龍門一番 上海·紫砂燉湯

荃灣不嬲都出名多好嘢食，所以周不時都會入荃灣搵嘢好嘢食，貪佢嗰度啲嘢食好味之餘，性價比都幾高😆 今次經朋友介紹，去咗一間位於8咪半唔起眼嘅上海餐廳食飯，估唔到嘢食質素都幾有驚喜🤙🏻見佢最出名係紫砂燉湯，顧名思義即係用紫砂鍋去燉嘅湯，紫砂鍋可以保持返個溫度，等你食飯嘅時候都可以飲熱辣辣嘅湯😌 呢個椰子竹笙雞湯非常之清甜，飲落仲有淡淡的椰子味👍🏻 而佢個湯嘅材料都唔少，首先已經有半隻雞食，仲要雞肉超腍，仲有啲雞腳同埋椰子肉，就連雲吞都有成5/6隻。基本上清咗呢個湯已經飽咗一半🤣去食上海野，點少得食擔擔麵😝 而佢呢度嘅擔擔麵就主打重花生醬味，湯底較濃稠，我個人就唔太好重花生醬味嘅擔擔麵，比較鍾意食辣味重啲嘅🤭 不過除咗味道方面，佢嘅麵質都幾彈牙，加上肉碎夠多，都幾唔錯！見呢度嘅人氣菜式係呢個黑白色嘅小籠包，感覺非常新鮮，所以都嗌咗籠☺️ 魔鬼小籠包係包住黑蒜肉，再用墨魚汁整嘅外皮，面頭再加上一點海膽，配搭好夾，好味😋 而天使小籠包裏面包咗帶子，面頭加咗魚子醬，味道都OK，但冇魔鬼咁好食。平時去食上海野都幾鍾意嗌糖醋魚塊，貪佢酸酸甜甜夠晒醒胃，佢呢度嘅魚塊外脆內軟，都幾高質😋️ 而且份量唔少，夾極都仲有魚，而且仲有菠蘿食，好滿意😆最後仲嗌左個肉碎配叉子，貪佢有得玩之餘又有得食🤣 佢個肉碎炒得超級惹味，加咗唔同辣椒落去炒，食落辣辣哋，好開胃！而肉碎嘅份量都超級多，即使塞滿晒四個叉子，但都仲有剩，而就咁食就會稍嫌有啲油膩，唔多建議🤭總括而言，呢間上海餐廳的確幾高質，而且選擇超級多，特別推介佢嘅紫砂鍋燉湯，足料得嚟又好味😋 而佢最特別之處係每人可以揀一款茶葉自己沖嚟飲，即使你同隔離嗰個唔係飲同一種茶，但都可以一齊食飯😝 …查看更多

❀ 龍門一番 上海·紫砂燉湯 #荃灣 ❀❗荃灣抵食上海菜 大量傳統特色菜式❗——————————————————公公婆婆係上海人，所以自細特別喜愛上海菜，今次嚟到位於荃灣嘅上海餐廳。裝修格局頗新又寬敞，幾適合成家人一齊食飯。而且佢哋仲有好多傳統亦較為罕見嘅上海小菜、甜品，價錢又唔係好貴，幾唔錯🥰！.✷𝑀𝑒𝓃𝓊✷☞ 草攔牛骨 $178 (4/5)第一次喺上海餐廳見到呢度菜式，份量超大，勁抵食！用上類似荷葉嘅物體包住牛腩，每嚿都非常腍，有啲似炆牛腩，但又唔會覺得太肥，可以一試！另外佢地仲有唔少特色上海小菜，冇乜喺其他餐廳見過👍🏻。.☞ 回鍋肉炒年糕 $78 (4/5)嚟到上海餐廳又點可以唔試吓炒年糕。呢道辣辣地，加埋回鍋肉一齊炒更加香口😋。每一嚿年糕都炒得恰到好處，唔會黐埋一舊或者太硬。.☞ 魔鬼天使小籠包 $58 (3.8/5)招牌小籠包🤩！黑色係墨魚皮、黑蒜肉、再加海膽喺面。而白色就有帶子肉，再加魚子醬喺面。兩個都幾多汁，不過個皮比較厚，海膽魚子醬比較似係gimmick，反而冇咁大驚喜🙈。.☞ 桂花糖配八寶黑糯米 $58 (4/5)好鍾意呢款甜品🥰！煙煙韌韌甜甜地嘅黑糯米，內裏包住豆沙蓉。好少見到呢款上海甜品，值得試吓！——————————————————✨整體味道: 4/5 ✨環境裝修: 3.9/5✨服務態度:3.8/5✨性價比: 4.2/5✨再訪興趣:3.8/5 .💞整體來講係間水準不俗性價比唔錯嘅上海餐廳，仲有唔少特色小菜同埋甜品揀，推薦一試！…查看更多

