倫哥尊尚火鍋私房菜

朋友生日飯，難得聚頭，所以一定要搵無限時的餐廳，今次來到這家私房菜，如果要立即說結論的話，只可以形容為中規中矩。畢竟火鍋放題而言，食物種類選擇真的太少，雖然設有自助區，但有部分食物需要叫店員下單才會再來，應該是指海鮮盤，既沒有餐牌或點餐單可再細看，指示較為不清晰。蒸海鮮拼盤唯一值得打卡影相之作，海鮮包括扇貝、蝦、鮑魚、青口、蜆及龍躉片，擺盤幾靚，海鮮入口都不錯，但略為不夠熱，不太像是即叫即蒸。雞煲份量幾足，食完可以再添加，醬汁惹味，雞件肉質都嫩口。除了選雞煲，亦可以揀牛腩雞煲/竹笙椰子雞湯鍋/養生靈芝雞湯鍋。湯底升級花膠老雞金湯，湯底好鮮甜，雞肉煲完湯後出奇地仍然肉嫩好滑，不鞋口。海鮮盤有蝦、蠔、蜆及脆鯇腩，蠔及蜆縮水得勁快，脆鯇腩則不錯，墨魚滑及蝦滑都算彈牙好食。自助區火鍋料響鈴、炸魚皮、各式丸類、餃子、蔬菜、麵類等等，其他肉類真的太少，所以強烈建議一定要追加$38/位食牛頸脊，因為都幾新鮮，牛味濃，亦是可一食再食三食不停食的肉類。…Read More

提早食團年飯就可以避免人多同食貴價!!!於是就提早去倫哥打雞煲邊爐團年!!我地預先卜左位, 所以唔洗等就直入, 預先留定一個椰子雞煲先, 黎到再加多個普通雞煲......野飲是任飲的, 都係普通的汽水果汁, 特別D既有咸檸畀你自己調咸檸7/咸檸樂, 仲有D五花茶同檸檬冬瓜薏米水~打邊爐熱氣, 飲呢D就岩曬了!下火!拎完野飲, 就上左2個雞煲了~椰子雞煲用椰汁開水, 湯底清甜同時飲到雞湯味, 雞肉肉質不乾亦食到雞味~ 普通雞煲就需要自己炒番大約10分鐘左右, 將佢炒熟 (我開頭以為佢會幫我炒熟埋佢lol),食落都算惹味的, 但唔知點解係食到有孜然粉, 同平時食開D雞煲有少少唔同, 平時個D係食落有花椒八角味….之後再上左個蒸海鮮拼盤, 每人有一隻扇貝、鮑魚、蝦同龍躉片, 都係用普通蒜蓉調味, 海鮮食得出係新鮮的, 扇貝、鮑魚、蝦肉質爽彈，龍躉片肉質滑嫩, 中間D薯粉索曬D海鮮汁, 幾好食!食完雞煲同蒸海鮮之後, 我地就保留椰子雞湯打邊爐,同叫左個金湯花膠雞湯打邊爐(已經有半隻雞係個湯入面!), 可以任叫牛頸脊、蝦滑、墨魚滑, 另外普通牛丸貢丸個D就出面自助自己拎~ 我見餐廳都會keep住fill 的, 但部分餃子類就食完就好似無fill咁…牛頸脊都好靚同厚切, 有濃牛味同唔肥, encore左好多碟!! 蝦滑、墨魚滑都有驚喜, 見到佢加多好多蝦+墨魚入去打成膠, 非常爽彈!! 食完之後可以自己拎雪糕食!非常滿足的一餐!!…Read More

同事生日飯選擇左係佐敦食倫哥雞煲火鍋，位置方便，任食雞煲打邊爐雪糕飲品和一盤蒜蓉蒸海鮮（鮑魚扇貝象拔蚌），我地再每位加了$48 任食海鮮火鍋（生蠔青口海蝦花甲海魚柳），最重要係無限時，好味道…Read More

