🤣…查看更多

天氣凍凍地打邊爐就最好所以Lunch Time時間去左打邊爐牛大人既午市係90分鐘食到飽揀左極上和牛餐，食物選擇多啲湯底就揀左阿嬤養生濃湯鍋湯底奶白色，冇咩藥膳味，但材料都落足荃灣店同旺角店而家期間限定送自家釀制嘅手工啤–流水落花飲落幾易入口，真係有少少花香而讚好社交平台都會送一杯紫芋霜奶自助區提供好多飲品、蔬菜、丸類連台灣冬粉、王子麵都有極上和牛餐有澳洲和牛M5牛肩肉牛肉切得較薄，肉質較軟牛筋煮熟後好滑好淋滷味牛筋食落軟腍好入味台灣直送鴨血唔易散去到尾聲仲會送每人一碗仙草凍甜度啱啱好，Perfect!…查看更多

人氣台式火鍋牛大人今日終於食到啦!! 好多fd食過都話正搞到我好期待😛, 大鴻輝啲𨋢認真要預多d時間搭.🐮120分鐘用餐時間, 我地揀左”極上和牛吃到飽套餐”, 即係咩都可以任點呢! 9款火鍋湯底都好有特色, 但嗜辣嘅我地當然揀”牛大人秘方麻辣鍋”(小, 中, 大嘅中辣🌶)吧!湯底d香料豐富到… 辣到無朋友🥵.🐮牛牛牛牛牛第一round每款牛都點黎食, 每款肉都有label住種類, 我最鐘意嘅係和牛M5牛肩卷n 美國prime極級肩里肌, 油花勁靚食落都唔使點咬, 可以好好enjoy牛味同口感, 而且全部都非常新鮮!! 🐮鴨血❤️必食呀📣 平時買開一盒盒嘅鴨血冬粉都成70幾蚊一盒而家可以任食呢😋, 店家d鴨血真心高質, 芋頭片, 脆鯇魚腩, 滷大腸….. 超正!!🐮Li度特別之處就係有由台灣直送嘅美食供應: 花蓮小雲呑, 手打旗象漿, 牛肉漿, 花枝漿… 打邊爐perfect.🐮雪櫃d飲品選擇多到一個點.但感覺打邊爐無杯啤酒🍻好似唔夠喉.🐮我真係好鐘意食滷肉飯呀😋🐮黎之前都有上Openrice做小小功課🤣所以一坐低除左order牛之外都有order孰食, 炸蕃薯🍠, 排骨酥, 鹽酥雞…. 都好好味.🐮Last order有movenpick雪糕食! 今日加埋限定哈根大師白桃x Raspberry正呀🍦完全覺得li個價錢勁抵食, li個冬天must encore呢.…查看更多

相信好多人都食過牛大人，實不相暪，係牛大人啱啱開我已經來食過，而且食完都覺得好抵好想返轉頭食，無諗過呢間店會火紅都咁，係永遠walkin都要等2小時，所以自開業食過一次之後就無機會/無毅力再來……但我同另一半都的起心肝，決定早d book位而且book早啲！星期六5pm就來到，未到晚飯時間，估唔到都已經坐咗三分一人，牛大人嘅威力真係非同凡響。環境環境好多大！好彩早到，坐到2人卡位，坐得好舒服。餐牌有三個套餐，食和牛都係$300唔洗，緊係揀呢個餐，最多嘢食！自助區 必講佢嘅自家製茶飲啦！相信係大家嚟都必飲，尤其佢嘅白桃烏龍茶，真係我嘅favourite ，好香桃味。菜類、菇類、丸類唔少得，另外都可加購台灣原住民特產小米釀，食得落嘅食埋佢嘅滷牛肉，都係任食。任食 澳洲極上和牛 $248起湯底揀咗鴛鴦鍋，加$50，揀左牛夫人秘方麻辣鍋及台灣鳳梨雞鍋，牛夫人秘方麻辣鍋揀左小辣，愈煲愈辣，麻度適中，煮牛肉一流！另外嘅台灣鳳梨雞鍋就愈煲愈甜，加埋係自助區拎嘅南瓜、冬瓜，十分清甜。配料方面，牛肉必點澳洲和牛M5牛肩肉、荃灣店限定嘅牛胸爽、美國SRF極黑牛肩胛，每次上2塊，每次質素都一樣，唔會嚡口亦有牛味。另外食麻辣鍋嘅話，本身都配鴨血，必定要再加點，用麻辣汁醃咗，毫無腥味，反而比起出面食嘅多股甜味。澎湖花枝漿、新鮮沙白、海蝦、手工大黑輪都係必點！澎湖花枝漿勁彈牙足料，不得不提沙白，嗌咗咁多輪都無沙又鮮甜😭真係好正。仲有特色小食、炸物都係任食！甜品每人選一款，我哋揀咗楓糖合桃味雪糕同自家製台中仙草凍，後者加咗花生都勁match。…查看更多