到訪過「龍門一番」的屯門店，感覺不錯，今晚和友人的飯局就安排在它的荃灣店。一開始會有店員端出茶葉包供選擇，分別挑選了人蔘烏龍和龍珠茉莉。這裡的招牌菜式，天使小籠包上有魚籽醬作點綴，餡料則加入了帶子。不過口感上和平時的小籠包差不多，主要都是食到豬肉的口感味道。至於魔鬼小籠包就有海膽做裝飾，外皮因爲墨魚汁而變成黑色。咬開十分爆汁，不過可能這一款有黑蒜在內，味道較濃一點。非常推薦這個紫砂鍋燉湯，足料好味！鍋內有雞原隻、椰子條、竹笙、雞腳、瘦肉等，放了如此多食材熬燉，難怪雞湯入口十分鮮甜，帶著淡淡椰香味。一鍋大概有4-5碗的份量，再加上湯料，其實都相當飽肚。雲吞是和燉湯分開上的，唯稍嫌雲吞皮有點過厚。炒飯頗為大碟，飯粒分明，入口帶彈牙感。中間混有蝦仁、帶子、菜粒等，口感變得豐富。…查看更多

龍門一番我好耐之前食過，覺得唔錯，知道屋企人鍾意食上海菜，今次就帶佢地黎食一次😋呢度我覺得好特別既係，佢係每人一包茶葉，然後每人都有個小茶壺用黎泡茶，自己鍾意飲咩茶就咩茶，唔洗就人😌茶既選擇有幾款，記得既係有人參烏龍、鐵觀音、茉莉、普洱。同埋呢度啲茶葉飲得出係靚茶葉，好似見到佢既茉莉係用龍珠😳屋企人揀左其他茶葉，飲落都好香茶味，用料一啲都唔馬虎。  1⃣️排骨擔擔麵（$68） 擔擔麵超濃稠，面頭有好多花生碎同埋肉碎，撈埋成個麵食超級掛湯，啖啖都係花生香🥜有少少微辣。排骨就冇乜特別，炸得有少少唔夠脆，層皮有少少淋左，同埋本身食落好似冇乜醃過咁冇乜味。但係個擔擔麵真係好出色，個湯底真係極濃🤤  2⃣️排骨煨麵（$58）煨麵係偏軟偏淋身既，食落唔係好洗點咀嚼，湯底都係偏清淡既，如果唔想食得太重口味既話就啱曬食呢碗。配料有啲西芹、蔥，排骨係切成粒狀咁係碗麵入面，食落係有調味過既，唔會成碗麵食落都口淡淡咁，幾唔錯👍  3⃣️紅燒牛肉麵（$68） 湯底係偏清甜，一啲都唔會覺得鹹，麵係幼麵。牛肉切成粒狀，有筋位有肉位，都煮得夠淋唔韌。  4⃣️龍門海鮮炒飯（$78） 超大碟😳黎到既時候都嚇親。入面有蝦有帶子，炒得好夠鑊氣好惹味🔥呢個份量用佢果度既碗仔應該裝到6-7碗。  5⃣️麻醬腐皮卷（$58）視覺效果一流🤩一黎到既時候煙霧瀰漫咁，淨係賣相都加曬分。腐皮卷一啲都唔油，入面包住爽脆既芽菜，出面淋上左麻醬，麻醬香得黎唔會好漏，好味！  6⃣️魔鬼天使小籠包（$58） 呢個我諗都算係呢度既招牌菜。有黑白兩款小籠包。黑色果款以天然墨魚汁製成外皮，入面包左黑蒜肉，面頭再以海膽作點綴。而白色果款就有帶子溪入面，面頭有啲魚子醬。呢兩個小籠包無論賣相定係味道都令我好滿意😍特別鍾意黑色果款，味道香濃，一食落口，鹹香既黑蒜味就同啲汁液一齊溢出，絕對係驚喜之作！白色果款相對味道就淡啲，但係都一樣好好味！而且呢度既小籠包皮係煙煙韌韌咁，但係唔會太厚，就算擺多左一陣食啲皮都唔會硬曬乾曬。呢款必點💯  7⃣️黑將軍水餃（$42）水餃皮加左墨汁製成。通常呢類加墨汁既菜式都係得個樣，見到黑黑地咁，食落同冇落墨汁既唔會有啲乜分別。但係呢款竟然真係食到啲墨魚汁既鹹香同鮮味！真係估佢唔到。覺得呢款都值得一試！  8⃣️紅油抄手（$48）個紅油炒手同我想像中既樣有啲唔同。平時食開既紅油抄手係好似雲吞咁一粒粒既，而呢度既紅油抄手就係好似鍋貼咁。煎過帶之後個底有少少脆，更加香，面頭既蒜泥好多，紅油唔算好辣，都幾好味，但係略顯個炒手既皮有啲厚，如果薄啲會好食啲。  9⃣️九里香烤餅（$42）呢個我從來都未試過。但係見到menu入面既相覺得好似幾吸引咁就叫左黎食。入面既餡料混合左豬肉同雞肉碎，一食落去幾香，而且面頭都煎得香脆，包身軟熟。  …查看更多

