Chilli Lime (MONTEREY Place)

帶完海姐去睇醫生，係附近搵間餐廳醫肚🤭成日都經過，今次就試吓呢間泰菜，有室內同室外位置，今次帶着海姐，所以我哋就坐室外，環境都好chill架🤩泰式蝦餅🦐蝦餅超鬆軟！好少會用鬆軟去形容蝦餅😂但的確係彈牙得黎鬆軟🤤又重蝦味🤤係老母食過最好食既蝦餅🤤🤤馬拉盞通菜🥬通菜正正常常，菜既軟硬程度剛剛好，而且調味唔會死咸，不錯！仲要超級大碟！三四個人一齊食都夠晒😋傳統咖哩羊肉🐑咖哩微辣惹味😋最欣賞既係羊肉有少少膻味🤤咁先有食羊肉既感覺架嘛！羊肉仲煮得好腍，一咬就咬得開👍🏻😋酥油薄餅薄餅好夠酥！用特登叫黎點咖哩一齊食！咖哩除左配白飯，薄餅之類都係一絕👍🏻😋芒果糯米飯🥭擺盤擺得好靚，糯米飯軟糯煙靭😋而且仲要三色好特別🤩一啖糯米飯一啖芒果係最佳配搭😋😋Mojito、Fresh Thai Colada🥥酒味都有點重，係戶外飲住酒吹下風好鬼chill😌特別欣賞Feash Thai Colada，用返原個椰青承載cocktail，飲落好有椰青味，中意既仲可以食埋入埋啲椰青肉🥥好特別🤩🤑 人均消費：～$350🤩 推薦指數：8 / 10📍 餐廳資料：Chilli Lime (MONTEREY Place) (將軍澳)將軍澳澳南海岸唐俊街23號MONTEREY Place地下G07號舖☆.。.:*・°☆.。.:*・°☆.。.:*・°☆.。.:*喜歡我的食評請Like & Follow🫶🏻 @umi.bengal.foodie#foodie #foodies #foodiegram #foodielife #foodiehk #hkfood #hkfoodie #hkrestaurant #香港美食 #香港好去處 #香港打卡 #香港探店 #香港必吃 #香港美食攻略 #將軍澳美食 #泰菜 #印度菜 #越南菜 #ChiliLime #Cocktail…查看更多

心情鬱悶，特意到將軍澳南海濱走走，順道來一個休閒午餐選了一家悠閒渡假感滿滿的泛亞料理多國菜餐廳設有露天戶外座位，適合寵物主人跟毛孩散步後前往裝修以木為主，牆上掛滿油畫，充滿異國風情湯類蟹肉魚肚羹熱辣辣超暖胃，份量挺多又足料涼前菜泰式生蝦新鮮爽口，配蒜片及泰式酸辣汁更加惹味傳統咖喱羊肉咖喱香濃，不會有太強烈羊羶味正宗烤餅沾上咖喱口感豐富！有嚼勁，外脆內軟蔬菜馬拉盞通菜微辣有鑊氣，蝦醬味濃，重口味人仕至愛原個新鮮椰青清新醒神，椰肉鮮甜，輕輕一刮已可享用 冰美式咖啡不加糖、不加奶，甘香濃郁 ，口感清爽:)…查看更多

