泰嘟嘟

約朋友喺大角咀食飯🍽,原來呢頭都幾多泰國菜~其中呢間泰嘟嘟好似評價最高😋😋~現場睇真係好多人等位👯‍♀️👯‍♀️!泰國嘢必食炒椰菜苗🥬,份量都ok~椰菜苗炒得夠熟,唔會一陣草青味🌱~馬拉盞炒落去好惹味香口~另一個我見好多人點嘅就係泰式鐵板蠔仔炒蛋🥚,有啲似潮州蠔烙~佢嘅蠔新鮮又大粒🦪,而且數量都多~喜歡食蠔嘅人一定滿意呢個餸🤗~店員推介嘅有呢個炭燒豬頸肉🐷~上檯連埋個炭爐上,一路keep住熱🔥~佢切得偏厚,所以油脂好香,而邊邊燒得有啲焦脆~另一樣泰國嘢必點當然係炒金邊粉🍝~佢哋炒得好乾身,連碟底都無乜油,真心唔錯💝~佢最特別係最入面嘅座位真係Tuk Tuk咁樣🚃,勁有特式~而且嘢食好味😋,價錢又合理🤑~侍應仲會推介菜式,又會叫我哋唔好點太多,怕食唔晒😍~咁好嘅餐廳,實在要大推👍!…查看更多

成日都聽好多人講呢間又抵食又好食，不過喺大角咀有啲偏一直都未嚟試，呢晚終於食到，由於我哋5個人所以等咗大半個鐘先有位，坐4人卡位，有少少逼。餐廳入面座位都係比較逼，而且晚飯時間滿座。套餐最抵食，我哋5個人食6人餐，$628，除番開每人都只係百幾蚊，可以揀8個菜式，除番開每個菜式都唔洗$100，超抵。差唔多平時必食嘅泰國嘢都有得揀，魚、蝦餅、生菜包、生蝦刺身、金邊粉、煲等等都有，而且每碟都份量夠，唔係細細碟。叫套餐仲可以$78加個冬蔭功湯，不過我哋冇加。1. 泰式肉碎生菜包肉碎睇落唔係好多咁，但絕對夠6人食，好多香料幾香，菜都好爽口。2. 招牌焗黃咖哩麵包軟殼蟹咖哩好香好好味，軟殼蟹仲有啲脆，麵包點咖哩汁食好正，不過咖哩汁唔夠多，唔夠點成個包。3. 泰式經典明爐烏頭估唔到都有咁大條，魚肉幾嫩滑，個汁酸酸地幾好食，入面仲有粉絲4. 炭燒豬頸肉好得意估唔到真係有個爐仔燒住，好香好好食，可惜少咗啲5. 泰式明爐花甲鍋下面幾多粉絲好食夠味，蜆都唔錯6. 月亮蝦餅月亮蝦餅同平時食開嘅蝦餅唔同，冇炸得咁勁，不過呢個都好脆，同埋入面嘅蝦肉都好香7. 鮮蝦炒金邊粉都好大碟，個味酸酸地幾好食，亦唔係太濕8. 泰式生海蝦有兩款汁，都係酸酸地，幾好味，蝦質感爽口唔錯，唔腥單點香蔥蒜蓉包6件一舊舊磚狀好大舊，都幾香蒜蓉味另外單點串燒一打都算幾大串，啲香料味好勁，幾惹味單點椰汁西米糕偏甜，質感類似大菜糕單點芒果椰汁糯米飯熱飯，飯好黏，芒果幾甜8個菜式每個只係大約$80，份量都唔迷你，夠食，而且味道好食，每人一百蚊，唔夠食再單點其他嘢，食到飽飽都係每人二百，好抵食。…查看更多

難得同朋友黎到大角咀呢頭～ 見到呢間裝修好有氣氛嘅泰國菜～見到Menu選擇又好多 就行左入去試下！餐廳裝修誠意十足～ ～就算係隔離用嘅膠板都印左食物圖案🤣🤣其中冇兩張卡位仲要係模仿泰國嘅督督車😍店員好熱情😆推介左我同朋友食二人套餐見到真係好抵食 我地就叫左個～～二人套餐但可以揀3個主菜🤣真係飽到傻🤣如果比較細食嘅女仔記得唔好叫兩個主食🤣⭐️ 招牌焗黃咖喱麵包軟殼蟹超heavy但勁好味🥹🥹🥹原隻軟殼蟹！大大份咖哩汁完整一個麵包盒 啱哂食咖哩汁～⭐️ 鮮蝦炒金邊粉呢個又係超大份😹勁豐富嘅料～味道唔會太咸 都唔會太油膩👍🏻👍🏻⭐️ 泰式小食拼盤(小)呢個拼盤😹寫住小 我地以為真係每樣少少點知 咁多款野食 仲要每樣大大件🥹🥹🥹牛油雞翼最驚喜！唔會太油 又好香脆～～整體評分：🤍🤍🤍🤍🤍環境有氣氛 員工勁nice食物高質又大份！值得更多人認識的一間泰菜😆…查看更多