平時見好少foodie po開上海菜 但係我就成日鍾意食上海菜嘅各種涼菜同包點😶‍🌫️今次來到位於中染大廈嘅龍門一番 嘗試下同其他京川滬餐廳有咩唔同😉🥟魔鬼天使小籠包💰58魔鬼：墨魚汁、黑蒜肉、豬肉、海膽天使：帶子、豬肉、魚子醬兩隻顏色嘅小籠包真係好少見 而且兩隻味道都十分出色！份量都好大 一個好似生煎包咁大！一咬開皮就會有湯汁即刻流出來 飲落熱辣辣好暖胃😍而且入面料豐富 魔鬼有海膽添加一分鮮甜 天使有魚子醬調味 好推薦！🥟酸辣湯雲吞（8隻）💰62成日食開上海粗炒不如今次試下雲吞！同普通小雲吞唔同 呢隻湯都好飲D😉酸辣湯底有齊木耳絲、碗仔翅嘅料（雞絲等）配埋特製小雲吞 可以索曬酸辣味 同一般清淡味完全係兩隻味覺嘗試！🥠蝦籽鍋塔豆腐💰78比較失望嘅係呢隻🥲豆腐炸過放係淋左照燒醬嘅碟上面 皮雖然唔太油膩 但係入面係唔入味的😓淨係可以不斷撩D醬汁入去加味 咁樣寧願試下menu嘅「青雪菜毛豆烤豆腐」會更有風味！🍗蟲草花醉雞💰82上面有一堆蟲草kum住下面嘅醉雞 醉雞凍嘅口感好似係冷氣房享受夏天一樣🤣而且有好多舊 唔會話分唔曬！越食會覺得越開胃 而且酒味唔會太濃kum過左雞味 都好推薦！🍆涼拌茄子塔💰48最鍾意嘅涼菜都係呢個！同醬燒茄子相比個人覺得呢個性價比更高 而且涼拌更加清涼 雖然名就涼拌 但係好似都係炸過來 不過醬汁酸甜開胃 茄子都十分大舊 食落超滿意！呢間上海菜菜式花款多 單單主食都有好多 例如傳統嘅小籠包 生煎包等 連少見嘅九里香烤餅 山東牛肉餅都有 下次一定會試試😍最推薦都係呢到嘅涼菜 性價比好高！大家想嘗試多元化嘅上海菜不妨考慮龍門一番～…查看更多

一家人慶祝之選✌🏻尤其係我啊婆係上海人 所以對上海菜😍😍今次帶佢地黎到荃灣嘅龍門一番價錢相宜得黎 味道都好正 啊婆都好滿意👍🏻首先極力推介酸菜花甲鍋($108)味道好正 酸中帶辣 飲左啖好䁔胃而且花甲份量多 隻隻有肉 鮮甜得黎夾酸菜味道除此之外 帶子粒粒炒飯 ($78) 好好味炒飯黎講 好惹味 我中意食👍🏻🤣當然唔少得 魔鬼天使小籠包 ($58)小籠包外皮軟身 有層次得黎油脂甘香肉味鮮甜有口感 唔鬆散 值得一試😀而上海菜必食 一定係香葉肉碎配叉子 ($65)塞滿香味十足嘅肉碎 香脆可口 正‼️最後 自選四款涼菜 ($138) 我最推薦係麻醬腐皮卷➕涼拼茄子塔😋😋😋-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂…查看更多