有一段時間沒來，今天放假再次光顧牛大人午市火鍋，今天是閒日人不算多，訂了位直接安排卡位坐得很舒服。選了168元的套餐，食物還是一樣高質，手機下單食物很快就送上來，侍應清走吃完的碗碟也很快手；雖然手機點餐可選得食物不多，但食物都很好吃，首選牛板腱，多點一些都可以吃完，牛板腱牛味濃郁又不肥；鴨血也是必點，夾起不會散，吃進口又沒異味，超好吃！皮蛋豆腐、小香腸、燕餃等都好好吃，香草涼粉作為甜品也相當高質，涼粉QQ的奶味十足，配上紅豆、花生等口感豐富。牛大人的各種花茶絕對是解膩的關鍵，別處喝不到呢，個人尤其喜歡洛神花茶。唯一是火鍋煙很大餐廳沒有吸煙裝置，白煙撲面不好受，還好有帶小風扇，把煙吹到一旁就可以好好享受美食而不受油煙影響吧！吃90分鐘每人$200都不用（還已加了50元鴛鴦鍋），性價比超高！…查看更多

一開店已經要排幾個鐘既牛大人，眨下眼已經開左咁多間分店。可能有多d分店既關係，相對地可以攤薄返d人流，可以訂枱既話感覺好好多。星期六既中午，等十二點入座既人龍都逼滿左𨋢口位，好彩都算係去得快，排隊大概等左十分鐘左右就入座。我同友人都係第一次食，慕名而來，店員就簡單介紹左流程俾我地聽：三選一揀套餐，再揀鍋底，就可以用QR code手機落單叫火鍋料，仲可以係出面自助拎飲品、火鍋配料、醬汁同滷肉飯。先拎一細碗滷肉飯醫下肚 因為個滷肉係用牛肉既關係，所以個口感同平時既滷肉好唔同，比較一絲絲。除左罐裝野飲之外，冷泡茶用支裝形式好有心思。白桃烏龍同菊花普洱既配茶味道好出眾，唔會只係得茶葉既濃味。洛神花茶就比較酸，幾開胃消滯。見到有手工啤酒，加上係熱辣辣火鍋，配返杯凍啤都幾正。呢杯係流水落花，有陣淡淡既茉莉花香，酒花味相對無咁濃，比較清新易入口。因為將會點好多牛肉既關係，我地就無揀招牌紅燒牛骨鍋，取而代之既係鳳梨雞鍋，都係台式特別鍋底。味道比較清，雞湯味為主，就算傳統地加埋苦瓜都唔會有怪味。當然如果鍾意食苦瓜下火既話，火鍋到最後再食苦瓜都仲係會有陣苦味，不過唔會落到個湯度。我覺得食雞湯配牛肉個感覺幾好，唔會咁膩同埋個味道咁單一。行左出去夾左陣自助區，因為想食好多肉既關係，所以係自助區都係拎下d菜、海帶結、冰豆腐同萵苣，仲有粒雞肉丸，唔敢拎太多。返到黎已經見到點左既配料上左枱，非常快手。其中下面既鹽酥雞（1d都唔辣）同埋鬼馬油炸鬼都可以即食，醫醫肚先。上面果款係花雕醉雞件，飲緊啤既我表示如果酒味可以再濃d就更好了。餃類方面我地都係揀左台式既款式，台式既蝦餃係條狀都幾得意，蛋餃既皮薄得黎唔會爆開，仲有用醬瓜同雞肉包既瓜仔雞水餃味道就較濃，都係特別之選。主角既牛肉黎啦我地要左極上和牛吃到飽套餐 ($198pp)，可以任點澳洲M5和牛牛肩卷，咁我地都有叫埋平d套餐既上腹牛五花（精選嫩牛吃到飽 $138pp）同安格斯牛板腱（特選安格斯吃到飽 $158pp），都真係好有分別呢兩塊M5牛肩卷明顯見到雪花好均勻，肉既部分都較鮮色，真心好食好多另一樣要推介既係呢度既滑！有差唔多成十款唔同種類既滑，基本上唔駛食丸！以下既期間限定章魚珍珠漿、干貝鮮魚漿同埋澎湖花枝漿，以花枝滑最彈牙同鮮味，仲有粒粒花枝咬口但其實最好食係壓軸既蟹籽墨汁漿，比白色既花枝漿更有鮮味同爽口另外真味牛肉漿都好好食，係比高質牛丸更加爽口彈牙，但無牛肉球果種用硼砂「那」過嘅怪味，而係好有牛肉既濃郁味道食台式火鍋，鴨血當然唔少得。口感好脆，裡面仲好嫩口，最緊要無血腥味。另外滷牛筋都超級軟腍（記住要淥耐d），都係必點架！！！呢度既響鈴都應該係自家製，無包裝放係盒入面任夾，都仍然好脆口，唔會太油膩。後尾都係忍唔住出去行多轉，拎左台式既寬粉同埋貢丸返黎，就好似去左台灣一轉咁午市無movenpick雪糕任食，但都有一人一碗仙草凍，有張卡叫起上。仙草好滑身，加埋花生、紅豆、椰果同花奶，味道就偏甜。整體黎講都真係好多野食選擇，同台式火鍋既主題都好貼切，任食高質和牛都係一大賣點之一。店員上菜收碟都做得好快手，加湯都做得好自動。最緊要係通風夠，坐位都算分得開又有私隱度，夏天打邊爐都唔會身水身汗。…查看更多