朋友最近轉了新公司，就在這附近，剛好我也在附近就找他吃飯了！然後在附近發現到這間超有性價比的泰國餐廳，２４８就可以任選三款食物，還是主菜都可以選，真的是夠３人吃都可以了！二人餐（可選三款）（２４８元）招牌焗黃咖哩麵包軟殼蟹來到非常大的一份，麵包有被焗香，然後放上軟殼蟹，再淋上濃濃的咖哩汁，這個吃起來不辣的，咖哩口味的鹹甜口味，挺香挺滑的！軟殼蟹炸得外脆內嫩的，蟹味濃郁，配上咖哩吃很惹味！外脆內軟的麵包沾上咖哩後，吃起來味道更好，不會太單調！泰式經典明爐烏頭來到還帶著火爐，不斷加熱，吃到最後還是非常熱的狀態，挺不錯的！魚真的挺大的一條，肉挺厚，又沒有魚骨，吃起來酸酸甜甜的，又有魚香，又開胃又解膩！而且魚下面還有粉絲，吸滿魚湯的粉絲吃起來又滑又嫩！鮮蝦炒金邊粉這個也挺意外的，非常大碟，除了加了大蝦去炒，還有不同的海鮮，如魷魚，蜆等，整體吃起來挺豐富的，味道是酸甜口味的，金邊粉吃起來帶點爽的口感，挺特別的！芒果椰汁糯米飯（５８元）簡簡單單的糯米飯就挺好吃了，糯米飯配上炸的脆脆，為軟糯的口感帶點了一點脆度，還配有濃濃甜甜的椰汁，吃起來很香！而芒果吃起來也是非常香甜多汁的！芒果芝士沙冰（套餐可半價加１６元）芝士奶蓋加上沙冰真的是夏日必備的單品，喝起來濃濃的芒果味，香甜可口，又有奶蓋帶來的香滑，上面還放上了芒果果肉，重點是只要半價就喝起就真的挺有性價比！西瓜芝士沙冰（套餐可半價加１６元）這個就是將芒果換成了西瓜，但喝起來更有夏日的感覺，西瓜的清甜令你不知不覺地就吃完一杯了！…查看更多

鮮蝦炒金邊粉份量都幾大碟，配料豐富，食到原汁原味嘅泰式Phai Tai 風味小食拼盤（小）小食拼盤有四款：蝦餅，串燒，春卷，雞翼。蝦餅炸到外皮酥脆，內裏彈牙，熱辣辣熱到燙口，必食推介👍🏻；春卷外皮香脆，內裏有粉絲同香菇，香口得來又唔會太油膩😋；雞翼粉漿有啲厚，炸得有啲過火，不過裏面都唔會太乾身；串燒燒得幾香，不過同樣都有啲過火，雞肉有啲乾。🥭芒果糯米飯賣相好吸引😍，椰汁味香濃，甜度適中，糯米飯煙煙韌韌，不過略嫌有少少硬；芒果清甜😍…查看更多

泰嘟嘟位於大角咀的大街小巷內，路口都有唔同指示餐廳嘅位置。門口有個寫住Tuk Tuk Neon Night牌，室內環境亦以泰國夜市主題，部分座位更以篤篤為設計題材，彷彿身置喺泰國曼谷的夜市般🇹🇭💁🏻‍♀️今次叫咗1️⃣小食2️⃣個主菜1️⃣個主食2️⃣款飲品🍢小食拼盤（小）💰108泰嘟嘟嘅細小食拼盤都好豐富，絕對係一個2-3人嘅份量，包括：蝦餅、春卷、豬雞串燒同埋雞翼😋全部都係新鮮炸製👍🏻因為用咗唔新鮮嘅油好易有陣溢味架～🐔泰式青咖哩雞💰108普遍嘅青咖哩雞大多選用無骨雞件，但今次就採用連骨雞肉，令到雞肉更有口感，仲可以食到青咖哩口味雞翼添呀👍🏻青咖哩汁辣度亦岩岩好，怕辣嘅朋友一樣食到呀🤣🌶泰式飛天炒通菜💰58見到個名寫住泰式飛天好奇係用醬料為主，但原來係使用泰國嘅辣椒仔嚟炒通菜，對比青咖哩雞就會辣一啲，但如果只喺食到BB辣嘅朋友仔就要注意吓啦🙈🦐鮮蝦炒金邊粉💰78一般以鮮蝦為主炒嘅金邊粉都喺會以芽菜，豆腐乾為配料。但佢地係落埋啲蜆肉仔一齊炒，令到個金邊粉更鮮甜，增加整體口感層次😋🍹椰汁冰💰26呢杯喺朋友仔飲完就覺得椰香味唔算十分濃郁，如果想解暑但又唔想太膩，就可以飲呢杯椰汁冰啦😋🍹龍眼冰💰26鍾意清清地就可以揀呢個龍眼冰，甜度唔會過份死甜，仲有幾粒龍眼肉，飲哂成杯野都唔會有罪惡感添呀🤣…查看更多

