倫哥尊尚火鍋私房菜 (已結業)

今日朋友聚會，揀咗呢間開餐。除咗因為有大把嘢食外，無限時就最啱吹水。帝皇級盛宴（$338，另加一），標榜雞煲×蒸海鮮×海鮮火鍋放題。宮廷四小碟（任食），即係前菜，有木耳、皮蛋、車厘茄、四季豆。其中皮蛋唔錯，所以 encore 咗一次。雞煲（任食，或者揀烤魚，但只限一次），要咗BB辣。雞件全是雞脾肉，雖然係啖啖肉，但個人都係鍾意一隻雞斬件嘅雞煲多啲。雞煲醬頗惹味，麻味辣味足。刺身（一次性），有四款，三文魚、赤貝、北寄貝、八爪魚。味道普通。蒸海鮮（一次性），可選蒜蓉/剁椒，有三款，帶子、鮑魚、聖子。尚算新鮮，但鮮味一般。另外中間有紅薯粉。火鍋湯底，四人以上可選特別湯底，揀咗花膠雞金湯。雞湯清得嚟味道又幾濃，而且唔肥膩，幾好飲。火鍋料最吸引係海鮮同牛頸脊任食。海鮮有蝦（第一/三次啲蝦好食嘅，係彈牙爽口有蝦味嘅，但第二次嗰轉係“梅”嘅）、龍躉片（新鮮，唔錯）、青口（一般）、蠔（一般）、脆肉鯇（爽口）、沙白（有啲有沙）。想再食可單叫某樣 encore。牛頸脊真係唔錯，首先好大方切得大大片，有啲仲厚切添，食落有牛味，夠嫩滑，而且又唔肥，正，好味道。手打墨魚滑&手打蝦滑亦唔錯，兩款都好彈牙，墨魚滑入面仲有墨魚粒，提升口感；蝦滑入面亦有蝦肉。雲吞同水餃都OK，細細粒，味道亦不錯。另外仲有其他火鍋配料，自助係出面拎。甜品比較普通，一人一杯蓮花杯雪糕。整體嚟講，呢餐係大滿足嘅，食物質素唔差，餐廳空間足，座位寬敞，價錢合理。PS：只收現金、alipayPPS：星期日/一/二/三，有88折優惠。…查看更多

與同學聚會搵間唔限時嘅任飲任食火鍋見到倫哥除咗火鍋之外另有提供任食雞煲、蒸海鮮及日式刺身飲品種類亦多元化四位以上仲可以免費升級火鍋湯底大家都食得好滿意員工態度有禮餐廳內人多環境較嘈但可接受洗手間衛生情況非常好實在難得…查看更多

以前鄰近有間倫哥私房火鍋係我們一家人經常去打邊爐地方，因為勁多海鮮食材，海鮮又新鮮價錢平服務優質。搬遷去較為遠地區，所以很久沒有去過了。一班中學同學聚會我提議去食，來到佐敦店，環境更大寬躺設裝潢新座位舒適，服務員也殷勤有禮。雞煲仍舊肉質嫩滑濃郁香口，啖啖肉，很是滋味惹味，吃完雞件可再加，吃完更可加湯當作火鍋湯底，海鮮拼盤、刺身拼盤海鮮質素方面仍然新鮮超級正，但種類沒有以前多了，滿足不到我們愛食海鮮的人。雪櫃有超過40多款配菜及飲品都係任飲任食，還有任食美國肥牛。一大碟牛頸脊肉油花勁靚勁正超級抵食。我們另外叫了3隻江蘇大閘蟹，吃起來肉質口感緊實，肉嫩、香甜可口。…查看更多

