增煇大排檔 & 增煇藝廚

邀請朋友嚟呢間有些名氣大排檔食飯，因為比較偏係一些內街，所以落左車都要行小段路先黎到店鋪，呢道環境比一般大排檔乾淨，似舊式酒樓環境都比較嘈吵，不過最緊要係食物味道首先黎一個黃金炸魚皮，鹹蛋香味濃郁，炸魚皮脆卜卜入口香脆食唔停口鬼馬油炸鬼，油炸鬼釀入厚厚墨魚膠，外脆內彈配上酸甜汁惹味可口胡椒豬肚花甲湯，湯比較清淡胡椒味不濃，豬肚同花甲都相當料芥末芝麻蝦球，雖然係雪藏蝦但係炸得香脆配上酸甜芥末醬汁，味道獨特坊間小有避風塘墨魚咀，墨魚咀爽脆，配上鹹香避風塘調味，送酒一流豉油皇鵝腸，係用新鮮鵝腸加上靚豉油，豉油豆味香濃配上新鮮爽脆鵝腸，味道口感都無得輸呀砵酒焗蠔一黎到香噴噴，蠔大大隻調味濃郁燒鵝，雖然比起某些燒鵝名店差一點點，但係都屬於中上水準，香料味充足外皮燒得香脆刀工精湛，唯一缺點係唔夠熱同埋鵝肉偏硬風沙炸豬手，外皮炸到脆卜卜肉質唔會太乾嚡，但係調味過重肉部份太過咸瑤柱扒豆苗，豆苗抄得乾身唔會過老，配上滿滿瑤柱蠔油汁，簡直係絕配甜品金玉滿堂，好似湯圓炸到外層香脆，內有甜甜的芋泥，作為呢一餐圓滿結束…查看更多

唔少香港出名既小菜館都係深水埗，而增輝可能係香港其中一間最出名既小菜館。鬼馬油炸鬼：外脆內彈牙，配上甜酸汁，一定要試🌟迷你佛跳牆：唔係正宗既佛跳牆，反而似鮮甜既雞湯，入面有雞腳，鮑魚，花膠，螺頭，瑤柱，金華火腿等等既食材🌟一份($218)夠2-4人飲。麻辣雞煲（半隻）：唔似雞煲火鍋果種，少左偏甜既味，反而更似小菜。小辣已經夠晒香口，幾岩咁凍既天氣或者送啤酒🌟啫啫芥蘭：不過不失，芥蘭比較老，亦略為唔夠鑊氣。…查看更多

十年前住深水埗有食開增輝廚藝！今晚多謝老闆明哥介紹新菜式！冰鎮鮑魚好入味好彈牙10個like！👍🏼👍🏼蝴蝶腩丶wasabi魷魚keep到水腫！呢碟波波好特別！以為係細個食開嘅薯仔波波！原來係蕃薯蓉包住芋蓉炸嘅甜點又5油膩好有城市驚喜！😍😍鬼馬油炸鬼釀嘅係墨魚膠5會係齋粉又係炸得夠乾脆無油係有一手！杞子豬潤浸荳苗個湯好得不過豬潤可以切薄些會更嫰口！薑蔥撈魚皮彈牙5腥！潮式醃C奄？咪比我一個人橫掃咗囉！😆😆…查看更多

今次encore增輝, 試多左幾樣上次冇食過嘅餸 油炸鬼熱度適中, 墨魚膠爽口...雖然2樣嘢係風馬牛不相及, 但配埋不會太難受,而熱度又加左少少分, 因為如果呢道餸唔係熱辣辣咁送上嚟都幾大獲!! 個汁可點可唔點... 因為唔會因為咁而加分或減分 :)因為人數不多, 所以只係叫左半隻試...略嫌皮唔夠脆, 冇外間吹捧得咁出色...但可以一試嘅整檯餸被最快消滅的一味... 雖然外層同皮蛋有少少分離嘅感覺,但味道特別, 皮蛋味道沒有偏重, 剛好軟滑度中和了花枝嘅爽脆...這道燒鵝比起其他餸菜, 確確實實係比下去...沒有頭抽雞特別...還要比一般燒鵝遜色...!! :(可以不試…查看更多