同同事去將軍澳見完客, 順便係附近食埋Dinner先歸家, 記得早前丫姨介紹話有間泰菜餐廳經常爆滿, 趁住未到放工高峰時間, 唔洗等位即刻入去食返餐。餐廳分別有室內室外座位, 室外方便攜同寵物一齊入座。而室內氣氛環境都幾有泰國風味。泰菜款式選擇多, 而且仲有多款酒精飲品供應, 唔飲酒嘅同樣有特色飲品選擇。Fruit Float: 由芒果、菠蘿、橙汁, 石榴汁mix埋, 再加咗椰子忌廉, Texture好creamy, 果香味濃郁香甜, 椰香味突出, 很有泰國風味。 香炸蟹肉粟米餅: 即炸不油膩, 香脆鬆化, 脆得有聲, 同時食到粟米粒嘅香甜同埋蟹肉嘅鮮甜。 酸辣椰奶湯: 揀咗雞, 湯底很有椰子嘅香甜, 帶微辣, 好飲又惹味; 而且有唔少雞件、菇、蕃茄仔,  材料豐富, 有四碗份量。馬拉盞通菜: 每條通菜都盡索醬汁, 菜莖爽脆, 鹹辣美味, 加咗炸蒜更添香口。牛油雞咖喱: 份量好似少, 不過雞件都為無骨, 雖算不上鮮嫩, 但入味; 食到牛油嘅微甜, 另order咗份烤餅, 三款自選口味, 店員推薦蒜香味, 烤餅大大件, 好軟熟, 唔會太油, 沾咖喱食perfect!最後order咗個芒果糯米飯做甜品:兩個紫糯米飯團、一個糯米飯團, 飯團熱辣辣, 帶點點黏口軟糯, 沾上椰漿令味道更提升。伴有嘅芒果肉, 香甜多汁, 正!…查看更多

一入呢間店，好有東南亞風情，有普通座位同卡座，今日坐到卡座，行上一級坐上去，好似包廂咁！可以同同事邊食邊傾，好舒服。店員好親切，我哋問d菜式辣唔辣，仔細解答，我哋嘅想要熱水，佢就比夠壺我哋。我最鍾意呢道一盞盞吊落嚟嘅波波燈，好有格調同氣氛。蟹肉魚肚羮$118分量十足，有成4大碗，好多蟹肉，蟹肉鮮甜，重好多魚肚，正！👍炭燒豬頸肉 個豬頸肉烤得好香，肉質滑，一啲都唔韌，點埋個汁食，味道有提升一層。馬拉盞通菜 通菜新鮮又爽口，加埋馬拉盞炒，香辣有惹味。香蕉葉三巴魚呢度菜式好特別，魚肉夠滑，外層煎到卜卜脆，醬汁好特別，夾埋一齊食，都幾好味！越式軟殼蟹米紙卷軟殼蟹炸得香脆，加入蟹籽、生菜、同紫蘇葉包埋一齊食，減低左油膩感，醬汁特別，用Wasabi同蟹籽，味道清新。芒果糯米飯賣相好靚，果肉香甜，有三款糯米飯，分別係芋頭、普通糯米同黑糯米，食落煙煙韌韌，仲有椰汁嘅香同甜，令人食唔停口。…查看更多

想食印度菜，將軍澳的選擇不多，估唔到喺將軍澳海旁便有一間高質印度餐廳，還有泰國和馬來西亞菜式，更是一家酒吧餐廳，提供不同款式Cocktail，服務親切，寫意度假環境，絕對符合海旁的休閒氣氛～大蝦冬陰功湯($108)超級無敵真材實料冬陰功湯，三隻半邊大蝦，雖然肉質一般，但係賣相好吸引，還有大量配料如蘑菇、秀珍菇、蕃茄、南薑、香茅等等，酸味辣味夠搶，夠晒開胃印式芝士配菠菜 ($108)最喜歡的印度菜之一，配印度正宗烤餅($38)，yummy馬拉盞通菜 ($98)大碟，好夠火候好夠味嘅馬拉盞通菜芒果糯米飯($88)招牌甜品，有三款糯米飯，分別是芋頭、普通糯米和黑糯米，唔太甜，最重要係熱嘅，食落煙靭，芒果酸甜適中，芒果味足Virgin Mojito ($58)mocktail 無酒精系列，慷慨的有大量薄荷葉和青…查看更多

將軍澳南又一好chill 既餐廳,入到去好舒服既,好似去左另一個世界,椰林樹影,好舒服係度飲野同傾計,室內設計都好好，而且真係係DONKI 旁,食完仲可以行一會,如果想踩下單車都得,因為一出去就係海傍,好鐘意依度既環境。食物都係幾有質素既,叫左幾個都非常滿意泰式柚子鮮蝦沙律:依個真心正,特別係夏天食真係好好,因為好新鮮,好開胃,好多汁,而且真係一大碟,好豐富。馬拉盞通菜 好味到依埋個碟～真係食唔停同埋清曬~泰式乾炒牛河 (BEEF) 超足料，牛肉又大大塊咁，真係正~泰式蝦餅唔係冰鮮既蝦餅，真係大大隻超彈牙既蝦餅，真係好鐘意呀泰式豬頸肉有炭燒既味道，不錯~飲品:Mango delight:甜到漏既MANGO沙冰呀～真係超正呀Yellow sky：好清涼好好飲~ 全部都係外國人侍應，但佢地真係超細心，會突然俾張紙巾你，同埋突然爆句廣東話好好笑，好滿意既一餐~…查看更多