跟好朋友好耐無見，今晚就決定出黎食飯見下面，今次就決定支持下杜大偉既倫哥私房菜。星期一一早就搵資料唸住Book 位，先發現平時去開既都關門了。最後係 社交平台 搵到電話，就Whatsapp 問佢而家邊到仲有分店，最後我地就Book 左佐敦分店。有Whatsapp 真係好方便，講好晒時間人數，仲可以Order 定個餐，佢地而家做任食 (最岩我，食野唔洗就住就住)，有Ａ餐$288 同 B 餐 $198。咁耐無出黎食，就豪啲點左A餐。去到安排左間房比我們，間房可以坐到4-8人。可以舒舒服服咁享受美食。雞煲雞肉好嫩滑，雞肶肉好好食點了養生花膠雞湯，先飲左個湯先，個湯好清甜，五個鐘慢火熬制。點A 餐就已經包所以超值。鮑魚東菇，好好食。點會唸到係火鍋店食鮑魚。麻辣鴨血正。海鮮好豪，超多種類，大大只帶子，蟶子。手打墨魚滑跟鮮蝦滑，超正墨魚滑內有大大粒墨魚。提提9:30 就收食物，記得早點拿食物。A餐，星期五至日假日同前夕會加多$10/位（另收加一服務費 ）$288/位1:倫哥醒胃二重奏2:阿嫲雞煲任食3:鮑你上位(人頭送一份)4:自選鍋底* 5:環游海鮮盤(每天6-9款時令海鮮, 指定5款無限添加 6: 低鹽少油響鈴魚皮(任食)7:阿媽雲吞水餃(任食)8:無與倫比牛頸脊(人頭送一份)9.任食美國靚肥牛 (任食)10.秘制手打墨魚滑/鮮蝦滑 (任食)11.田園有機時蔬(任食)12.甜蜜約定雪櫃配菜任食（有48款）無洒精飲品任飲鴛鴦湯底(需加$30) 重庆麻辣湯底花膠老雞金湯底(四位以上免費升級)需提前一日訂B餐，星期日假日同前夕會加多$20（另收加一服務費 ）$198/位阿嫲雞煲任食送海鮮盤一份有四至六款(直至另行通知)雪櫃配菜任食（有48款）美國肥牛任食 無洒精飲品任飲甜品轉鍋(需加$30)鴛鴦湯底(需加$60) 重庆麻辣湯底(需加$98)…查看更多

好耐冇食雞煲，天氣開始凍，好想食下雞煲。以前都食過倫哥的雞煲配火鍋，好難忘！所以難得有機會食雞煲，當然去倫哥啦......我們去佐敦那間，2樓全層，地方當然大啦！座位亦很寬敞。先雞煲，後邊爐！因我不食辣，所以點了BB辣！店員話要煮8分鐘，每兩分鐘炒下。見到香濃的雞，已急不及待問下店員食得未 怎知店員告知仍要煮多一分鐘 -_-去取飲品先，櫃內飲品任飲。終於食得喇！雞件份量很多，每隻雞件都沾滿香濃的醬汁，食得津津有味 食到大半已經好滿足，誰知店員告知可以再添加雞件的，我們就再加多少少再回味一下！因仲要留肚打邊爐。我們揀 $198/位任食，因主要食雞煲嘛！所以火鍋湯底有兩款選擇，蕃茄及酸菜魚，疫情關係，要食多D維他命C增強體力，所以我們點了蕃茄湯底。原來會轉煲的(以為可以再留返D雞一陣食)。去取配料......海鮮拼盤，只得一次。樣樣都很新鮮，不錯！豬及牛肉可再點的，但我們已經飽，所以邊爐食既野唔多。食到最後，原來仲有甜品的 椰汁雪燕西米露，好味！…查看更多

天氣開始轉冷，是時候食火鍋。朋友推薦「倫哥火鍋店」，他們覺得食品新鮮，鮮肉滑，少味精！我是夜與家人一同點了$299的套餐。套餐包括蔬菜、肉、海鮮、飲品，滿足一切要求！食得飽飽的！大家記得在佐敦道望住大大間惠康便是店舖。一到店，店員馬上送上前菜，分別是青豆同埋木雲耳， 而且細心地問我們有沒有其他需要。我們選擇了套餐A，套餐非常豐富，是雞煲火煲。我立即向大家推介。我朋友未食雞煲，已經急急腳拿了不少火鍋材料，首先有響鈴、魚皮、蔬菜、鮮富足等等！因為他喜歡湯底索食材@@雞煲前，職員送上鮑魚冬菇，比美酒店級數，非常入味和爽口！雞煲要煮數分鐘，職員細心走來看看熟的程度，食得安心雞肉好滑！葉得好好味！服務超讚，一般雞煲火鍋，只是雞煲加水，倫哥是額外一個火鍋煲！令人唔會食油膩湯底！火鍋選擇了蕃茄湯底配料超豐富：海鮮（龍躉、青口、海蝦、蜆、鯇魚片、蜆、帶子、生蠔）、牛肉是牛頸脊，頂級位置還有墨魚滑、蝦仁滑，兩種魚滑都是鮮甜彈牙～真是有墨魚在內的！真材實料火煲還有豬肉店內坐滿人放心做足措施,保持社交距離…查看更多