一開始服務員就俾我哋揀茶包茶包我鍾意普洱茶堅沖出嚟偏紅色沖極都唔會變黑色唔會苦好清澈普洱味跟住我哋梗係點咗馳名嘅魔鬼天使小籠包建議先食咗白色跟住食黑色就有驚喜～陣味豐富得來勁有層次有陣唔知乜嘢味係個頂到我唔清楚嗰個係咩配料但係好香口 好好食跟住我哋叫咗個豬扒冷麵同個冷麵比塊豬扒比豬扒就比較普通個冷麵佢一早已經撈好晒醬汁免去我哋人手自己撈嘅麻煩撈得幾均勻添個醬汁好特別食落去會有一陣花生味陣花生味香到有種衝動想繼續食落去嘅感覺但係當食到落口幾秒之後有陣辣味散發出嚟但嗰種辣味只係散發喺喉嚨之間而且種辣味係可接受範圍只係好輕微輕微幾過癮幾好食😋跟住嚟到今日重頭戲古法燒烤羊腩！呢個真係好出色筆者一向不太喜歡吃羊肉因為好討厭嗰種羊酥味不過朋友話想試就試一次～羊味冇蓋過羊肉本身肉嘅味道但又唔會覺得酥皮好脆好香口連筆者朋友食嘢一向好檢點都係咁食同我食咗一人一半😂最好梗係食甜品啦～既然一場黎到網上有好多人推介一於試晒兩款😂高力豆沙配雪糕奶黃高力配雪糕最後我覺得奶黃味比較好食啲個麵粉皮好鬆軟鬆軟得嚟又有足夠蛋味奶黃唔甜兼冇搶走個皮d味道店舖環境幾精緻幾有格調有適當距離入到去唔會有逼夾感覺門面…查看更多

朋友新居入伙，今日就陪佢去荃灣ikea揀下家具，順便食埋晚飯🥣中國染廠大廈翻新後多左不少新式食店，花多眼亂，我地最後揀左食上海菜尼間龍門一番門面吸引，有開放式卡坐，又闊落又舒適，店員安排我地坐店內店內環境幾有格調，燈光柔和，樓底特高，空間感十足，感覺不錯多款蟹粉菜式，看似吸引主食同湯包湯餃類亦有不少選擇，而且圖文並茂非常吸引女士們喜愛💕嘅蔬菜🥬同甜品類亦種類繁多，包羅萬有，梗有一款啱你口味餐具整潔，獨立茶具別具風格按個人口味自選茶葉，我揀左人參烏龍茶，入口香濃，之後仲回甘添，推介蘆筍芙蓉蝦球，賣相吸引，份量好足，有成八隻鮮蝦，隻隻透明爽甜，十分新鮮蘆筍鮮嫩翠綠，非常美味，蛋白又嫩又滑，又會太油魔鬼天使小籠包，配色鮮明，分白黑兩款口味，白色天使有魚子醬點綴，顯得名貴，內䐄係帶子同豬肉，肉汁豐富，非常美味黑色魔鬼用海膽點綴，十分鮮甜，外皮用左墨魚汁，肉䐄係黑蒜肉同豬肉，同樣肉汁豐富，味道極有層次金湯腿蓉浸冬瓜，冬瓜清甜入味，件件通透高力豆沙配雪糕🍦，賣相吸引，高力豆沙好有分量，口感鬆軟，甜度適中雪糕🍦配上朱古力醬同棉花糖，好睇又好味，好有口感走時發現有張獨立圓枱可容獨十多人，好適合一家大細前來進餐，大家大妨試試啊…查看更多