見放工放得早，於是上去walk in，點知有位，牛大人一直都想食，但上網book位實在太難，起碼要一個月前book位先book到自己想要既時間😞今次試左麻辣湯底，同鴨血真係好夾，個湯底叫左小辣，岩哂我唔食得好辣既人😂😂佢用QR code 落單，好方便，野食都上得好快，落完單，大約5分鐘左右就送到，真係好快，野食種類選擇都算多，食材新鮮，極黑牛既牛味重，唔同出面既冰鮮牛肉，鴨血一流，夠厚，跟埋麻辣湯好入味，所以大家黎試可以試下貴少少既美國極黑牛，牛味真係重好多，而價錢唔差太遠，呢個回本能力比較高😂😂食到最後，仲有雪糕送，食埋個雪糕，今餐真係好滿足😋😋1. 麻辣湯底2. 美國極黑牛3. 士多啤梨雪糕4.鴨血…查看更多

當日由於休假，所以可以跟太太試一試最近很火的台式火鍋店牛大人當日4時半到店外，5時才開店但已經大排長龍我們最終也成功5時計入座，食90分鐘的火鍋放題$208一位我們點了鳳梨鮮雞煲湯底，湯很鮮甜，但店員之後加的只屬清水級別的湯由於最廉價的那個套餐只有四款肉類，我們便選了第二款的套餐首先，這家店自取的食材明顯不及下單的，所以慢慢自取區的人流變得疏落另外，值得一讚的是那款頂級牛板腱，既新鮮亦不會韌其次推介的是手打丸類及鴨血，很有台灣特色且很新鮮另外，特別推介台灣空運到港的水蓮菜，我們追加了3次呢飲品方面，自取飲品櫃除了一般汽水外，還有自製的冷泡茶，但老實說，我試完大家推薦的桂花烏龍後，我只覺得太淡，而且是用茶包直接衝熱水進塑料樽內，還是少跟為妙至於其他食物，本人覺得不過不失，被人吹噓大了而海鮮類不算新鮮，可以集中食牛肉當店員指示付款時，會附上一張甜品紙，我跟太太也選了Movenpick冰淇淋，味道好性價比高整體來說，這家餐廳算是性價比高，當然有好味道亦有不太好的，但以此價格來說，有台式感覺的火鍋店實屬超值，絕對可以一試…查看更多