雞煲夠惹味，打邊爐又可大包圍，來到位於佐敦的倫哥尊尚火鍋私房菜就可一次過滿足兩個願望。無限時放題雞煲火鍋成人星期一至四每位只需 $198，總共有48款配料任飲任食。餐廳面積廣闊，座位排得頗寬敞。一坐低侍應會奉上海鮮盤及雞煲。2位即送海鮮盤一客，包括鮑魚、鮮蝦、青口、蜆、帶子及魚肉。鮑魚鼓壯飽滿，口感緊緻彈牙。加熱後就可快炒，炒大約八分鐘就完成，雞煲份量亦不少，可以無限量任添，因為我本身吃不了太辣，所以就選了BB辣。熱氣騰騰，麻香撲鼻，雞件啖啖肉，肉質嫩滑，徹底吸收了麻辣湯底的精華，十分入味。肥牛和黑豚肉都是任點任食，肯定可滿足食肉獸。不過將肥牛放進雞煲內炒時，記緊不要炒得太久，否則就會流失肉汁而令肉質變韌。KO 完一整個雞煲就可轉鍋開始打邊爐，今次就選了豬骨湯底，奶白色的湯頭真材實料。火鍋配料都是放於雪櫃內自助式任取，所以亦避免出現放題會漏單的問題。手工韭菜餃裹著滿滿的餡料，一口咬開豐滿多汁。牛柏葉口感夠爽口，水魷魚爽脆之餘又沒鹼水味。最後還有甜品附送，黑糖冰涼粉晶瑩剔透，比一般涼粉較為結實，Q彈透心涼。飲品都是自取，款式繁多。…查看更多

去咗兩個星期歐洲，男朋友一返到香港就話要去食雞煲同打邊爐，所以前兩日就出咗佐敦食倫哥尊尚火鍋私房菜。基本上而家一大班人約食飯都會食倫哥，我一年都食幾次架，倫哥啲食材真心新鮮！我哋個套餐係海火鮮鍋(嚐鮮十二式)。一去到就有四款前菜，前菜有豆腐，木耳等，中規中矩。好快就有刺身拼盤，刺身好唔錯，最好味係牡丹蝦，鮮甜彈牙！食完刺身無耐就有蒸海鮮，我哋有蒜蓉蒸帶子，雖然帶子唔係好大粒，但勝在新鮮。帶子，蒜蓉同粉絲呢個組合係無得彈！之後又嚟咗炆花膠鮑魚，都炆得幾稔同入味。跟住就係重頭戲—雞煲。呢到嘅待應好友善，大約每兩分鐘就幫我哋炒個雞煲，其間仲加咗魷魚同豬皮落去炒，大約八分鐘就得喇！呢度嘅雞肉好嫩滑，重點係雞煲調味適中，食完絕對唔會口喝！惹味得嚟絕對唔會太重口味！食完雞煲就到打邊爐，通常我食完雞煲都無咩戰鬥力，但喺倫哥，我係會刻意留肚打邊爐，因為佢啲牛肉好正！今次我哋清清地要皮蛋芫荽湯。配料都有好多種類，有牛，海鮮拼盤，墨魚滑，蝦滑，水餃，響鈴，炸魚皮同蔬菜。最正嘅配料一定係個牛頸脊，有啲雪花紋，但又唔會太肥，重點係牛味濃！另一推介係手打墨魚滑同蝦滑，有粒粒原隻蝦喺入面！飲品選擇都唔少，除咗有一般嘅汽水同果汁，仲有自家檸檬薏米水，好清甜！最後仲有甜品—椰汁雪燕為呢一餐畫上完美句號。總括而言，倫哥嘅價錢係中上，但勝在食材新鮮，種類多，又服務周到，所以值得一再encore!…查看更多

