增煇大排檔 & 增煇藝廚

生日多數都係食西餐，早排朋友生日就轉下食其他野haha，去左大排檔到食海鮮🤩.🦞飛天龍蝦麵 $888龍蝦麵要提早預訂，龍蝦肉爽彈，個麵幾脆口，配埋醬汁幾好食.🦀生拆蟹肉翅 $268呢個就普普通通，無乜特別.🦑椒鹽鮮魷 $128魷魚彈牙，味道鹹香適中，配啤酒一流.🦐避風塘炒賴尿蝦 $828賴尿蝦大大隻以金蒜、辣椒等避風塘配料調味拌炒，夠唒惹味🦐胡椒琵琶蝦 $480本身想叫胡椒蟹，可惜無唒蟹( ；´Д｀)職員就推介琵琶蝦，琵琶蝦肉質鮮甜紮實可惜無乜胡椒黑椒味.🥬菜花蝦乾炒什錦 $168配料豐富，有蝦、魷魚、腰果等等，炒得乾爽.…查看更多

同一時間叫了五碟餸，有二碟餸還未來，我半個鐘前追服務員，女服務員話幫我睇下話沒有落漏單，之後再等半個鐘今次追是啤酒服務員，追之後說送錯比另一枱，即是之前果個女服務員沒幫我跟進，女服務員睇到我張枱已沒位置放其他餸呀，都唔幫我執佐食完的碟，服務態度又差，跟本不是做生意的。食物方面死喊，叫了一個豆腐魚雲湯，沒魚雲只得魚頭，湯又喊，鼓椒炒沙白已經沒鑊氣又喊到飛起，今次第三次去的，品質及服務已經變差了。不值有米芝蓮的品牌，唔會再去…查看更多

胡椒香茅蟹煲一上枱有香茅同胡椒嘅味，蟹肉新鮮，隻蟹大約2斤，份量都夠5個人，食落有啲泰式風味。之後叫左個「菜花炒雜錦」，俗稱「小炒皇」，個名又改得幾靚。平時出邊食嗰啲多數用雪藏蝦仁，但呢間竟然用「新鮮蝦」，食落真係有鮮蝦味。椒鹽鮮魷炸得脆，灑咗椒鹽同蒜粒，魷魚彈牙，味道鹹香適中，配啤酒一流。份量ok！ 可惜冇得雙拼。整體嚟講，增煇藝廚嘅菜味道可以，性價比高，普通小菜係百零蚊。喺深水埗想食大排檔，呢間係個唔錯嘅選擇。下次可能會試吓其他菜式！…查看更多

食物水準不錯, 價錢也合理, 但可惜老闆態度傲慢, 典型香港食肆唔憂做嘅風格！事緣經朋友推介, 提早一星期已致電訂位；當晚一行五人準時七點到達, 當時入座客人不足一成, 可選位置不少, 但老闆欲派了一張2樓樓梯口枱給我們, 即管將就坐下, 準備點選美食；坐下後覺得好熱, 冷氣從梯口走晒令到冷氣不足, 嘗試找老闆要求換枱, 老闆一臉不屑回答冇晒枱, 再問吉枱大把為何不能換, 老闆寸咀咁講, 枱就冇, 唔啱可以唔要, 真係趕客！今時今日咁嘅服務態度, 怪不得香港冇運行！…查看更多

當晚我們一行七人,有叫湯、小菜、白飯、啤酒、鮮魷好正, 蝦係好鮮味, 但貴！ 原來以両算 $720；回家再看單據, 才發現元貝$406, 來了五隻, 而我們一路有相機食先, 記錄了, 大家當時以為是例牌大小, 分享吃著五隻, 粉絲好硬扣分。事後一日打電話去問, 話我們當刻無反映,冇法子追索了...其實他們廚房出產ok, 但這次之後會再去光顧嗎？…查看更多

個龍蝦見隔籬兩枱都嗌，搵勻個餐牌都見唔有，唯有問吓店員，原來係新菜式叫「飛天龍蝦」，轉咗兩斤鬆少少嘅花龍，5個人食啱啱好，個龍蝦好爽，個麵好脆，加埋個汁啱啱好🦞估唔到個皮蛋係流心👍🏼👍🏼另外仲嗌咗Wasabi魷魚圈，上到枱嘅時候見佢白色好似冇乜料到，一方入口啲辣轟晒出嚟🥵🥵原本想試着火嗰隻雞，怕食唔晒，唯有嗌半隻炸子雞試吓🔥🐓可惜冇瀨尿蝦同元貝除開每人都400都唔使算幾抵食，一定平過去西貢、鯉魚門…查看更多