疫症期間，大部份餐廳都可以食，因為食咩都唔使等位咁滯。不過我錯了，牛大人呢個放題場依然要等35分鐘位。哈哈，無問題。見到裝修幾靚，木系感覺，仲要咁多人，其實更有信心。入座後見到個場好乾淨，可以枱之間會用木板嚟隔開。員工全部戴口罩，嘢食全部用膠盒裝住，要開蓋先可以拎料，衛生比5星。首先，湯底方面選擇了鴛鴦鍋。穩陣派的選擇。辣果邊係好香辣，應該好易接受到。野食方面，打邊爐嘅材料應有盡有。其中我最鍾意嘅係佢嘅蝦滑牛滑同鴨血，非常之出色！本人打邊爐係鍾意點醬既，而呢度既醬料應有盡有，連蒜蓉醬牛肉醬豬肉醬都有，10分齊全！另外，有大人仲有一排好似便利店嘅飲品門，有自家製嘅洛神花茶，冷泡烏龍茶，共四款。加上酸梅湯，汽水，等飲品。即使丸類肉類食唔飽，牛大人仲提供四五款麵食，同埋台式滷肉飯！所以一定食得飽。牛大人真係無得輸，我一定會再返嚟食！…查看更多

呢個時期，食火鍋絕對要揀啲衛生啲嘅餐廳，當然，都盡量少出街食嘢。呢一間就係新開嘅火鍋店，衛生程度高，而且係食台式任食，自己未試過，所以就約埋另一半嚟食啦。環境環境好大，每個座位都好寬敞，坐得舒服，食物選擇亦頗多，出邊嘅自助區種會飄着霧氣，望落衛生亦都高級。價目表有三個唔同價錢選擇，分別係$198、$238及$228，湯底有九個選擇，揀咗招牌「牛大人紅燒牛骨鍋」。澳洲極上和牛 $288最貴嘅呢一款，分別在於會每位贈送澳洲M9和牛牛丸兩粒，食物種類比起$288嗰款再多左澳洲和牛M5牛肩卷、手切封門柳、台灣鱸魚片、一口牛肉粒及豬雪花肉片。牛大人紅燒牛骨鍋個湯底好足料，除咗主角牛骨之外，仲有大量配料，湯底中藥味較重，感覺好補身，所有配料煮落去亦都好索味，不需要點其他醬汁已經夠晒味道， 十分適合喜歡吃濃味嘅人。自助區自助區主要係醬料區、飲品區及火鍋配料區。醬料類別都有啲係餐廳已經調好咗俾你，飲品區有驚喜，因為有自家製嘅茶飲，分別有桂花烏龍、菊花普洱同洛神花茶。而火鍋配料區都有啲特別啲嘅丸類，例如公園都瞓咗三款，有芋頭貢丸、香草貢丸及最常見嘅香菇貢丸，魚蛋亦用上台灣常見嘅品種虱目魚，淨係食遠慮都好多選擇，個肚都飽咗一半，但都要留肚食和牛。小食、炸物試咗鹽酥雞、甜不辣，仲有小香腸、皮蛋豆腐等等。鹽酥雞都幾有驚喜，以放題來講都做得唔錯，好香椒鹽味。而最令我滿意嘅係鴨血，夠晒大件，亦都冇血腥味，我平時唔太鍾意食鴨血，都覺得呢度嘅鴨血幾彈牙亦都好煙韌，煮落呢個牛骨鍋仲好夾添，必點鴨血！肉類、海鮮、其他類別先講講贈送嘅澳洲M9和牛牛丸兩粒，10分有驚喜，居然咬開入邊會有肉汁，幾彈牙又Juicy，食過難忘。另外，澳洲和牛M5牛肩卷，較薄身，牛肉尚可以，而手切封門柳及一口牛肉粒肉質偏瘦，但都唔覺得韌，台灣鱸魚片唔會好易煮散，亦好索湯底。至於豬雪花肉片好有驚喜，爽口彈牙，不覺肥膩，要encore！另外肉類仲有安格斯牛、西班牙豬腩片、花雕酒雞件，海鮮就有蝦、蟹子墨魚漿、干貝鮮魚漿等等，如將來即係平時我哋食嘅電話，都好彈牙，食物種類都係比較高質，冇乜伏嘅食物。甜品叫左兩杯啤酒飲，每人仲送一盒Movenpick雪糕。總括而言，性價比高，台式選擇多，食物質素不差，尤其是和牛丸、鴨血、豬雪花肉片等等都係我會encore嘅食物，而飲品亦有自家製類別，會再來。…查看更多