相約在朋友離港前去食雞煲火鍋，有朋友提議來倫哥尊尚火鍋私房菜。未到7pm，店內都已滿座，好多人光顧。我們選的是$348/位的無限時放題。先送上宮廷四小碟，名稱就夠奢華，實際上都是一些普通前菜小吃，如木耳及車厘茄。列國刺身拼盤，只有一round，有四款刺身，包括三文魚、魷魚、北寄貝及八爪魚，另還有一小客中華沙律。刺身質素都算可以，三文魚肥美，魷魚爽口。除雞煲外，還可揀酸菜魚、水煮魚、麻辣烤魚或酸菜烤魚，魚類須早一天預訂。我們這次選的是阿嬤雞煲，可以無限食，但我們三個女生吃一煲都好足夠，要留肚打甂爐！雞煲的份量充足，雞件啖啖肉，入味，肉質不會乾柴，小辣的辣度恰好。食完雞煲便送上帝皇蒸海鮮三式，可選蒜蓉口味、剁椒或鴛鴦，海鮮有扇貝、青口、蜆及鮑魚，每款海鮮每人各一。選用蒜蓉清蒸，海鮮味道鮮甜。中間還有些薯粉，用蒜蓉拌勻來吃，還吸收海鮮的湯，幾好味。進入火鍋階段，湯底選擇充足，我們選了老壇酸菜魚湯，以滿足吃了雞煲而沒吃酸菜魚的心。酸菜魚湯味道不錯，酸度恰好，帶點微辣，魚片嫩滑已去骨。可以任食的牛頸脊脂肪少，牛味香。即使吃得很飽，也有再追加啊！寰球海鮮拼盤的生蠔肉厚肥美；骨腩脆鯇魚片沒有泥味，夠爽脆；海蝦大隻鮮甜。蝦仁墨魚滑及墨汁墨魚滑的口感軟滑，帶有墨魚香。飲品除了有各類罐裝飲品外，也有健康飲品如檸檬薏米水、竹蔗茅根、洛神花茶等等，選擇充足。最後每人有一杯MÖVENPICK雪糕作結。一餐就食到刺身、海鮮、雞煲以至打甂爐，各類食物質素亦都不錯，水準夠平均～～～很難得的火鍋店的餐桌夠闊落，能一次過放到不少食物。惟座位之間較為擠迫，而且環境嘈吵，與朋友談話都要提高聲量啊！…Read More

一班好友10幾人凍冰冰梗係圍埋一齊拾下拾下，今次我哋訂左個房可以成班人自成一閣，私隱度Max坐底就來左啲小食醫下肚，然後一大盤刺身上枱，睇樣就覺得好食，三文魚夠肥美，甜蝦鮮甜。食完刺身梗係食啲熱野，一煲香噴噴既雞煲自然走唔甩，我哋點左小辣，等個個都食到，雞煲味濃惹味，雞肉都算嫩滑。食完雞煲大家都半飽，但係美食停唔到！點左個微辣湯底一個冬瓜雞湯，滿足哂所有人願意。然後一大盤海盤上枱，全部都好新鮮。牛肉同其他配料都相當唔錯，大家都食到好開心！…Read More

已經食左前前後後十次左右！今次會係最後一次！先講環境，OK 既！7個人比張長卡位我，食得舒服 吹水都方便！服務就OK 啦，唔會主動 不過有叫有到 有叫就會幫！算OK 啦食物就真係好一般！首先，雞煲係用全冰鮮雞脾整，非常非常失望！雖然係啖啖肉，但係一啲都唔似食緊雞煲！肉亦都重冰鮮味，就係因為重冰鮮味，就整到勁咸！少辣得個咸字大辣就直接係雞上面加辣椒粉，一食落去就係 辣還辣 雞還雞以一間雞煲黎講，可以話係絕對失敗！第二 無與倫比牛！ 我可以話係新鮮有牛味！但係。。好厚好硬好瘦。。完全冇想翻飛再食既感覺第三 選擇既其他配料少 有啲要叫侍應叫第四 魚生好麻麻 希望唔好再搞其實都有好既地方就係 海鮮好新鮮餃子同魚滑好食。蒸海鮮都OK既總括黎講 連埋折就人均320蚊，只可以講，可以有更好既選擇囉…Read More

