稻成 (東薈城名店倉)

营业中

休息中

服務員Ada服務欣勤，態度良好

嗰日同個同事Farewell，因為唔想又食西餐，結果就揀咗呢間上海嘢我哋喺度睇Menu嘅時候，個侍應就同我哋講，話有個四/五人嘅套餐，好抵食。我記得好似係$888。由於我唔食魚，所以我冇得comment，但我啲同事都話，呢個酸菜魚係名菜，好正喎。不過有啲辣，因為放咗好多辣椒。小籠包熱辣辣囉，我又真係唔覺得佢特別好食。感覺好普通。呢個翡翠苗係偏鹹嘅，食完你會覺得好口渴。而且都偏細碟嘅。但呢個雲吞雞，我就覺得佢太淡喇，好似冇乜味道咁。係就係好足料呀，又大煲(每個人都飲到兩細碗，我哋4個人)，花膠都算多，我啲同事就讚不絕口。不過我始終覺得佢淡咗少少。最好味呢，我就係覺得呢個黃金蝦，啖啖肉！蛋黃又唔係好鹹。唯一可惜啲，就係墊住啲蝦嘅雀巢，係唔食得㗎，淋之之，一啲都唔脆╮(￣▽￣"")╭呢間可以再encore，因為佢啲嘢其實係幾平嘅，唔算好貴(喺東涌呢啲地方)。