京都薈

近日天氣相當好，乾爽又舒適，又有藍天白雲，最適合就係戶外活動了. 這天相約友人到美孚的嶺南之風閒逛，遊覽前先到附近的酒樓吃中午飯就最適合不過了😊酒樓裝潢簡約，不過樓底特高，即使閒談也不覺嘈吵~煎釀茄子一客3件的煎釀茄子是即煎的，熱辣燙口，而且相當巨型飽滿，魚肉彈牙，再加上軟稔茄子，真的幾有水準😊蠔皇鮮竹卷很喜歡吃鮮竹卷的我，差不多每次到酒樓都必點~ 這間酒樓的出品是相當巨型，每件鮮竹卷都捲得很工整，再加上鮮味餡料及嫩滑腐竹，都幾好吃~蟹籽燒賣皇來到酒樓吃點心，當然要試下燒賣水準如何? 一籠4件的燒賣，也是大大粒的. 面層以蟹籽作點綴，蝦肉與豬肉的比例恰當，爽滑美味亦沒有硬肉，喜歡吃燒賣的朋友，別錯過呢!!北菇棉花雞雞肉嫩滑又大件，魚肚大大塊亦索滿汁，都幾滋味~懷舊糯米包難得見到糯米包，當然是即刻叫來吃，現在甚少酒樓有供應這款懷舊點心😉 煙韌的黃色外皮，內裡是軟糯的糯米飯，亦有不少臘味，鹹香惹味，秋涼的天氣最適合吃飽肚暖身的糯米包~乾煸四季豆試了多款點心，想吃點蔬菜，叫來了一客乾煸四季豆~ 即炒的乾煸四季豆相當有鑊氣，乾爽不油膩，我個人最喜歡就是吃四季豆的了!!黃金脆魚皮想吃點香口炸物，又怎少得黃金脆魚皮，香脆熱辣的炸魚皮外層舖上一層薄薄的鹹蛋黃醬，鹹香惹味，令人吃不停口; 連部長見到我吃炸魚皮，也過來與我閒談，說這款小食最適合就是配啤酒了，哈哈😉香滑芝麻卷見到芝麻卷這款懷舊甜品，實在不得不叫來試試~ 想不到這酒樓出品是熱烘烘的，芝麻卷軟滑富芝麻香，絕不過甜，實在相當有水準，個人最喜歡就是吃黑芝麻系列的食品了😊P.S. 吃到飽飽，又係時候去嶺南之風參觀; 如果時間許可，也想再到饒宗頤文化館影相，很懷念多年前到饒宗頤文化館上常霖法師的禪修課呢~…查看更多