又一間高質海鮮、任食雞煲、火鍋放題仲有手切牛頸脊😍 一開頭會有四款任食小食，比大家未等齊人嘅時候過下口癮食住先🫢 等人齊就可以上刺身拼盤啦刺身拼盤🐙：刺身有四款分別係北寄貝、墨魚、三文魚、八爪魚，質素正常蒸海鮮拼盤🐟：限每人一款海鮮，包括扇貝、青口、鮑魚、蜆，幾新鮮，中間仲有蒜蓉撈薯粉，好豐富😎雞煲：有唔同辣度供選擇🌶️，我哋今次就揀左唔辣平時食開辣雞煲，估唔到唔辣嘅都幾好食，醬汁一樣惹味， 雞件又唔會過老👍🏻 另外芫荽係分開上嘅，唔食芫荽嘅朋友仔都唔使驚火鍋🍲：任食火鍋配料同埋多款湯底比大家選擇總共有八款湯底🍲，我哋就揀左花膠老雞金湯，不過依款湯底要提早一日預訂所有邊爐料都係任食，牛頸脊肉味香濃有咬口，不過記住唔好煮咁耐另外海鮮盤有蝦、蠔、蜆、仲有我哋最愛嘅脆鯇腩，全部都好新鮮墨魚滑蝦滑勁好食😍，鮮甜嘅墨魚味仲要好彈牙自助區仲有好多火鍋料，包括響鈴，炸魚皮、唔同種類嘅丸、餃子、多款蔬菜、麵類等等酒精以外嘅飲品都係任飲嘅~ 以依個質素黎講我地會encore! …Read More

今日嚟到陌生嘅佐敦，全因為朋友早排食過返尋味，話叫我哋一定要試吓倫哥雞煲火鍋喎！店舖位於廟街牌坊斜對面，好易搵。店內空間唔算大，枱與枱距離較近。好在今日係平日，而且早咗嚟，店內人唔多，坐得都好舒服。坐低先嚟雞煲，再嚟就係花膠老雞金湯（打邊爐）加海鮮任食。阿嬤雞煲雞煲揀咗BB辣，少麻少辣，味道剛好，醬香味濃。雞肉厚身，啖啖肉。忍唔住一嚿接一嚿，因為要留肚食和牛＋海鮮，唯有手停口停。自選湯底：花膠老雞金湯未落料先飲湯係常識啦！湯底好鮮好甜，花膠有2-3件，唔算厚身大嚿，象徵式咁啦！雞肉熬完湯已經冇乜味，有啲柴。湯底用嚟打邊爐，基本已經夠味，唔駛再醮醬料。帝皇蒸海鮮三式有蒸扇貝、鮑魚、大蜆（可選蒜蓉或剁椒），按人頭每人一隻。海鮮新鮮，蒜蓉清蒸最原汁原味。無與倫比牛頸脊 和牛雪花均勻，淥三、四下就食得，肉質鮮嫰，仲可以無限添加。列國刺身拼盤有三文魚、北寄貝、魷魚、中華沙律。三文魚、北寄貝切得好厚身，啖啖滿足。環球海鮮盤有海蝦、青口、脆肉鯇、大蜆、魷魚，用嚟打邊爐嘅。當中海蝦，脆肉鯇最新鮮，亦可以無限添加。自助吧同一般嘅邊爐放題一樣，有蔬菜、雲吞、水餃、丸類、牛栢葉、鵝腸、麵類、響鈴、炸魚皮等等。特別之處係佢嘅飲品，大部分係自家製嘅涼茶，健康飲品（如：檸檬薏米、五花茶、洛神花茶……），另外仲有其他罐裝飲品，種類繁多。總結一下，倫哥火鍋整體嚟講，性價比高，啱晒男女老幼嚟聚餐，海鮮、雞、牛，總有一款啱你口味。…Read More

邊爐加火鍋85折後1位$337，4位以上有魚生及蒸海鮮送，幾扺食！雞煲的雞肉比較嫩口！火鍋揀左花膠老雞金湯，係需要提早預訂㗎！湯底味濃 唔洗點醬都得！隨火鍋上的蝦又大隻又鮮甜！值得一試☺️☺️…Read More