同爸爸媽係8咪半既ɪᴋᴇᴀ睇傢飾，原本想係ɪᴋᴇᴀ食下野不過行左勁咁耐有點攰，而且非看到這個商場都有幾餐廳。爸爸就睇中左呢間龍門一番係食上海野~這裡的裝修很令人舒服，我有種好似係花園食飯的感覺🖼入座後店員會有幾種茶葉簡，有人參烏龍、鐵觀音、茉莉、普洱。***每人$9茶位我就簡左普洱，有自己專屬茶壺仔泡茶，可能自己飲自己想要的口味，人人可不同😆魔鬼天使小籠包 $58魔鬼😈與天使😇呢個名好吸引到我地...魔鬼😈係墨魚汁既皮，饀係黑蒜肉+豬肉+海膽。而天使😇既饀係帶子+豬肉+魚子醬小籠包皮薄，咬一啖入面既肉汁流出嚟，係好ᴊᴜɪᴄᴇ既🤩我食既魔鬼😈海膽味濃呀~蟲草花醉雞 $78看到有蟲草花所以就叫，因為蟲草花營養豐富，性質平和適合唔同人士食，仲可以調節人體免疫功能，好岩呢個季節食😬雞係好嫩滑，酒味有點濃，如果唔係好接受到酒味的人要留意下.. 百合木耳炒水蓮 $72好好奇水蓮的樣子🤔水蓮原來係一條條，咬落好清脆既口感花膠螺頭干貝燉雲呑雞湯 $198我相信呢度既湯係抵飲和好味的，看到每一枱既人都有叫到...係用上了紫砂湯盅清燉，不得了啦🤩一打開個蓋就見到隻雞🐔係入面，份量我覺得都夠四至六人份!味道好湯甜，仲有好多食湯渣食💛有瘦肉、響螺、干貝入面，湯既材料都十分足夠呀～～還有花膠喔含豐富蛋白質，可補充骨膠...雲吞就是另上附上的，想食既時候就可以放落去。…查看更多

屋企人同我其實都幾鍾意食上海菜，搬離咗荃灣一年嘅我為咗就屋企人，所以重臨呢個地方，揀咗呢間食嘅特別啲嘅上海菜。今日去到都幾多人等位，等咗唔算好耐，裝飾好簡潔舒服，屋企人仲留意到好多好似房仔咁，空間感好夠（冇相，廢事影相騷擾到其他食客）因為屋企人坐低咗先，我後入佢地已經幫我揀好茶包。（佢地話有好似有4款茶可以揀，我淨係知道有隻人蔘烏龍，屋企人好似好鍾意，但我本身唔鍾意人蔘嘅味道所以冇試）佢地知我飲開鐵觀音，清清地幾好，我特別鍾意佢咁樣獨立茶葉包，好衛生又可以自己揀自己鍾意嘅茶。（茶介每位$9，價錢合理）食得上海野小籠包真係必點，我試曬兩種味道！黑色嘅係魔鬼小籠包（墨魚汁皮+黑蒜肉+豬肉+海膽）我諗海膽就係上面個少少仔雖然食唔出有海膽咩，但佢好食在係個皮夠薄，薄得嚟我揸筷子唔叻都冇穿同埋入面嘅湯好好飲另一款係天使小籠包（正常嘅皮+帶子+豬肉+魚子醬）雖然皮冇魔鬼咁薄，但佢勝在原粒帶子係入面之後就揀咗個蟹粉撈麵麵質好彈牙蟹粉好足料好香呢個係古法燒烤羊腩其實佢似酥炸但反而增加咗佢啲香口感脆卜卜佢仲配收芥末、薄荷啫喱同甜醬羊配薄荷啫喱本身係好夾但我最鍾意竟然係甜醬，其實佢係好似片皮鴨醬咁，令到成個感覺升級咗佢冇羊嘅羶味，就算唔食怕羶味嘅人都可以食到。跟住我地仲叫咗呢個黑將軍墨魚水餃唔錯嘅，咬落彈牙，墨魚餡料感覺好新穎最後，呢個真係不得不推薦，呢個杭州梅菜千層肉令成餐飯加分不少一嚟到賣相已經好好，個汁好好味，薄薄嘅千層肉入口即溶，佢底層係梅菜嚟，我用千層肉卷住呢梅菜一啖一口真係食到停唔到，一啲都唔覺得溜必食推介…查看更多