之前同朋友食過其他分店 同男朋友2個人黎食都真係第一次 今次係慶祝我岀黎做野已經四年了都未辭職坐低一陣就上左個刺身拼盤 份量係按人數而定既 有甜蝦 三文魚 八爪魚 北寄貝 同帶子 刺身都好新鮮鮑魚花膠當日既貨色一般 不過就煮到好入味清蒸龍蝦食落啖啖肉 好滿足食完咁多款‘前菜’之後就開始食雞煲 雞煲有唔同既辣度可以揀 我地就揀咗BB辣 對於我呢啲唔食得辣嘅人來講係可以接受到店員指示我地每兩分鐘就要攪一攪 攪四次左右 加入埋牛栢葉 豬皮同魷魚就可以食了 其實雞煲係可以任食既 但係我地要留肚打邊爐 所以淨係食左一煲轉左個鍋打邊爐 叫左北海道3.6牛乳豬骨湯 一睇個兩大舊豬骨就知道個湯底好有份量中間個個係環游海鮮盤 有6-9款海鮮 款款都好新鮮 淨係食呢度都回到本 仲有手打既墨魚滑同鮮蝦滑都好好食 彈牙又足料不得不提既係牛頸脊 肥瘦均勻 牛味濃又有咬口 同普通肥牛真係差好遠蔬菜既款式都唔少飲品方面就有汽水 果汁同茶係岀面可以自己拎仲有自家製既涼茶同檸檬薏米水食到最後仲有甜品添啊 當晚有椰汁雪燕同黑糖冰涼粉可以揀 我地2個都係揀左白雪雪既椰汁雪燕 食落好冰涼 好食之餘又滋補養顏…查看更多

經常見朋友FB响呢度食嘢，好開心男人今晚帶我嚟食，終於可以親身體驗嘞。地方好大，仲有幾間廂房。自助飲品櫃有各式各樣嘅飲品，仲可以揀佢哋自家五花茶。先來碟開胃涼拌，四季豆+雲耳再來兩份蠔皇扣鮑魚花膠鮑魚有咬口又入味，花膠腍滑然後再來一盤魚生， 味道唔錯，鮮甜美味。食食吓，小辣雞煲來了。半熟雞件沾滿醬汁，伴有青綠唐芹芫茜、紫洋蔥、豆卜，顏色吸引。店員叮囑雞要按時翻動，滾起後要每兩分鐘攪拌一次，每攪拌一次，火力就要調低一度，以免黐底 ， 重複4次共8分鐘，雞才熟透可吃有得食喇，雞肉滑滑唔鞋，醬汁惹味唔算辣食到差不多一半，就可以把三寶倒入煲內，三寶煮一下就有水份釋出，先補充煲內水份，再把醬汁吸收入味，好味啊。雖然雞煲可以免費追加，已經飽咗一半，不如轉火鍋啦…火鍋未食得住，店員先送上蒸帆立貝揀咗鴛鴦湯底，蕃茄薯仔湯底清清哋，唔錯呀一盤海鮮，材料新鮮，貝類鮮甜肥美一盤佈滿油花嘅牛頸脊肉，好食到男人想要追加一份龍躉片、脆肉鯇鮮味十足，蟶子肥美有膏好鮮甜呀好香芫茜味，無咁熱氣呀......蟹又係好肥美，半隻俾我食晒墨魚滑內有一粒粒墨魚肉，增加嚼勁黑松露蝦滑手打爽彈，仲有粒粒蝦肉，蝦滑加入黑松露香氣誘人火鍋料豐富，各式丸類、餃子、蔬菜、炸魚皮和嚮鈴。有些火鍋料可以無限追加，不過枱面嚟咗嘅，食晒個肚子已經撐到不行了，咩都無追加！最後還有一道甜品，透明嘅黑糖冰涼粉，口感冰涼滑滑，充滿黑糖嘅味道，好味喎…查看更多

