Chilli Lime (MONTEREY Place)

又再來海邊食東南亞菜，Chilli Lime食過唔錯，星期一至四有Weekdays 特別優惠，更抵食。買二個主菜免費送一個頭盤，仲有Add on 優惠，真係好抵食。💞(主菜) 泰式香茅黑椒燒雞 半隻份量都唔少，食得出香茅薰香，烤得嫩滑惹味。💞(主菜) 菠蘿海鮮炒飯融合了甜、酸、鹹，新鮮菠蘿的酸味能夠平衡炒飯的油膩感。炒飯的米粒外焦內軟，搭配菠蘿的脆嫩與海鮮的彈性，讓每一口都充滿驚喜。💞(送頭盤) 冬蔭公湯 Prawn 蝦係我食過最好飲嘅冬陰功湯，香料食材非常多，小辣，大頭蝦都好彈牙多蝦膏。💞 Naan 烤餅（蒜蓉）必吃，點咖喱簡直係絕配，今次冇點咖喱，淨食Naan都好好食，食晒。💞 飲品點了Virgin Mojito, Yellow Sky，@$38真心唔錯抵飲。💞大蝦柚子沙律好清爽，酸酸甜甜，作為前菜開胃好合適。餐廳好有氣氛，令人覺得休閑放鬆，有室內同埋室外位置，好chill，餐廳長備有蚊怕水，春夏天有蚊都唔怕。…Read More

今日收工去將軍澳海旁搵好嘢食，搵到這間泰國印度fusion菜餐廳，餐廳有室內及室外位置，以東南亞熱帶風情為設計主調，用餐環境悠閒舒適。外籍侍應態度親切，有懂得少許廣東話。重點是平日有Weekday Promotion，當中更有選兩個主菜免費送一個頭盤的超值優惠。飯後沿著海濱步道散步更是最完美。冬蔭功湯Prawn蝦 $Free酸辣度溫和卻不失層次，香茅與檸檬葉的香氣穿透濃郁湯底，草菇吸飽湯汁，三隻彈牙大蝦更顯誠意，開胃度滿分！泰式馬沙文牛肉咖哩 $148、烤餅（蒜蓉）$38咖喱味道甜甜地，不辣，好重椰奶甜香；燉至軟嫩的牛腱帶筋絡，份量好多，口感扎實。食咖哩當然要配烤餅，選了蒜蓉味，超級濃郁，一份有三大塊，烤得微脆，內裡軟熟，蘸咖哩汁食是絕配。印度黃雞飯 $128長粒米飯鑊氣十足，黃薑辣度意外鮮明，令嫩滑雞件更入味，嗜辣者會驚喜的一道菜。泰式蝦餅 $38現炸上桌，金黃外衣包裹扎實蝦漿，蘸甜辣醬更提鮮。馬拉盞通菜 $48蝦醬鹹香襯托菜葉爽脆，好惹味，送飯一流！芒果糯米飯 $58糯米飯有三種不同糯米所製，糯米黏糯度完美，若芒果熟甜度再甜一點就更為理想。Mocktails $38/杯即場調製，點了杯Yellow Sky，是菠蘿汁加橙汁及檸檬汁、紅石榴汁混合而成，好好飲，好fresh；另一杯是Mango Lassi，芒果加上幼滑乳酪混合，超級濃郁，超級香甜！…Read More

將軍澳澳南海濱寵物公園附近有一間泰印fusion 餐廳同時都係寵物友善餐廳有室內同室外 適合抽煙和chitchat下午茶食物份量唔會話太多又唔會太小平日2人high tea套餐 $268有9款小食 2杯飲品飲料有泰式奶茶 或花茶 也有不同種類咖啡又或者可以加$38飲酒或者mocktails泰式經典-泰式柚子大蝦沙律 -芒果糯米飯 -香茅炸雞翼-沙嗲雞肉串燒-泰式炸蝦餅印度-素菜咖喱角-牛油雞咖喱 -印度烤餅 搭配5款印度醬汁-印度烤芝士…Read More