食飯時間，一番決定之下同幾個frd落到增煇埋位。🥢【啫啫滑雞煲】雞肉好嫩汁水夠多又夠嗮鹹香，勁大鑊氣。洋蔥切落去煲出黎嘅汁淋飯確實係好香。🥢【椒鹽瀨尿蝦】瀨尿蝦嘅肉質夠甜，唔係齋得個殼。咬落去殼脆肉有味同時仲留底海鮮嘅鮮味。🥢【豉油皇炒麵】啲麵帶少少焦香嘅味又唔會發苦，啱擺上檯之時夠嗮鑊氣，豉油味又香又濃。吞落去尾調仲有部分蠔油味（回甜味）。🥢【炒蟹】調味夠晒濃，炒得好入味，蒜味炸過嘅香落到蟹度炒勻嗮。肉蟹啖啖肉鹹淡分明香到盡。多咗O冇食，驚整痛智慧牙…查看更多

今晚同同事去咗增煇食晚飯，夥記介紹咗兩味餸菜，最後埋單先知呢兩個餸超貴，只怪自己冇問清楚價錢就落單！所以就建議大家唔好同我做埋同一個錯嘅事情，記得要先問清楚價錢，無端端食多咗二千幾蚊…查看更多

我們想食椒鹽九肚魚, 個店員話無九肚魚, 我地話咁由佢啦, 佢就話不如叫筍殼魚, 我地話唔想食魚, 同埋唔食啦咁大條, 佢就話咁呀, 叫白飯魚囉, 夠細條呀, 跟住我地問有無苦瓜/菜脯煎蛋, 佢話無苦瓜無菜脯, 佢再話點會有姐, 你地都唔跟菜單叫餸, 其實一間大排檔咁簡單既野都無, 淨係想我地叫海鮮, 唔係想湯水魚係想咩呢? 咁我地又叫左兩樣野, 一碟係卜卜蜆, 個GAZ爐起碼燒左20分鐘都唔滾, 到滾果時啲卜卜蜆都老哂又梅哂, 第二碟係鹽焗花螺, 我都未見過鹽焗花螺係用煲上既, 同埋仲要滾左成40分鐘入面啲花螺都係生既, 仲要$480/24粒花螺? 唔怪得生意愈黎愈差啦…查看更多

增煇大排檔 & 增煇藝廚📍：香港深水埗石硤尾街31-33號地舖🚗：深水埗地鐵B1出口 步行5分鐘📞：+852 2778-8103💲：~HKD190/head for dinnerFood quality👌🏼：明爐燒鵝(半隻) l、椒鹽鮮魷、脆皮蜜汁燒鱔、砵酒筒蠔❌：鬼馬脆油條總結：🤔一間非常普通嘅大排檔 路過試都可以 但特意嚟食應該會好似我咁失望😣🤔叫咗5碟都係非熱上 大排檔唔係熱辣辣已經扣分 🤔除咗油條較油膩外 其他都正常可接受🫨😨有得嘆冷氣嘅大排檔 但衛生環境都係有改善空間 😨服務方面 因為佢哋漏咗單 食完一半都未上就問問 我哋本身想cut單但佢哋話整緊 但整到啲嘢食到最後都未上 最尾都係cut咗🙊…查看更多

增煇藝廚📍深水埗前排同朋友想食大排檔 即刻就上網搵下邊個好食 見到呢間拎過米芝連 就嚟試吓我地一行三個人 叫咗5個餸 每個餸都有驚喜🥢蝦多士蝦多士好出色 個多士好薄好脆 炸粉都好薄 配上好嫩彈牙嘅蝦仁 🥢芝麻青瓜海蜇絲海蜇絲十分之清新開胃 撈咗麻油同白芝麻 下面鋪滿青瓜絲 口感爽脆清新🥢薯仔牛柳粒牛柳十分嫩唔韌 冇筋 薯仔軟硬亦恰到好處 十分入味🥢椒鹽墨魚咀墨魚咀口感特別 彈牙嫩滑 炸粉亦都唔厚 每一啖都好juicy 🥢椒鹽粟米粟米反而略嫌遜色 佢係炸完粟米先落椒鹽粉係面 會比較咸少少整體而言有驚喜 會再encore!💰3人用餐 人均消費$160增煇大排檔 & 增煇藝廚 (深水埗)📍深水埗石硤尾街31-33號地舖…查看更多

我們一行5人去增輝食飯，其中一個朋友早到，叫咗幾樣簡單前菜。我哋大約10分鐘後到，坐低後有一個短頭染咗粉紅色紫色頭髮瘦身型嘅X女人埋嚟落單，一行埋嚟就問我哋食唔食筍殼魚，我哋唔食，跟住就問食唔食蝦，我其中一個朋友話豉油蝦好呀，每人一隻。之後問X女人幾錢隻，佢話35蚊両，我哋問一隻幾多両，佢話1-2両。跟住又問我哋食唔食聖子？又問食唔食象拔蚌，係咁推銷我哋食海鮮，我哋話唔食。X女人之後突然又話隻蝦要2-3両，咁我就話算啦，唔食啦，取消碟豉油蝦。跟住個X女人問點解，我話太貴唔食啦。跟住個X女人好大聲回覆咗一句＂你呢句說話難能聽過粗口＂。我見其他朋友冇出聲，我已經忍住。跟住我同個X女人講話嚟兩支藍妹，跟住個X女人話你夠唔夠錢俾呀？！我X妳老母，X妳老豆，X妳全家，我嚟食飯好聲好氣，妳老X，X X X X！妳做樓面對客人需唔需要講粗口啊？唔食隻蝦覺得貴係咪有問題？妳快啲X街死，增輝快啲X X，正一垃圾食肆，啲嘢食正垃圾。到最後我哋求其食咗幾個垃圾前菜，之後就埋單過咗過去隔離幾條街萬發再食飯。萬發啲嘢食好好多，坐得又舒服又乾淨，食物又好有鑊氣。千祈千祈千祈唔好去增輝。正X X女人侍應，正X X食肆！千祈千祈千祈唔好上當，被推銷你食海鮮！…查看更多

