鹵家

講到我最喜歡既叉燒 一定要數元朗小店-鹵家舖面細細但富有人情味 係我元朗飯堂之一由前酒店大廚經營 用心出品自家制燒味 價錢非常親民-食神叉燒飯：皇牌選擇！個人鐘意瘦叉 所以每次都會特別request 佢絕對唔會難捨捨 口感依家鬆軟而且入味而且冇咁滯 但當然大家可以跟返自己喜好 朋友平時叫半肥瘦都一樣咁靚仔-梅子脆皮鴨併叉燒 配例湯：燒鴨起骨啖啖肉 鴨皮烤得脆口唔肥 肉唔會好靭咬唔開 值得一提個例湯好足料👍🏽 每日選擇都唔同但日日都超足料冇味精 連腌尖既媽媽都讚 -鹵水鴨：同樣都係起左肉而且仲有髀🤗 媽媽讚鹵得非常夠味 而且口感好好 而芽菜吸左個鹵水都好好味真心推薦既小店 元朗友可以絕對一試…查看更多

呢間餐廳喺元朗都開咗好幾年，啱啱開嗰陣以燒味鹵水由五星級酒店老師傅主理🥹，主打食神叉燒飯，可惜當時舖頭比較細，要排隊先食到，小編太懶就冇去啦。😂係之前佢轉左舖位，地方闊落左，今日小編經過先決定試吓。😋食神叉燒飯（$60）👨‍🍳有睇《食神》都知道食神燒飯即係黯然銷魂飯，aka 叉燒煎蛋飯。👨‍🍳咁去叉燒望落去都肥瘦均勻，即刻食慾大增（小編勁憎食瘦叉）。🤣食落去夠淋，唔會有筋，亦唔會太難咬太乾柴，作為一間街坊餐廳，口感算好好。😉至於蜜汁就冇乜特別，鹹甜適中，唔會過分甜，亦欣賞佢分量充足，撈飯啱啱好。👍🏻比較可惜嘅係佢煎嘅蛋冇咗燶邊🫠，同《食神》有啲距離。😞整體來講佢嘅叉燒唔錯，街坊想食燒味嘅話可以一試。🧐…查看更多

係網上有好多人讚過依間燒味高質又好味嘅 "滷家"，而且由5星級酒店經驗豐富嘅老師傅用心烹製，絕對值得品嚐咁美味嘅食品啦！餐廳環境設計簡約，地方潔淨，店員服務態度有禮，很不錯的。下午茶時段有高質燒味飯/米線、自家製豬扒飯、鮮肉餃米線、涼拌小食等，都好吸引呢。食神叉燒飯    $58叉燒係我燒臘中最鍾意嘅一款，所以係必食。色澤紅紅的叉燒，外皮亮閃亮嘅蜜汁，些少燶嘅位置㪚發住炭火香氣，半肥瘦均勻，叉燒都幾厚，肉質鬆化，陣陣豬油甘香，肉味香濃，而上面就鋪左太陽蛋，煎得啱啱好，流心蛋撈飯一流，配合爽脆清甜嘅蔬菜，非常讃！皇牌鴛鴦飯     $65這個一份有兩款燒味，我揀咗燒鴨和豉油雞，燒鴨味道甘香，鴨肉香濃，燒烤味散發出來，烤得外皮香脆，肉質鮮嫩  ;  另一款係豉油雞，肉質嫩滑，不會有較多脂肪，就最啱我啦。套餐由飯轉米線，滑嘟嘟，爽口有彈牙。話梅涼瓜片    $32另外小食揀咗本店嘅招牌菜話梅涼瓜片，這個絕對係清涼嘅小食，推薦！涼瓜完全入晒話梅味，沒有原本涼瓜嘅苦澀味，食起嚟清甜爽脆，口感清新，美味嘅涼拌小食。套餐可以揀住家老火湯或熱飲，老火湯每日新鮮熬製，聲稱不加味精。今日係猴頭菇茶樹菇紅蘿蔔湯，湯裡面有好多材料，飲起嚟完全唔口渴，相信係絕對不加味精，清甜潤喉，好有家的味道，養生保健。另外一個餐配凍檸茶，冰冰涼涼，茶底清徹，檸檬清香，清潤解渴。…查看更多

