8號茶居 (宏業南街)

元朗工業區近朗屏一帶，商廈地下都有一排餐廳，各有特色。晚市唯一呢間茶居特別多人，主要食即叫即蒸點心，其實我都好鍾意飲夜茶。出面酒樓都係來貨翻蒸，呢間小店全手工製作😋🔸 黑松露野菌粉果 $20粉果皮煙靭，皮薄餡靚，晶瑩通透。內裡包住好豐富嘅什菇，菇味香濃。$20有兩隻，性價比高👍🔸原盅花雕養顏綿花雞 $36😆好奇驅使下試左呢個好特別嘅點心，花雕味適中，與棉花雞好夾，棉花吸盡精華。🔸青咖哩雞粒咸水角 $35咖哩味強烈，😍微辣嘅咸水角第一次食好特別。🔸箭豬紫薯包 $24😚可愛嘅造型，體積接近手掌大，內藏綿密紫薯，真材實料！🔸鴛鴦鮮蝦網米腸 $35即叫即炸，皮薄透光嘅腸粉皮包裹住香脆米紙，加上爽彈蝦肉😋好有口感。🔸鮑汁豬手飯 $52要讚一讚個蒸飯，粒粒分明，加上入口即化嘅豬手，撈飯一流🤤茶錢每位$10…查看更多

今日主人👩🏼🐯淨係比$200budget叫我諗食咩🤦🏻‍♂️雖然有好多選擇但係呢樣又話唔食果樣又話唔食👍🏻真係麻鬼煩🤐🤐OK好彩我醒目🤔🤔星期日食飯唔想同人逼最好就係去飲茶🍵選擇嘅種類都幾多👩🏼🐯冇詐型🙇🏻‍♂️🙇🏻‍♂️🙇🏻‍♂️但係就冇試佢啲炸物同埋蒸飯今次就少少哋叫左6樣點心黑松露野菌粉果🌟🌟🌟🌟（黑松露味道濃郁，仲有瑤柱添，但個皮稍為淋左啲）8號蝦餃皇🌟🌟🌟🌟（個皮煙韌，鮮蝦彈牙）蟹籽燒賣皇🌟🌟🌟（肉嘅比例比較多）雪山叉燒包🌟🌟🌟🌟（雖然唔係白色面，但係外脆內軟）咖喱蒸土魷🌟🌟🌟（咖喱汁濃郁）鴛鴦鮮蝦網米腸🌟🌟🌟（香脆，但係稍為油左少少，唔係好食得出橙色同綠色嘅分別）回頭率：80%今晚唔使跪玻璃🥰🥰🥰…查看更多

朗屏站隨着越來越多新樓嘅落成，附近就越來越多新式嘅美食，今日就去食咗間叫做「8號茶居」蟹子燒賣皇—$18兩粒大大粒，食落去好爽口，加埋啲蟹子喺上面，口感豐富😋8號蝦餃皇—$19蝦餃皮，皮薄餡靚😳個皮晶瑩剔透，入邊啲蝦🍤又大，又爽口，口感同層次都好豐富，一個字溫室青瓜叉燒腸—$28碟腸粉啲皮整到啱啱好，好煙韌👍再加上有青瓜係入面會令到口感更好😋鮮蝦菜苗餃—$19隻餃啲皮煙煙韌韌，入邊啲蝦都比較多，配合入邊啲菜，食落去口感層次豐富。鴛鴦鮮蝦網米腸—$35呢碟鴛鴦鮮蝦網米腸～係我本人最愛既點心之一，因為真係好好食😋外邊嫩滑，入邊鬆脆，仲有蝦🍤嘅鮮味，點埋個豉油簡直一絕咁配😊宮廷桂花糕—$22最後甜品桂花糕，超級冰凍，入邊桂花同埋棗分布均勻，甜度適中，賣相精美，一個字總括來講：如果你想食平、靚、正，既點❤️一定要嚟呢間，因為性價比真係好高…查看更多

