豐信餃子店

营业中

休息中

黎太子必食既餃子店黎咁多次太子都會幫襯，店鋪擴展了空間，在原先的舖位隔離亦開了多一間店鋪環境望落都好乾淨而且店員服務都好好做嘢又有效率，上菜都係最緊要快手，快手得嚟又有禮貌今次食咗湯餃同煎餃湯餃雙拼紫甘藍粟米鮮肉餃同西洋菜鮮肉餃煎餃就係紫菜鮮肉餃湯餃椰子海帶鮮豬骨湯底十分唔錯我覺得非常好飲，超級有椰子味好香濃而且飲完都唔會好頸渴無味精煎餃脆卜卜口感非常好，係我超鍾意個口感同味道，而且我覺得煎得啱啱好唔會過燶，又食到啖啖豬肉同紫菜，鍾意紫菜嘅話要揀這款試下另外有個秘汁滷水蛋，唔同出面一般嘅滷水蛋，滷水汁同蛋都做得好出色味道好好飲品選擇了青檸蜜，大大支都好潤喉位置係非常近太子地鐵站一出行一分鐘到了，價錢亦都相當合理而且性價比好高

最近分別約左2個朋友食餃子，諗起都好耐無食呢間所以又黎幫襯下😌。一如以往既多人，7點已經勁多人，要等10幾張飛🫢🔅煎餃 ($42/7隻+$17轉邪惡金沙餃)🔸紫菜鮮肉餃上次食無轉左金沙餃，呢次一於試返佢既名物😎。滿滿既鹹蛋黃碎撒滿餃子，唔係鹹蛋黃醬咁，所以反而無咁膩😉。餃子煎到金黃色好香脆，皮厚薄適中，餡夠結實飽滿😋🔅湯餃 ($52/10隻+$2雙拼)之前食晒煎餃，呢次都係揀返個湯餃無咁熱氣😂～湯係椰子海帶鮮雞豬骨濃湯，飲落好香椰子味🥥，無味精👍🏻🔸麻辣白菜鮮肉餃少少辣都幾惹味，加埋白菜好有口感，自己覺得唔夠辣再加左辣椒油/豆瓣醬都唔錯😌🔸雲耳椰菜鮮肉餃雲耳椰菜就甜啲，比較鮮～🔅甜蜜蜜雞中翼 ($36/5隻)雞翼好入味，都算大隻🔅青檸蜜 ($12)見唔少人叫所以又跟機💛，好fresh好啱夏天飲！消暑又解膩🔅豆漿 ($12)💬呢間餃子偏大隻結實啲，好似基本上都係豬肉餃🐷～但菜款式比較多，韭菜、紫甘藍、梅菜、西洋菜都有😆

呢間人氣餃子店每次經過好多人排隊 ，今次放工要去太子終於有機會一試。8點左右到訪，大概等左15分鐘就有位，呢個時間好多款嘅餃同小食都冇晒，本身想食韮菜餃同煎豆腐都冇左店舖面積雖然細但都坐得舒服，一路聽住店員報每款餃子淨幾多好有趣😂🥟芝士粟米鮮肉餃 +$15轉邪惡金沙餃呢到嘅餃子有得揀7隻/10隻 ，想食多幾款所以都叫左7隻。金沙餃真係招牌名物，煎餃面鋪滿鹹蛋黃碎，煎餃好香口，鹹蛋黃同芝士味好夾，芝士味好濃！食多幾隻會比較漏，同人share剛剛好🥟咖哩椰菜鮮肉餃呢到嘅餃子真係超級大隻，平夠晒薄，餡料味道濃郁，咖哩味比較似日式咖哩。🥟香菇鮮肉餃湯底係椰子海帶鮮雞豬骨濃湯，飲得出好足料 ，椰子同雞味都好出，好想就咁飲晒碗湯！香菇餃相比上面兩種比較清 ，但香菇味非常突出。🐮招牌秘汁拼盤呢個都非常推介，拼盤包左蛋、雞翼、雞腎同牛展，份量堆滿一整碟。醬汁似滷水汁加瑞士汁，全部野都好入味，重口味之選。🥢涼拌海蜇呢到小食種類好多，有十幾款，而且每款都好抵食都係十幾廿幾蚊。仲有海蜇呢d係餃子店比較少見嘅小食,海蜇麻油味香但唔會好鹹🍹青檸蜜青檸蜜好有驚喜，好清甜清新感覺，酸同甜度適中，好解渴

經過這間餃子店見到非常多人排隊，就和朋友去了排隊食。雖然多人排隊，但餐廳轉台都快，所以都不算等了很久！食過才知道小店如此收歡迎的原因～餃子價錢便宜之餘，餡料也好豐富😍涼拌海蜇是他們自家製的，非常彈口之餘調味幾好。他們的餃子非常足料大粒，特別喜歡南瓜粟米鮮肉餃，皮薄之餘南瓜甜香😋而且餃子價錢好合理，$38就有7粒～太鍾意食餃子嘅關係，點多了款紫甘藍粟米鮮肉餃，是紫色的椰菜包成的，足料飽滿之餘味道好清新😋還點了他們自家製的青檸蜜，飲落去夠fresh！真係好值得一去的餃子店，平靚正之餘有別於其他餃子店～

除左返工之外，放假好耐冇真真正正行過街今日出街到處行吓先，噤啱見到有間餃子店，好耐都冇食過就入去試吓見佢店內座滿人，但當時已經係下午三點估唔到還有噤多客人而且見到佢哋d餃子係即場自己包自家製，保證新鮮睇完餐牌最終點左：麻辣白菜鮮肉餃、芝士粟米鮮肉餃、韭菜鮮肉餃、芫茜鮮肉餃、招牌秘汁拼盤和柑桔蜜一支麻辣白菜鮮肉餃：同芝士粟米鮮肉餃＋$2選左雙拼轉煎餃，食落皮脆香囗，麻辣好惹味芝士粟米鮮肉餃：入囗啖啖肉，芝士味道恰道好處韭菜鮮肉餃：我嘅至愛，濃濃嘅韭菜味，佢哋嘅湯底係用左椰子海帶鮮雞豬骨濃湯，飲落幾鮮甜冇乜味精味芫茜鮮肉餃：咬開餃子滿滿嘅芫茜，入囗味道好清新另外＋$9轉左惹味酸辣湯底，味道酸酸甘甘麻麻，不過食得辣先好轉招牌秘汁拼盤：好大碟，有雞翼、雞腎、滷水蛋和牛展，雞腎好爽，牛展好淋， 滷水蛋好入味青檸蜜：入囗好甘香清甜，食完餃子飲返啖，喉嚨即刻潤返晒呢間整體上都食得過，價錢唔太貴而且餃子幾大隻