🕖時段-星期三夜晚7:30pm去到坐左一半左右 附近餐廳都唔多人 呢區平日夜晚應該無咁旺 _▫️泰式炸魚餅 $88魚餅一碟4件 口感彈牙 入面加左唔同herbs好香口 咬落好香濃香茅味 有泰國風味🤤good!_▫️牛油雞咖喱 $128食印度菜鐘意揀butter chicken curry 比普通咖喱雞香好多同滑好多😋! 份量唔大碗 不過都好夠2個人食然後大家應該估到下一個餸係咩👇🏻_▫️烤餅 $28就係naan!🤪 一盤有3大塊 唔知係咪呢個烤餅做法唔同 咬口無咁酥脆 但無咁油 點咖喱都得無得輸👍🏻_▫馬拉盞通菜 $78份量啱2,3人食 其實佢係炒得幾好 一開頭食覺得幾好仲食得好過癮 但我食到一半愈食愈頂唔到---好辣啊🥵🥵🥵😂怕辣人士可嗌menu其他唔辣既菜🤣_🍽環境餐廳户外坐位係寵物友善 我今次都帶左狗狗一齊食! 間中出面有其他狗散步行過可以say個hello🐶而室內位置似bar 座位舒適闊落 氣氛都好啱傾計飲杯野🍻 …查看更多