近牌工作太忙，根本沒好好休息過。辛勞過後，自然想對自己好啲，於是我揾小琪陪我去飲中湯潤一潤，佢就介紹我去今次晚飯既地方：龍門一番‧紫砂燉湯。 雖然我地今次去食中菜，但呢到既格局同裝潢一啲都唔中式，反而比人有啲田園風格，簡簡單單咁，感覺幾舒服，加上餐廳範圍都乾淨衛生。  係開始點餐之前，待應會為我地準備茶包。老實講，又估唔到呢到啲茶又幾好飲。呢到啲食物選擇其實都幾多，係餐牌有唔少上海餐廳都會提供既菜式，但值得一提既係佢地餐廳自·豪既燉湯，佢地幾款燉湯都有唔同既功能，大家可以按自己既狀況去決定叫邊一款。  記得阿媽話花膠湯除左養顏同滋陰補腎外，仲補而不燥係好野黎，加上小琪呢牌成日出暗瘡，飲花膠湯就最適合不過啦。- 花膠螺頭干貝燉雲吞雞湯 $198超好飲，每一啖湯有濃濃既雞味，而且我地見到既呢半隻雞其實已經燉到淋哂，我地可以好輕易就將雞肉撕開，讚！-自製千層水晶肉 $58呢個應該就係我地係其實上海菜館食到既「鎮江淆肉」，呢到既淆肉又唔算好膩，四塊岩岩好，作為前菜幾好，開胃。 -魔鬼天使小籠包 $58當然我地黎到又點會唔叫小籠包呢，而呢到既小籠包都幾特別。黑色皮既係墨魚汁皮；白色皮為傳統的皮。小籠包雖然皮比較厚，但勝在味道撘夠，而且湯汁滿滿，讚。整個晚餐十分滿足，係呢到要提提大家，開餐前記得細味佢地既茶，因為真係好香。 …查看更多

去荃灣行ikea，行到攰攰地又想食下中菜，睇下openrice 附近有咩好食，見呢間龍門一番好似幾熱門下，價錢都算抵食就揀左佢黎食。 侍應安排我地坐外面梳化卡位，感覺好寬敞，可以順便聽埋隔離音樂餐廳啲音樂，但如果張梳化墊可以硬少少更好。睇餐牌見到個魔鬼天使小籠包好特別咁款，所以叫左試下。魔鬼小籠包有黑蒜肉，豬肉，海膽，味道比較重岩晒我食。天使小籠包就有帶子，豬肉同魚子醬，食落似傳統小籠包，無咁重味岩我朋友食。值得一讚就係叫完好快就有得食，仲要好熱唔會搞到個皮好易穿浪費左啲湯。之後叫左糖醋魚塊開下胃，佢啲粉唔係太厚唔會搞到無晒魚味，而且酸個程度岩岩好。$72價錢黎講同出面茶餐廳差不多，但質素明顯高二班。我地仲叫左個帶子粒粒炒飯，啲帶子size唔大唔細，一口食岩岩好，仲吸晒炒飯啲精華好惹味。最後仲叫左個蒙古手撕雞卷，外表顏色烤到金黃色賣相好靚。雖然雞既份量小左啲，但勝在自家調製芥末醬夠晒風味補救翻。另外一提呢到啲茶係獨立包裝，比茶樓個啲靚好多，幾特別一人一小壺，唔會沖淡晒。食物種類亦都多不勝數，有啲食物仲有圖你睇…查看更多

和朋友來見面，選些感覺的餐廳朋友見呢間餐廳有燉湯飲就決定來呢度一坐低，侍應就帶來茶葉給我們選我要了人蔘烏龍，每人有個小茶壺，可以自己泡，有趣！不過飲到尾就覺得不夠，因為每次只可沖一杯，就常要加水😅先要了一個花膠螺頭干貝燉雲吞雞湯，有雲吞六粒連湯料一齊送上湯料足，雞湯清甜！前菜要了無骨燻魚，魔鬼天使小籠包同山東一口牛肉包無骨燻魚，賣相幾特別，乾冰帶來燒燻感覺，味道就甜甜地魔鬼天使小籠包，試了天使，可吃得出干貝在內，但湯汁不特別多，包皮應更薄一點山東一口牛肉包，朋友說味道好，我就覺得肉汁不夠，肉餡可更濕潤一點帶子粒粒炒飯有蠟腸粒，感覺像糯米飯的味道火腿津白有菜下飯，味道不過不失甜品有驚喜！要了紅棗糕同香芋鍋餅紅棗糕煙煙韌韌，不會過甜，好味！香芋鍋餅也比一般的紅豆餅少了一點甜膩，但芋香更出！好味！…查看更多