經常聽好友講朗屏有間好味又抵食嘅點心專門店 "8號茶居"，好啦，早幾日去開果邊就順便食下，出乎意料，又真係幾好味喎。入到食店覺得明亮潔淨，地方比相像中闊落，都有幾多卡位選擇，不錯呢。餐紙上除咗有多款點心揀之外，仲有特色竹筒飯套餐、點心套餐、二人套餐、一飯一汽鍋燉湯套餐  ;  早餐及下午茶時段有孖寶精選，各色其式。8號蝦餃皇   $19依度啲點心有啲係2件一籠，啱晒我哋兩個，可以點多幾款。好似蝦餃皇一籠係2件，大大隻而且層皮唔厚，餡料滿滿，蝦肉好多，爽口彈牙，經典點心，必食！瀑布流沙奶皇西多士   $30超邪惡的美食！炸得脆脆嘅西多士，軟綿綿，外脆內暖，散發啖啖蛋香味，一切落去西多士嘅奶皇餡料澎拜勇出嚟，濃厚甘香嘅流沙奶皇，質感幼滑，太惹味啦！鴛鴦鮮蝦網米腸   $35呢款都好特式，外軟內脆嘅網米腸，一碟有兩個口味，外層又薄又軟，包住脆卜卜嘅油炸鬼同鮮蝦，蝦肉鮮甜爽口，美味。鵪鶉蛋燒賣    $27較罕有嘅懷舊點心，已經好耐冇食過啦。好香蛋味嘅鵪鶉蛋，與鮮嫩嘅豬肉燒賣好夾，好味道，下次一定要再食。青咖哩雞粒鹹水角    $25創新之作嘅炸物點心，即叫即炸，熱辣辣，外層香脆軟糯，餡料特式，陣陣青咖哩香氣，雞肉爽嫩，好惹味。蒜蓉粉絲蒸排骨    $29依款點心配埋白飯一流，3種食材好夾。未食已經見到粒粒蒜蓉舖係排骨上面，而最底係爽滑粉絲，蒜蓉味道好特出，粉絲就吸入晒排骨同蒜蓉香味，下次一定要再點。…查看更多

元朗站📍8號茶居-女朋友一個月總有幾日需要特別關顧，除左叫佢飲多d暖水，都可以帶佢黎飲茶食下d暖野😎so smart!鴛鴦鮮蝦網米腸（$35）呢個腸粉卷食落個口感有少少似炸兩，炸卜卜，不過裡面仲有蝦、甘筍等等嘅配料，口感更豐富！手磨薑汁糕（$24）呢個十分推薦👍🏻薑味十足，軀寒一流，食食下覺得辣辣地，薑汁好濃，糕身煙靭。（呢個女朋友最愛，今次醒目仔😎）蟹籽燒賣皇（$18）燒賣大大粒，仲有原隻鮮蝦同豬肉餡，彈牙爽口！不過$9一粒都少少貴🤏鮑魚雞粒竹筒飯（$49）竹筒飯好香，總共有兩粒鮑魚仔，兩個人share來講份量唔算好多，不過配埋其他點心都好夠飽！瀑布流沙奶黃西多士（$30）睇落係平平無奇嘅西多士，切開之後啲奶黃爆曬出嚟，影都影唔切😹除咗有奶黃漿，西多士入面都仲有奶黃餡，好creamy好邪惡，不過食食下都有d漏🤪擂沙煎堆仔（$25）呢一個煎堆仔留到最後嘅時候先食，嗰陣其實都飽到有啲想嘔。不過食落又幾好食😂煎堆仔個粉團唔會太薄，有嚼口，裡面係芝麻餡，唔算太甜😻😋茶芥每位$5，2個人$200都唔使都飽到嘔。環境方面，座位相隔距離適中，唔會太迫，坐得舒服，如果坐卡位空間感更大。樓面乾淨企理。…查看更多