復活節假期前夕，J先生提議去大角咀吃泰國菜 - 泰嘟嘟其實已經光顧了第三次，整體食物水準不錯。餐廳內有嘟嘟車之卡位套餐價錢超值套餐人數可以享用半價價錢加配飲品！湯底清甜帶微微辣，烏頭魚肉滑嫩，配上肉碎丶菇粒丶蔥花！J先生讚口不絕炒得乾身之金邊粉，質地軟硬適中；配料有八爪魚粒丶蝦丶蜆仔丶豆乾…等J先生話：泰國星霞啤酒比較淡味！而我那杯咸檸檬沒特別！每次來也看到其他客人叫了這道菜。但我們從未試過；這次終於第一次吃到了…份量有八件外層脆口，內裏蝦餅彈牙，添加了軟腍馬蹄粒，令層次感再提升泰嘟嘟 總結：值得一試！…查看更多

【大角咀Tuk Tuk主題泰國菜🥄二人餐好抵食👭】大家都知大角咀超多小店，係一個美食天堂🤪最近又開咗一間泰國菜，用Tuk Tuk(泰國交通工具)黎做主題，環境非常好😼去到個日人非常多，等咗半個鐘先有位，不過侍應非常好，可以留電話到我地有位就call😈晚市有個二人餐($238)可以係眾多主食入面揀三樣，都有好多平時比較貴既嘢可以揀，絕對係非常之抵😚另外仲有四人餐($398)，可以揀五樣，同六人餐($618)，可以揀八樣🙂—《泰式經典明爐烏頭》⭐⭐⭐️⭐️依樣平時閒閒地都百幾蚊嘅菜真係回本必選阿，不過佢唔係冬蔭功湯，只係普通嘅酸辣湯就有少少失望😞條魚好大條，兩個人都食唔哂😂—《招牌焗黃咖哩軟殼蟹》⭐⭐都係一樣平時比較貴嘅菜，雖然佢個樣非常吸引，不過就唔建議大家揀，因為味道一般般，而且麵包淋哂減咗好多分😟—《鮮蝦炒金邊粉》⭐⭐⭐💥事關真係好中意食pad thai所以就揀咗，依碟金邊粉無話好突出，但都唔錯嘅，蝦唔多，個粉都炒得岩岩好，仲係幾乾爽😼…查看更多

🍝 鮮蝦炒金邊粉, Pad Thai with Prawns (HK$78) 🌴 新鮮椰青, Fresh Coconut (HK$30)💰 +10% 服務費 service fee 💬 Pad Thai 份量大, 配料亦比方間其他Pad Thai多‼️有中size蝦, 迷你蝦仔, 迷你蜆肉, 蟹柳 (豆腐干, 芽菜, 蛋, 花生碎... 就必有嘅)‼️整體好食, 有泰國地道餐廳風味🇹🇭 可惜我要求加辣卻1d都唔辣😅 唯有加好多🌶️指天椒魚露補數😆 服務方面, 男店員超級友善, 見我話冷氣好凍佢會主動俾杯熱水我🤭 不過冷氣堅凍, 我快手食完走人🤫🏃‍♀️💁‍♀️餐廳有Tuk Tuk車卡位, 想確保有得坐就最好book枱要求喇 (或者好似我咁... 試下平日6pm一開晚市就入去😜) 香港の本格的なタイ料理🌴🇹🇭…查看更多