兩個半星期前的七一回歸公眾假期已經想幫襯，但當日香港疫情已具全面緩和之勢，連續十多日本地零確診；所以，香港市民的心情也放鬆下來，餐廳的午餐時段也滿座。只有望門興嘆，改去附近另一間餐廳。今日再臨「Chilli Lime」，此一時彼一時，隨著第三波疫情殺到埋身，本地確診個案日日創新高，大部份香港市民再次隱居、足不出戶，餐廳附近人流再次變得稀疏；為了增加生意額，外賣仲有八折。還記得兩個半星期前，餐廳人流𣈱旺；因為毗鄰海濱及單車徑，附近居民到來散步及踏單車。即使今日天氣放晴，難得見到藍天白雲，偏偏人影都唔多隻，有點唏噓！室內裝修簡約，採用深色木皮、深色木地板作為主要裝修材料，再加上遠處一幅充滿印度風情的簡單線條仿油畫；很明顯是一間以印度菜為主題的餐廳。矚目所見，餐廳服務員及廚師，也是南亞裔人士⋯⋯但就不懂區別是否印度人。疫情重臨關係，餐廳內大把吉枱！雖然香港有不少印度裔人士，但只單純供應正宗印度菜的餐廳數量就不太多，大部份同時供應其他東南亞菜式，始終做生意要計算客源及成本。「Chilli Lime」沒有例外，除了主打印度菜式之外，亦有相當多款式的泰國菜及少量越南菜；所以餐牌表明餐廳定位為Pan Asian Cuisine。但一翻到餐牌內關於煎餅及麵包一頁，見到款式之多及口味的多元化，就肯定主打印度菜。揀了兩款冇任何餡料的烤餅，由於不想食太過乾身的印度餅，放棄了烤麥餅 Tandoori Roti，揀了牛油烤餅 Butter Naan及印度酥油薄餅 Roti Canai。Naan 有三款口味：原味、牛油及蒜蓉，揀了牛油烤餅Butter Naan ($28)。質感軟身得來有點挺身；咬下去表層帶有酥皮的香脆，內層就鬆軟中帶點結實口感。可能因為揀了Butter Naan，同時又帶點油潤；如果揀原味的話，應該會更接近傳統的西方麵包口味。驟眼望過去，印度酥油薄餅Roti Canai ($32) 好似同牛油烤餅Butter Naan 差不多，其實質感及味道皆有所不同，不過就同樣好味道。Roti Canai 表面較 naan 更加油潤；撕開薄餅，質感更煙韌，也可以感受到酥油滲入薄餅內層。一層層的質感有點似酥皮，但口感就介乎麵包及薄餅之間，煙靱、鬆軟、充滿油香。無論是 naan或者Roti Canai，蘸一點咖喱就是最佳配搭，簡單又好味的美食。串燒沙嗲（$118）一客六串，雞、牛各三串。望落去好似好吸引，但原來味道麻麻地。醃料味道唔夠香濃，失去了預期中的星馬沙嗲濃郁惹味；雞肉及牛肉的肉味一般。幸好沙嗲醬調味相當好，彌補不足。傳統咖喱羊肉（$138）份量只有一個特大飯碗，又用了最簡單的金屬器皿上碟，望落去似乎只有濃稠的醬汁，完全見不到任何羊肉 ⋯⋯ 根據之前食過印度菜的經驗（雖然只有寥寥幾次），賣相相當正宗。搯起啡橙紅色的醬汁。唔想用「咖喱」兩個字去形容，因為正宗印度菜有很多款不同口味、不同特色的醬汁，分別採用不同的香料調劑，每款味道皆非常濃郁、充滿香料味道，但辣度不一。細味品嚐的話，味道完全不同，但一個非印度人實在很難說得出具體分別，只可以肯定講同星馬或泰式咖喱完全不同；很難說是否好食，只可以講同傳統的泰式咖喱不同。羊肉份量也很少，只有四五塊；但醬汁味道實在太過濃烈，很難食得出羊肉味道，只勉強從肉質纖維分辨出並非雞肉或者牛腩。馬拉盞通菜（$78）並非採用泰國菜館常用的旱通菜，而用了粗莖的空心通菜；雖然選材唔正宗，但最緊要還是味道。可能始終是主打印度菜的餐廳，馬拉盞醬料的味道唔夠香濃惹味。飲品就偏貴了，一個椰青也要$58。價錢算合理，出品以印度菜式較佳，令筆者回想起多年前在印度所吃的正宗印度菜口味。至於其他東南亞及馬拉菜式，雖然只是試了馬拉盞通菜及沙嗲，未必可以作準，但兩款菜餚的質素皆一般而已。值得下次再來幫襯，但一定要食多一些印度菜式。…查看更多

將軍澳海旁越開越多餐廳，環境大都舒服，晚上更見熱鬧，有點度假的感覺今次揀了Chili Lime東南亞+印度菜，餐廳侍應看來都是印巴人事，全英文落單。餐廳整體環境幾靚幾舒服就是有點逼夾，但食物質素還可以！飲品比較貴，埋單價錢每人差不多$300 …查看更多

收工緊係想食d好野獎勵自己，經朋友介紹之下就黎左呢間辣椒青檸Chilli Lime，都幾有驚喜！餐廳環境昏暗有格調，可能因為位置唔係市中心，所以人唔多沙律叫左個魷魚粟米沙律，呢個組合係出面好少見，前菜沙律加入新鮮魷魚鬚佢個汁酸酸甜甜非常開胃，粟米甜到不得了，加埋魷魚意外地夾主菜方面就叫左個越式炒生薑雞，配埋個香蒸米飯，真係食唔停口。個炒雞非常入味，仲有菇、紅椒、青椒、洋蔥，香口又下飯！另外我地仲叫左個馬拉盞通菜，香港人食親泰國嘢必叫(起碼我自己一定嗌)都無令我地失望，雖然佢menu寫左辣，但其實唔太辣，所以怕辣的人都可以一試。仲有個烤餅香口又軟。飲品方面就叫左椰青同Virgin Mojito，椰青就係平時夏日熱辣辣飲到個種，而Virgin Mojit就相當Fresh，夏天叫啱哂！最後當然要以甜品作結，我地叫左個芒果糯米飯，好食到不得了！絕對必食！椰奶夠濃、加上黑芝麻，口感軟黏的黑白糯米球加埋甜到爆芒果，食完想食多個！…查看更多