足不著地，輕鬆穿梭商場間，超方便。荃灣這設計，是參考了天空之城的嗎？逛到八咪半，相對小巧，卻有幾間新潮特色小店。連上海菜，也不例外。最欣賞的，不要懷疑，就是茗茶 ($9)！獨立包裝，一人一包，用小茶盅DIY。推介胎菊，粒粒圓潤可愛。茶湯澄澈，沖好幾杯仍好夠味，清香得想打包……魔鬼天使小籠包 ($58/4隻)，傳統中加入新意。除了豬肉，白的加上帶子，頂著魚子醬。黑色來自墨魚汁，包入黑蒜更加惹味。上面，還有一小抹海膽呢～兩款口味，都皮薄漡熱，肉汁滿滿，要小心。松子黃魚 ($188)原條𠝹花炸，大致無骨方便食。粉漿不厚，酸酸甜甜好開胃，份量夠多人分享。蒙古手絲雞卷 ($48/4件)似wrap，外皮烤得香脆。雞肉青瓜餡，點芥末沙律醬，喜歡這個小清新組合。4大件，幾飽肚。四川擔擔麵 ($52)花生味特別濃，香而不膩。可惜辣度低，如果可以加辣就好了。幼身的拉麵，彈牙有咬口。遠遠透過玻璃看到，是師傅手拉的喔！自問不大好中菜，卻被新意和活力吸引住。這次沒點招牌燉湯，有機會的話，想再來試試呢～…查看更多

好難得終於約到一班好耐冇見既朋友一齊食飯，負責揀餐廳既小弟當然唔可以有負所望啦。上網做哂功課之後，發現呢間餐廳望落都好ok咁喎，決定約齊人一試。作為中式餐廳最重要的當然係茶啦。有別於傳統中式餐廳，呢度會提供一盤多種口味、獨立包裝嘅茶葉我地揀，有普洱、鐵觀音、人參烏龍，茉莉龍珠等，每人都可以揀自己鍾意既茶，唔使爭。我就鍾意堅持飲我最愛既普洱啦。精美既茶具，而且把手位設計唔錯，握落手感好舒服。仲可以落d雛菊，轉飲菊普都ok麻醬腐皮卷，聽落好普通的一味菜。不過腐皮卷本身味道較清，突顯出麻醬濃味的口感，配合出來的效果又唔錯喎。藍莓山藥本身山藥口感挺爽挺清新的，配合明目的藍莓及南瓜蓉作拌菜醬料，加上煙霧瀰漫的擺設，實為抵讚的頭盤。麻辣豬耳子，豬耳唔太辣，不過麻味做足，幾適合同行不太食得辣的友人。跟住就到餐廳其中一項主打菜式﹕魔鬼天使小籠包魔鬼係墨魚汁黑蒜肉豬肉海膽，天使就係帶子豬肉魚子醬。小弟揀了個魔鬼去食，墨魚汁味道唔算太出，所以保留到其他食材，包括黑蒜肉、豬肉、海膽等。小籠包夾起唔穿是常識吧，小籠包皮薄湯熱，不過湯味略嫌較淡。自私食首選 - 灌湯餃。放心，小弟食唔哂一整個，店員會幫食客將灌湯餃分成幾客，等鍾意灌湯餃既同好唔使為食又要背負自私食既罪名。另外，中菜又係不可缺少既燉湯，我地叫了花膠螺頭干貝燉雲吞雞湯，除了好味之外，花膠對皮膚好，雞湯補身，難怪小弟每次食中菜都叫湯飲。接著食既係驚喜中既驚喜 -  古式燒烤羊腩，三種醬料。出奇地羊肉香而不羶，咬落脆而不膩，大愛之選。當然都要叫d飽肚既野食下啦，帶子粒粒炒飯! 帶子大粒飯又大碟，炒飯唔會太油，唔錯唔錯。百合木耳炒水蓮，食了咁多小炒後，總要有d清d既菜式中和下。日本溫室南瓜燴酒釀蝦球。個邊d南瓜食得架，日本溫室南瓜，大家記得唔好浪費，刮清楚啊餐廳寬敞又光猛，不論一家大小定好友相聚相信都是非常適合浪漫小屋都有埋餐牌以圖片為主，唔使估估下，可以有圖有真相。…查看更多