雞煲火鍋放題*Time : Jul 2023, Dinner*Price : $348-HKD / 人*Place : 倫哥尊尚火鍋私房菜*Review : 台式火鍋放題食得多，今次食返港底。- 蒸海鮮盤：賣相好，夠晒誇張，這是8人份量，鮑魚及凡立貝也很鮮味，其他味道上妥當，每什麼不好的地方- 刺身 ： 份量不錯，當然，這個價錢也不可能要求內容有多豪華，不過不失- 雞煲 ：上檯時雞肉幾乎是生的，所以要煮耐一點，不過雞肉又大又厚而且很入味，相當好吃- 燉雞湯底 ： 湯的味道清淡，在火鍋前可以試試，用料十足，約乎是一隻雞的份量，雞肉也好吃- 手切牛 ： 好吃，很有牛味，每一片都很簿，沾一點湯很快可以吃，而且這是放題整體好評，一次過滿足吃雞煲，蒸海鮮及火鍋，價格不高，性價比好…Read More

倫哥尊尚火鍋私房菜是一家令人驚艷的火鍋餐廳。他們以專業的服務和精緻的料理聞名。首先，餐廳的用餐環境非常雅致，營造出舒適的氛圍。服務人員專業有禮，總是熱心地為客人提供建議和服務。其次，他們的火鍋食材新鮮豐富，品質一流。肉類嫩滑多汁，海鮮鮮美鮮甜，蔬菜新鮮爽脆，讓人愛不釋手。他們還提供了各種美味的湯底選擇，滿足了不同口味的需求。總的來說，倫哥尊尚火鍋私房菜是一家專業且令人滿意的火鍋餐廳。…Read More

從未食過咁難食嘅火鍋放題，員工服務態度差，一開始食雞煲嘅時候就話每2分鐘要反轉一次，要返四次，照做之後，雞還未熟，員工就張一個鑊鏟係咁將啲雞篤爛先至睇熟唔熟，睇到都唔想食，之後上清蒸海鮮拼盤，清蒸貝殼海鮮熟到硬，粉絲浸唔林，仲要有噏未，最後到食火鍋，牛肩脊係幾新鮮，不過一碟就得十件到。咁唯有再叫多一碟，點知個員工攞出嚟，之前嗰一碟還未食完，睇都唔睇就將新的一碟放在舊的碟上，好像完全不當一回事就行開，咁嘅態度，完全不理會客人感受。俾我一定唔會回頭再幫襯。簡直係垃圾火鍋店。…Read More

由於有一段時間都冇出去食野，一時之間又想食下海鮮放題，所以喺網上搵來搵去，偶然搵到呢間倫哥私房菜，本身呢間舖頭嘅資料相當少，但係見喺佢嘅社交平台上面有佢嘅五周年宣傳海報，寫埋海鮮無限任食，而且價錢又相對地公道，所以即管去試一試佢，但估唔到竟然係呢幾年嚟數一數二不似預期嘅一次飲食體驗本身order咗一個晚市兩小時任食套餐，雖然早咗少少，但係去到都依然有得即刻入去坐低order，轉眼間就上咗個任食雞煲同四碟餐前小菜，本身感覺良好，但由佢一開始嗰陣時冇擺低張單開始覺得奇怪，因為一般來講依家啲放題都普遍係用QR code落call，要靠張單上有QR code先知有咩食，但竟然冇比，已經feel到伏伏地。雞煲叫左BB辣，無可置疑個雞杯係好食嘅啲雞好嫩滑彈牙，味道都非常入味，但係一開始店員冇講話要煲幾耐，亦冇提及到要2分鐘轉佢一次，所以第一煲係唔熟嘅，我覺得店員應該一開始講要煮幾耐同埋每隔幾耐轉一次，冇計時器都算，食到第二部佢先講呢番說話感覺太遲。食咗兩個煲之後，就上咗蒸海鮮盤，講真啲海鮮其實冇咩味，最好味嘅竟然係入邊中間粉絲底嘅一粒小番薯😂再黎打邊爐，湯底選擇認真少仲要係相當平凡：芫荽皮蛋，蕃茄湯底，清湯底，麻辣湯底。仲要個鍋係超級大，要起啲湯底用咗好多時間，仲有同時上左冰鮮海鮮盤，裏面有大海蝦，蠔，蜆同海斑塊，見佢上枱嗰刻d冰已經係溶溶地，d海鮮睇落唔太新鮮就最終都冇掂過。仲有個任食嘅牛頸脊同埋蝦滑墨魚滑：個牛頸脊都相當鞋下，蝦滑同墨魚滑有啲腥腥地，所以試咗兩粒都冇再試。由於終於到咗打邊爐時間，我諗起個QR code都仲未俾我，所以就問咗店員有冇QR code落call 㗎，店員好爽快咁話嗰邊個位任食櫃裏面嘅就係所有可以任食嘅材料，我當堂眼都突埋真係幾震撼，成3百蚊一位就食呢d？除左芋頭牛丸幾有特色外，全部都係148放題既貨色肉類仲要得豬肉簿片，個poster上指既海鮮放題唔會係講緊個任食蝦滑吧？我真心冇試過去到打邊爐係企左係度唔知食咩仲要想早走既，但就真係有呢種感覺，非常物非所值。最後飲品區既杯裝飲品幾ok，仲有雪糕係Movenpick一客，但比打邊爐部分打沉左既心情已經補唔番。最後補充，現場嘅抽氣系統相當欠缺，整雞煲果刻周圍檯檯勁大煙仲要煲燶咗嗰啲勁刺鼻同喉嚨咳到死。建議裝下抽氣喉仲有個洗手間都幾污糟，洗手盆都係爛左嘅。整體黎講冇下次👋👋👋…Read More