閨蜜去完旅行回來，約出來吃晚飯，想不到吃什麼！靈光一閃，就去吃倫哥吧！每位幾佰元，但已包括雞煲和火鍋、鮑魚花膠、牛肉、海鮮刺身、大部分火鍋配料都是任食、菊花茶、汽水都是自助任飲，真是十分抵食！咁抵食，所以平日晚市都咁多人🤗餐前小食，味道不錯！侍應將雞件放在鍋中煮熱，打開蓋之後，一陣陣的香氣和煙一湧而上，雞煲用了不同的惹味材料，包括青椒、洋蔥、辣椒等，因為我怕辣，已預先同侍應講選bb 辣！當煮熟了雞件後，就把鮮魷、牛栢葉一併倒進鍋裏煮熟，不消一陣就可以食得了，雞煲十分之惹味，雞肉吸收了醬汁，肉嫩有雞味，雖然只是2人份量，但我們都食唔曬，因為還有很多食物在等著我們👻𧐢汁鮑魚扣花膠扒：鮑魚有鮮味，花膠扒大件又入味👍🏻海鮮刺身夠新鮮😻😋吃了那麼多，現在才開始火鍋呢🤩 我和閨蜜都喜歡清淡，所以，選了較健康的蕃茄薯仔湯底🤗牛肉新鮮有肉味😻😋好豐富的海鮮火鍋料：有蝦、蟹、魚、魷魚和不同大小的蜆，特別一提是它的蟹，通常一般火鍋店的蟹都是普普通通，可是「倫哥」的蟹，真是蟹肉很結實鮮甜😻😻😻👍🏻吃完曬以上食物，已經好飽，我和閨蜜都沒有有加點任食的配料，不過，吃甜品是另一個胃，這個黑糖涼粉，黑糖味濃郁，涼涼地！打完邊爐吃真不錯😋 另外，特別一讚是這間店的侍應服務態度非常好，親切有善👏🏻👏🏻👏🏻👏🏻…查看更多

係佐敦地鐵站A出口行幾分鐘，抬頭一望就見到倫哥火鍋既招牌，今日既目的地就係黎佐敦分店呢到啦！  上到去二樓就見到倫哥私房菜既靚靚招牌，如果拎走條紅色帶就更好！ 店員俾咗個枱號我地，唔知點搵。原來抬頭一望，就會見到枱號！店內既裝潢都幾別緻。D碗筷好盞鬼！張紙會教你點整個雞煲~前菜有麻辣豆角同埋木耳，木耳用醋醃過，又用咗蒜蓉調味，香得黎，酸酸地，豆角麻辣得好過癮，兩樣都好好味。第一次黎食倫哥真係好有驚喜，係食雞煲前會有中湯飲，而且唔係普通中湯，而係燉湯，今晚係蟲草花燉雞湯，十分滋補。飲完湯之後，另一驚喜就會出場，係鮑魚花膠啊！花膠含豐富骨膠原，啱哂女士食。鮑魚細細隻十分彈牙，配埋D汁味道剛剛好。當你以為開始食雞煲既時候，店員又拎咗一盤刺身拼盤黎。有三文魚、牡丹蝦、帶子、八爪魚同埋北寄貝，每一樣都新鮮肥美，唔錯喎！食咗咁多正野，主角雞煲終於出場啦！本來諗住跟住張紙既指示去整，但係呢到D店員好好咁黎幫手攪。攪咗四次之後，個雞煲就可以食啦！我地怕辣，所以叫咗BB辣。一打開煲蓋，就立即香氣撲鼻，夾起一舊食，雞肉十分嫩滑，醬汁都十分惹味，最正係可以任食。食到一半，就可以放埋牛柏葉、豬皮同埋魷魚落去個煲入面撈，索哂D濃香惹味醬汁，非常美味！食完雞煲就可以轉打邊爐，等緊既時候，店員就拎咗串燒蝦同埋我一開始店員俾我抽籤抽中既串燒羊肉出黎。串燒蝦有椒鹽調味，而羊肉串燒一D都唔騷，兩樣都唔錯！湯底我地就揀咗牛乳湯，顏色呈奶白色，飲落清清地。等D湯滾起之後，我地就落野食啦！D蠔望落去大大粒，驚放入去淥會縮水，點知淥完之後都仲係飽滿多汁。海鮮拼盤︰又一驚喜之作！拼盤有海蝦、蟹、蚌、鑽石蜆、刀貝蜆、白鱔、龍躉、魷魚、鯇魚，十分豐富，絕對啱哂熱愛海鮮既我！打邊爐冇牛總係好似爭D野咁。呢盤牛頸脊擺盤好靚，夾起一片淥好之後品嚐，就會食到濃郁既牛味，而且有少許厚度，偏向有嚼勁。一片又一片，好快就清哂。墨魚滑同埋蝦滑係我認為無論幾飽都一定要食，因為真係好彈牙，而且仲有墨魚粒同埋蝦肉係入面，真材實料，味道鮮甜。打邊爐有雲吞水餃係基本！呢到既餡料都幾有水準，d皮唔會好重醶水味。食咗咁多肉，一定要食下菜balance下。仲有打邊爐常見既響鈴！如果想飲野，可以問店員拎一樽涼茶，又或者去飲品櫃拎汽水。食完咁多野，最後就係甜品！甜品係黑糖冰涼粉，有別於平時食既黑色涼粉，呢個係透明，而黑糖為這晶瑩剔透既涼粉帶來一絲絲既甜。食完好飽，要捧住個肚去埋單。之後見到呢幅圖，真係非常認同！「同志們，這家雞煲火鍋要常來！」…查看更多