香芒軟殼蟹紙卷 $78 總共有六件，軟殼蟹都很香脆😍 米紙卷都算薄、入口唔黐。佢有個醬汁，係唔辣嘅，酸酸甜甜咁，咁食米紙卷就唔會太dry👍🏻泰式明爐花甲鍋 $108Menu 寫明食物嘅辣度可以按口味調校，so considerate 😂👍🏻雖然叫咗走啦，好似少咗啲香料咁，但香味係足以令你流晒口水。花甲煲裏面大概有15隻左右嘅花甲，不過另外煲裏面有粉絲，索晒啲湯汁。我個friend話，甚至乎好食過啲花甲🤣鮮蝦炒金邊粉 $78分量多到兩個人食之餘仲有剩、執至乎可以pack away for 第二嘅竹light lunch 。簡直係無得輸嘅選擇火龍果芝士沙冰 $32雖然頂層嘅芝士奶蓋就唔算好厚、味道突出；不過，火龍果果蓉嘅味道充足，而且仲有幾粒果肉附送，都可以話係夏日透心涼嘅好選擇！服務：超nice and friendly, 卡位空左就會主動問你使唔使轉枱坐得舒服啲…查看更多

夜晚晚去左大角咀嗰邊，行經見到呢間泰國餐廳都幾坐滿下人，見好似唔錯決定同朋友黎試下。因為朋友做完GYM嘅關係，見有D肚餓，於是就叫左 泰式生海蝦6隻($88)、香芒軟殼蟹米紙卷($78)、招牌去骨豬手煲($98)、香蔥蒜蓉包6件($42)、燒菠蘿($32)、泰式鐵板蠔仔炒蛋($88)、泰皇咖喱牛筋腩煲($108)、泰式馬拉盞炒椰菜苗($68)、鮮蝦炒金邊粉($78)、油飯($14)、火龍果芝士沙冰($32) 、波蘿芝士沙冰($32)泰式鐵板蠔仔炒蛋：鐵板熱辣辣咁上，份量都唔細，蠔仔肉夠多，蛋都幾滑下，點個辣醬仔黎食幾正香蔥蒜蓉包6件：好似層層疊咁疊起左，蒜蓉味夠香，就咁食或左點D咖哩汁黎食都好好味泰皇咖喱牛筋腩煲：好中意食咖哩，所以點都要叫返碟咖哩試下咩質素呢到個咖哩都幾香，唔係調味粉溝出黎，而係自己煮，食得出落左唔同香料落去，味道幾香而且辣度適中。薯仔煮得夠淋，牛筋腩嫩滑唔UN而且入晒味泰式生海蝦6隻：有別於一般泰式餐廳用碟上，佢每隻生蝦放喺杯仔到，類似試管架咁樣上菜，每杯紅綠色醬汁相隔，賣相相當吸引生蝦夠新鮮，加埋泰式醬汁連埋生蒜粒一齊食幾好食香芒軟殼蟹米紙卷：米紙卷個皮幾薄又夠煙韌，軟殼蟹夠脆又唔油膩，搭埋芒果嘅甜一齊食落去幾FRESH下鮮蝦炒金邊粉：呢碟金邊粉份量好足好大碟，先唧上青檸汁，再連埋花生碎等撈埋一齊黎食。金邊粉炒得夠乾身，少少酸酸甜甜，鮮蝦肉質彈牙，唔會霉油飯：賣相簡簡單單，但味道好香，唔駛夾餸就係咁食都可以食得晒成碗招牌去骨豬手煲：又係份量好大，D豬手係煮得超腍，真係好似食啫喱咁不過稍微美中不足係有少少豬手毛，所以入口嗰下嫩滑得黎有少少吉口嘅感覺泰式馬拉盞炒椰菜苗：平時食開馬拉盞通菜，今次一於試下椰菜苗。用上馬拉盞黎炒菜食落幾惹味，冇左椰菜苗本身嗰種少少苦味，而且佢唔會炒得D醬好鹹燒菠蘿：菠蘿表面少少燒香，食落幾JUICY，甜得黎帶有少少酸味，唔錯火龍果芝士沙冰：本身係有芝士奶蓋喺面，但職員通知今日用晒所以未能提供，不過唔緊要，我本身都唔係太好芝士奶蓋，最主要係想飲火龍果果然貨真價實，飲落係好足料火龍果整出黎，飲落去唔會好水，係充滿果肉嗰隻質感，仲要有幾舊火龍果肉食下波蘿芝士沙冰：波蘿味甜度適中，唔會酸，朋友話幾解渴，啱晒而家夏天熱辣辣飲，而且佢係沙冰得黎唔會起晒一舊舊冰粒個杯設計有埋佢店嘅LOGO，睇落好似MINION食到中途補張食物相先內裡環境都幾靚，我幾中意呢D Graffiti嘅裝修，幾特別呢到有樣好，就係平日居然免加一，而家都好少餐廳會免加一服務費，所以非常抵食，叫左咁多野樣食埋單$758，飽到上心口份量每碟都幾足料下，味道仲要幾好食，難怪間餐廳都幾FULL下！呢到係有好多種類食物選擇，真係睇到花多眼亂，樣樣都好想食，值得再ENCORE返黎食下其他野補MENU…查看更多