第二次嚟呢度打邊爐，建議喺WhatsApp訂咗位先去。佢會問定你想揀咩湯底如果想揀花膠老雞金湯就要預先係whatsapp訂左先。一坐低佢會先上左刺身先，啲刺身好新鮮，如果可以無限添就更加好啦！之後仲幫我哋蒸左唔同種類嘅海鮮：蟶子、鮑魚、粉絲蒸扇貝，我同屋企人都非常之滿足，而且都仲大讚佢哋好新鮮仲大大隻、好有鮮味！之後就叫咗打邊爐，大家可以主攻食非寫紙既牛肉，而係就咁叫waiter泥，口講落單嘅牛肉會比較好食！我覺得打邊爐嘅種類唔算好多，但係都好夠食，而且每一樣嘅嘢食都差唔多，唔會話有幾樣特別難食，所以我覺得喺呢度食都算唔錯。價錢每位三百幾蚊埋單，我覺得好抵食，除咗打邊爐仲有蒸海鮮同埋刺身食，一次過滿足晒幾個願望，屋企人想食刺身嘅，佢哋都可以食到每個人都食得好盡興同好豐盛！…Read More

同兩個有前世今生既巴打食生日飯，一個想食雞煲，一個想打邊爐，我就想食海鮮。爭咩呀爭，溝埋一齊喇笨！最黎我就帶大家黎有公司飯堂之稱既倫哥喇！一開波就上左個雞煲，跟手再比埋刺身拼盤。雞煲食到咁上下再加雞，個蒜蓉蒸海鮮就上檯喇！食雞煲都食到飽咁濟，咁就轉打邊爐喇。揀好湯底好快就到喇！跟手又有個打邊爐既海鮮拼盤上埋檯。咁多野真係好難唔飽！最後last order後再上個movenpick 雪糕作結！完美！味道 5/51、刺身得一round，正常發揮，份量隨人數而有增減。2、蒸海鮮都係得一round，沒有到好驚艷，但好食！3、雞煲可揀大中小辣同無辣，無限次添加是個重點！雞煲上桌後要炒3-4次以確保煮熟。雞件入味嫩滑，無咩挑剔。4、最後就係邊爐，食到呢part大家都飽咁濟，淥下海鮮同菜就結了！環境 4/5地方夠大，有格局，有裝飾，座位都舒適，冷氣夠。服務 5/5侍應唔多，但要搵人一定搵到。有侍應見我地開初唔太識炒雞，主動教同幫手炒！衛生 4/5沒什麼特別好說！抵食 5/5本身就$348加一，但撞正端午節要加$20。但係乜都有咁濟，還求什麼？！…Read More