有小組組員知我哋兩公婆成日由美孚行上馬騮山，不時問我哋幾時帶佢去行，卒之擇咗今日兜一轉，但起步前梗喺食個飽飯啦，所以，專登約佢哋喺美孚嘅「京都薈」 飲餐茶，跟住經「饒宗頤」穿上馬騮山，再晌「九龍接收水塘」、「石梨貝水塘」打個轉返番落美孚。話就話呢間屬於街坊酒樓，亦開咗好一段時間，但喺個大堂樓底超高，就算拍滿枱，都仍然唔覺會話太逼，加上被安排咗張死角枱，更加靜侷，方便我哋傾偈。一張價目表有晒平日、星期六日假期，早市、午市、下午茶各時段嘅點心收費，一目了然。另外，茶錢收$14位，有收加一服務，計埋呢啲「立立雜雜」，其實飲茶確喺唔平，不過，大家嘆吓點心，傾吓偈，開心嘛。有咩嘢揀就唔多講，始終飲茶嚟嚟去去都喺嗰啲，貼晒啲點菜紙出嚟大家就一目了然。此外，當然例有啲套餐，以及小菜嘅選項。沙律明蝦角 $39.8老實講，個樣就包得真喺麻麻哋，摺紋唔平均，不過，餡料都算足，豬肉鬆化，蝦肉爽口，仲夾雜啲蔬菜粒，況且，炸得亦香脆可口。香脆炸春卷 $36.8呢度啲炸嘢確喺唔錯，春卷外皮炸得甘香又脆口，完全無油膩感，沾上少少喼汁，效果更好，裡面混有少少蝦肉，比起得啲淨肉嘅更爽口。香煎蘿蔔糕 $32.8老婆特別鍾意食蘿蔔糕、芋頭糕，所以，佢點都要嗌番一客過口癮。碟蘿蔔糕叫做穩打穩紮，煎得香口，口感挺實唔削身，少臘味就更合老婆口味。蜜味叉燒腸粉 $36.8飲茶唔嗌腸粉感覺總喺差咗啲，睇落啲腸粉皮拉得有啲厚，但又透透哋裡面嘅叉燒餡喎，算拉得滑，亦有米香，叉燒落得無手緊，塞滿鬆化嘅瘦叉同蔥花，啱我口味。玫瑰金蝦餃皇 $39 8個名就改得勁，外觀都大大粒又夠晶瑩，摺紋細緻度尚可，而餃皮咬落軟熟卻唔黏牙，裡面全部都喺鮮蝦，非常之爽彈，甚具蝦嘅鮮甜味。潮州粉果 $36.8蘿蔔糕之外，粉果就喺老婆另一至喜歡嘅點心，粉果包得大大隻好飽滿，呢度都喺傳統做法，裡面滿滿沙葛粒、西芹粒、花生粒、蝦仁粒……等等，用料十足，味道唔錯，只喺外皮有少少削。奶黃流沙包 $36.8飲茶又點可以少咗包點架，一送到嚟就要趁熱食，一咬包身非常軟熟，而中間嘅流沙餡都算得上澎湃湧流，做得亦夠綿滑、香濃，甚富鹹蛋嘅香氣，確喺唔錯。鮮淮山雞紮 $39.8通常啲雞紮都喺捲住啲魚肚同芋頭，呢度就改用鮮淮山取代芋頭，都幾好吖，鮮淮山口感爽爽哋又有益，而啲雞肉亦幾嫩滑，魚肚好爽。懷舊乾炒牛河 $98同枱老友稱得上有食力之人，所以，都要叫番碟炒粉飯麵墊肚，由老友發板嗌咗碟乾炒牛河，炒得幾靚仔喎，條條河粉都上晒色，炒得均勻，食到尾嗰炷都唔油膩，炒功了得，牛肉裁得大大件，軟腍有肉香。香滑芝麻卷 $32.8「菲林筒」絕對喺我哋啲老餅嘅集體回憶，大家都一致要試番下，不過，咬落嘅感覺喺有啲乾，好在喺啲芝麻味都夠濃。雖然今餐得4個人，但嗌咗唔少嘢，食得大家都好飽，一陣行番轉山，夠晒消化晒啲卡路里。我哋就唔多北上，雖然食嘢、買嘢平咗，但時間成本高，飲吓茶、行吓山就最啱我哋兩公婆。…查看更多

一朝早就同屋企人去咗飲茶，美孚飲茶就梗係揀京都薈啦，睇餐牌就知呢間性價比高，所以點解一定要嚟呢度飲茶，薑汁千層糕，一上枱已經飄來薑汁嘅香味，口感彈牙，可以食到千層，一片片帶有薑嘅香味，又不會過甜，蟹籽燒賣皇，好大粒好多蝦，啖啖肉，上面嘅蟹籽脆卜卜，口感豐富，而且無乜肥膏，但仍可保持滑溜的口感，水晶蝦餃皇，蝦餃都唔輸蝕，同樣好大粒，又夠飽滿，個蝦餃皮夠薄，晶瑩剔透，裏面嘅蝦都好彈牙，個人認為必食，百花釀魚肚，蝦膠好大塊，好足料，打到起哂膠，好彈牙，下面塊魚肚亦都吸收哂啲鮮味，勁入味，正，香滑芝麻卷，賣相好吸引，一上枱已經飄來芝麻香味，口感軟糯彈牙，飲茶甜點首選，總結：呢間酒樓嘅座位都寬敞舒適，餐枱和餐具都乾淨衛生，侍應招呼服務亦算勤快，下次美孚飲茶都一定揀番呢間啦。…查看更多