今晚嘅味覺之旅由一道「龍蝦伊麵」開始——橙紅色嘅龍蝦開邊，霸氣咁鋪喺油亮嘅伊麵上面，蝦膏濃郁到好似金沙咁，掛住每一條麵。龍蝦肉爽口鮮甜，伊麵吸晒龍蝦汁精華，醬汁用蔥薑蒜爆香，仲帶啲白蘭地酒香，豪華得嚟又唔會膩。 跟住輪到「脆燒雞」出場！雞皮脆到好似玻璃咁，咬落去「咔嚓」聲清脆到不得了，薄脆得嚟又帶啲焦糖香，皮下嘅脂肪已經烤到化開，淨返陣陣油香。雞肉出乎意料咁嫩滑多汁，醃料入面有南乳同五香粉嘅層次，點埋附送嘅檸檬椒鹽，酸辣更加帶出雞肉嘅鮮甜。 兩道菜一濃一淡，好似交響樂嘅高潮部分。龍蝦伊麵係濃墨重彩嘅油畫，脆燒雞就係精雕細琢嘅工筆——今晚，舌尖先後經歷咗海洋嘅澎湃同陸地嘅豐腴，滿足到不得了！…查看更多

**得揮藝廚食評：飛天龍蝦伊面 × 火鳳凰** 「得揮藝廚」以創意粵菜聞名，這次品嚐的「飛天龍蝦伊面」和「火鳳凰」令人驚艷！ **飛天龍蝦伊面**氣勢十足，龍蝦開邊鋪滿伊面，蝦肉爽彈鮮甜，醬汁濃郁帶微辣，與蛋香伊面完美融合。麵條吸飽龍蝦精華，每一口都滋味飽滿，唯龍蝦分量稍少，意猶未盡。 「火鳳凰」實為火焰醉雞，上桌時淋酒點火，視覺震撼！雞肉嫩滑，酒香滲透而不嗆，搭配焦脆雞皮，層次豐富。可惜醬汁偏鹹，掩蓋了黃酒香氣。 整體而言，兩道菜創意與傳統兼具，適合打卡亦滿足味蕾，人均消費約$700，性價比中等。推薦愛嚐鮮的食客一試，但記得預訂——龍蝦每日限量供應！…查看更多

喺4月1號愚人節嗰日，本來一家人開開心心去食飯，一坐低叫咗六個餸，有燒鵝、魚、蝦、啫啫芥蘭、扇貝同埋薯仔炒牛柳粒。餐廳用餐嘅地方非常之窄，坐四個人都係啱啱好，張枱仲要特別細，啲餸要逐樣逐樣送上嚟，食完一個餸先嚟第二個餸。 一開始上嗰碟燒鵝係由兩隻組合而成，半隻係啱啱新鮮整嘅，另外一半係預先整定同埋已經凍晒，咁都算啦。然後嚟咗條魚同蝦都正正常常冇話特別好食。跟住等咗好耐，另外嗰三個餸都未到，於是我就問咗侍應，跟住佢同我哋講等多陣，再過多10分鐘個侍應行過嚟同我哋講漏咗單，然後再同我哋講啲芥蘭冇晒叫我哋轉。喺呢個時候我就心諗明明我哋叫先，係你哋漏單嘅問題導致冇晒，仲要逼我轉另一個菜。咁都算啦，後來上嗰個薯仔炒牛柳粒先係最大問題。喺佢上菜前我見到人哋叫嗰碟又大碟，啲薯仔同牛柳粒比例一樣都係50:50。到我哋枱上呢碟薯仔炒牛柳粒嘅時候，啲牛柳粒10隻手指數得晒，啲薯仔多過牛柳粒，但係啲薯仔都唔多得去邊。跟住啲扇貝同個啫生菜又唔係特別好食。啲員工態度仲要非常一般，成間餐廳漏咗單同埋俾啲咁低質素以及同人與眾不同嘅份量（特別細份量嘅牛柳粒），到買單俾錢嗰陣時都係一句道歉都冇，仲要冇俾返discount同埋特別貴！咁大個仔未試過食飯咁委屈同埋食到咁唔開心！可見呢間餐廳係幾咁劣質！以後唔會再有下次‼️ Black List 🚫避雷🌩️…查看更多