「鹵家」，係一間中菜小菜館，由五星級酒店老師傅主理，主打少味精。當中既話梅涼瓜片、酒仙醉雞卷、叉燒非常之出色！😋😋😋1. 蓮藕豬骨湯完全無味精！豬骨肉都煲到冧哂，好出味，有住家老火湯既感覺！2.話梅涼瓜片😋😋😋涼瓜片好爽，有話梅既酸甜味完全蓋過涼瓜既苦味，好正！3.酒仙醉雞卷😋😋😋雞卷既酒味好突出！無骨之餘，每件醉雞都係一樣樣！高質！4.食神叉燒飯😋😋😋😋😋超好味！豬肉無羶味，肥瘦適中，調味係一種好簡單清甜既感覺，同坊間既化學調味叉燒完全唔同！5.皇牌鴛鴦飯選擇要左鹵鴨、燒鴨。燒鴨皮好香，鴨肉肉質不錯😀食完呢餐完全唔會口渴，又唔油膩，但非常好味，可以Encore！…查看更多

前排屋企人買過呢間燒味店嘅外賣畀我食，我覺得好出色！今日就帶男朋友嚟試下😁見到呢度大廚個background就知猛料👏 水準有保證！😎我地叫咗兩個午市套餐同一個小食鹵麻豬耳～❤️佛手瓜栗子南北杏甘筍豬骨湯 媽媽既老火湯味道😍 好大碗，零味精，足料夠味，岩晒宜家轉季天氣飲😋❤️食神叉燒飯 💰5️⃣6️⃣色澤好靚，燒到邊位焦香得黎唔會太燶，肥瘦均勻甜度岩岩好，配埋脆邊既流心🍳，超正！🤤⭐鹵家鵝王飯 💰7️⃣5️⃣午市套餐嚟講份量好多😯 鹵水汁非常入味，皮唔會太肥，肉質唔韌😋⭐鹵麻豬耳 💰3️⃣8️⃣同樣都係好入味，麻油味重，但略嫌豬耳口感偏淋左少少，不過加左芫茜同白芝麻好香😊我呢啲外食一族最中意幫襯啲無味精餐廳，仲要無味精得黎都咁高質👏難怪平日午飯時間都坐滿晒食客，作為元朗街坊既我真幸福🤗…查看更多

十年前，香港旅遊發展局舉辦了一個以叉燒為主題的廚藝比賽，廣邀江湖豪傑一併高下，有幸吃盡了最美最巧最創新最奇特的叉燒。但冠軍卻頒給用最傳統煮法，名不經傳的中式酒樓廚房。所謂最簡單，其實就是最美味。當年還有一道落選作品至今仍然回味，可惜沒有餐廳供應。它先將數隻咸蛋蒸熟然後壓碎攪勻釀回肉內，然後再以傳統方法烤製，外則蜜糖甜香，內則咸蛋味道。咸甜相沖，味蕾刺激，好不過癮。冠軍廚師然後學而優則仕，自行創立門戶。最近疫情時間生意依舊澎湃，正如我近期常說：「美好的食物是絕對經得上經濟大浪潮」。傳統叉燒制法大致相同。利用新鮮梅頭豬肉以鐵針刺孔，再將蠔油豉油、桂候醬、八角香料、玫瑰露醃於肉上，烤前塗上一層麥芽糖漿，中段取出再塗一層糖漿。出爐後刮掉燒焦部分，再厚切每塊半根手指大小，伴以蜜糖豆同吃，外層脆香帶有黏黏甜甜味道，內則肉層鬆軟，肥膏部份口感煙韌。賣相油光棗紅、刀切不散、肥膏於外是為最佳。有些油雞佬愛在糖漿上玩花式用上昂貴蜜糖；有些則在醃料下功夫加點辣椒味道，各施各法，各有各饗客支持。聞說「鹵家」經營者是五星級酒店燒味部主管出身，就特來嘗試他的出品。酒店燒味部並非什麼大部門，容易被人忽略，資源緊拙，人手縮至只有一二人，往往不如中式酒樓多者達十人。餐牌除了供應正常燒味外，還有大量佐口小吃選擇，部分菜式頗見特色，功序頗多。例如冰鎮話梅涼瓜，煮時同下冰糖及話梅，用酸味蓋過苦味，卻保留了涼瓜之爽脆咬口，冰凍進食酸甜口感胃口大開。估計店主香港學藝，早年北上在北京及廣州著名酒店工作。燒味手藝其實只有廣東人才懂制作，海內外渴求燒味人才。自己經驗曾在台北車站燒味企檔聽到廣東話，細問下原來師傅來自香港。也懂幾位中年燒味師傅，經常出埠工作，一年澳洲、一年新加坡、一年愛爾蘭，全球遊走仿如金融人才。當然，他也承認外地工作簽證難取，大部分是打黑工，憑一己能力順道環遊世界。店主最後工作應是銅鑼灣怡東酒店中菜廳，米芝蓮一星食府，由黃永強師傅主理。怡東2019年結業後，部分廚師移師文華東方酒店繼續經營，相信店主應是當時離開酒店界自設門戶。【食神叉燒飯】梅頭豬肉這年來貨昂貴，叉燒成本大增，以往廿蚊可買半斤，現時已漲至過百元一份例牌叉燒。這裡件數頗多，達十五件叉燒，師傅純粹將貨就價不敢厚切而已，但看見陣容已相當滿足，足夠一位男士食用。叉燒表皮光澤顏色醒目，但燒焦位置未有刮淨，燶位頗多吃時感到苦澀。味道醃製力度不夠，火喉微微過火、又或插針不夠，肉質略嚡。總括而言，叉燒掌握上乘，但未算顛峰之作。…查看更多

