喜記避風塘炒辣蟹 (謝斐道)

週末期間，一心到此吃馳名的避風塘炒蟹。午後走進餐廳，蠻有舊式中餐廳的韻味，墙上更見到蔡瀾提的一手好字。一客二人套餐外另叫的椒鹽瀨尿蝦，先叫先上，香味沒法擋！蝦肉吸盡椒鹽味，蝦肉大舊而爽，部份殼更脆到食了入口！醉鮑魚超級爽彈，一夾而二，趁以日式芥末豉油，美味。豉椒炒蜆帶點昔日的情懷，鹹香夠獲氣，而蜆肉一點也不老。一碟下酒佳品九肚魚拼白飯魚，無需蘸汁已經超級夠味，一點也不腥，脆卜卜一口一條，必然要一支青島朋友啤一啤！重中之重避風塘炒辣蟹，未食已聞到陣陣香氣氛撲鼻而上，無法不迷！炸過的蟹香口不已，肉質仍保持鮮甜，炒蟹的高手！貌似一碟普通的豉油皇炒麵，詎料一吃之下竟然透出啖啖蟹香，殊不簡單；麵條條條分明，相當乾爽，另外一絕。店方上菜速度很快，坐著的時候還聽到後鑊的炒菜聲，果真即炒即出！…查看更多

喺香港想食正宗炒辣蟹，一諗就諗到呢間老字號《喜記避風塘炒辣蟹》！佢哋咁多年喺香港都屹立不倒，除咗遊客鍾意其實我哋本地人都好鐘意食😋 每次去到都滿座，一定要訂位！推薦佢地嘅招牌避風塘炒辣蟹同椒鹽特大瀨尿蝦 ❀招牌醉鮑魚 必食招牌醉鮑魚，好大隻！肉質彈呀又夠入味！❀招牌避風塘炒辣蟹（特大蟹）嚟呢度一定要食招牌炒辣蟹！我鍾意食避風塘風味，夠乾身又香，我哋揀咗特大蟹，真係好大隻！啖啖肉！即係又夠新鮮肉質又結實！❀清蒸海斑魚揀咗用傳統嘅清蒸方法蒸海斑魚，魚肉鮮嫩，味道鹹甜適中保留魚嘅鮮味！❀椒鹽特大瀨尿蝦 瀨尿蝦我都係鍾意食瀨尿蝦王！都係啖啖肉！呢度嘅特大瀨尿蝦真係好大隻，有我前臂咁長😂🫶🏻 一樣係好新鮮！❀蒜蓉粉絲蒸聖子皇蟶子皇就揀咗用蒜蓉粉絲蒸，大隻彈牙無沙，蒜蓉粉絲吸收晒精華同埋豉油超好食！食物新鮮，服務都好好！會再黎！…查看更多

今日同老婆路經銅鑼灣，兩隻細響婆婆屋企，我一於去食餐好嘅。今日去咗老字號喜記避風塘炒蟹，裝修古色古香，入到去仲有好大幅蟹圖。鍾意佢啲我竹藤燈罩同紙燈籠，食落都好有氣氛。椒鹽炒蟹要依道菜在之前，店員問我哋食唔食得辣？我哋最後決定都係嗌小辣。避風塘炒蟹送來時香氣四溢，炒得好有鑊氣。炒蒜多到好似堆左座小山丘，啱晒鍾意食蒜嘅我。響炒蒜裏面搵返啲蟹，蟹肉新鮮甜美，加埋炒蒜食，變得非常惹味，叫小辣，真係剛剛好。🤭蒜蓉白菜仔白菜仔好新鮮。食完重味嘅蟹，要食返新鮮蔬菜，解一解辣同膩。濕蒜炒菜，十分美味，同乾炒蒜比，係另一種美味。醉鮑魚鮑魚夠大隻，酒味香濃，食落鮮甜又彈牙，正！…查看更多

今晚約左班朋友一齊慶祝生日，但宜家唔係好多間食店可以一枱6人，剛剛問到一間可以，而且好耐冇食過一於再去回味吓，大家就決定去呢間食一餐慶祝。呢間最出名就係炒辣蟹，除左叫左招牌喜記炒辣蟹、皮蛋青瓜、椒鹽賴尿蝦、豉椒炒大蟶子皇、鹹菜豬肚湯、西蘭花一口牛和醉鮑魚招牌喜記炒辣蟹：賣相好吸引，辣椒和炸蒜香味撲鼻，肉質結實，啖啖肉，每次食唔晒d炸蒜都打包返屋企留返煮麵用，非常惹味皮蛋青瓜：皮蛋入囗甘香好creamy，配埋青瓜一齊食，減低個黏口感覺椒鹽賴尿蝦：size有支筷子噤長，外殼炸到脆咯咯，蝦肉軟滑彈牙豉椒炒大蟶子皇：豉椒炒好惹味，蟶子皇鮮甜爽囗鹹菜豬肚湯：入囗美味，鹹菜鹹度足夠，豬肚冇壓味西蘭花一口牛：西蘭花碧綠鮮嫩，牛肉size切得剛剛好，一啖一囗醉鮑魚：鮑魚入囗彈牙，吸收晒個酒香上湯浸水蜆：蜆肉鮮甜，粉絲索左個上湯更加美味…查看更多