千呼萬喚，終於約齊腳食倫哥了。Poster 有呢張，冬瓜雞湯底、雞煲、串燒同盤海鮮都好吸引。周末連加一，位位$383， 比同類型的雞煲火鍋貴左幾十左右。第一次食倫哥，仲要新舖，當然試試佢。入到場係熱鬧同旺場的，幾乎 full house ,氣氛好正 ！我地人多勢眾，所以有房坐，不另收費不過坐房都有個唔好處，個個侍應都踢曬腳，真係揾鬼理你囉⋯⋯經過多次攔截，（大約十五分鐘後）先至揾到人落 order :(首先上雞煲，果然係招牌菜，名不虛傳好好味呀！超香夠惹味，仲可以加埋三寶（豬皮魷魚栢葉），好入味好正。係我食過最正的雞煲，沒有之一。小辣其實唔係好辣，我下次要挑戰中辣。雞煲係任食的，可以無限 encore ， 不過記得留肚食火鍋喎。然後有刺身盤，隻蝦夠大，幾正到火鍋部分，原來 poster 上的冬瓜雞係冇架，只有普通果D 芫茜皮蛋蘿蔔薯仔 ...... 失望上完湯底，仲有靚牛頸脊 ，好味架。圖中係六人份量，個個都係牛肉怪，但又冇得 encore ，轉頭水一滾已經清左，份量略嫌不足。海鮮盤有呢個，亦係六人份量，有貴妃蚌、馬刀貝、象拔仔、沙白同蝦，仲有D魚。一隻中 size 蟹 only ，得三個人有得食，唔夠分噃⋯⋯一般食開呢D火鍋限量海鮮盤都係勁新鮮，扎扎跳的。但盤就比較文靜，唔覺得有任何動作，似乎一早已經劏定左 。火鍋蠔，需要大讚，好鮮甜好好味，可惜又係得一粒。手打黑白滑呢個我負責「了」落去的，可惜醒起要食的時候已經冇曬，唔知好唔好食。得果兩條, 又冇得 encore, 唔夠分，好正常。脆肉鯇只俾雙飛魚片同腩骨咋，最正果條長條魚腩位都冇 ....鮑魚花膠鍋，鮑魚都算大隻的，味道ok 啦，去飲果D咁，冇乜特別。串燒係每人一串燒蝦，仲以為好似 poster 咁有個爐仔可以自己燒牛丸，睇來又係諗多左......燉湯，冇乜味超多油，飲左幾啖算甜品係白涼粉，今期流行，食完火鍋食佢又幾正既。…查看更多