食神叉燒飯 ($56)• 極力推薦✨太陽蛋、蜜汁叉燒以及舖在白飯下的醬汁都搭配得恰到好處。• 太陽蛋白底面帶有微微焦香，蛋黃保持水凝狀態，撈飯一流！• 蜜汁叉燒厚薄、肥瘦均勻，没有一層油脂但卻非常香軟同時帶點爽口而且充滿肉汁，表面仍帶點焦香，十分香口滋味。梅子脆燒鵝 ($67)• 鵝肉多汁，鵝皮保留原有的油香，即使不用醮上醬汁都能品嘗到當中美味。• 鵝皮油脂適中，不會感到太過油膩，同樣配飯一流，如果再香脆一點會更加滋味。薑汁松花 ($30)• 一道以薑片和薑汁去搭配皮蛋的組合，薑味不算突出亦未能跟皮蛋協調，有點格格不入。• 皮蛋質感鬆散，一夾便分成碎片，而且有一兩件還帶點石灰味，有失水準。鴛鴦雙併煎餃 ($45)• 韭菜鮮肉煎餃 + 香芹木耳鮮肉煎餃• 整體來說餃子的餡料都十分飽滿豐富，皮的部分煎得均勻香脆，但是略為厚了一點。霸王花南北杏煲豬骨• 有住家老火湯的味道，湯和材料的份量同樣充足！是取代其他餐飲的好選擇。…查看更多

老爸鍾意食滷味，今日帶佢嚟食好野😀先來小食酒仙醉雞卷，入口微微酒香，雞肉彈牙入味，杞子帶點甜甜的，味道很豐富😋秘汁鹵家鴨，鹵水果然有水準，爸爸吃得很開心😬 鴨肉紮實，偏瘦而且啖啖肉，肥膏和骨不多，易於進食。鴨肉已浸透鹵水汁，只吃鹵鴨也十分可口，餸飯也很好。食神叉燒飯賣相很吸引，令人垂涎欲滴的蛋黃😍美美的叉燒，還有燶邊的呢！😋份量很多，吃到底也有豉油餸，十分好午餐可選配飲品或湯，是日餐湯佛手瓜栗子紅蘿蔔豬骨湯，正🥰…查看更多