同fd係附近玩完，隨手search下附近餐廳，海濱好多好feel餐廳，揀左間泰菜啱曬一大班人食通菜同芥蘭都炒得有鑊氣，唔錯，份量中等柚子大蝦沙律，清新！但量少左啲啲豬牛雞串燒！好味啊！菠蘿炒飯，正正常常炒金邊粉，ok豬頸肉肉質口感正！香！推薦！烤餅試左原味同蒜味，唔錯！咖喱唔記得係咩肉，冇咩記憶點印度炒飯，比菠蘿炒飯好芒果沙冰，唔太似😂似奶昔多啲Over all係可以平時去聚餐食食嘅餐廳，未算性價比好高，但質素可以，唔貴，環境唔錯…Read More

已經很久沒有到這裏享受泰國美食，今晚便專程坐車來到這裏。泰式香茅黑椒燒雞半隻$148，燒雞帶點黑椒的香氣，雞皮香脆可口，雞肉鮮嫩多汁。牛油雞咖喱$138，咖喱味道香濃，不會過辣，雞卷份量十足。冬陰功湯$0，只需點兩個主菜，這個冬陰功便免費，酸辣味道適中，帶著濃郁的泰國特色。酥油薄餅$38 ，外皮酥軟香脆，配合咖喱汁，味道層次豐富。Mango lassi$76，芒果香味十足，酸酸甜甜，令胃口大開。泰式蝦餅$38，外表香脆，內裏爽口大牙，蝦味香濃。馬拉盞通菜$48，通菜爽口，馬拉盞味道適中，非常有東南亞特色。…Read More

依家平日去真係好優惠,因為叫2個主食就可以有一個小食 FREE, 真係好正,而且仲可以優惠假叫小食同飲品,好滿足又食到想食既野Pomelo salad 柚子沙律超級大柚子、蝦好新鮮又脆身主食Chicken biryani 印度黃雞飯Phad thai shrimp炒金邊粉好足料,又大碟又炒的好食,好滿意呀Free starter : Chicken wings 無諗過 FREE STARTER 都有咁多隻,其實依個份量真係好啱一家人開餐加其他小食Prawn cakes $38超大隻蝦餅,而且香脆,係我最愛食既小食,欣賞~Malajian $48 炒通菜好夠味,Yellow sky mango delight當然唔小得2 杯飲品啦,賣相超靚,而且好飲~掂~…Read More

放假推薦去將南海濱，可以Chill住食泰菜，爽！Chilli Lime 主打東南亞食物，個人喜歡食佢哋嘅泰式菜，炒嘅菜式夠鑊氣，香口惹味，亦有辣有唔辣。泰式柚子鮮蝦沙律平時真係好懶切柚子，食泰式沙律就可以一粒粒啖啖肉咁食，沙律仲有三隻大蝦。泰式甜酸腰果炒雞肉呢個餸其實都幾中式，雞柳稍為炸過先炒，配搭三色椒同埋菇，微辣。鹹魚炒芥蘭鹹香味濃，芥蘭有鹹魚味，好好食。如果有一碗白飯，應該可以秒速食晒。泰式蟹肉炒飯蟹肉都唔少，亦有蝦籽，份量不少。Mango delight無酒精mocktails中最推薦呢杯芒果沙冰，賣相好特別！🧸評分：🧸🧸🧸🧸4/5…Read More

呢間餐廳食印度菜幾出名，所以今日就決定去試下啦🥳Chicken Tikka啲雞肉醃到入味到爆😜，外皮烤到微微焦香，點埋個薄荷yogurt醬，清新得嚟又帶少少辣😛Yum Som O柚子清甜多汁👅，混埋啲花生碎、椰絲同埋酸辣汁，口感層次豐富到爆😍 Butter Chicken啲醬汁creamy到不得了❤️，撈Garlic Naan食簡直係絕配🔥。雞肉煮到好嫩滑，唔會太膩，香料味又夠出😙Khaw Phad Poo炒飯鑊氣十足😎，蟹肉份量都算足料，仲有啲蛋絲同蔥花吊味💯Khaow Niav Mamueng糯米飯暖笠笠🌟，椰漿香濃得嚟又唔會太甜，配埋啲新鮮芒果，甜酸平衡啱啱好😋…Read More