相比傳統茶樓，個人更喜歡呢種專門食點心嘅小店/茶居，除左無分早午晚都可以飲茶外，仲有唔少款式新穎又特別嘅選擇。所以今日就嚟到呢間喺朗屏西鐵站附近嘅茶居試一試😋除咗堂食多人幫襯，眼見附近都唔少街坊嚟買外賣，生意幾唔錯咁～-1️⃣8號蝦餃皇 $192️⃣鵪鶉蛋燒賣 $273️⃣雪山叉燒包 $244️⃣五柳炸雲吞 $265️⃣木魚燒汁茄子 $256️⃣海苔鮮蝦腐皮卷 $287️⃣鴛鴦鮮蝦網米腸 $358️⃣瀑布流沙西多士 $30-蝦餃大大粒超多餡，入口爽口彈牙唔厚皮😋鮮蝦腐皮卷又係包左好多餡條條都脹卜卜，啖啖蝦肉好滿足😍腸粉外軟內脆，滑滑腸粉皮包住中間脆脆加上蝦肉口感特別～綠色版本感覺清新，橙色版本就煙煙韌韌。炸雲吞勁脆！大舊又多餡加埋甜酸醬一流。呢間嘅蝦類點心水準不錯喔🤩茄子大大舊抵食！魚肉彈牙，加埋燒汁同木魚碎係perfect match😚燒賣口感偏實，食得出豬肉同蝦肉，非常足料👍🏻叉燒包唔太甜，酥皮相比同類呢間奶味較重。西多感覺似脆口版奶黃包，炸到脹卜卜軟硬適中唔會太油膩，切開流出大量奶黃好邪惡呀😖-總結：飽到不能再飽連茶錢都係二百蚊左右，點心大大件又足料仲要唔收加一，誠意滿分💯CP值極高❣️…查看更多

今次我哋搵到間好啱倆小口子去飲茶嘅好地方🥰平時我哋比較少去飲茶，因為總係覺得兩個人食唔到幾多野🥺但8號茶居嘅點心就好似專為我哋而設，每籠兩件啱啱好🤣🤣仲可以試多幾款添😝🦐 鴛鴦鮮蝦網米腸 ($35)我哋絕對係為佢而黎😝色彩鮮艷，見到精神為之一振😍滑滑嘅腸粉包住脆脆，再包住鮮蝦餡料，係進階版嘅炸両😋正👍🏼👍🏼🦐 8號蝦餃皇 ($19)一送到黎嘅時候有啲嚇親🙊粒蝦餃大到好似小籠包咁，皮薄餡又多😆蝦大粒又夠爽彈，食一粒都好夠😌🦀蟹籽燒賣皇 ($18)燒賣同樣都係大大粒，肉同蝦都好多，好鍾意係冇乜肥豬肉嘅版本，感覺健康好多🥰🦑 咖喱蒸土魷 ($28)都係忍唔住叫道重口味點心😛土魷蒸得啱啱好，唔老唔靭，咖喱調得夠濃，非常掛汁👍🏼🍮 養顏紅棗糕 ($24)係我期待咗好耐嘅紅棗糕😚睇得見層層分明，雖然紅棗味唔算好濃，但口感就非常合我心意😍煙靭十足！🍲一飯一湯套餐 ($65)除咗啱情侶之外👩‍❤️‍💋‍👨仲見有唔少單身人士黎食飯😆呢個套餐有飯又有湯啱哂👍🏼今次叫左牛肉煎蛋竹筒飯🍚 米飯粒粒分明，唔會太濕，牛肉又保持有肉汁，加埋甜鼓油，送飯真係一流😆湯就揀左金銀花燉豬肺湯，飲得出好香嘅菜乾味，清甜又滋潤！唯一缺點係分量較少，唔夠喉呀🙈今次茶居因為每籠點心件數少咗，所以價錢都比較實惠🤑令到我哋忍唔住叫多幾款點心試吓😋但其實每件點心size都唔細😂我地叫到成枱都係野食，埋單$200都唔洗，食到捧住個肚飽住走😂好食又抵食💕…查看更多

今日入左元朗探個朋友，佢知我中意中菜，夜晚帶左我黎呢度飲茶😊兩個人叫左個晚市套餐，包左個湯+竹筒飯+菜+是日甜品，點心就叫左鴛鴦鮮蝦米網腸同紅油抄手～❤️鮮淮山蓮子百合燉螺頭汽鍋燉湯 (套餐價$83)足料，味道清甜，養心神健脾胃推介👏❤️鮑魚雞粒竹筒飯鮑魚唔會過熟，口感好👍 雞粒嫰滑胡椒味重，好有媽媽的味道，食得出無味精😋⭐白灼菜心幾靚無渣，口味清淡，好似連食油都無落😅 所以色澤唔夠靚同唔太滑，但好健康 (我地自己加左啲豉油)❤️是日甜品桂花糕清甜足料，見到好多桂花粒同杞子，軟硬適中，出色！👏❤️鴛鴦鮮蝦網米腸賣相精緻，唔只有外觀仲有內涵好好食🤤外層腸粉皮唔算薄但好滑！裡面蝦肉爽口，橙色包住🥕，綠色包住蔬菜，加埋啲脆脆既口感，層次豐富😋⭐紅油抄手皮薄餡靚，有啲菜，木耳同豬肉，不過個醬汁唔夠香同惹味，係健康版紅油抄手😅即叫即蒸既點心真係零舍唔同！😋 埋單先每人$80，健康抵食又好食👏👏😍…查看更多