與友人一年一度既聚會，一行三人相約於深水埗既增輝大排檔﹗呢個老友由於同我生日相近，所以每年都了生日月都一定約佢出來食番餐飯，自己慶祝又好，聚下又好，傾下近況﹗麻甩共聚，啤酒不可少，最近自己熱愛上飲鴛鴦，意即一份健力士溝兩份啤酒，味道比啤酒更濃厚細滑，又不會有黑啤的苦澀味，正﹗先來一個冰鎮鮑片，四十幾蚊都幾大碟，鮑片當然知是素鮑，不過佢口感彈牙，真係有鮑魚味，蘸小小日本豉油加多自己少少幻想，用來送下啤酒也十分不錯﹗花枝皮蛋，以墨魚膠包皮蛋鮮炸，再一開六上碟，外皮炸得香脆，口感富彈性，入面皮蛋質感軟糯，雖不是什麼糖心貨，但那外脆內軟的感受討好，三人也同讚好吃﹗再來是蝦醬骨，呢個就麻麻，蝦醬味不夠，雖然肉多但可更好﹗蒜蓉蒸開邊蝦，中蝦12蚊兩，花竹18蚊，最後要了中蝦，上碟大家已驚叫，因每隻0的蝦膏都係由頭頂到尾，蝦身爽口亦彈牙大隻多肉，味道鮮美，友人最愛吃蝦，次次聚會無蝦不萊，佢話呢次相當滿意﹗試試特別餸菜，堂煎和牛，價錢不便宜$138，一個小小的鑊仔，再配合一碟和牛粒，自煎自吃，牛粒睇樣似安格斯，是不是和牛我唔敢肯定，表面紋理分明，肥瘦有致，於鐵板上每邊輕煎幾十秒放入口，牛味濃郁，口感軟熟，正﹗建議叫姐姐幫手攞樽鹽，煎牛時兩邊輕輕灑上，更添美味﹗辣酒花螺是呢度必吃之選，未必所有地方的辣酒螺會俾埋個爐你熱住食，熱食除了放耐了也不會凍之外，辣味亦越迫越出，花螺更辣更香更入味，食到尾真係超辣，不過對於我地來說就越辣越想挑戰，吃一隻就滿頭大汗的感覺很美妙，只有飲多兩杯解解辣吧﹗最後點多個鬼馬油條送啤酒，仲記得以前食呢個餸炸得又硬又乾，今次再吃油條較以前鬆脆了不少，墨魚膠亦彈牙不乾澀，有進步之作﹗一年先見一次，飲大兩杯在所難免，睇住大家都有進步的感覺很好，但願明年會更好呢﹗要聲明我地飲左唔知數十枝最貴的藍妹健士力要成三百蚊一位埋單，說實我相信只計餸菜大約二百蚊是有找的﹗以大排檔來說呢間野偏貴，不過食物多選擇，推陳出新，之前吃過舊的也改良了不少，抵讚，吹水飲啤酒之選﹗…查看更多

上星期五晚又係成班朋友飯局嘅日子，由於呢排打太多邊爐，所以大家一致決定食大排檔，而我就提議嚟呢度。當晚大概7:30到，比起平時明顯少咗好多人，以前訂枱都未必有位，但係嗰日反而有好多吉枱，唔知係咪真係市道咁差呢~~二話不說我就點咗醬撈八爪魚仔、 鬼馬油炸鬼、花姿釀雞鎚送啤酒先!醬撈八爪魚仔 - 仲以為係熱食，點知原來係冷盤，好爽脆又鮮甜，味道剛好，而且嗰種超爽勁脆真係一流，估佢唔到有咁嘅口感。鬼馬油炸鬼 - 以前嚟親都一定order呢味，保持到水準，外面油炸鬼鬆脆無比，裡面蝦膠又香蝦味而彈牙，正!花姿釀雞鎚 - 好香口嘅雞肉，裡面又係好彈牙嘅花姿膠，不過比起蝦膠就略遜一籌啦!之後友人再落order，叫咗:-炸釀皮蛋 - 流芯皮蛋都幾唔錯，不過外面包住皮蛋層蝦膠略薄，可能因為咁好似有啲炸過火，所以比較硬囉...椒鹽白飯魚 - 條條魚個size都幾大條，椒鹽好好味，而且又炸得啱火喉，值得再試。紅燒班腩煲 - 好普通，而且有啲覺得偏咸。豉汁蒸白鱔 - 個豉汁都唔錯，不過個白鱔就泥味好重，我就覺得好腥啦。蠔仔肉鬆煎蛋 - 味道平均，蠔仔都好鮮味，不過唔係好覺有肉喺裡面。之後再叫多個南乳唔知咩雞送啤酒，呢個味就幾好，好入味，不過啲雞係斬得好碎，而且好瘦冇咩肉食。 成晚都唔知飲咗幾多支大啤，埋單每人都係200蚊樓下，都幾相宜。而且服務態度比起以前好咗，所以會再光顧。…查看更多

今晚去左深水步既增輝大排檔，好鬼耐無來食了﹗嘩，好彩地一來到就有位喇﹗仲要坐我最鍾意既街外位﹗食物都無咩變，不過多左有鮑魚食﹗好誇張﹗生力清啤啦﹗十五蚊支﹗風味最緊要﹗睇住個大廚炒到身水身汗，0個0的先係鑊氣呢﹗醬撈墨魚仔，冷盤來的﹗好似係新菜式喎﹗蒜味濃，入口辣辣地送酒一流﹗再點左個啖啖肉的孜然豬鎚勁香孜然粉味﹗少少辣好香﹗食到豬本身既少少羶肉味﹗不錯呢﹗友人說要叫鬼馬油炸鬼，都成年幾兩年無食呢個菜﹗沒有當年食的乾身，很脆墨魚膠也很多，不過熱氣死了﹗蒜片牛柳粒，韌左少少，我整的一定好食過佢﹗西蘭花啦﹗點都要有0的蔬菜，唔係會便秘﹗佐酒小吃來個雞軟骨腰果﹗夠哂惹味，沒有其他地方食的乾硬硬感覺﹗有咬口﹗不過細碟得很﹗食飽飽又玩下啤牌，對面士多六蚊有一副，抵呀﹗成年無來食，味道比起上年來的時間好了﹗不過食物確實全部都細碟左﹗價錢亦都差唔多，由於人數少百五蚊個人，食大了﹗好飽好飽﹗更多相更多相:http://hk.myblog.yahoo.com/smallsmalllin/article?new=1&mid=6524…查看更多