好友約我去位於將軍澳澳南海岸唐俊街23號 Monterey Place 地下G07號舖的《Chilli Lime》食晚餐，環境舒適，餐廳播放輕音樂，令人心情舒暢。📍泰式柚子鮮蝦沙律 $98：沙律有大蝦、柚子、沙律菜及泰式配料，酸酸甜甜好開胃。📍菠蘿海鮮炒飯 $158：用新鮮菠蘿殼盛載，有鮮蝦、魷魚、菠蘿粒、粟米、腰果... 等，材料豐富，好味又好食。📍傳統咖哩羊肉 $148：咖哩汁好香濃唔辣，羊肉軟腍入味又唔騷，好好食。📍炭燒香茅西冷牛肉 $138：西冷牛肉燒得外脆內嫩，牛味濃郁，蘸醬汁好味。…Read More

chill住食多國菜，結合泰國、印度及東南亞風味，有室內及室外座位，環境舒服，充滿異國風情。泰式柚子鮮蝦沙律 柚子肉爽口多汁，加上鮮蝦、乾蔥及泰式醬汁，酸酸甜甜，好開胃泰式生蝦生蝦最緊要新鮮，好大隻，食落好爽口，配上辣椒、蒜片、醬汁，開胃又好食，辣椒好辣😂但好過癮。泰式香茅西冷牛肉 賣相幾吸引，西冷外焦裏嫩，牛味幾香濃，配搭埋個醬汁，幾惹味烤餅 有三種口味，我揀咗原味，食落煙韌得嚟有少少脆，重要係一啲都唔油，就咁食都好味整體食物味道ok, 性價比都唔錯！…Read More

朋友同時想食印度菜同泰國菜，將軍澳南呢間餐廳真係啱晒，Chilli Lime 之前都食過幾次，最近仲見到佢做緊啲promotion，Weekday食2款主菜送1個頭盤，都幾抵食啊Butter Chicken 牛油雞咖喱 $138呢碟牛油雞咖喱味道濃郁，咖喱醬汁帶有番茄同牛油嘅香甜，微辣得嚟唔會太刺激，雞肉份量都好多，煮得軟嫩，吸晒醬汁嘅精華，食落好滿足，醬料仲有陣奶香，稠身得啱啱好，叫埋烤餅一齊食好夾Naan (原味) $38原味烤餅外層微脆，內裡軟熟，撕開時有陣淡淡嘅麵粉香，熱辣辣，咬落去口感輕盈，搭咖喱或者單食都好正Naan (牛油) $38一上枱就有陣濃郁嘅牛油香，外皮烤得金黃，內層軟腍，牛油滲入麵團，食落好香口，帶點油潤嘅口感鑊仔炒雜菜 $88鑊仔炒雜菜味道清新，蔬菜炒得爽口，有椰花、芥蘭、紅蘿蔔同菇類，鑊氣十足Chicken Biryani 印度黃雞飯 $128用上特色嘅棕紅色瓦罐，好有印度風味，印度香米粒粒分明，浸透咗香料嘅味道，雞肉亦燴得入味，肉質軟嫩，咬落有汁，唔會乾柴1664 Blanc $88（買一送一）1664 Blanc啤酒味道清爽，同東南亞菜式好夾，而且做緊買一送一嘅優惠，抵飲又夠chill…Read More

將軍澳南既餐廳其實都食過好幾間，今次係印泰風。一樣係海邊，坐室外都有海風，環境幾舒服。印泰菜加埋選擇都好豐富。海鮮辣炒河粉 $148香料同海鮮都十足，夠辣又惹味，河粉炒得乾身入味。泰式青咖喱(牛肉) $148咖喱去到濃稠，但咖喱味絕對夠，有香味又有辣味。重點係牛肉又多又大塊，令青咖喱生色不少。蒜蓉烤餅 $38香脆又煙靭，蒜蓉味吸引又唔霸道，沾上青咖喱非常滋味。芒果糯米飯 $88三色糯米，微熱又軟熟，豐富嘅椰漿，芒果亦唔吝嗇，幾大碟抵食。香炸蟹肉粟米餅 $118香脆得邪惡，中間會食到蟹肉，食呢個粟米餅不能缺少泰式辣醬，成件事會差好遠。…Read More