其實我都幾鍾意食點心😍 但係真係冇時間去酒樓坐咁耐🤷🏻‍♀️ 而且好難會約到好多人都會一齊飲茶，所以呢一種點心店就最啱我 方便之餘點心仲係熱辣辣嘅😍 今日就係屋企附近呢一間8號茶居食點心餐廳嘅座位唔算多 但係都非常之闊落 😉 點心自己寫紙落單 ， 茶壺係透明嘅 所以職員都好主動咁幫你加熱水😍 讚👍🏻而且茶位只係$5/位雪山叉燒餐包(2件) $20呢款叉燒包非常特別， 外皮香脆，入面就係分量唔少嘅叉燒餡蟹子燒賣皇(2件) $18燒賣係我其中一樣最愛嘅點心， 呢度嘅燒賣皮並唔係黃色嘅，咬落去非常之彈牙，肉汁豐富醬皇蒸鳳爪 $26鳳爪蒸得軟淋，配上濃郁嘅醬汁，非常惹味豉椒蒸排骨 $26排骨鮮甜嫩滑 分量相對都比較多，唔會一味剩係得肥肉😍鴛鴦鮮蝦網米腸 $35呢一款腸粉係必食⭐️⭐️⭐️ 感覺有啲似炸兩，又或者嘅腸粉皮包住香脆嘅網米同蝦，口感非常之豐富❤️🥰😍😍 記得要趁佢脆嘅時候食牛油果沙律春卷(3件) $25唔知大家有冇食過酒樓傳統嘅咋海鮮卷， 呢一款牛油果沙律春卷就有啲似😍 香脆嘅春卷皮裏面包着沙律 感覺相對比較清新麻醬秋葵 $22分量超多嘅秋葵 可以清一清味蕾😚瀑布流沙西多士 $30冇諗過會喺呢度有西多士🤩 但係呢個西多士非常有驚喜😍 金黃色嘅西多士 我喺中間切開，真係有瀑布一般嘅流沙奶黃流出😍😍 非常邪惡另外餐廳亦都有好多唔同嘅抵食套餐…查看更多

以往經過元朗工業區都唔會留得耐，事關個區入黑就夜闌人靜，近呢幾年發展得好快，起咗私人樓就有齊配套。私樓商場變成五光十色，而8號茶居塊霓虹燈最吸引到我目光，所以衝入去飲杯茶、食個飽……行到門口，店員已經殷勤地打招呼，完成防疫措施後，馬上安排入座。望咗兩眼，已經好肯定會嗌一飯一汽鍋燉湯套餐，相對其他餐廳，性價比頗高。點心紙明碼實價寫明有幾多件。有別於傳統茶壺，呢款更加明顯睇到水位，方便加水。店內的手工點心喺即叫即蒸，等待時間比較長。第一個上嘅菜係蟲草花燉雞腳湯，個湯無落油，健康、足料又好味蜜汁叉燒包：外皮軟熟，叉燒汁從內湧出，亦有叉燒粒提升口感咖哩蒸土魷：份量十足，滿到隻碟裝唔晒。咖喱汁不夠濃稠，可以再濃味啲，土魷夠爽口。8號蝦餃王 ：皮薄餡靚，半透明嘅外皮非常吸引，咬開煙韌彈牙，鮮蝦新鮮爽口。蟹籽燒賣皇：呢度燒賣比較特別，唔係出面食開黃色皮個款，啖啖肉，好飽滿。鴛鴦鮮蝦網米腸：一上枱已經非常吸睛。感覺有啲似市面上既油條腸粉，但呢款喺外脆內嫩。鼓汁排骨竹筒飯：排骨佈滿豉汁味，肉汁遍佈整晶瑩飯粒之上，用嚟撈飯非常好味…查看更多