今日出開元朗揾食， 平日中午諗住無咩人， 估唔到條街都係人頭湧湧， 因為去完運動場跑步， 都係一路行返出去， 就見到哩間餐廳， 門面簡單， 但就食潮洲滷水食物咁入到去見到好乾淨， 而係其他客人都係同店員有傾有講， 相信都係好多客食開， 就更有信心， 疫情期間有哂隔板， 衛生情況完全滿分， 另外店員見我地兩個人， 旁邊未有人坐仲特登拎開d個隔板， 等我地坐得舒服d我地揀返午市套餐， $5x-6x已包飲品， 兩個人一個叫左叉燒飯， 另外叫左鴛鴦飯， 因為我又想食雞， 又想食梅子鴨， 另外加叫左個醉雞卷， 都只係$45, 相信小食黎講第度一定食唔到咁平首先講叉燒飯先， 黎到樣子好吸引， 隻蛋正正係我最中意既太陽蛋， 特別喜歡個飯唔會太多汁但唔乾， 一定要講個叉燒， 好好食， 唔係好多蜜糖個感覺， 而係唔乾身又唔係太肥， 平時有時我同朋友都未必成碗叉燒， 但lee個我地食哂， hehe...跟住鴛鴦飯， 佢係飯同餸分上， 咁就唔怕d飯吸哂雞鴨油， 雞都係同出面一樣， 夠滑， 但個鴨我就絕對覺得係水準之上，多汁好食， 加埋梅子醬， 開胃夏天佳品一定要提係佢個老火湯， 少可既唔加味精(真係一飲就飲得出， 有湯用料既味而係唔鹹), 今日個個係冬瓜薏米淡菜， 好少出街飲湯會有淡菜， 睇得出佢地連跟餐個湯都細心， 絕對抵讚最後講埋個醉雞卷， 唔肥夠酒味， 我平時都有自己係屋企整， 有自己整既感覺(即係用料足), 這個價錢值得總括黎講， 係會返轉頭再食既餐廳， 希望下次又有另一款老火靚湯…查看更多

鹵家在元朗已經有一段時間，還記得舊舖鋪面不大，室內大約12個位，晚市室外會加開一張檯，因為晚市價錢經濟合理所以要等好耐，上次邊等邊吹風，結果吹到病了，足足成兩個月先好，就算好想食雞卷都唔會再去吹風！上星期無意中經過新舖門口，其實只是搬前了一個街口，見到大左好多。應該唔使等位，所以呢日同朋友黎試試！唔好問點解要用60元吃一碗叉燒飯，我知街口都有大量2/30蚊的燒味飯選擇，但呢間係食得出分別，而且我戒緊燒味，所以情願食一餐比較高質的！食神叉燒飯 午市套餐簡簡單單的厚切叉燒，肥瘦適中唔會好燶，但又食到焦脆口感，調味不是一般偏甜蜜汁，應該是特製既，加埋少少燶邊的太陽蛋汁，送飯一流今次試新菜式，雙併飯揀了梅子脆燒鵝併叉燒，叉燒依舊厚切，燒鵝皮夠脆肥油唔多，鵝肉唔會乾爭爭，配合梅子醬，令人一塊接一塊吃下去！燒味有鹵汁芽菜墊底，了吸收了鹵汁精華之餘又不會令燒味太咸或太濕。套餐可以跟例湯或飲品，例湯是每日不同，口味淡淡挺順喉，一飲就知是足料住家老火湯。酒仙醉雞卷($45) 呢個是我每次都會點，雞卷完全去掉骨頭肥油，以紹興酒醃漬入味，賣相不錯，製作花功夫。肉質軟腍緊，紹興酒味淡淡的，夾雜杞子及青瓜絲食，冷盤食唔會好油膩！跟餐要了小食話梅涼瓜(套餐+$18)涼瓜口感挻爽脆不苦，食到話梅的酸甜味，唔喜歡涼瓜的我都喜歡！～搬了新舖地方大了，份量不減依舊抵食，老闆娘好好笑容，又教我地兩個路痴去買布，雖然不是黃店，但經過不妨一試！           …查看更多

放假才下雨，但一樣無損心情！碰巧弟弟也放假，於是一起到元朗逛街吃飯。今次是有備而來的：食肉獸的我倆想到「鹵家」一試馳名叉燒。招牌叉燒名不虛傳！肥瘦度偏瘦，脂肪不多，以厚切形式呈上。甜香蜜汁令叉燒香味倍增，入口肉汁四溢。外層烤得焦香，而裡面肉質腍軟味美。難怪如此出名。加上一隻半生熟的太陽煎蛋，傳說中的黯然銷魂飯誕生。鹽香雞原來也是一道冷盤。雞隻頗為肥美，肉質細滑。雞肉口感頗為彈牙，味道香口。湯米線大碗，用了清雞湯底，有葱粒和粟米粒。起初只看菜名有點小迷糊，後來問明白才知道是子薑皮蛋。子薑口感爽脆，入口未感過於辛辣，與松花皮蛋非常搭。賣相亮麗的醉雞卷，每一片都放有一粒杞子點綴。杞子味甜，配上了嫩滑的去骨雞肉卷。醉雞有著清香酒味，浸得入味。沒有想過可以在這裡吃到炸乳鴿，記憶中都是在酒樓才食到。炸乳鴿分了4件，外皮炸得香脆，而肉汁鎖死在內層，咬開後惹味juicy。餐廳在做買一送一推廣：點一客乳鴿送一罐啤酒。不好啤酒的筆者改點了這杯媽媽紅豆冰，頓時變成兒童餐。紅豆冰重椰汁味，紅豆非常大粒。假期+美味食物=心情大好美中不足是未能品嚐到老火靚湯（因為天雨導致食材遲了到店。），下次要再來一回。…查看更多