Hello , hope read this message after can change team service issues !We had a lunch set last week. My friend ordered a beer for himself the bill showed $88 for a beer . After that we carefully to read the bill , it show 1+1 it meant that buy one get one free .. , Meanwhile there was no one told us that, and that Sunday was not too busy and if the team can let the customer well know that. Customer can think order or choose something worth it. Working in F&B industry service is top priority let customers will comes back . 30 % is the food quality. About the starter please don’t use warm plate to serve fresh salad. Thanks …Read More

泰式牛油果沙律沙律有洋蔥,薄荷葉,沙律菜,車厘茄,牛油果,大蝦,花生和醬汁,大蝦食落爽彈鮮甜,新鮮沙律菜酸酸甜甜好醒胃。烤餅（蒜蓉)印度烤餅要左蒜蓉味,大大塊烤餅廚師烤到微微焦香,微鹹微甜不膩,有煙韌口感,不需要其他醬汁和配料簡簡單單已非常香口。素咖哩角素咖哩角配有羅勒醬和薄荷醬,餡內有薯仔粒,青豆,牛肉碎和咖哩醬,微辣,再點埋醬汁更惹味菠蘿海鮮炒飯菠蘿海鮮炒飯内有腰果,花生,菠蘿,豬肉鬆,粟米,提子乾,鮮魷和海蝦,材料豐富,新鮮海蝦和鮮魷食落爽口鮮甜彈牙,飯粒乾身粒粒分明。椰子雪糕甜品椰子雪糕配有花生,粟米,薄荷葉和椰子味蛋卷,每口雪糕都有香濃椰子味,飲品有Virgin Mojito 和 Pineapple Spitzer。Chilli lime (Monterey Place）餐廳位於新界將軍澳澳南海岸唐俊街 23號Monterey Place地下,餐廳裝修簡約帶有東南亞色彩,環境舒適,座位寬闊,設有戶外座位,用餐好有度假感覺。…Read More

今日同老公去將軍澳食多國菜，呢間Chilli lime 聽過朋友講唔錯，過黎試下我地叫左1️⃣印式椰香牛肉牛肉份量好多，煮到好焾，咖喱帶有香濃椰香味，唔會辣，點蒜蓉烤餅一齊食好正👍2️⃣蒜蓉烤餅蒜蓉味唔算好濃，但係呢個餅份量超級大，同埋烤得好脆好好食😋點咖喱食一流3️⃣泰式生蝦生蝦真係次次必叫，平時食開都係六隻，今次有八隻，非常之滿足。生蝦非常之新鮮爽口，可以加埋辣椒粒同埋蒜片一齊食，點埋個泰式辣汁超級惹味4️⃣印度烤雞肉雞肉外層烤到橙紅色，充滿印度香料嘅味道，雞件好大件，切好左，方便食用，點埋乳酪薄荷醬，味道更好5️⃣飛天通菜呢個飛天通菜非常之有鑊氣，通菜好嫩口，加埋蒜粒同埋辣椒一齊炒，爽脆又好食6️⃣酸辣椰奶雞湯平時都一定會叫冬陰功湯，今次試吓呢款，湯底用咗香茅、檸檬葉、南姜等熬製，又加左椰奶，裏面仲有大蝦同埋菇，酸酸辣辣好開胃7️⃣椰絲斑斕丸子布丁第一次見到呢個甜品，出面係斑斕味嘅西米包住咗一粒好似露楚嘅糕點，唔會好甜，幾特別8️⃣Fruit float裡面加左芒果、菠蘿、橙汁同埋椰奶仲有石榴糖漿，入口酸甜，仲有濃濃椰奶味，好飲9️⃣Refresh your mind裡面加左薄荷、青蘋果、蘋果汁、青檸汁同埋梳打，飲落酸酸地，好清新，有濃郁嘅薄荷香味（10分為滿分）味道：8/10性價比：8/10回頭指數：8/10餐廳名稱：Chilli Lime餐廳地址：將軍澳澳南海岸唐俊街23號MONTEREY Place地下G07號舖…Read More