係我以前已經食過嘅鹵家😝感覺今次係食得最滿足嘅一次，我對成餐飯都幾滿意😆.食神叉燒飯嘅叉燒份量估唔到都幾多，飯上舖咗兩排叉燒。有一排係半肥瘦叉燒，有一排就望落似瘦叉，望落都幾靚。無論半肥瘦定瘦叉燒食落都肉質鬆軟，蜜味香濃，好好送飯🍚而且叉燒都燒至有少許燶邊，食落更香。今次啲叉燒比我上一次食嘅進步了👍🏻唯一不足就係白飯煮得腍咗少少。.叫鹵水鵝片而唔係叫鹵水鵝，就係為咗食落可以啖啖肉咁🤤鵝片切得厚薄適中，鵝肉唔老唔嚡，滷得亦幾入味。墊底嘅豆腐都好食。整體都幾唔錯。.老闆娘推薦嘅炸乳鴿亦有驚喜！乳鴿皮帶微脆，肉質幾嫩滑juicy，調味亦調得剛剛好。同朋友share一隻，每人食半邊就啱啱好。.然後我終於食到好多人讚嘅話梅涼瓜片啦！果然係幾正😆呢道小食係顛覆你對苦瓜嘅一般印象🤣涼瓜片食落好爽脆，一開始食落係酸酸甜甜咁，之後先食到涼瓜嘅甘苦味。我忍唔住一塊接一塊咁食😆真心推介大家要叫嚟試吓。.加埋之前都有喺鹵家食過嘅醉雞卷，今餐lunch真係大滿足！除左食神叉燒飯係午市套餐外，其他都係全日任何時間都有得叫的🙆🏻‍♀️…查看更多

今日下午去左鹵家食飯，係網上見到好多人都話呢度既食神叉飯係必食菜式，所以我就點左碗食神叉燒飯黎試下。啲叉燒燒得啱啱好，肉質好嫩滑，我覺得真係非常好食!而且個叉燒飯仲配左隻荷包蛋，令到成個飯都變得好豐富。我仲點左杯凍檸茶，杯檸茶既甜度冲得啱啱好，我同樣覺得好好飲。如果大家黎元朗，就一定要黎鹵家試下！…查看更多

兩年前，因為A姐化妝扮靚遲咗出門口，食唔到元朗鹵家嘅鎮店之寶— 食神叉燒。今日，我哋決定再戰元朗鹵家，誓要食到食神叉燒！點知上網check下，發現昔日只有十個位嘅小店搬咗大舖，闊落好多！住家老火湯是日靚湯係粉葛豬骨湯，啱晒依家濕氣重嘅天氣，去下骨火！入得出無落味精，十分足料！食神叉燒飯今次終於食到食神叉燒，叉燒肥瘦適中，肉質鬆軟，燒得啱啱好，外面有少少焦，好香口！唔怪之得，個個入嚟都係叫叉燒啦！再配埋流心蛋撈飯，真係無得彈！秘汁鹵家鴨米線特別喜歡鹵家鴨另上，保持香濃嘅秘製醬汁，鴨肉入晒味，肉質一啲都唔一靭，酸梅醬更提升味道！話梅涼瓜片鍾意食話梅或都酸味嘅朋友一定唔可以錯過話梅涼瓜片呢個冷盤小食，涼瓜片入晒話梅酸味，非常醒胃！鹵水雞翼話明係鹵家，就當然要食鹵水啦！呢到嘅鹵水唔係得咸味，入口後有回甘，雞翼鹵到入晒味，四隻唔夠喉。海蜇醉鴨舌海蜇爽口彈牙，好香麻油味；鴨舌有淡淡嘅酒香味，好過癮！By A姐M佬 玩樂日記 aandmdiary.com…查看更多